ਹਰ ਕੋਈ ਦੀਵਾਲੀ ਦੇ ਜਸ਼ਨਾਂ ਵਿੱਚ ਮਗਨ ਸੀ। 31 ਅਕਤੂਬਰ ਨੂੰ ਦਿੱਲੀ ਜਗਮਗਾਉਂਦੀਆਂ ਰੌਸ਼ਨੀਆਂ ਨਾਲ ਭਰ ਗਈ ਸੀ। ਕੋਈ ਪੂਜਾ-ਪਾਠ ਵਿਚ ਰੁੱਝੇ ਹੋਏ ਸਨ ਅਤੇ ਕੁਝ ਆਤਿਸ਼ਬਾਜ਼ੀ ਵਿਚ। ਹਰ ਕੋਈ ਆਪਣੇ-ਆਪਣੇ ਤਰੀਕੇ ਨਾਲ ਦੀਵਾਲੀ ਦਾ ਤਿਉਹਾਰ ਮਨਾ ਰਿਹਾ ਸੀ। ਆਕਾਸ਼ ਵੀ ਆਪਣੇ ਘਰ ਦੀਵਾਲੀ ਮਨਾ ਰਿਹਾ ਸੀ।
ਪਰ ਉਨ੍ਹਾਂ ਨੂੰ ਕੀ ਪਤਾ ਸੀ ਕਿ ਘਰ ਦੇ ਬਾਹਰ ਪਟਾਕੇ ਫੂਕਦੇ ਹੋਏ ਉਨ੍ਹਾਂ ਨੂੰ ਮੌਤ ਦਾ ਸਾਹਮਣਾ ਕਰਨਾ ਪਵੇਗਾ ? ਜੀ ਹਾਂ, ਦਿੱਲੀ ਦੇ ਸ਼ਾਹਦਰਾ ਇਲਾਕੇ ਵਿੱਚ ਦੀਵਾਲੀ ਦੀ ਰਾਤ ਇੱਕ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਵਾਪਰੀ। ਪਟਾਕਿਆਂ ਦੇ ਰੌਲਿਆਂ ਦਰਮਿਆਨ ਹਮਲਾਵਰਾਂ ਨੇ ਚਾਚੇ-ਭਤੀਜੇ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਘਰ ‘ਚ ਦੀਵਾਲੀ ਮਨਾ ਰਹੇ ਆਕਾਸ਼ ਨੂੰ ਅਪਰਾਧੀਆਂ ਨੂੰ ਸਾਰਿਆਂ ਦੇ ਸਾਹਮਣੇ ਗੋਲੀ ਮਾਰ ਦਿੱਤੀ ਇਸ ਗੋਲੀਬਾਰੀ ‘ਚ ਆਕਾਸ਼ ਅਤੇ ਉਸ ਦੇ ਭਤੀਜੇ ਰਿਸ਼ਭ ਦੀ ਮੌਤ ਹੋ ਗਈ ਹੈ। ਜਦਕਿ ਆਕਾਸ਼ ਪੁੱਤਰ ਕ੍ਰਿਸ਼ ਜ਼ਖ਼ਮੀ ਹੋ ਗਿਆ।
Farsh Bazaar double murder cctv
A man and his cousin shot dead while celebrating Diwali. #delhimurder #DelhiPolice #Delhicrime pic.twitter.com/Z8b4iFkS3f— Shehla J (@Shehl) November 1, 2024
ਸਭ ਤੋਂ ਪਹਿਲਾਂ ਇਹ ਜਾਣਦੇ ਹਾਂ ਕਿ ਆਖਿਰ ਇਹ ਕਤਲ ਕਿਵੇਂ ਹੋਇਆ ? ਦਿੱਲੀ ਵਿੱਚ ਦੋਹਰੇ ਕਤਲ ਦੀ ਗੁੱਥੀ ਸੁਲਝਾਉਣ ਲਈ ਦਿੱਲੀ ਪੁਲਿਸ ਨੂੰ ਸੀ.ਸੀ.ਟੀ.ਵੀ. ਫੁਟੇਜ ਹੱਥ ਲੱਗੀ। ਇਸ ਫੁਟੇਜ ਦੇ ਮੁਤਾਬਕ, ਆਕਾਸ਼ ਆਪਣੇ ਬੇਟੇ ਅਤੇ ਭਤੀਜੇ ਦੇ ਨਾਲ ਘਰ ਦੇ ਬਾਹਰ ਦੀਵਾਲੀ ਮਨਾ ਰਹੇ ਸਨ। ਬੱਚੇ ਪਟਾਕੇ ਚਲਾ ਰਹੇ ਸੀ। ਉਦੋਂ ਹੀ ਇਕ ਸਕੂਟਰ ‘ਤੇ ਦੋ ਬਦਮਾਸ਼ ਆਉਂਦੇ ਹਨ। ਇੱਕ ਉਸ ਸਕੂਟੀ ਤੋਂ ਉਤਰ ਕੇ ਖੜ੍ਹਾ ਹੋ ਜਾਂਦਾ ਹੈ। ਦੂਜਾ ਸਕੂਟਰ ‘ਤੇ ਬੈਠਾ ਰਹਿੰਦਾ ਹੈ। ਆਕਾਸ਼ ਜਦੋਂ ਆਪਣੇ ਬੱਚਿਆਂ ਨਾਲ ਪਟਾਕੇ ਚਲਾ ਰਿਹਾ ਸੀ ਤਾਂ ਹਮਲਾਵਰਾਂ ਵਿੱਚੋਂ ਇੱਕ ਨੇ ਉਸ ਦੇ ਪੈਰ ਛੂਹ ਕੇ ਕਿਹਾ- ਚਾਚਾ ਰਾਮ-ਰਾਮ। ਇਸ ਤੋਂ ਬਾਅਦ ਉਸ ਨੇ ਫਿਰ ਕਿਹਾ ਇਹੀ ਹੈ, ਗੋਲੀ ਮਾਰ ਦਿਓ, ਇਸ ਤੋਂ ਬਾਅਦ ਇਕ ਹਮਲਾਵਰ ਬੰਦੂਕ ਕੱਢ ਕੇ ਘਰ ਵਿਚ ਦਾਖਲ ਹੋ ਗਿਆ ਅਤੇ ਆਕਾਸ਼ ਦਾ ਕਤਲ ਕਰ ਦਿੱਤਾ।
ਹਮਲਾਵਰਾਂ ਨੇ ਵਾਰਦਾਤ ਨੂੰ ਕਿਵੇਂ ਦਿੱਤਾ ਅੰਜਾਮ ?
ਇਸ ਗੋਲੀਬਾਰੀ ‘ਚ ਆਕਾਸ਼ ਅਤੇ ਭਤੀਜੇ ਰਿਸ਼ਭ ਦੀ ਮੌਤ ਹੋ ਗਈ। ਹਮਲਾਵਰਾਂ ਨੇ ਘਰ ਦੇ ਪ੍ਰਵੇਸ਼ ਦੁਆਰ ‘ਤੇ ਹੀ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਪੁਲਿਸ ਦੀ ਮੰਨੀਏ ਤਾਂ ਇਸ ਵਾਰਦਾਤ ਵਿੱਚ ਹਮਲਾਵਰਾਂ ਨੇ ਕੰਟਰੈਕਟ ਕਿਲਿੰਗ ਦਾ ਸਹਾਰਾ ਲਿਆ ਹੈ। ਆਕਾਸ਼ ਨੂੰ ਗੋਲੀ ਮਾਰਨ ਤੋਂ ਬਾਅਦ ਇੱਕ ਗੋਲੀ ਘਰ ਦੇ ਅੰਦਰ ਮੌਜੂਦ ਉਸਦੇ ਪੁੱਤਰ ਕ੍ਰਿਸ਼ ਨੂੰ ਵੀ ਲੱਗੀ। ਉਹ ਘਰ ਦੇ ਅੰਦਰ ਸੀ। ਫਿਰ ਹਮਲਾਵਰ ਬਾਹਰ ਆਏ ਤਾਂ ਗਲੀ ਵੱਲ ਭੱਜਦੇ ਹੋਏ ਆਕਾਸ਼ ਦੇ ਭਤੀਜੇ ਰਿਸ਼ਭ ਨੇ ਹਮਲਾਵਰਾਂ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਸ ਨੂੰ ਗਲੀ ਵਿੱਚ ਗੋਲੀ ਮਾਰ ਦਿੱਤੀ ਗਈ। ਜੇਕਰ ਰਿਸ਼ਭ ਉਸ ਦੇ ਪਿੱਛੇ ਨਾ ਭੱਜਿਆ ਹੁੰਦਾ ਤਾਂ ਸ਼ਾਇਦ ਉਹ ਬਚ ਸਕਦਾ ਸੀ।
ਸੀਸੀਟੀਵੀ ਤੋਂ ਸਾਹਮਣੇ ਆਈ ਪੂਰਾ ਮਾਮਲਾ…
ਇਸ ਮਾਮਲੇ ਵਿੱਚ ਦਿੱਲੀ ਪੁਲਿਸ ਨੇ ਘਰ ਦੇ ਚਾਰ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਹਾਸਲ ਕੀਤੀ ਹੈ। ਇਸ ਤੋਂ ਇਲਾਵਾ ਆਸਪਾਸ ਦੇ ਸੀਸੀਟੀਵੀ ਕੈਮਰੇ ਦੀ ਫੁਟੇਜ ਵੀ ਲਈ ਗਈ ਹੈ। ਇਸ ਘਰ ਦੇ ਬਾਹਰ ਪਹਿਲਾਂ ਹੀ ਕਈ ਸੀਸੀਟੀਵੀ ਕੈਮਰੇ ਲਗਾਏ ਗਏ ਹਨ ਤਾਂ ਜੋ ਕਿਸੇ ਦੀ ਵੀ ਹਰਕਤ ਦਾ ਪਤਾ ਲਗਾਇਆ ਜਾ ਸਕੇ। ਪੁਲਿਸ ਨੇ ਸ਼ੱਕ ਜਤਾਇਆ ਹੈ ਕਿ ਇਹ ਘਟਨਾ ਕਿਸੇ ਰੰਜਿਸ਼ ਦੇ ਚੱਲਦਿਆਂ ਵਾਪਰੀ ਹੋ ਸਕਦੀ ਹੈ। ਮ੍ਰਿਤਕ ਆਕਾਸ਼ ਦੀ ਉਮਰ 40 ਸਾਲ ਅਤੇ ਭਤੀਜੇ ਰਿਸ਼ਭ ਦੀ ਉਮਰ 16 ਸਾਲ ਸੀ। ਗੋਲੀਬਾਰੀ ‘ਚ ਆਕਾਸ਼ ਪੁੱਤਰ ਕ੍ਰਿਸ਼ਨ ਜਿਸ ਦੀ ਉਮਰ 10 ਸਾਲ ਹੈ, ਜ਼ਖਮੀ ਹੋ ਗਿਆ।
ਦੋਹਰੇ ਕਤਲ ਦਾ ਕੀ ਮਕਸਦ ?
ਦਿੱਲੀ ਪੁਲਿਸ ਨੂੰ ਇਸ ਦੋਹਰੇ ਕਤਲ ਕਾਂਡ ਵਿੱਚ ਹੁਣ ਤੱਕ ਇੱਕ ਸਫਲਤਾ ਹੱਥ ਲੱਗੀ ਹੈ। ਪੁਲਿਸ ਨੇ ਇਕ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਫਰਸ਼ ਬਾਜ਼ਾਰ ਦੋਹਰੇ ਕਤਲ ਕਾਂਡ ਵਿੱਚ ਦਿੱਲੀ ਪੁਲੀਸ ਵੱਲੋਂ ਜਿਸ ਵਿਅਕਤੀ ਨੂੰ ਹਿਰਾਸਤ ਵਿੱਚ ਲਿਆ ਗਿਆ ਹੈ, ਉਸ ਦੀ ਉਮਰ 17 ਸਾਲ ਦੱਸੀ ਜਾ ਰਹੀ ਹੈ। ਕਿਉਂਕਿ ਉਹ 18 ਸਾਲ ਦਾ ਨਹੀਂ ਹੈ, ਇਸ ਲਈ ਉਸਦੀ ਪਛਾਣ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਮ੍ਰਿਤਕ ਦੇ ਪਰਿਵਾਰ ਵਾਲੇ ਮੁਲਜ਼ਮ ਨੂੰ ਪਹਿਲਾਂ ਤੋਂ ਜਾਣਦੇ ਸਨ। ਹਾਲਾਂਕਿ ਹੁਣ ਤੱਕ ਇਸ ਕਤਲ ਦੇ ਕਾਰਨਾਂ ਦਾ ਪਤਾ ਨਹੀਂ ਲੱਗ ਸਕਿਆ ਹੈ।
