ਨਵੀਂ ਦਿੱਲੀ- ਭਾਰਤੀ ਵਿੱਚ ਇਨ੍ਹੀਂ ਦਿਨੀਂ ਦੀਵਾਲੀ ਦਾ ਬੁਖਾਰ ਆਮ ਲੋਕਾਂ ਉੱਤੇ ਚੜ੍ਹਿਆ ਨਜ਼ਰ ਆ ਰਿਹਾ ਹੈ। ਕਰੀਬ ਇੱਕ ਹਫ਼ਤੇ ਤੋਂ ਦੇਸ਼ ਭਰ ਦੇ ਬਾਜ਼ਾਰਾਂ, ਘਰਾਂ ਅਤੇ ਦਫ਼ਤਰਾਂ ਵਿੱਚ ਸਜਾਵਟ ਨਾਲ ਜਸ਼ਨ ਦੀਆਂ ਤਸਵੀਰਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਇਸ ਦੇ ਨਾਲ ਹੀ ਦੇਸ਼-ਵਿਦੇਸ਼ ਦੇ ਲੋਕ ਵੀ ਦੀਵਾਲੀ ਮਨਾਉਣ ਤੋਂ ਅਛੂਤੇ ਨਹੀਂ ਹਨ।
ਰਾਜਧਾਨੀ ਦਿੱਲੀ ਵਿੱਚ ਅਮਰੀਕੀ ਦੂਤਾਵਾਸ ਵਿੱਚ ਦੀਵਾਲੀ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਦੌਰਾਨ ਭਾਰਤ ‘ਚ ਅਮਰੀਕਾ ਦੇ ਰਾਜਦੂਤ ਐਰਿਕ ਗਾਰਸੇਟੀ ਪ੍ਰਸਿੱਧ ਹਿੰਦੀ ਗੀਤ ‘ਤੌਬਾ, ਤੌਬਾ’ ਦੀ ਧੁਨ ‘ਤੇ ਨੱਚਦੇ ਨਜ਼ਰ ਆਏ।
#WATCH | US Ambassador to India, Eric Garcetti dances to the tune of the popular Hindi song ‘Tauba, Tauba’ during Diwali celebrations at the embassy in Delhi
(Video source: US Embassy) pic.twitter.com/MLdLd8IDrH
— ANI (@ANI) October 30, 2024
ਵੀਡੀਓ ਵਿੱਚ ਵੇਖਿਆ ਜਾ ਸਕਦਾ ਹੈ ਉਨ੍ਹਾਂ ਨੇ ਕੁੜਤਾ ਅਤੇ ਪਜਾਮਾ ਪਾਇਆ ਹੋਇਆ ਹੈ। ਉਨ੍ਹਾਂ ਗਲੇ ਦੁਆਲੇ ਮੈਰੂਨ ਰੰਗ ਦਾ ਸਕਾਰਫ਼ ਬੰਨ੍ਹਿਆ ਹੋਇਆ ਹੈ। ਸਟੇਜ ‘ਤੇ ਅਮਰੀਕੀ ਸਫੀਰ ਨਾਲ ਇਸ ਗੀਤ ‘ਤੇ ਕਈ ਲੋਕ ਡਾਂਸ ਕਰ ਰਹੇ ਹਨ।
ਉਥੇ ਹੀ ਦੂਜੇ ਪਾਸੇ ਦਿੱਲੀ ਦੇ ਚਾਂਦਨੀ ਚੌਕ ‘ਚ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ, ਜਦੋਂ ਚਾਂਦਨੀ ਚੌਕ ਬਾਜ਼ਾਰ ‘ਚ ਘੁੰਮਣ ਗਏ ਫਰਾਂਸੀਸੀ ਦੂਤਾਵਾਸ ਦੀ ਜੇਬ ‘ਚੋਂ ਚੋਰਾਂ ਨੇ ਮੋਬਾਇਲ ਫੋਨ ਚੋਰੀ ਕਰ ਲਿਆ। ਹਾਲ ਹੀ ‘ਚ ਫਰਾਂਸ ਦੇ ਰਾਜਦੂਤ ਭਾਰਤ ਦੌਰੇ ‘ਤੇ ਆਏ ਸਨ। ਇਸ ਦੌਰਾਨ ਉਸ ਨਾਲ ਇਹ ਵੱਡੀ ਘਟਨਾ ਵਾਪਰੀ। ਪੁਲਿਸ ਨੇ ਮਾਮਲੇ ਦੀ ਗੰਭੀਰਤਾ ਨੂੰ ਸਮਝਦੇ ਹੋਏ ਤੁਰੰਤ ਜਾਂਚ ਸ਼ੁਰੂ ਕੀਤੀ ਅਤੇ ਕਈ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕਰ ਲਿਆ।
ਉਸ ਨੇ ਦੱਸਿਆ ਕਿ 20 ਅਕਤੂਬਰ ਨੂੰ ਮਥਾਊ ਅਤੇ ਉਸ ਦੀ ਪਤਨੀ ਬਾਜ਼ਾਰ ਗਏ ਸਨ, ਜਦੋਂ ਉਸ ਦੀ ਜੇਬ ਵਿੱਚੋਂ ਮੋਬਾਈਲ ਫ਼ੋਨ ਚੋਰੀ ਹੋ ਗਿਆ। ਇੱਕ ਪੁਲਿਸ ਅਧਿਕਾਰੀ ਦੇ ਅਨੁਸਾਰ, ਜੈਨ ਮੰਦਰ ਦੇ ਕੋਲ ਫ਼ੋਨ ਦੇ ਗਾਇਬ ਹੋਣ ਤੋਂ ਤੁਰੰਤ ਬਾਅਦ ਰਾਜਦੂਤ ਨੇ ਈ-ਸ਼ਿਕਾਇਤ ਦਰਜ ਕਰਵਾਈ। ਦੂਤਾਵਾਸ ਨੇ ਅਗਲੇ ਦਿਨ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ, ਜਾਂਚ ਲਈ ਕਿਹਾ।
ਪੁਲਿਸ ਨੇ ਇਲਾਕੇ ਦੇ ਸੀਸੀਟੀਵੀ ਫੁਟੇਜ ਨੂੰ ਸਕੈਨ ਕੀਤਾ ਅਤੇ ਸ਼ੱਕੀ ਵਿਅਕਤੀਆਂ ਦਾ ਪਤਾ ਲਗਾਉਣ ਲਈ ਤੁਰੰਤ ਇੱਕ ਟੀਮ ਦਾ ਗਠਨ ਕੀਤਾ। ਇਸ ਤੋਂ ਤੁਰੰਤ ਬਾਅਦ 20 ਤੋਂ 25 ਸਾਲ ਦੀ ਉਮਰ ਦੇ ਚਾਰੇ ਮੁਲਜ਼ਮਾਂ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਅਤੇ ਚੋਰੀ ਕੀਤੇ ਮੋਬਾਈਲ ਫੋਨ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਗਈ।
