21ਵੀਂ ਸਦੀ ਦੇ ਬਾਬਾ ਵਾਂਗਾ ਅਤੇ ਨਾਸਤ੍ਰੇਦਮਸ ! ਟਰੰਪ ‘ਤੇ ਹਮਲੇ ਤੋਂ ਲੈ ਸਮੁੰਦਰੀ ਦੁਰਘਟਨਾ ਤੱਕ…ਸੱਚ ਸਾਬਤ ਹੋਈਆਂ ਭਵਿੱਖਬਾਣੀਆਂ
ਬਾਬਾ ਵਾਂਗਾ ਨੂੰ ਦੁਨੀਆ ਦੇ ਸਭ ਤੋਂ ਸਹੀ ਭਵਿੱਖਬਾਣੀ ਕਰਨ ਵਾਲਿਆਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਉਨ੍ਹਾਂ ਨੇ 9/11 ਦੇ ਹਮਲੇ, ਸੋਵੀਅਤ ਸੰਘ ਦੇ ਟੁੱਟਣ ਅਤੇ 2004 ਦੀ ਸੁਨਾਮੀ ਵਰਗੀਆਂ ਘਟਨਾਵਾਂ ਦੀ ਭਵਿੱਖਬਾਣੀ ਕੀਤੀ ਸੀ। ਹੁਣ ਹੈਮਿਲਟਨ-ਪਾਰਕਰ ਵੀ ਉਸੇ ਰਸਤੇ ‘ਤੇ ਚਲਦੇ ਦਿੱਖ ਰਹੇ ਹਨ। ਬ੍ਰਿਟੇਨ ਦੇ ਕ੍ਰੇਗ ਹੈਮਿਲਟਨ-ਪਾਰਕਰ ਨੂੰ “ਨਵਾਂ ਨਾਸਤ੍ਰੇਦਮਸ ” ਅਤੇ ” ਪ੍ਰਾਫੇਟ ਆਫ ਡੂਮ” ਕਿਹਾ ਜਾਂਦਾ ਹੈ। ਹਾਲ ਹੀ ਵਿੱਚ ਉਨ੍ਹਾਂ ਨੇ ਇੱਕ ਸਮੁੰਦਰੀ ਹਾਦਸੇ ਦੀ ਭਵਿੱਖਬਾਣੀ ਕੀਤੀ ਸੀ, ਜੋ ਹੈਰਾਨੀਜਨਕ ਤੌਰ ‘ਤੇ ਸੱਚ ਸਾਬਤ ਹੋਈ।
ਸਮੁੰਦਰੀ ਦੁਰਘਟਨਾ ਦੀ ਭਵਿੱਖਬਾਣੀ…
4 ਮਾਰਚ ਨੂੰ ਆਪਣੇ ਯੂਟਿਊਬ ਵੀਡੀਓ ਵਿੱਚ, ਕ੍ਰੇਗ ਹੈਮਿਲਟਨ-ਪਾਰਕਰ ਨੇ ਕਿਹਾ, “ਮੈਨੂੰ ਅਜਿਹਾ ਲੱਗ ਰਿਹਾ ਹੈ ਕਿ ਇੱਕ ਜਹਾਜ਼ ਮੁਸੀਬਤ ਵਿੱਚ ਪੈਣ ਵਾਲਾ ਹੈ। ਇਹ ਇੱਕ ਤੇਲ ਟੈਂਕਰ ਹੋ ਸਕਦਾ ਹੈ। ਮੈਨੂੰ ਇਸ ਵਿੱਚ ਕਿਸੇ ਤਰ੍ਹਾਂ ਦੇ ਪ੍ਰਦੂਸ਼ਣ ਦਾ ਸੰਕੇਤ ਵੀ ਮਿਲ ਰਿਹਾ ਹੈ। ਉਨ੍ਹਾਂ ਦਾ ਇਹ ਦਾਅਵਾ ਸਿਰਫ਼ ਇੱਕ ਹਫ਼ਤੇ ਬਾਅਦ ਸੱਚ ਸਾਬਤ ਹੋਇਆ।
11 ਮਾਰਚ ਨੂੰ, ਇੰਗਲੈਂਡ ਦੇ ਤੱਟ ‘ਤੇ ਐਮਵੀ ਸੋਲੌਂਗ ਨਾਮਕ ਇੱਕ ਕਾਰਗੋ ਜਹਾਜ਼ ਐਮਵੀ ਸਟੇਨਾ ਇਮੈਕੁਲੇਟ ਨਾਮਕ ਇੱਕ ਅਮਰੀਕੀ ਤੇਲ ਟੈਂਕਰ ਨਾਲ ਟਕਰਾ ਗਿਆ। ਇਸ ਹਾਦਸੇ ਵਿੱਚ ਅੱਗ ਲੱਗ ਗਈ ਅਤੇ ਵੱਡੇ ਪੱਧਰ ‘ਤੇ ਬਚਾਅ ਕਾਰਜ ਚਲਾਉਣਾ ਪਿਆ। ਐਮਵੀ ਸੋਲੋਂਗ ਦੇ 13 ਚਾਲਕ ਦਲ ਦੇ ਮੈਂਬਰਾਂ ਨੂੰ ਬਚਾ ਲਿਆ ਗਿਆ, ਪਰ ਇੱਕ ਲਾਪਤਾ ਵਿਅਕਤੀ ਨੂੰ ਬਾਅਦ ਵਿੱਚ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਸਟੇਨਾ ਇਮੈਕੁਲੇਟ ਦੇ ਸਾਰੇ 23 ਚਾਲਕ ਦਲ ਦੇ ਮੈਂਬਰਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ।
ਹਾਦਸੇ ਤੋਂ ਬਾਅਦ ਗ੍ਰਿਫ਼ਤਾਰੀ ਅਤੇ ਵਾਤਾਵਰਨ ਖ਼ਤਰਾ…
ਹਾਦਸੇ ਤੋਂ ਬਾਅਦ, ਐਮਵੀ ਸੋਲੋਂਗ ਦੇ 59 ਸਾਲਾ ਰੂਸੀ ਕਪਤਾਨ ਨੂੰ “ਘੋਰ ਲਾਪਰਵਾਹੀ ਕਾਰਨ ਕਤਲ” ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਜਾਂਚ ਏਜੰਸੀਆਂ ਹਾਦਸੇ ਦੇ ਕਾਰਨਾਂ ਦੀ ਜਾਂਚ ਕਰ ਰਹੀਆਂ ਹਨ। ਜਹਾਜ਼ ਦੀ ਮੂਲ ਕੰਪਨੀ, ਅਰਨਸਟ ਰਸ, ਨੇ ਪੁਸ਼ਟੀ ਕੀਤੀ ਹੈ ਕਿ ਕਪਤਾਨ ਜਾਂਚ ਵਿੱਚ ਸਹਿਯੋਗ ਕਰ ਰਿਹਾ ਹੈ।
ਵਾਤਾਵਰਣ ਪ੍ਰੇਮੀਆਂ ਦੀਆਂ ਚਿੰਤਾਵਾਂ ਵੀ ਹੁਣ ਵੱਧ ਗਈਆਂ ਹਨ। ਓਸ਼ੀਆਨੂ ਯੂਕੇ ਵਰਗੇ ਸੰਗਠਨਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਟੈਂਕਰ ਤੋਂ 18,000 ਟਨ ਜੈੱਟ ਈਂਧਨ ਸਮੁੰਦਰ ਵਿੱਚ ਲੀਕ ਹੋ ਜਾਂਦਾ, ਤਾਂ ਇਹ ਸਮੁੰਦਰੀ ਜੀਵਾਂ ਅਤੇ ਮੱਛੀਆਂ ਲਈ ਵਿਨਾਸ਼ਕਾਰੀ ਹੋ ਸਕਦਾ ਸੀ।
ਪਹਿਲਾਂ ਵੀ ਸਹੀ ਭਵਿੱਖਬਾਣੀਆਂ ਕੀਤੀਆਂ ਜਾ ਚੁੱਕੀਆਂ ਹਨ।
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਕ੍ਰੇਗ ਹੈਮਿਲਟਨ-ਪਾਰਕਰ ਦੀਆਂ ਭਵਿੱਖਬਾਣੀਆਂ ਸੱਚ ਹੋਈਆਂ ਹਨ। ਜੁਲਾਈ 2024 ਵਿੱਚ, ਉਸਨੇ ਕਿਹਾ ਸੀ ਕਿ ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ‘ਤੇ ਹਮਲਾ ਹੋ ਸਕਦਾ ਹੈ। ਸਿਰਫ਼ ਦੋ ਦਿਨ ਬਾਅਦ, ਟਰੰਪ ‘ਤੇ ਇੱਕ ਘਾਤਕ ਹਮਲਾ ਹੋਇਆ।
ਇਸ ਤੋਂ ਇਲਾਵਾ, ਉਸਨੇ ਬ੍ਰਿਟੇਨ ਦੀ ਮਹਾਰਾਣੀ ਐਲਿਜ਼ਾਬੈਥ II ਦੀ ਮੌਤ ਅਤੇ ਕੋਵਿਡ-19 ਮਹਾਂਮਾਰੀ ਦੀ ਵੀ ਭਵਿੱਖਬਾਣੀ ਕੀਤੀ ਸੀ।
ਉਹ ਕਹਿੰਦਾ ਹੈ ਕਿ ਉਸਨੇ ਇਹ ਯੋਗਤਾ ਭਾਰਤ ਵਿੱਚ ਨਾੜੀ ਜੋਤਿਸ਼ ਰਾਹੀਂ ਵਿਕਸਤ ਕੀਤੀ। 20 ਸਾਲ ਦੀ ਉਮਰ ਵਿੱਚ ਆਪਣੀ ਭਾਰਤ ਫੇਰੀ ਦੌਰਾਨ, ਉਸਨੇ ਭਵਿੱਖਬਾਣੀ ਕਰਨ ਦੇ ਇਸ ਪ੍ਰਾਚੀਨ ਤਰੀਕੇ ਨੂੰ ਸਮਝਿਆ ਅਤੇ ਅੱਜ ਵੀ ਉਹ ਇਸ ਦੇ ਆਧਾਰ ‘ਤੇ ਆਪਣੀਆਂ ਭਵਿੱਖਬਾਣੀਆਂ ਕਰਦਾ ਹੈ।
