ਸਿਨੇਮਾ ਇੰਡਸਟਰੀ ਤੋਂ ਇੱਕ ਦੁਖਦਾਈ ਖਬਰ ਆ ਰਹੀ ਹੈ। ਉੱਘੇ ਬੰਗਾਲੀ ਅਦਾਕਾਰ ਅਤੇ ਨਾਟਕਕਾਰ ਮਨੋਜ ਮਿੱਤਰਾ ਇਸ ਸੰਸਾਰ ਨੂੰ ਅਲਵਿਦਾ ਕਹਿ ਗਏ ਹਨ। ਉਹ 86 ਸਾਲ ਦੇ ਸਨ। ਜਾਣਕਾਰੀ ਮੁਤਾਬਕ ਉਨ੍ਹਾਂ ਨੇ ਅੱਜ ਆਖਰੀ ਸਾਹ ਲਏ। ਉਹ ਪਿਛਲੇ ਕੁਝ ਦਿਨਾਂ ਤੋਂ ਉਮਰ ਸਬੰਧੀ ਸਮੱਸਿਆਵਾਂ ਨਾਲ ਜੂਝ ਰਹੇ ਸਨ। ਉਨ੍ਹਾਂ ਨੇ ਕੋਲਕਾਤਾ ਦੇ ਸਾਲਟ ਲੇਕ ਦੇ ਇੱਕ ਹਸਪਤਾਲ ਵਿੱਚ ਆਖਰੀ ਸਾਹ ਲਏ। ਉਨ੍ਹਾਂ ਦੇ ਦੇਹਾਂਤ ਬਾਰੇ ਪਤਾ ਲੱਗਣ ਤੋਂ ਬਾਅਦ, ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਵੀ ਆਪਣੇ ਐਕਸਹੈਂਡਲ ਰਾਹੀਂ ਸੋਗ ਪ੍ਰਗਟ ਕੀਤਾ।
ਮਨੋਜ ਮਿੱਤਰਾ ਦੀਆਂ ਮਸ਼ਹੂਰ ਫਿਲਮਾਂ ‘ਚ ‘ਦੱਤਕ’, ‘ਦਾਮੂ’, ‘ਵ੍ਹੀਲ ਚੇਅਰ’, ‘ਮਾਈਜ਼ ਦੀਦੀ’, ‘ਰਿਨ ਮੁਕਤੀ’, ‘ਤੀਨ ਮੂਰਤੀ’, ‘ਪ੍ਰੇਮ ਬਾਈ ਚਾਂਸ’, ‘ਭਲੋਬਾਸਰ ਨੇਕ ਨਾਮ’, ‘ਉਮਾ’ ਆਦਿ ਸ਼ਾਮਲ ਹਨ। ਆਪਣੇ ਕਰੀਅਰ ਵਿੱਚ, ਉਨ੍ਹਾਂ ਨੇ ਬੁੱਧਦੇਵ ਦਾਸਗੁਪਤਾ, ਤਰੁਣ ਮਜੂਮਦਾਰ, ਬਾਸੂ ਚੈਟਰਜੀ ਅਤੇ ਗੌਤਮ ਘੋਸ਼ ਵਰਗੇ ਮਸ਼ਹੂਰ ਅਤੇ ਮੰਨੇ-ਪ੍ਰਮੰਨੇ ਨਿਰਦੇਸ਼ਕਾਂ ਨਾਲ ਕੰਮ ਕੀਤਾ।
ਮਮਤਾ ਬੈਨਰਜੀ ਨੇ ਦੁੱਖ ਪ੍ਰਗਟ ਕੀਤਾ
ਮਮਤਾ ਬੈਨਰਜੀ ਨੇ ਆਪਣੀ ਪੋਸਟ ‘ਚ ਲਿਖਿਆ- ‘ਮੈਂ ਅੱਜ ਸਵੇਰੇ ਮਸ਼ਹੂਰ ਅਭਿਨੇਤਾ, ਨਿਰਦੇਸ਼ਕ ਅਤੇ ਨਾਟਕਕਾਰ ‘ਬੰਗ ਵਿਭੂਸ਼ਣ’ ਮਨੋਜ ਮਿੱਤਰਾ ਦੇ ਦਿਹਾਂਤ ਤੋਂ ਦੁਖੀ ਹਾਂ। ਉਹ ਸਾਡੇ ਥੀਏਟਰ ਅਤੇ ਫਿਲਮ ਜਗਤ ਵਿੱਚ ਇੱਕ ਪ੍ਰਮੁੱਖ ਸ਼ਖਸੀਅਤ ਸਨ ਅਤੇ ਉਨ੍ਹਾਂ ਦਾ ਯੋਗਦਾਨ ਬਹੁਤ ਵੱਡਾ ਰਿਹਾ ਹੈ। ਮਮਤਾ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘ਮੈਂ ਉਨ੍ਹਾਂ ਦੇ ਪਰਿਵਾਰ, ਦੋਸਤਾਂ ਅਤੇ ਪ੍ਰਸ਼ੰਸਕਾਂ ਪ੍ਰਤੀ ਸੰਵੇਦਨਾ ਪ੍ਰਗਟ ਕਰਦੀ ਹਾਂ।’
Saddened by the demise of the famous actor, director and playwright, ‘Banga Bibhushan’ Manoj Mitra today morning.
He had been a leading personality in our theatre and film worlds and his contributions have been immense.
I convey my condolences to his family, friends and…
— Mamata Banerjee (@MamataOfficial) November 12, 2024
ਇਨ੍ਹਾਂ ਐਵਾਰਡਾਂ ਨਾਲ ਕੀਤਾ ਗਿਆ ਸਨਮਾਨਿਤ
ਉਨ੍ਹਾਂ ਦਾ ਸਭ ਤੋਂ ਪ੍ਰਸਿੱਧ ਪ੍ਰੋਜੈਕਟ ਤਪਨ ਸਿਨਹਾ ਦਾ ਬੰਚਾਰਮਾਰ ਬਾਗਾਨ ਹੈ, ਜੋ ਉਸਦੇ ਆਪਣੇ ਨਾਟਕ ਸਜਾਨੋ ਬਾਗਾਨ ਤੋਂ ਲਿਆ ਗਿਆ ਸੀ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਮਹਾਨ ਨਿਰਦੇਸ਼ਕ ਸਤਿਆਜੀਤ ਰੇਅ ਦੀਆਂ ਫਿਲਮਾਂ ਘਰੇ ਬੇਅਰ ਅਤੇ ਗਣਸ਼ਤਰੂ ਵਿੱਚ ਵੀ ਕੰਮ ਕੀਤਾ ਹੈ। ਉਨ੍ਹਾਂ ਨੂੰ ਬਹੁਤ ਸਾਰੇ ਵੱਕਾਰੀ ਪੁਰਸਕਾਰ ਅਤੇ ਸਨਮਾਨ ਮਿਲੇ ਹਨ, ਜਿਸ ਵਿੱਚ 1985 ਵਿੱਚ ਸਰਵੋਤਮ ਨਾਟਕਕਾਰ ਲਈ ਸੰਗੀਤ ਨਾਟਕ ਅਕਾਦਮੀ ਅਵਾਰਡ, 1980 ਵਿੱਚ ਸਰਵੋਤਮ ਅਦਾਕਾਰ ਲਈ ਫਿਲਮਫੇਅਰ ਅਵਾਰਡ ਈਸਟ, ਅਤੇ 2012 ਵਿੱਚ ਦੀਨਬੰਧੂ ਅਵਾਰਡ ਸ਼ਾਮਲ ਹਨ।
