ਕੁੱਝ ਇਸ ਤਰ੍ਹਾਂ ਪੂਰਾ ਹੋਇਆ ਸੀ ਰਤਨ ਟਾਟਾ ਦਾ ਸੁਪਨਾ, ਛੋਟੇ ਉਦਯੋਗ ਤੋਂ ਸ਼ੁਰੂ ਹੋ ਕੇ 15 ਲੱਖ ਕਰੋੜ ਦੀ ਕੰਪਨੀ ਬਣੀ TCS
ਟੀਸੀਐਸ (TCS) (Tata Consultancy Services) ਦੀ ਕਹਾਣੀ ਇੱਕ ਛੋਟੇ ਉਦਯੋਗ ਤੋਂ ਸ਼ੁਰੂ ਹੋਈ ਸੀ ਜੋ ਅੱਜ 15 ਲੱਖ ਕਰੋੜ ਰੁਪਏ ਦੀ ਇੱਕ ਮੈਗਾ ਕੰਪਨੀ ਵਿੱਚ ਬਦਲ ਗਈ ਹੈ। ਇਹ ਦੀ ਸ਼ੁਰੂਆਤ 1968 ਵਿੱਚ ਹੋਈ ਜਦੋਂ ਫਕੀਰ ਚੰਦ ਕੋਹਲੀ (ਭਾਰਤੀ ਆਈਟੀ ਦੇ ਪਿਤਾਮਾ) ਨੇ ਇੱਕ ਨੌਜਵਾਨ ਟੀਮ ਦੇ ਨਾਲ ਕੰਪਿਊਟਰ ਸੇਵਾਵਾਂ ਦੀ ਮੰਗ ਪੈਦਾ ਕੀਤੀ।
TCS ਨੇ 1971 ਵਿੱਚ ਆਪਣੇ ਪਹਿਲੇ ਐਕਸਟਰਨਲ ਕਾਂਟ੍ਰੈਕਟ ‘ਤੇ ਦਸਤਖਤ ਕੀਤੇ, ਜਦੋਂ ਇਸ ਨੂੰ ਈਰਾਨ ਵਿੱਚ ਪਾਵਰ ਕੰਪਨੀਆਂ ਲਈ ਇਨਵੈਂਟੋਰੀ ਅਤੇ ਸਟਾਕ ਕੰਟਰੋਲ ਸਿਸਟਮ ਬਣਾਉਣ ਦਾ ਕੰਮ ਮਿਲਿਆ। ਇਹ ਇੱਕ ਮਹੱਤਵਪੂਰਨ ਕਦਮ ਸੀ ਜਿਸ ਨੇ TCS ਨੂੰ ਅੰਤਰਰਾਸ਼ਟਰੀ ਮਾਨਤਾ ਦਿੱਤੀ।
ਇਸ ਤੋਂ ਬਾਅਦ ਸਾਲ 1973 ਵਿੱਚ, TCS ਨੇ ਹਸਪਤਾਲ ਦੀ ਅਕਾਉਂਟਿੰਗ ਪ੍ਰਣਾਲੀ ਨੂੰ ਛੋਟੇ ਸਿਸਟਮਾਂ ਲਈ ਕੋਡ ਵਿੱਚ ਬਦਲਣ ਦਾ ਕੰਮ ਸੰਭਾਲਿਆ, ਹਾਲਾਂਕਿ ਉਸ ਸਮੇਂ ਉਹਨਾਂ ਕੋਲ ਕੰਪਿਊਟਰ ਨਹੀਂ ਸਨ। ਇਸ ਦੇ ਲਈ, ਉਨ੍ਹਾਂ ਨੇ ਇੱਕ ਇਨ-ਹਾਊਸ ਟੂਲ ਵਿਕਸਿਤ ਕੀਤਾ ਜੋ ਇਤਿਹਾਸ ਵਿੱਚ ਪਹਿਲੀ ਵਾਰ ਇੱਕ ਆਫਸ਼ੋਰ ਡਿਲੀਵਰੀ ਪ੍ਰੋਜੈਕਟ ਦੇ ਰੂਪ ਜਾਣਿਆ ਜਾਣ ਲੱਦਾ।
ਪਹਿਲਾ ਸੇਲਸ ਆਫਿਸ ਖੋਲਿਆ
1979 ਵਿੱਚ, ਟੀਸੀਐਸ (TCS) ਨੇ ਨਿਊਯਾਰਕ ਵਿੱਚ ਆਪਣਾ ਪਹਿਲਾ ਸੇਲਸ ਦਫ਼ਤਰ ਖੋਲ੍ਹਿਆ। ਇਸ ਦਫਤਰ ਦੇ ਜ਼ਰੀਏ, TCS ਨੇ ਬਹੁਤ ਸਾਰੇ ਪ੍ਰਮੁੱਖ ਗਾਹਕਾਂ ਨਾਲ ਸਬੰਧ ਸਥਾਪਿਤ ਕੀਤੇ, ਜਿਸ ਨਾਲ ਕੰਪਨੀ ਦੇ ਵਿਕਾਸ ਨੂੰ ਹੋਰ ਮਜ਼ਬੂਤ ਕੀਤਾ ਗਿਆ। 1981 ਵਿੱਚ, TCS ਨੇ ਭਾਰਤ ਦੇ ਪਹਿਲੇ ਸਾਫਟਵੇਅਰ ਰਿਸਰਚ ਸੈਂਟਰ ਦੀ ਸਥਾਪਨਾ ਕੀਤੀ।
ਇਸ ਤੋਂ ਬਾਅਦ, 1997 ਵਿੱਚ, ਕੰਪਨੀ ਨੇ Y2K ਸਮੱਸਿਆ ਨੂੰ ਹੱਲ ਕਰਨ ਲਈ ਇੱਕ ਸਵੈਚਲਿਤ ਸੌਫਟਵੇਅਰ ਫੈਕਟਰੀ ਕਾਂਸੈਪਟ ਦੀ ਅਗਵਾਈ ਕੀਤੀ, ਜਿਸ ਨੇ ਕੋਡ ਦੀਆਂ ਲਗਭਗ 700 ਮਿਲੀਅਨ ਲਾਈਨਾਂ ਨੂੰ ਸਫਲਤਾਪੂਰਵਕ ਮੋਡੀਫਾਈ ਕੀਤਾ।
2002 ਵਿੱਚ TCS ਨੇ GE ਮੈਡੀਕਲ ਸਿਸਟਮਜ਼ ਨਾਲ $100 ਮਿਲੀਅਨ ਦੇ ਕਾਂਟ੍ਰੈਕਟ ‘ਤੇ ਹਸਤਾਖਰ ਕੀਤੇ, ਜੋ ਕਿ ਇੱਕ ਭਾਰਤੀ ਸਾਫਟਵੇਅਰ ਸਰਵਿਸ ਫਰਮ ਦੁਆਰਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਕਾਂਟ੍ਰੈਕਟ ਹੈ। ਇਸ ਤੋਂ ਬਾਅਦ 2004 ਵਿੱਚ TCS ਨੇ ਆਪਣੇ IPO ਰਾਹੀਂ 1 ਬਿਲੀਅਨ ਡਾਲਰ ਇਕੱਠੇ ਕੀਤੇ। 2020 ਤੱਕ TCS ਵਿੱਚ ਕੁੱਲ 545,000 ਤੋਂ ਵੱਧ ਕਰਮਚਾਰੀ ਕੰਮ ਕਰ ਰਹੇ ਸਨ।
2022 ਵਿੱਚ TCS ਨੇ $25.7 ਬਿਲੀਅਨ ਦੀ ਆਮਦਨ ਦਰਜ ਕੀਤੀ ਸੀ। TCS (ਟਾਟਾ ਕੰਸਲਟੈਂਸੀ ਸਰਵਿਸਿਜ਼) ਇੱਕ ਭਾਰਤੀ ਮਲਟੀਨੈਸ਼ਨਲ ਤਕਨਾਲੋਜੀ ਕੰਪਨੀ ਹੈ ਜੋ IT ਸੇਵਾਵਾਂ, Consulting ਅਤੇ Business Solutions ਪ੍ਰਦਾਨ ਕਰਦੀ ਹੈ।
TCS ਬੈਂਕਿੰਗ, ਫਾਈਨਾਂਸ, ਬੀਮਾ, ਰਿਟੇਲ, ਦੂਰਸੰਚਾਰ ਆਦਿ ਵਰਗੇ ਵੱਖ-ਵੱਖ ਉਦਯੋਗਾਂ ਨੂੰ ਸੇਵਾਵਾਂ ਪ੍ਰਦਾਨ ਕਰਦੀ ਹੈ। TCS ਕੋਲ ਵਰਤਮਾਨ ਵਿੱਚ 601,000 ਤੋਂ ਵੱਧ ਕਰਮਚਾਰੀ ਹਨ ਅਤੇ ਉਹ 54 ਦੇਸ਼ਾਂ ਵਿੱਚ ਕੰਮ ਕਰਦੇ ਹਨ। ਕੰਪਨੀ ਦਾ ਮੁੱਖ ਦਫਤਰ ਮੁੰਬਈ ਵਿੱਚ ਹੈ ਅਤੇ ਭਾਰਤ ਦੇ BSE ਅਤੇ NSE ‘ਤੇ ਲਿਸਟਿਡ ਹੈ।
