ਸਾਬਕਾ ਭਾਰਤੀ ਕ੍ਰਿਕਟਰ ਸੰਜੇ ਬਾਂਗੜ ਦੇ ਬੇਟੇ ਆਰੀਅਨ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ ਹੈ, ਜਿਸ ਰਾਹੀਂ ਉਸ ਬਾਰੇ ਇਕ ਦਿਲਚਸਪ ਗੱਲ ਸਾਹਮਣੇ ਆਈ ਹੈ। ਇਹ ਵੀਡੀਓ ਉਸ ਦੇ ਹਾਰਮੋਨਲ ਪਰਿਵਰਤਨ ਯਾਤਰਾ ਦਾ ਹੈ।
ਸਿੱਧੇ ਸ਼ਬਦਾਂ ਵਿਚ, ਜੋ ਵੀਡੀਓ ਸਾਹਮਣੇ ਆਇਆ ਹੈ, ਉਸ ਵਿਚ ਬਾਂਗੜ ਦੇ ਬੇਟੇ ਆਰੀਅਨ ਦੇ ਲੜਕੇ ਤੋਂ ਲੜਕੀ ਵਿਚ ਤਬਦੀਲ ਹੋਣ ਦਾ ਖੁਲਾਸਾ ਹੋਇਆ ਹੈ। 10 ਮਹੀਨੇ ਦੀ ਸਰਜਰੀ ਤੋਂ ਬਾਅਦ ਆਰੀਅਨ ਹੁਣ ਅਨਾਇਆ ਬਣ ਗਿਆ ਹੈ।
ਪਿਤਾ ਵਾਂਗ ਕ੍ਰਿਕਟਰ
ਆਰੀਅਨ ਬਾਂਗੜ ਵੀ ਆਪਣੇ ਪਿਤਾ ਵਾਂਗ ਹੀ ਕ੍ਰਿਕਟਰ ਹੈ। ਉਹ ਇੱਕ ਖੱਬੇ ਹੱਥ ਦਾ ਬੱਲੇਬਾਜ਼ ਹੈ ਅਤੇ ਇੱਕ ਸਥਾਨਕ ਕ੍ਰਿਕਟ ਕਲੱਬ, ਇਸਲਾਮ ਜਿਮਖਾਨਾ ਲਈ ਕ੍ਰਿਕਟ ਖੇਡਦਾ ਹੈ। ਇਸ ਤੋਂ ਇਲਾਵਾ ਉਸ ਨੇ ਲੈਸਟਰਸ਼ਾਇਰ ਦੇ ਹਿਨਕਲੇ ਕ੍ਰਿਕਟ ਕਲੱਬ ਲਈ ਵੀ ਕਾਫੀ ਦੌੜਾਂ ਬਣਾਈਆਂ ਹਨ।
ਪਰ ਜਦੋਂ ਤੋਂ ਉਹ ਕੁੜੀ ਬਣੀ ਹੈ, ਲੱਗਦਾ ਹੈ ਕਿ ਉਨ੍ਹਾਂ ਨੇ ਆਪਣਾ ਕਰੀਅਰ ਵੀ ਬਦਲ ਲਿਆ ਹੈ। ਅਨਾਇਆ ਬਾਂਗਰ ਦੇ ਇੰਸਟਾਗ੍ਰਾਮ ਪ੍ਰੋਫਾਈਲ ਦੇ ਬਾਇਓ ‘ਚ ਲਿਖਿਆ ਹੈ ਕਿ ਉਹ ਕ੍ਰਿਕਟਰ ਹੋਣ ਦੇ ਨਾਲ-ਨਾਲ ਡਿਜ਼ਾਈਨਰ ਵੀ ਹੈ। ਲੱਗਦਾ ਹੈ ਕਿ ਹੁਣ ਅਨਾਇਆ ਕ੍ਰਿਕਟ ਛੱਡ ਕੇ ਡਿਜ਼ਾਈਨਿੰਗ ‘ਚ ਆਪਣਾ ਕਰੀਅਰ ਬਣਾਏਗੀ।
- First Published :
