SSP ਵੱਲੋਂ ਦੋ ਥਾਣੇਦਾਰਾਂ ਤੇ DSP ਸਣੇ 24 ਪੁਲਿਸ ਮੁਲਾਜ਼ਮ ਸਸਪੈਂਡ, ਸਾਰਾ ਥਾਣਾ ਹੋਇਆ ਖਾਲੀ
ਰਾਜਸਥਾਨ ਦੇ ਫਲੋਦੀ ਵਿਚ ਬਲਾਤਕਾਰ ਦੇ ਮੁਲਜ਼ਮ ਨੇ ਥਾਣੇ ਦੇ ਅੰਦਰ ਖੁਦਕੁਸ਼ੀ ਕਰ ਲਈ, ਜਦੋਂ ਇਹ ਮਾਮਲਾ ਅਧਿਕਾਰੀਆਂ ਤੱਕ ਪਹੁੰਚਿਆ ਤਾਂ ਹੜਕੰਪ ਮਚ ਗਿਆ। ਥਾਣੇ ਵਿਚ ਇੰਨੀ ਗਿਣਤੀ ਵਿਚ ਪੁਲਿਸ ਕਰਮਚਾਰੀਆਂ ਦੀ ਮੌਜੂਦਗੀ ਦੇ ਬਾਵਜੂਦ ਮੁਲਜ਼ਮ ਨੇ ਪਰਨੇ ਨਾਲ ਫਾਹਾ ਲੈ ਲਿਆ, ਇਹ ਮਾਮਲਾ ਸਾਹਮਣੇ ਆਉਂਦੇ ਹੀ ਹੰਗਾਮਾ ਹੋ ਗਿਆ। ਸੂਚਨਾ ਮਿਲਦੇ ਹੀ ਫਲੋਦੀ ਦੀ ਐਸਪੀ ਪੂਜਾ ਅਵਾਨਾ ਵੀ ਥਾਣੇ ਪਹੁੰਚ ਗਈ ਅਤੇ ਅਜਿਹੀ ਕਾਰਵਾਈ ਕੀਤੀ ਕਿ ਪੂਰਾ ਥਾਣਾ ਖਾਲੀ ਹੋ ਗਿਆ।
ਐਸਪੀ ਪੂਜਾ ਅਵਾਨਾ ਨੇ ਦੇਚੂੰ ਥਾਣੇ ਵਿੱਚ ਤਾਇਨਾਤ ਸਾਰੇ 24 ਪੁਲਿਸ ਮੁਲਾਜ਼ਮਾਂ ਨੂੰ ਸਸਪੈਂਡ ਕਰ ਦਿੱਤਾ। ਸਾਰਾ ਥਾਣਾ ਖਾਲੀ ਹੋ ਗਿਆ। ਹੁਣ ਸਾਰੇ ਸਟਾਫ਼ ਦੀ ਥਾਂ ਹੋਰ ਸਟਾਫ਼ ਲਾਇਆ ਜਾਵੇਗਾ। ਇਸ ਮਾਮਲੇ ਨੂੰ ਲੈ ਕੇ ਨਾ ਸਿਰਫ਼ ਪੁਲਿਸ ਵਾਲਿਆਂ ਨੂੰ ਦੋਸ਼ੀ ਠਹਿਰਾਇਆ ਗਿਆ, ਸਗੋਂ ਐਸਪੀ ਨੇ ਡੀਐਸਪੀ ਨੂੰ ਵੀ ਨਹੀਂ ਬਖਸ਼ਿਆ। ਜਾਂਚ ਵਿੱਚ ਲਾਪ੍ਰਵਾਹੀ ਕਾਰਨ ਡੀਐਸਪੀ ਨੂੰ ਵੀ ਮੁਅੱਤਲ ਕਰ ਦਿੱਤਾ ਗਿਆ ਸੀ।
ਇਸ ਮਾਮਲੇ ਵਿੱਚ ਕਾਰਵਾਈ ਕੀਤੀ ਹੈ
3 ਅਕਤੂਬਰ ਨੂੰ ਦੇਚੂੰ ਥਾਣੇ ‘ਚ ਬਲਾਤਕਾਰ ਦੇ ਦੋਸ਼ੀ ਨੇ ਖੁਦਕੁਸ਼ੀ ਕਰ ਲਈ ਸੀ। ਪੁਲਿਸ ਨੇ ਮੁਲਜ਼ਮ ਨੂੰ ਲਾਕਅੱਪ ਵਿੱਚ ਰੱਖਣ ਦੀ ਬਜਾਏ ਕੰਪਿਊਟਰ ਰੂਮ ਵਿੱਚ ਹੀ ਰੱਖਿਆ ਹੋਇਆ ਸੀ। ਉੱਥੇ ਮੌਕਾ ਮਿਲਦੇ ਹੀ ਦੋਸ਼ੀ ਨੇ ਖਿੜਕੀ ਨਾਲ ਫਾਹਾ ਲੈ ਲਿਆ। ਇਸ ਤੋਂ ਬਾਅਦ ਮੁਲਜ਼ਮ ਦੇ ਪਰਿਵਾਰਕ ਮੈਂਬਰਾਂ ਨੇ ਲਾਸ਼ ਲੈਣ ਤੋਂ ਇਨਕਾਰ ਕਰ ਦਿੱਤਾ ਅਤੇ ਮੁਆਵਜ਼ੇ ਅਤੇ ਪੁਲਿਸ ਮੁਲਾਜ਼ਮਾਂ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕਰਨੀ ਸ਼ੁਰੂ ਕਰ ਦਿੱਤੀ। ਇਸ ਤਹਿਤ ਆਈ.ਪੀ.ਐਸ ਨੇ ਕਾਰਵਾਈ ਕਰਦੇ ਹੋਏ ਪੂਰੇ ਥਾਣੇ ਦੇ ਸਟਾਫ ਨੂੰ ਲਾਈਨ ਵਿਚ ਲਗਾ ਦਿੱਤਾ।
ਇਸ ਕਾਰਵਾਈ ਵਿੱਚ ਐਸਆਈ ਦਾਊਦ ਖਾਨ, ਏਐਸਆਈ ਧੰਨਾਰਾਮ, ਹੈੱਡ ਕਾਂਸਟੇਬਲ ਭਗੀਰਥ, ਕਾਂਸਟੇਬਲ ਬਾਬੂਰਾਮ, ਰਾਮਨਾਰਾਇਣ, ਅਸ਼ੋਕ ਕੁਮਾਰ, ਮੰਗਾਰਾਮ, ਦੀਦਾਰਾਮ, ਕਮਲ ਕਿਸ਼ੋਰ, ਰਾਕੇਸ਼ ਕੁਮਾਰ ਮੀਨਾ, ਸੀਤਾਰਾਮ, ਸੰਤੋਸ਼ ਕੁਮਾਰ, ਖੁਮਾਰਾਮ, ਗਿਰਧਾਰੀਰਾਮ, ਓਮ ਪ੍ਰਕਾਸ਼, ਸ਼ਰਵਣ ਕੁਮਾਰ, ਕਮਲੇਸ਼ , ਤੁਲਚਾਰਾਮ, ਮੰਗੀਲਾਲ, ਬੇਬੀ ਦੇਵੀ, ਮੁਕੇਸ਼ ਕੁਮਾਰ, ਦੇਵਰਾਮ ਅਤੇ ਕਮਲ ਕਿਸ਼ੋਰ ਨੂੰ ਸਸਪੈਂਡ ਕਰ ਦਿੱਤਾ।
