Employees Salaries- ਘਰ-ਕਾਰ ਖਰੀਦਣ ਲਈ ਤਿਆਰ ਰਹੋ! ਮੁਲਾਜ਼ਮਾਂ ਦੀ ਤਨਖ਼ਾਹ ‘ਚ ਹੋਵੇਗਾ ਚੋਖਾ ਵਾਧਾ, ਤਾਜ਼ਾ ਸਰਵੇ ‘ਚ ਖੁਲਾਸਾ
Employees Salaries- ਇੰਜੀਨੀਅਰਿੰਗ, ਨਿਰਮਾਣ ਅਤੇ ਪ੍ਰਚੂਨ ਉਦਯੋਗਾਂ ਵਿੱਚ 10% ਤੱਕ ਤਨਖਾਹ ਵਾਧੇ ਦੀ ਉਮੀਦ ਹੈ, ਜਿਸ ਨਾਲ ਇਨ੍ਹਾਂ ਖੇਤਰਾਂ ਵਿੱਚ ਕਰਮਚਾਰੀਆਂ ਨੂੰ ਸਭ ਤੋਂ ਵੱਧ ਲਾਭ ਮਿਲਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਵਿੱਤੀ ਖੇਤਰ ‘ਚ ਵੀ 9.9 ਫੀਸਦੀ ਦਾ ਵਾਧਾ ਦੇਖਿਆ ਜਾ ਸਕਦਾ ਹੈ। ਹਾਲਾਂਕਿ ਤਕਨਾਲੋਜੀ ਸੈਕਟਰ ਲਈ ਹਾਲਾਤ ਥੋੜ੍ਹੇ ਵੱਖਰੇ ਰਹੇ ਹਨ, ਪਰ ਫਿਰ ਵੀ ਕੁਝ ਉਪ-ਖੇਤਰ ਜਿਵੇਂ ਕਿ ਗਲੋਬਲ ਕੈਪੇਸਿਟੀ ਸੈਂਟਰ ਅਤੇ ਤਕਨਾਲੋਜੀ ਉਤਪਾਦਾਂ ਵਿਚ 9.9% ਅਤੇ 9.3% ਦੇ ਵਾਧੇ ਦੀ ਉਮੀਦ ਹੈ।
ਹਾਲਾਂਕਿ, ਤਕਨੀਕੀ ਸਲਾਹ ਅਤੇ ਸੇਵਾਵਾਂ ਦੇ ਖੇਤਰਾਂ ਵਿੱਚ ਤਨਖ਼ਾਹ ਵਿੱਚ ਵਾਧਾ ਥੋੜਾ ਹੌਲੀ ਰਹਿਣ ਦੀ ਸੰਭਾਵਨਾ ਹੈ ਅਤੇ 8.1% ਦੇ ਪੱਧਰ ‘ਤੇ ਦੇਖਿਆ ਜਾ ਸਕਦਾ ਹੈ। ਏਓਨ (Aon) ਦੇ ਅਨੁਸਾਰ, ਵਿਸ਼ਵ ਆਰਥਿਕ ਚੁਣੌਤੀਆਂ ਦੇ ਬਾਵਜੂਦੰ ਭਾਰਤ ਦੇ ਕਈ ਖੇਤਰਾਂ ਵਿੱਚ ਬਿਹਤਰ ਵਪਾਰਕ ਸੰਭਾਵਨਾਵਾਂ ਹਨ। ਇਨ੍ਹਾਂ ਉਦਯੋਗਾਂ ਦੀ ਸਥਿਰਤਾ ਅਤੇ ਵਿਕਾਸ ਨੂੰ ਦਰਸਾਉਂਦੇ ਹੋਏ ਨਿਰਮਾਣ, ਪ੍ਰਚੂਨ ਅਤੇ ਜੀਵਨ ਵਿਗਿਆਨ ਵਰਗੇ ਖੇਤਰਾਂ ਵਿੱਚ ਉਜਰਤ ਵਾਧੇ ਦੇ ਸਕਾਰਾਤਮਕ ਸੰਕੇਤ ਹਨ।
ਸਰਵੇਖਣ ਦੇ ਅਨੁਸਾਰ ਕੰਪਨੀਆਂ ਨੂੰ ਪ੍ਰਤੀਯੋਗੀ ਨੌਕਰੀ ਬਾਜ਼ਾਰ ਵਿੱਚ ਆਪਣੇ ਕਰਮਚਾਰੀਆਂ ਨੂੰ ਬਰਕਰਾਰ ਰੱਖਣ ਲਈ ਤੇਜ਼ੀ ਨਾਲ ਬਦਲਦੇ ਤਨਖ਼ਾਹ ਦੇ ਰੁਝਾਨ ਅਤੇ ਮਾਰਕੀਟ ਡੇਟਾ ‘ਤੇ ਨਜ਼ਰ ਰੱਖਣ ਦੀ ਜ਼ਰੂਰਤ ਹੈ। ਰਿਪੋਰਟ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ 2024 ਵਿਚ ਔਸਤਨ 16.9% ਕਰਮਚਾਰੀਆਂ ਨੇ ਆਪਣੀ ਨੌਕਰੀ ਛੱਡ ਦਿੱਤੀ, ਜੋ ਪਿਛਲੇ ਸਾਲ 18.7% ਤੋਂ ਥੋੜ੍ਹਾ ਘੱਟ ਹੈ, ਜਦੋਂ ਕਿ 2022 ਵਿੱਚ ਇਹ ਅੰਕੜਾ 21.4% ਸੀ।
ਏਓਨ ਮਾਹਰਾਂ ਦਾ ਮੰਨਣਾ ਹੈ ਕਿ ਅਟ੍ਰੀਸ਼ਨ ਦਰ ਵਿੱਚ ਇਸ ਗਿਰਾਵਟ ਨੇ ਕੰਪਨੀਆਂ ਨੂੰ ਅੰਦਰੂਨੀ ਵਿਕਾਸ ਅਤੇ ਕਰਮਚਾਰੀਆਂ ਦੇ ਸਮਰੱਥਾ ਨਿਰਮਾਣ ‘ਤੇ ਧਿਆਨ ਦੇਣ ਦਾ ਵੱਡਾ ਮੌਕਾ ਦਿੱਤਾ ਹੈ। ਕੰਪਨੀਆਂ ਲਈ ਇਹ ਜ਼ਰੂਰੀ ਹੈ ਕਿ ਉਹ ਆਪਣੇ ਕਰਮਚਾਰੀਆਂ ਨੂੰ ਅੰਦਰੂਨੀ ਤੌਰ ‘ਤੇ ਵਿਕਸਤ ਕਰਨ, ਤਾਂ ਜੋ ਨਵੀਆਂ ਨਿਯੁਕਤੀਆਂ ‘ਤੇ ਹੋਣ ਵਾਲੇ ਖਰਚੇ ਨੂੰ ਘੱਟ ਕੀਤਾ ਜਾ ਸਕੇ। ਇਸ ਨਾਲ ਲੰਬੇ ਸਮੇਂ ਦੀ ਉਤਪਾਦਕਤਾ ਵਿੱਚ ਵੀ ਸੁਧਾਰ ਹੋਵੇਗਾ।
Aon PLC ਦੇ 30ਵੇਂ ਸਾਲਾਨਾ ਤਨਖ਼ਾਹ ਵਾਧੇ ਅਤੇ ਟਰਨਓਵਰ ਸਰਵੇਖਣ ਦੇ ਅਨੁਸਾਰ, ਅਗਲੇ ਸਾਲ ਤਨਖ਼ਾਹਾਂ ਵਿੱਚ ਔਸਤਨ 9.5% ਦਾ ਵਾਧਾ ਹੋ ਸਕਦਾ ਹੈ। ਇਹ ਵਾਧਾ ਮੁੱਖ ਤੌਰ ‘ਤੇ ਇੰਜੀਨੀਅਰਿੰਗ, ਨਿਰਮਾਣ ਅਤੇ ਪ੍ਰਚੂਨ ਉਦਯੋਗਾਂ ਵਿੱਚ ਦੇਖਿਆ ਜਾਵੇਗਾ। ਇਸ ਸਾਲ 2024 ਵਿੱਚ ਤਨਖ਼ਾਹ ਵਿੱਚ 9.3% ਵਾਧਾ ਹੋਇਆ ਹੈ ਅਤੇ ਇਹ ਰੁਝਾਨ ਆਉਣ ਵਾਲੇ ਸਮੇਂ ਵਿੱਚ ਵੀ ਜਾਰੀ ਰਹਿ ਸਕਦਾ ਹੈ।
