ਵਿਵੇਕ ਤੇ ਐਲੋਨ ਮਸਕ ਨੂੰ ਟਰੰਪ ਨੇ ਸੌਂਪੀ ਖ਼ਾਸ ਜ਼ਿੰਮੇਵਾਰੀ, ਕਈ ਸਰਕਾਰੀ ਅਧਿਕਾਰੀਆਂ ਦੀ ਜਾ ਸਕਦੀ ਹੈ ਨੌਕਰੀ
ਰਾਸ਼ਟਰਪਤੀ ਚੁਣੇ ਜਾਣ ਤੋਂ ਬਾਅਦ ਡੋਨਾਲਡ ਟਰੰਪ (Donald Trump) ਪੂਰੇ ਫਾਰਮ ‘ਚ ਹਨ। ਟਰੰਪ (Donald Trump) ਦੇ ਕਈ ਨਜ਼ਦੀਕੀਆਂ ਨੂੰ ਵਿਸ਼ੇਸ਼ ਜ਼ਿੰਮੇਵਾਰੀਆਂ ਦਿੱਤੀਆਂ ਜਾ ਰਹੀਆਂ ਹਨ। 20 ਜਨਵਰੀ ਤੋਂ ਸ਼ੁਰੂ ਹੋਣ ਵਾਲੇ ਨਵੇਂ ਕਾਰਜਕਾਲ ਵਿੱਚ, ਉਹ ਇੱਕ ਬਿਲਕੁਲ ਨਵਾਂ ਵਿਭਾਗ ਬਣਾਉਣ ਜਾ ਰਹੇ ਹਨ, ਜਿਸ ਦਾ ਨਾਮ ਹੈ – Department of Government Efficiency। ਇਸ ਦੇ ਮੁਖੀ ਭਾਰਤੀ ਮੂਲ ਦੇ ਵਿਵੇਕ ਰਾਮਾਸਵਾਮੀ (Vivek Ramaswamy) ਅਤੇ ਮਸ਼ਹੂਰ ਉਦਯੋਗਪਤੀ ਐਲੋਨ ਮਸਕ (Elon Musk) ਹੋਣਗੇ। ਮੰਨਿਆ ਜਾ ਰਿਹਾ ਹੈ ਕਿ ਜੇਕਰ ਇਹ ਵਿਭਾਗ ਸਹੀ ਢੰਗ ਨਾਲ ਕੰਮ ਕਰਦਾ ਹੈ ਤਾਂ ਇਸ ਨਾਲ ਅਮਰੀਕਾ ਵਿਚ ਅਜਿਹਾ ਬਹੁਤ ਕੁੱਝ ਦੇਖਣ ਨੂੰ ਮਿਲੇਗਾ ਜੋ ਪਿਹਲਾਂ ਕਰਦੇ ਨਹੀਂ ਹੋਇਆ। ਸਭ ਤੋਂ ਵੱਧ ਅਸਰ ਬੇਲਗਾਮ ਨੌਕਰਸ਼ਾਹੀ ‘ਤੇ ਪਵੇਗਾ। ਆਓ ਜਾਣਦੇ ਹਾਂ ਇਹ ਮੰਤਰਾਲਾ ਕੀ ਕੰਮ ਕਰੇਗਾ।
ਜੇਕਰ ਇਹ ਵਿਭਾਗ ਸੱਚਮੁੱਚ ਸਹੀ ਢੰਗ ਨਾਲ ਕੰਮ ਕਰਦਾ ਹੈ ਤਾਂ ਦੋ ਸਾਲਾਂ ਵਿੱਚ ਅਮਰੀਕਾ ਵਿੱਚ ਏਨੀ ਵੱਡੀ ਉਥਲ-ਪੁਥਲ ਹੋ ਜਾਵੇਗੀ, ਜੋ ਅੱਜ ਤੱਕ ਨਹੀਂ ਹੋਈ। ਇਸ ਨਾਲ ਸਰਕਾਰੀ ਵਿਭਾਗਾਂ ਅਤੇ ਏਜੰਸੀਆਂ ਦੇ 75 ਫੀਸਦੀ ਤੋਂ ਵੱਧ ਮੁਲਾਜ਼ਮਾਂ ਦੀ ਛੁੱਟੀ ਹੋ ਸਕਦੀ ਹੈ। ਬੇਕਾਰ ਵਿਭਾਗਾਂ ਨੂੰ ਭੰਗ ਕੀਤਾ ਜਾ ਸਕਦਾ ਹੈ। ਵਿਭਾਗਾਂ ਨੂੰ ਸਹੀ ਢੰਗ ਨਾਲ ਕੰਮ ਕਰਨ ਲਈ ਪੁਨਰਗਠਨ ਕੀਤਾ ਜਾਵੇਗਾ। ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਨਾਲ ਸਰਕਾਰੀ ਖਰਚਿਆਂ ਦੀ ਜ਼ਿਆਦਾ ਵਰਤੋਂ ‘ਤੇ ਕਾਫੀ ਹੱਦ ਤੱਕ ਰੋਕ ਲੱਗੇਗੀ। ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇਸ ਦਾ ਕੰਮ ਅਮਰੀਕਾ ਵਿੱਚ ਵੱਡੇ ਵਿੱਤੀ ਘੁਟਾਲਿਆਂ ਦਾ ਪਰਦਾਫਾਸ਼ ਕਰਨਾ ਹੈ। ਇਹ ਵਿਭਾਗ ਟਰੰਪ (Donald Trump) ਪ੍ਰਸ਼ਾਸਨ ਦੇ ਸੁਧਾਰਾਂ ਨੂੰ ਲਾਗੂ ਕਰਨ ਲਈ ਵ੍ਹਾਈਟ ਹਾਊਸ ਅਤੇ ਪ੍ਰਬੰਧਨ ਅਤੇ ਬਜਟ ਆਫਿਸ ਨਾਲ ਮਿਲ ਕੇ ਕੰਮ ਕਰੇਗਾ। ਇਹ ਵਿਭਾਗ ਡੇਢ ਸਾਲ ਤੱਕ ਹੀ ਰਹੇਗਾ। ਭਾਵ ਮਸਕ (Elon Musk) ਅਤੇ ਰਾਮਾਸਵਾਮੀ (Vivek Ramaswamy) ਦਾ ਕੰਮ 4 ਜੁਲਾਈ 2026 ਤੱਕ ਹੀ ਹੋਵੇਗਾ। ਅਮਰੀਕਾ ਦੀ ਆਜ਼ਾਦੀ ਦੀ ਘੋਸ਼ਣਾ ਦੀ 250ਵੀਂ ਵਰ੍ਹੇਗੰਢ ‘ਤੇ, ਉਨ੍ਹਾਂ ਦਾ ਵਿਭਾਗ ਦੇਸ਼ ਨੂੰ ਪੂਰੀ ਤਰ੍ਹਾਂ ਨਵੀਂ ਕਿਸਮ ਦੇ ਸੁਧਾਰਾਂ ਦਾ ਤੋਹਫਾ ਦੇਵੇਗਾ।
ਮਸਕ (Elon Musk) ਅਤੇ ਵਿਵੇਕ ਦੋਵੇਂ ਹੀ ਟਰੰਪ (Donald Trump) ਦੇ ਵੱਡੇ ਸਮਰਥਕ ਹਨ। ਐਲੋਨ ਮਸਕ (Elon Musk) ਇੱਕ ਉੱਘੇ ਉਦਯੋਗਪਤੀ ਅਤੇ ਕਾਰੋਬਾਰੀ ਹਨ, ਜੋ ਸਪੇਸਐਕਸ ਦੇ ਸੀਈਓ ਅਤੇ ਮੁੱਖ ਡਿਜ਼ਾਈਨਰ ਅਤੇ ਟੇਸਲਾ ਇੰਕ ਦੇ ਸੀਈਓ ਅਤੇ ਪ੍ਰਾਡਕਟ ਆਰਕੀਟੈਕਟ ਵਜੋਂ ਆਪਣੀ ਭੂਮਿਕਾ ਲਈ ਸਭ ਤੋਂ ਵੱਧ ਜਾਣੇ ਜਾਂਦੇ ਹਨ। 53 ਸਾਲਾ ਮਸਕ (Elon Musk) ਦਾ ਜਨਮ ਦੱਖਣੀ ਅਫਰੀਕਾ ਦੇ ਪ੍ਰਿਟੋਰੀਆ ਵਿੱਚ ਹੋਇਆ ਸੀ। ਉਹ ਤਕਨਾਲੋਜੀ ਅਤੇ ਨਵੀਨਤਾ ਦੇ ਖੇਤਰ ਵਿੱਚ ਦੁਨੀਆ ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਲੋਕਾਂ ਵਿੱਚੋਂ ਇੱਕ ਹਨ। ਉਨ੍ਹਾਂ ਨੇ ਖੁਦ ਛੋਟੀ ਉਮਰ ਵਿੱਚ ਕੰਪਿਊਟਰ ਪ੍ਰੋਗਰਾਮਿੰਗ ਸਿੱਖੀ ਸੀ। 17 ਸਾਲ ਦੀ ਉਮਰ ਵਿੱਚ ਉਹ ਕਵੀਨਜ਼ ਯੂਨੀਵਰਸਿਟੀ ਵਿੱਚ ਪੜ੍ਹਨ ਲਈ ਕੈਨੇਡਾ ਚਲੇ ਗਏ। ਬਾਅਦ ਵਿੱਚ ਪੈਨਸਿਲਵੇਨੀਆ ਯੂਨੀਵਰਸਿਟੀ ਗਏ। ਭੌਤਿਕ ਵਿਗਿਆਨ ਅਤੇ ਅਰਥ ਸ਼ਾਸਤਰ ਦੋਵਾਂ ਵਿੱਚ ਡਿਗਰੀਆਂ ਹਾਸਲ ਕੀਤੀਆਂ। ਉਨ੍ਹਾਂ ਨੇ ਬਹੁਤ ਸਾਰੇ ਨਵੇਂ ਉਦਯੋਗ ਸਥਾਪਿਤ ਕੀਤੇ, ਜੋ ਬਹੁਤ ਲਾਭਕਾਰੀ ਹਨ। ਮਸਕ (Elon Musk) ਕੋਲ ਦੱਖਣੀ ਅਫਰੀਕਾ, ਕੈਨੇਡਾ ਅਤੇ ਅਮਰੀਕਾ ਦੀ ਨਾਗਰਿਕਤਾ ਹੈ। ਉਸ ਦਾ ਕਈ ਵਾਰ ਵਿਆਹ ਹੋ ਚੁੱਕਾ ਹੈ। ਬਹੁਤ ਸਾਰੇ ਬੱਚੇ ਹਨ। ਉਹ ਚੋਣਾਂ ਦੌਰਾਨ ਟਰੰਪ (Donald Trump) ਦੀ ਮੁਹਿੰਮ ਦੇ ਵੱਡੇ ਸਮਰਥਕ ਰਹੇ। ਉਨ੍ਹਾਂ ਨੇ ਚੋਣਾਂ ਵਿੱਚ ਵੀ ਬਹੁਤ ਫੰਡਿੰਗ ਕੀਤੀ ਹੈ।
ਵਿਵੇਕ ਗਣਪਤੀ ਰਾਮਾਸਵਾਮੀ (Vivek Ramaswamy) ਇੱਕ ਅਮਰੀਕੀ ਉਦਯੋਗਪਤੀ ਅਤੇ ਰਾਜਨੇਤਾ ਹਨ। 9 ਅਗਸਤ 1985 ਨੂੰ ਸਿਨਸਿਨਾਟੀ, ਓਹਾਯੋ ਵਿੱਚ ਕੇਰਲ ਤੋਂ ਭਾਰਤੀ ਪਰਵਾਸੀ ਮਾਪਿਆਂ ਦੇ ਘਰ ਜਨਮੇ, ਰਾਮਾਸਵਾਮੀ (Vivek Ramaswamy) ਨੇ ਵਪਾਰ ਅਤੇ ਰਾਜਨੀਤੀ ਦੋਵਾਂ ਵਿੱਚ ਖੂਬ ਤਰੱਕੀ ਕੀਤੀ ਹੈ। ਰਾਮਾਸਵਾਮੀ (Vivek Ramaswamy) ਨੇ ਹਾਵਰਡ ਯੂਨੀਵਰਸਿਟੀ ਤੋਂ ਬਾਇਓਲੋਜੀ ਦੀ ਡਿਗਰੀ ਨਾਲ ਗ੍ਰੈਜੂਏਸ਼ਨ ਕੀਤੀ। ਬਾਅਦ ਵਿੱਚ ਯੇਲ ਲਾਅ ਸਕੂਲ ਤੋਂ ਕਾਨੂੰਨ ਦੀ ਡਿਗਰੀ ਪ੍ਰਾਪਤ ਕੀਤੀ। ਫਰਵਰੀ 2023 ਵਿੱਚ, ਰਾਮਾਸਵਾਮੀ (Vivek Ramaswamy) ਨੇ 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਲਈ ਰਿਪਬਲਿਕਨ ਪਾਰਟੀ ਦੀ ਨਾਮਜ਼ਦਗੀ ਲਈ ਆਪਣੀ ਉਮੀਦਵਾਰੀ ਦਾ ਐਲਾਨ ਕੀਤਾ। ਬਾਅਦ ਵਿੱਚ ਉਸ ਨੇ ਆਪਣੀ ਮੁਹਿੰਮ ਨੂੰ ਮੁਅੱਤਲ ਕਰ ਦਿੱਤਾ ਅਤੇ ਟਰੰਪ (Donald Trump) ਦਾ ਸਮਰਥਨ ਕਰਨਾ ਸ਼ੁਰੂ ਕਰ ਦਿੱਤਾ। ਰਾਮਾਸਵਾਮੀ (Vivek Ramaswamy) ਦਾ ਵਿਆਹ ਸਰਜਨ ਅਪੂਰਵਾ ਤਿਵਾਰੀ ਨਾਲ ਹੋਇਆ ਹੈ। ਉਸ ਦੇ ਬੱਚੇ ਵੀ ਹਨ।
ਇਹ ਨਵਾਂ ਵਿਭਾਗ ਕੀ ਕਰੇਗਾ?
ਮਸਕ (Elon Musk) ਦਾ ਕਹਿਣਾ ਹੈ ਕਿ ਇਹ ਪਹਿਲਕਦਮੀ “ਪੂਰੀ ਪ੍ਰਣਾਲੀ ਨੂੰ ਹਿਲਾ ਦੇਵੇਗੀ” ਅਤੇ ਉਨ੍ਹਾਂ ਲੋਕਾਂ ਨੂੰ ਨਿਸ਼ਾਨਾ ਬਣਾਵੇਗੀ ਜੋ ਸਰਕਾਰੀ ਖਰਚਿਆਂ ਨੂੰ ਬਰਬਾਦ ਕਰਦੇ ਹਨ। ਰਾਮਾਸਵਾਮੀ (Vivek Ramaswamy) ਨੇ ਵੀ ਇਹੀ ਗੱਲ ਦੁਹਰਾਈ। ਉਨ੍ਹਾਂ ਠੋਸ ਸੁਧਾਰਾਂ ਦੀ ਪ੍ਰਾਪਤੀ ਲਈ ਮਜ਼ਬੂਤ ਵਚਨਬੱਧਤਾ ਵੱਲ ਇਸ਼ਾਰਾ ਕੀਤਾ। ਇਸ ਨਾਲ ਖਾਸ ਤੌਰ ‘ਤੇ ਅਮਰੀਕਾ ਦੀ ਬੇਲਗਾਮ ਨੌਕਰਸ਼ਾਹੀ ‘ਤੇ ਲਗਾਮ ਲੱਗੇਗੀ। ਅਸਲ ਵਿੱਚ, ਯੂਐਸ ਫੈਡਰਲ ਸਰਕਾਰ ਦਾ ਸਾਲਾਨਾ ਬਜਟ $ 6.5 ਟ੍ਰਿਲੀਅਨ ਹੈ। ਇਸ ਵਿੱਚ ਪੈਸੇ ਦੀ ਵੱਡੀ ਬਰਬਾਦੀ ਹੁੰਦੀ ਹੈ। ਪੈਸਾ ਬੇਲੋੜਾ ਖਰਚ ਕੀਤਾ ਜਾਂਦਾ ਹੈ। ਵੱਡੇ ਘਪਲੇ ਹੋਏ ਹਨ। ਟਰੰਪ (Donald Trump) ਆਪਣੀ ਚੋਣ ਮੁਹਿੰਮ ਦੌਰਾਨ ਆਪਣੇ ਭਾਸ਼ਣਾਂ ਵਿੱਚ ਲਗਾਤਾਰ ਇਸ ਮੁੱਦੇ ਨੂੰ ਉਠਾਉਂਦੇ ਰਹੇ ਹਨ। ਇਸ ਦੀ ਸਫਾਈ ‘ਤੇ ਜ਼ੋਰ ਦਿੰਦੇ ਰਹੇ ਹਨ।
DOGE ਯਾਨੀ Department of Government Efficiency ਦਾ ਮੁੱਖ ਟੀਚਾ ਫੈਡਰਲ ਕਾਰਜਾਂ ਵਿੱਚ ਕੁਸ਼ਲਤਾ ਵਧਾਉਂਦੇ ਹੋਏ ਸਰਕਾਰੀ ਖਰਚਿਆਂ ਵਿੱਚ ਮਹੱਤਵਪੂਰਨ ਕਟੌਤੀਆਂ ਨੂੰ ਪ੍ਰਾਪਤ ਕਰਨਾ ਹੈ। ਇਸ ਕੰਮ ਲਈ ਉਨ੍ਹਾਂ ਲਈ ਅੰਤਿਮ ਮਿਤੀ 4 ਜੁਲਾਈ, 2026 ਹੋਵੇਗੀ। ਉਦੋਂ ਤੱਕ ਉਨ੍ਹਾਂ ਨੇ ਇਹ ਕੰਮ ਪੂਰਾ ਕਰਨਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਜਦੋਂ ਅਮਰੀਕਾ 2026 ਵਿੱਚ ਆਪਣੀ 250ਵੀਂ ਆਜ਼ਾਦੀ ਦੀ ਵਰ੍ਹੇਗੰਢ ਮਨਾਵੇਹਾ ਤਾਂ ਦੇਸ਼ ਨੂੰ ਇੱਕ ਘੱਟ ਮਹਿੰਗੀ ਸਰਕਾਰ ਦੀ ਰੂਪ-ਰੇਖਾ ਪੇਸ਼ ਕੀਤੀ ਜਾ ਸਕਦੀ ਹੈ, ਜੋ ਦੇਸ਼ ਲਈ ਪ੍ਰਤੀਕਾਤਮਕ ਤੋਹਫ਼ੇ ਵਾਂਗ ਹੋਵੇਗੀ।
