ਭਾਰਤ ‘ਚ ਕੁਝ ਅਜਿਹੇ ਕ੍ਰਿਕਟਰ ਹਨ ਜੋ ਚੰਗਾ ਖੇਡਣ ਦੇ ਬਾਵਜੂਦ ਵੀ ਸੁਰਖੀਆਂ ‘ਚ ਰਹਿੰਦੇ ਹਨ ਅਤੇ ਉਨ੍ਹਾਂ ਦੀ ਖਰਾਬ ਖੇਡ ਵੀ ਸੁਰਖੀਆਂ ‘ਚ ਬਣੀ ਰਹਿੰਦੀ ਹੈ। ਅਰਜੁਨ ਤੇਂਦੁਲਕਰ ਇੱਕ ਅਜਿਹੇ ਕ੍ਰਿਕਟਰ ਹਨ, ਜੋ ਇਸ ਸਮੇਂ ਆਪਣੀ ਸ਼ਾਨਦਾਰ ਗੇਂਦਬਾਜ਼ੀ ਕਰਕੇ ਸੁਰਖੀਆਂ ਵਿੱਚ ਹਨ। ਅਰਜੁਨ ਤੇਂਦੁਲਕਰ ਨੇ ਡਾ. (ਕਪਤਾਨ) ਕੇ ਥਿਮਪੱਈਆ ਮੈਮੋਰੀਅਲ ਟੂਰਨਾਮੈਂਟ ਵਿੱਚ 9 ਵਿਕਟਾਂ ਲੈ ਕੇ ਆਪਣੀ ਗੋਆ ਟੀਮ ਨੂੰ ਇੱਕ ਪਾਰੀ ਨਾਲ ਜਿੱਤ ਦਿਵਾਇਆ।
ਅਰਜੁਨ ਤੇਂਦੁਲਕਰ ਦੀ ਗੋਆ CA ਇਲੈਵਨ ਨੇ ਮੇਜ਼ਬਾਨ ਕਰਨਾਟਕ (KSCA XI) ਨੂੰ ਇੱਕ ਪਾਰੀ ਅਤੇ 189 ਦੌੜਾਂ ਨਾਲ ਹਰਾਇਆ। ਘਰੇਲੂ ਕ੍ਰਿਕਟ ਸੀਜ਼ਨ ਤੋਂ ਪਹਿਲਾਂ ਆਯੋਜਿਤ ਕੀਤੇ ਗਏ ਇਸ ਸਮਾਗਮ ਨੂੰ ਕੇਐਸਸੀਏ (ਕਰਨਾਟਕ ਰਾਜ ਕ੍ਰਿਕਟ ਸੰਘ) ਸੱਦਾ ਟੂਰਨਾਮੈਂਟ ਵੀ ਕਿਹਾ ਜਾਂਦਾ ਹੈ।
ਨਿਕਿਨ ਜੋਸ਼ ਅਤੇ ਵਿਕਟਕੀਪਰ ਸ਼ਰਤ ਸ਼੍ਰੀਨਿਵਾਸ ਤੋਂ ਇਲਾਵਾ ਕੇਐਸਸੀਏ ਇਲੈਵਨ ਟੀਮ ਦੇ ਸਾਰੇ ਖਿਡਾਰੀ ਅੰਡਰ 19 ਅਤੇ ਅੰਡਰ 23 ਟੀਮਾਂ ਦੇ ਸਨ। ਅਰਜੁਨ ਤੇਂਦੁਲਕਰ ਨੇ ਇਸ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ 26.3 ਓਵਰ ਸੁੱਟੇ ਅਤੇ 87 ਦੌੜਾਂ ਦੇ ਕੇ 9 ਵਿਕਟਾਂ ਲਈਆਂ।
ਅਰਜੁਨ ਤੇਂਦੁਲਕਰ ਨੇ ਪਹਿਲੀ ਪਾਰੀ ‘ਚ 13 ਓਵਰਾਂ ‘ਚ 41 ਦੌੜਾਂ ਦੇ ਕੇ 5 ਵਿਕਟਾਂ ਲਈਆਂ, ਜਿਸ ਕਾਰਨ ਕਰਨਾਟਕ ਦੀ ਟੀਮ 103 ਦੌੜਾਂ ‘ਤੇ ਸਿਮਟ ਗਈ। ਗੋਆ ਸੀਏ ਇਲੈਵਨ ਨੇ ਅਭਿਨਵ ਤੇਜਾਰਾਨਾ ਦੀਆਂ 109 ਦੌੜਾਂ ਦੀ ਪਾਰੀ ਦੇ ਆਧਾਰ ‘ਤੇ 413 ਦੌੜਾਂ ਬਣਾਈਆਂ।
ਇਸ ਤੋਂ ਬਾਅਦ ਕੇਐਸਸੀਏ ਦੀ ਦੂਜੀ ਪਾਰੀ 30.4 ਓਵਰਾਂ ਵਿੱਚ 121 ਦੌੜਾਂ ’ਤੇ ਸਿਮਟ ਗਈ। ਇਸ ਵਾਰ ਅਰਜੁਨ ਨੇ 13.3 ਓਵਰਾਂ ‘ਚ 46 ਦੌੜਾਂ ਦੇ ਕੇ 4 ਵਿਕਟਾਂ ਲਈਆਂ। ਅਰਜੁਨ ਤੇਂਦੁਲਕਰ ਨੇ ਪਹਿਲੀ ਸ਼੍ਰੇਣੀ ਕ੍ਰਿਕਟ ਦੇ 13 ਮੈਚਾਂ ਵਿੱਚ 21 ਵਿਕਟਾਂ ਲਈਆਂ ਹਨ।
- First Published :
