ਮੈਟਾ-ਮਾਲਕੀਅਤ ਵਾਲਾ WhatsApp ਇੱਕ ਪ੍ਰਸਿੱਧ ਤਤਕਾਲ ਮੈਸੇਜਿੰਗ ਪਲੇਟਫਾਰਮ ਹੈ। ਇਸ ਦੇ ਪੂਰੀ ਦੁਨੀਆ ਵਿੱਚ ਲੱਖਾਂ ਰੋਜ਼ਾਨਾ ਐਕਟਿਵ ਯੂਜ਼ਰਸ ਹਨ। ਯੂਜ਼ਰਸ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ, ਵਟਸਐਪ ਆਪਣੇ ਪਲੇਟਫਾਰਮ ‘ਤੇ ਨਵੇਂ ਫੀਚਰ ਜੋੜਦਾ ਰਹਿੰਦਾ ਹੈ। ਹੁਣ WhatsApp ਨੇ ਇੱਕ ਨਵਾਂ ਫੀਚਰ ਲਾਂਚ ਕੀਤਾ ਹੈ, ਜਿਸ ਨਾਲ ਵਾਈਸ ਮੈਸੇਜ ਪੜ੍ਹਨਾ ਹੋਰ ਵੀ ਆਸਾਨ ਹੋ ਗਿਆ ਹੈ। ਵਟਸਐਪ ਨੇ ਆਪਣੇ ਬਲਾਗ ਪੋਸਟ ਰਾਹੀਂ ਇਸ ਫੀਚਰ ਦੀ ਜਾਣਕਾਰੀ ਦਿੱਤੀ ਹੈ। ਕੰਪਨੀ ਦੇ ਬਲਾਗ ਪੋਸਟ ਮੁਤਾਬਕ ਇਸ ਨੂੰ ਵਾਈਸ ਮੈਸੇਜ ਟ੍ਰਾਂਸਕ੍ਰਿਪਟ ਫੀਚਰ ਦਾ ਨਾਂ ਦਿੱਤਾ ਗਿਆ ਹੈ।
ਇਸ ਫੀਚਰ ਨੂੰ ਐਂਡ੍ਰਾਇਡ ਅਤੇ ਆਈਓਐਸ ਯੂਜ਼ਰਸ ਲਈ ਰੋਲਆਊਟ ਕੀਤਾ ਗਿਆ ਹੈ। ਇਹ ਫੀਚਰ ਉਨ੍ਹਾਂ ਯੂਜ਼ਰਸ ਲਈ ਫਾਇਦੇਮੰਦ ਹੈ ਜੋ ਵੌਇਸ ਮੈਸੇਜ ਨਹੀਂ ਖੋਲ੍ਹਣਾ ਚਾਹੁੰਦੇ ਹਨ। ਇਸ ਫੀਚਰ ਦੇ ਜ਼ਰੀਏ ਯੂਜ਼ਰ ਆਉਣ ਵਾਲੇ ਵਾਈਸ ਮੈਸੇਜ ਦੀ ਟ੍ਰਾਂਸਕ੍ਰਿਪਟ ਪੜ੍ਹ ਸਕਦੇ ਹਨ। ਇਹ ਟ੍ਰਾਂਸਕ੍ਰਿਪਟ ਸਿਰਫ ਵੌਇਸ ਮੈਸੇਜ ਪ੍ਰਾਪਤ ਕਰਨ ਵਾਲੇ ਯੂਜ਼ਰ ਨੂੰ ਦਿਖਾਈ ਦੇਵੇਗੀ। ਕੰਪਨੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਵੌਇਸ ਮੈਸੇਜ ਅਜੇ ਵੀ WhatsApp ਦੇ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ ਦੁਆਰਾ ਸੁਰੱਖਿਅਤ ਹਨ।
ਰੋਜ਼ਾਨਾ ਸੌਗੀ ਦਾ ਕਰੋ ਸੇਵਨ, ਕਮਜ਼ੋਰੀ ਹੋਵੇਗੀ ਦੂਰ
ਐਂਡਰਾਇਡ ਯੂਜਰ ਲਈ 5 ਭਾਸ਼ਾਵਾਂ ਵਿੱਚ ਉਪਲਬਧ ਹੈ ਵਿਸ਼ੇਸ਼ਤਾ
ਇਹ ਵਿਸ਼ੇਸ਼ਤਾ iOS ਯੂਜ਼ਰ ਲਈ ਕਈ ਭਾਸ਼ਾਵਾਂ ਵਿੱਚ ਉਪਲਬਧ ਹੈ, ਜਿਵੇਂ ਕਿ ਅੰਗਰੇਜ਼ੀ, ਫ੍ਰੈਂਚ, ਜਰਮਨ, ਇਤਾਲਵੀ, ਜਾਪਾਨੀ ਆਦਿ। ਐਂਡਰਾਇਡ ਯੂਜ਼ਰਸ ਲਈ, ਇਹ ਵਰਤਮਾਨ ਵਿੱਚ ਸਿਰਫ ਅੰਗਰੇਜ਼ੀ, ਸਪੈਨਿਸ਼, ਪੁਰਤਗਾਲੀ (ਬ੍ਰਾਜ਼ੀਲ), ਰੂਸੀ ਅਤੇ ਹਿੰਦੀ ਤੱਕ ਸੀਮਿਤ ਹੈ।
ਵਾਈਸ ਮੈਸੇਜ ਟ੍ਰਾਂਸਕ੍ਰਿਪਟ ਫੀਚਰ ਨੂੰ ਕਿਵੇਂ ਕਰੀਏ ਇਨੇਬਲ
ਸਭ ਤੋਂ ਪਹਿਲਾਂ WhatsApp ਨੂੰ ਅਪਡੇਟ ਕਰੋ।
ਇਸ ਤੋਂ ਬਾਅਦ ਐਪ ਨੂੰ ਓਪਨ ਕਰੋ ਅਤੇ ਸੈਟਿੰਗ ‘ਤੇ ਜਾਓ।
ਇੱਥੇ ਚੈਟਸ ਆਪਸ਼ਨ ‘ਤੇ ਟੈਪ ਕਰੋ ਅਤੇ Voice Message Transcripts ਲਈ ਟੌਗਲ ‘ਤੇ ਟੈਪ ਕਰੋ।
ਇਸ ਤੋਂ ਬਾਅਦ ਆਪਣੀ ਪਸੰਦ ਦੀ ਭਾਸ਼ਾ ਚੁਣੋ।
ਹੁਣ ਕਿਸੇ ਵੀ ਵੌਇਸ ਮੇਸੈਜ ‘ਤੇ ਟੈਪ ਕਰੋ ਅਤੇ ਹੋਲਡ ਕਰੋ ਅਤੇ ਟ੍ਰਾਂਸਕ੍ਰਿਪਸ਼ਨ ਸ਼ੁਰੂ ਹੋ ਜਾਵੇਗਾ।
