Personal Loan ਨਾ ਚੁਕਾਉਣ ‘ਤੇ ਬੈਂਕ ਕੀ ਕਾਰਵਾਈ ਕਰ ਸਕਦੈ ? ਜਾਣੋ ਤੁਹਾਨੂੰ ਕੀ-ਕੀ ਹੋ ਸਕਦੈ ਨੁਕਸਾਨ
Personal Loan- ਕਿਸੇ ਵੀ ਵਿਅਕਤੀ ਨੂੰ ਕਿਸੇ ਵੀ ਸਮੇਂ ਪੈਸੇ ਦੀ ਲੋੜ ਪੈ ਸਕਦੀ ਹੈ। ਜੇਕਰ ਅਚਾਨਕ ਪੈਸਿਆਂ ਦੀ ਜ਼ਰੂਰਤ ਪੈਂਦੀ ਹੈ ਅਤੇ ਤੁਹਾਡੇ ਕੋਲ ਨਹੀਂ ਹਨ ਅਤੇ ਨਾ ਹੀ ਤੁਸੀਂ ਕਿਸੇ ਦੋਸਤ ਜਾਂ ਰਿਸ਼ਤੇਦਾਰ ਤੋਂ ਪੈਸੇ ਦਾ ਇੰਤਜ਼ਾਮ ਕਰ ਪਾ ਰਹੇ ਹੋ ਤਾਂ ਅਜਿਹੇ ਹਾਲਾਤ ਵਿੱਚ ਤੁਹਾਨੂੰ ਬੈਂਕ ਤੋਂ ਕਰਜ਼ਾ ਲੈਣਾ ਪੈਂਦਾ ਹੈ।
ਆਮ ਤੌਰ ਉਤੇ ਬੈਂਕ ਘਰ ਖਰੀਦਣ ਲਈ ਹੋਮ ਲੋਨ ਅਤੇ ਕਾਰ ਖਰੀਦਣ ਲਈ ਆਟੋ ਲੋਨ ਦਿੰਦੇ ਹਨ। ਬੈਂਕ ਹੋਰ ਲੋੜਾਂ ਲਈ ਨਿੱਜੀ ਕਰਜ਼ੇ ਜਾਂ ਪਰਸਨਲ ਲੋਨ ਪ੍ਰਦਾਨ ਕਰਦੇ ਹਨ। ਪਰਸਨਲ ਲੋਨ ਹੋਮ ਲੋਨ ਅਤੇ ਆਟੋ ਲੋਨ ਨਾਲੋਂ ਮਹਿੰਗਾ ਹੁੰਦਾ ਹੈ। ਪਰ ਜੇਕਰ ਕੋਈ ਵਿਅਕਤੀ ਬੈਂਕ ਤੋਂ ਪਰਸਨਲ ਲੋਨ ਲੈਂਦਾ ਹੈ ਅਤੇ ਉਸ ਨੂੰ ਵਾਪਸ ਨਹੀਂ ਕਰਦਾ ਤਾਂ ਬੈਂਕ ਕੀ ਕਰ ਸਕਦਾ ਹੈ?
ਆਓ ਜਾਣਦੇ ਹਾਂ ਇਸ ਬਾਰੇ…
ਬੈਂਕ ਕਾਨੂੰਨੀ ਕਾਰਵਾਈ ਕਰ ਸਕਦਾ ਹੈ: ਏਯੂ ਸਮਾਲ ਫਾਈਨਾਂਸ ਬੈਂਕ ਦੇ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਕਿਸੇ ਬੈਂਕ ਤੋਂ ਨਿੱਜੀ ਕਰਜ਼ਾ ਜਾਂ ਪਰਸਨਲ ਲੋਨ ਲੈਂਦਾ ਹੈ ਅਤੇ ਉਸ ਨੂੰ ਵਾਪਸ ਨਹੀਂ ਕਰਦਾ ਹੈ, ਤਾਂ ਬੈਂਕ ਉਸ ਵਿਅਕਤੀ ਦੇ ਖਿਲਾਫ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਸਕਦਾ ਹੈ। ਇਸ ਕਾਨੂੰਨੀ ਕਾਰਵਾਈ ਦੇ ਤਹਿਤ, ਬੈਂਕ ਤੁਹਾਡੇ ਵਿਰੁੱਧ ਸਿਵਲ ਕੇਸ ਦਾਇਰ ਕਰ ਸਕਦਾ ਹੈ, ਅਜਿਹੇ ਮਾਮਲਿਆਂ ਵਿੱਚ ਅਦਾਲਤ ਡਿਫਾਲਟਰ ਨੂੰ ਕਰਜ਼ਾ ਵਾਪਸ ਕਰਨ ਦਾ ਆਦੇਸ਼ ਦੇ ਸਕਦੀ ਹੈ। ਕਈ ਮਾਮਲਿਆਂ ਵਿੱਚ, ਅਦਾਲਤ ਕਰਜ਼ੇ ਦੀ ਵਸੂਲੀ ਲਈ ਅਜਿਹੇ ਲੋਕਾਂ ਦੀ ਜਾਇਦਾਦ ਨੂੰ ਜ਼ਬਤ ਕਰਨ ਅਤੇ ਵੇਚਣ ਦਾ ਹੁਕਮ ਵੀ ਦੇ ਸਕਦੀ ਹੈ।
ਰਿਕਵਰੀ ਏਜੰਟ ਦਾ ਸਹਾਰਾ ਲੈ ਸਕਦੇ ਹਨ ਬੈਂਕ: ਏਯੂ ਸਮਾਲ ਫਾਈਨਾਂਸ ਬੈਂਕ ਦੇ ਅਨੁਸਾਰ, ਜਦੋਂ ਕਰਜ਼ਾ ਦੇਣ ਵਾਲਾ ਬੈਂਕ ਕਿਸੇ ਵਿਅਕਤੀ ਤੋਂ ਕਰਜ਼ੇ ਦੀ ਰਕਮ ਦੀ ਵਸੂਲੀ ਕਰਨ ਵਿੱਚ ਅਸਮਰੱਥ ਹੁੰਦਾ ਹੈ, ਤਾਂ ਉਹ ਵਸੂਲੀ ਲਈ ਕਰਜ਼ਾ ਵਸੂਲੀ ਏਜੰਸੀਆਂ ਨੂੰ ਨਿਯੁਕਤ ਕਰ ਸਕਦਾ ਹੈ। ਲੋਨ ਕਲੈਕਟ ਕਰਨ ਵਾਲੀਆਂ ਏਜੰਸੀਆਂ ਦੇ ਲੋਕ ਕਰਜ਼ੇ ਦੀ ਅਦਾਇਗੀ ਨਾ ਕਰਨ ਵਾਲੇ ਵਿਅਕਤੀ ਨੂੰ ਪਰੇਸ਼ਾਨ ਕਰ ਸਕਦੇ ਹਨ, ਜਿਸ ਨਾਲ ਬਹੁਤ ਜ਼ਿਆਦਾ ਤਣਾਅ ਅਤੇ ਚਿੰਤਾ ਹੋ ਸਕਦੀ ਹੈ।
CIBIL ਸਕੋਰ ਹੋ ਸਕਦਾ ਹੈ ਖਰਾਬ: ਇਸ ਸਭ ਤੋਂ ਇਲਾਵਾ, ਜੇਕਰ ਤੁਸੀਂ ਕਿਸੇ ਬੈਂਕ ਤੋਂ ਲੋਨ ਲੈਂਦੇ ਹੋ ਅਤੇ ਇਸ ਨੂੰ ਵਾਪਸ ਨਹੀਂ ਕਰਦੇ, ਤਾਂ ਇਸ ਦਾ ਸਿੱਧਾ ਅਸਰ ਤੁਹਾਡੇ CIBIL ਜਾਂ ਕ੍ਰੈਡਿਟ ਸਕੋਰ ‘ਤੇ ਪੈਂਦਾ ਹੈ। ਜੇਕਰ ਤੁਸੀਂ ਲੋਨ ਦੀ ਕਿਸ਼ਤ ਦਾ ਭੁਗਤਾਨ ਕਰਨ ਵਿੱਚ ਦੇਰੀ ਕਰਦੇ ਹੋ ਤਾਂ ਵੀ ਤੁਹਾਡਾ CIBIL ਖਰਾਬ ਹੋ ਸਕਦਾ ਹੈ। ਜਿਸ ਕਾਰਨ ਭਵਿੱਖ ਵਿੱਚ ਕੋਈ ਵੀ ਬੈਂਕ ਤੁਹਾਨੂੰ ਜਲਦੀ ਕਰਜ਼ਾ ਨਹੀਂ ਦੇਵੇਗਾ। ਜੇ ਕੋਈ ਬੈਂਕ ਤੁਹਾਨੂੰ ਖਰਾਬ CIBIL ਸਕੋਰ ਦੇ ਬਦਲੇ ਕਰਜ਼ਾ ਦੇਣ ਲਈ ਤਿਆਰ ਹੋ ਵੀ ਜਾਵੇ ਤਾਂ ਵੀ ਉਹ ਤੁਹਾਨੂੰ ਬਹੁਤ ਜ਼ਿਆਦਾ ਵਿਆਜ ਦਰਾਂ ‘ਤੇ ਲੋਨ ਦੇਵੇਗਾ।
