Elon Musk ਨੇ ਲਾਂਚ ਕੀਤੀ ਬਿਨਾਂ ਸਟੇਅਰਿੰਗ ਵ੍ਹੀਲ ਵਾਲੀ ਸਾਈਬਰਕੈਬ, ਆਪਣੇ ਆਪ ਤੈਅ ਕਰੇਗੀ ਰਸਤਾ
Tesla ਦੇ ਸੀਈਓ ਐਲੋਨ ਮਸਕ (Elon Musk) ਨੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਆਖਰਕਾਰ ਕੰਪਨੀ ਦੀ ਪਹਿਲੀ ਰੋਬੋਟੈਕਸੀ ਲਾਂਚ ਕਰ ਦਿੱਤੀ ਹੈ। ਪੂਰੀ ਤਰ੍ਹਾਂ ਬੈਟਰੀ ‘ਤੇ ਚੱਲਣ ਵਾਲੀ ਇਸ ਰੋਬੋਟੈਕਸੀ ਦਾ ਨਾਂ ਸਾਈਬਰਕੈਬ ਰੱਖਿਆ ਗਿਆ ਹੈ। ਕੰਪਨੀ ਨੇ ਇਸ ਨੂੰ ਲਾਸ ਏਂਜਲਸ ਦੇ ਵਾਰਨਰ ਬ੍ਰਦਰਜ਼ ਸਟੂਡੀਓ ਵਿੱਚ ਇੱਕ ਇਵੈਂਟ ਵਿੱਚ ਲਾਂਚ ਕੀਤਾ।
ਐਲੋਨ ਮਸਕ (Elon Musk) ਨੇ ਘੋਸ਼ਣਾ ਕੀਤੀ ਕਿ ਸਾਈਬਰਕੈਬ ਦਾ ਉਤਪਾਦਨ 2026 ਵਿੱਚ ਸ਼ੁਰੂ ਹੋਵੇਗਾ ਅਤੇ ਇਸ ਦੀ ਕੀਮਤ $30,000 (ਲਗਭਗ 25 ਲੱਖ ਰੁਪਏ) ਤੋਂ ਘੱਟ ਹੋਵੇਗੀ। Tesla ਦੇ ਪ੍ਰਸ਼ੰਸਕ ਇਸ ਇਵੈਂਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ, ਕਿਉਂਕਿ ਇਵੈਂਟ ਪਹਿਲਾਂ ਹੀ ਦੇਰੀ ਨਾਲ ਚੱਲ ਰਿਹਾ ਸੀ। ਸੋਸ਼ਲ ਮੀਡੀਆ ਪਲੇਟਫਾਰਮ X ‘ਤੇ ਇਸ ਇਵੈਂਟ ਦੀ ਲਾਈਵਸਟ੍ਰੀਮ ਵਿੱਚ ਲਗਭਗ 3.3 ਮਿਲੀਅਨ ਦਰਸ਼ਕਾਂ ਨੇ ਹਿੱਸਾ ਲਿਆ।
ਆਓ ਜਾਣਦੇ ਹਾਂ ਸਾਈਬਰਕੈਬ ਬਾਰੇ: ਸਾਈਬਰਕੈਬ ਇਲੈਕਟ੍ਰਿਕ ਟੈਕਸੀ ਵਿੱਚ ਸਿਰਫ਼ ਦੋ ਲੋਕਾਂ ਦੇ ਬੈਠਣ ਦੀ ਸਮਰੱਥਾ ਹੁੰਦੀ ਹੈ ਅਤੇ ਇਸ ਵਿੱਚ ਨਾ ਤਾਂ ਪੈਡਲ ਹੈ ਅਤੇ ਨਾ ਹੀ ਸਟੇਅਰਿੰਗ ਵ੍ਹੀਲ, ਜੋ ਕਿ ਇਸ ਨੂੰ ਇੱਕ ਪੂਰੀ ਤਰ੍ਹਾਂ ਆਟੋਮੇਟਿਡ ਵਾਹਨ ਬਣਾਉਂਦਾ ਹੈ। ਇਸ ਦੇ ਦੋਵੇਂ ਦਰਵਾਜ਼ੇ ਤਿਤਲੀ ਦੇ ਖੰਭਾਂ ਵਾਂਗ ਉੱਪਰ ਵੱਲ ਖੁੱਲ੍ਹਦੇ ਹਨ।
ਆਮ ਕਾਰਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ ਹੋਣ ਦਾ ਦਾਅਵਾ
ਲਾਂਚ ਦੇ ਦੌਰਾਨ, ਐਲੋਨ ਮਸਕ (Elon Musk) ਨੇ ਕਿਹਾ ਕਿ ਆਟੋਨੋਮਸ ਵਾਹਨ ਮਨੁੱਖ ਦੁਆਰਾ ਚਲਾਏ ਜਾਣ ਵਾਲੇ ਵਾਹਨਾਂ ਨਾਲੋਂ 10 ਤੋਂ 20 ਗੁਣਾ ਸੁਰੱਖਿਅਤ ਹੋ ਸਕਦੇ ਹਨ, ਅਤੇ ਬਹੁਤ ਸਸਤੇ ਵੀ ਹੋਣਗੇ। ਐਲੋਨ ਮਸਕ (Elon Musk) ਨੇ ਕਿਹਾ ਕਿ ਇੱਕ ਸੈਲਫ-ਡਰਾਈਵਿੰਗ ਕਾਰ ਚਲਾਉਣ ਦੀ ਲਾਗਤ ਸਿਟੀ ਬੱਸਾਂ ਲਈ $1 ਪ੍ਰਤੀ ਮੀਲ ਦੇ ਮੁਕਾਬਲੇ $0.20 ਪ੍ਰਤੀ ਮੀਲ ਹੋਵੇਗੀ।
ਐਲੋਨ ਮਸਕ (Elon Musk) ਦੀ ਰਣਨੀਤੀ ਦਾ ਮੁੱਖ ਸਿਧਾਂਤ ਆਟੋਮੇਸ਼ਨ ਹੈ। ਐਲੋਨ ਮਸਕ (Elon Musk) ਲੰਬੇ ਸਮੇਂ ਤੋਂ ਪੂਰੀ ਤਰ੍ਹਾਂ ਆਟੋਮੇਟਿਡ, ਡਰਾਈਵਰ ਰਹਿਤ ਕਾਰਾਂ ਨੂੰ ਮਾਰਕੀਟ ਵਿੱਚ ਲਿਆਉਣ ਦਾ ਵਾਅਦਾ ਕਰ ਰਹੇ ਹਨ। ਸਾਈਬਰਕੈਬ ਦੇ ਜ਼ਰੀਏ, Tesla ਇਸ ਵਿਜ਼ਨ ਨੂੰ ਇਕ ਕਦਮ ਹੋਰ ਅੱਗੇ ਲਿਜਾਣਾ ਚਾਹੁੰਦੀ ਹੈ। ਐਲੋਨ ਮਸਕ (Elon Musk) 2019 ਤੋਂ ਰਾਈਡ-ਹੇਲਿੰਗ ਕਾਰੋਬਾਰ ਬਾਰੇ ਗੱਲ ਕਰ ਰਹੇ ਹਨ, ਪਰ ਹੁਣ ਤੱਕ ਇਸ ਵਿੱਚ ਬਹੁਤ ਘੱਟ ਤਰੱਕੀ ਹੋਈ ਹੈ।
