Michael Jackson ਨੂੰ ਸੁਪਰਸਟਾਰ ਬਣਾਉਣ ਵਾਲੇ ਦਿੱਗਜ ਦਾ ਹੋਇਆ ਦਿਹਾਂਤ, ਮਿਊਜ਼ਿਕ ਇੰਡਸਟਰੀ ‘ਚ ਸੋਗ ਦੀ ਲਹਿਰ

ਹਾਲੀਵੁੱਡ ਸੰਗੀਤ ਇੰਡਸਟਰੀ ਨੂੰ ਇਸ ਸਮੇਂ ਵੱਡਾ ਝਟਕਾ ਲੱਗਿਆ ਹੈ। ਦਰਅਸਲ ਮਾਈਕਲ ਜੈਕਸਨ ਨੂੰ ਸੁਪਰਸਟਾਰ ਬਣਾਉਣ ਵਾਲੇ ਦਿੱਗਜ ਅਤੇ ਪ੍ਰਤਿਭਾਸ਼ਾਲੀ ਸੰਗੀਤ ਦੀ ਮਹਾਨ ਕਵਿੰਸੀ ਜੋਨਸ ਨੇ 91 ਸਾਲ ਦੀ ਉਮਰ ਵਿੱਚ ਦੁਨੀਆ ਨੂੰ ਅਲਵਿਦਾ ਕਹਿ ਦਿੱਤਾ ਹੈ।

ਅਸਲ ਵਿੱਚ ਇਹ ਜੋਨਸ ਸੀ ਜਿਸ ਨੇ ਮਾਈਕਲ ਜੈਕਸਨ ਨੂੰ ਗਾਈਡ ਕੀਤਾ ਸੀ। ਆਉਟਲੈਟ ਦੇ ਅਨੁਸਾਰ, ਜੋਨਸ ਦੇ ਕਰੀਬੀ ਦੋਸਤ ਅਰਨੋਲਡ ਰੌਬਿਨਸਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਜੋਨਸ ਦੀ ਐਤਵਾਰ ਰਾਤ ਕੈਲੀਫੋਰਨੀਆ ਦੇ ਬੇਲ ਏਅਰ ਵਿੱਚ ਆਪਣੇ ਘਰ ਵਿੱਚ ਮੌਤ ਹੋ ਗਈ। ਇਸ ਖਬਰ ਤੋਂ ਬਾਅਦ ਮਿਊਜ਼ਿਕ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ।

ਪਰਿਵਾਰਕ ਮੈਂਬਰਾਂ ਨੇ ਜਾਰੀ ਕੀਤਾ ਬਿਆਨ
ਕਵਿੰਸੀ ਜੋਨਸ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਦੇ ਪਰਿਵਾਰ ਨੇ ਵੀ ਇੱਕ ਬਿਆਨ ਜਾਰੀ ਕੀਤਾ ਹੈ। ਉਨ੍ਹਾਂ ਨੇ ਲਿਖਿਆ- ਅੱਜ ਰਾਤ, ਭਰੇ ਪਰ ਟੁੱਟੇ ਦਿਲ ਨਾਲ, ਸਾਨੂੰ ਆਪਣੇ ਪਿਤਾ ਅਤੇ ਭਰਾ ਕਵਿੰਸੀ ਜੋਨਸ ਦੇ ਦਿਹਾਂਤ ਦੀ ਖਬਰ ਸਾਂਝੀ ਕਰਨੀ ਪਈ।

Legendary is an understatement to describe Quincy Jones,a incredible composer who shaped Michael Jackson’s career,& so many more,has left this World,I know he wanted to see VP Kamala Harris at the Inauguration swearing her in as President!
PEACE QUINCY💙🕊 https://t.co/0PvjrMQSYM

— Alexandria Valentine (@guardant1) November 5, 2024

ਕੁਇੰਸੀ ਜੋਨਸ ਨੂੰ ਹਾਲੀਵੁੱਡ ਮਿਊਜ਼ਿਕ ਇੰਡਸਟਰੀ ਵਿੱਚ ਇੱਕ ਵੱਡੇ ਨਾਮ ਵਜੋਂ ਜਾਣਿਆ ਜਾਂਦੇ ਹਨ। ਉਨ੍ਹਾਂ ਨੇ ਆਪਣੇ 70 ਸਾਲ ਦੇ ਕਰੀਅਰ ‘ਚ ਇਕ ਨਹੀਂ ਸਗੋਂ 28 ਗ੍ਰੈਮੀ ਐਵਾਰਡ ਜਿੱਤੇ ਹਨ। ਜਿੱਥੇ ਇੱਕ ਪਾਸੇ ਲੋਕਾਂ ਨੂੰ ਐਵਾਰਡ ਜਿੱਤਣ ਵਿੱਚ ਕਈ ਸਾਲ ਲੱਗ ਜਾਂਦੇ ਹਨ, ਉੱਥੇ ਹੀ ਜੋਨਸ ਦੀ ਪ੍ਰਤਿਭਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਵੀ ਲਗਾ ਸਕਦੇ ਹੋ ਕਿ ਉਸ ਨੂੰ ਸਿਰਫ਼ 1 ਜਾਂ 2 ਨਹੀਂ ਸਗੋਂ 28 ਗ੍ਰੈਮੀ ਐਵਾਰਡ ਮਿਲ ਚੁੱਕੇ ਹਨ।