ਲਗਾਤਾਰ 5 ਦਿਨ ਸਕੂਲ, ਕਾਲਜ, ਦਫਤਰ ਤੇ ਬੈਂਕ ਰਹਿਣਗੇ ਬੰਦ! ਵੇਖੋ ਛੁੱਟੀਆਂ ਦੀ ਲਿਸਟ Public Holidays Schools colleges offices and banks will remain closed for 5 days See holidays list – News18 ਪੰਜਾਬੀ
Public Holidays: ਅਕਤੂਬਰ ਮਹੀਨੇ ਦੀ ਸ਼ੁਰੂਆਤ ਤੋਂ ਇਸ ਦੇ ਅੰਤ ਤੱਕ ਤਿਉਹਾਰਾਂ ਅਤੇ ਵਿਸ਼ੇਸ਼ ਦਿਨਾਂ ਦੀ ਲੰਮੀ ਕਤਾਰ ਹੈ। ਅਕਤੂਬਰ ਦੇ ਪਹਿਲੇ ਹਫ਼ਤੇ ਤਿੰਨ ਦਿਨ ਦੀ ਛੁੱਟੀਆਂ ਸਨ, ਜਦਕਿ ਦੂਜੇ ਹਫਤੇ ਵੀ ਲਗਾਤਾਰ ਕਈ ਸਰਕਾਰੀ ਛੁੱਟੀਆਂ ਹਨ। ਜੇਕਰ ਤੁਸੀਂ ਕਿਤੇ ਬਾਹਰ ਜਾਣ ਦੀ ਯੋਜਨਾ ਬਣਾਉਣ ਬਾਰੇ ਸੋਚ ਰਹੇ ਹੋ, ਤਾਂ ਤੁਸੀਂ 10 ਤੋਂ 14 ਦੇ ਵਿਚਕਾਰ ਜਾ ਸਕਦੇ ਹੋ।
ਦਰਅਸਲ, ਸਕੂਲ, ਕਾਲਜ, ਦਫ਼ਤਰ ਅਤੇ ਬੈਂਕ ਲਗਾਤਾਰ 5 ਦਿਨ ਬੰਦ ਰਹਿਣ ਵਾਲੇ ਹਨ। ਅਕਤੂਬਰ ਦੇ ਦੂਜੇ ਹਫ਼ਤੇ 5 ਦਿਨ ਛੁੱਟੀ ਰਹੇਗੀ।
ਮਹਾਸਪਤਮੀ (Mahasaptami) ਦੇ ਮੌਕੇ ਉਤੇ 10 ਅਕਤੂਬਰ ਵੀਰਵਾਰ ਨੂੰ ਛੁੱਟੀ ਰਹੇਗੀ। ਇਸ ਮੌਕੇ ਦੇਸ਼ ਦੇ ਕੁਝ ਰਾਜਾਂ ਵਿੱਚ ਸਕੂਲ, ਕਾਲਜ, ਦਫ਼ਤਰ ਅਤੇ ਬੈਂਕ ਬੰਦ ਰਹਿਣਗੇ। ਹਾਲਾਂਕਿ ਕੁਝ ਕੰਪਨੀਆਂ ਵਿੱਚ ਮਹਾਸਪਤਮੀ ਵਾਲੇ ਦਿਨ ਛੁੱਟੀ ਨਹੀਂ ਹੁੰਦੀ।
ਦੇਸ਼ ਭਰ ਵਿੱਚ ਲਗਾਤਾਰ 3 ਦਿਨਾਂ ਦੀ ਛੁੱਟੀ
ਇਸ ਤੋਂ ਇਲਾਵਾ ਸ਼ੁੱਕਰਵਾਰ 11 ਅਕਤੂਬਰ ਨੂੰ ਅਸ਼ਟਮੀ ਅਤੇ ਨਵਮੀ (Navami) ਦੇ ਕਾਰਨ ਜਨਤਕ ਛੁੱਟੀ ਹੈ। ਦੁਰਗਾ ਪੂਜਾ ਅਤੇ ਦੁਸਹਿਰੇ ਦੇ ਮੌਕੇ ਉਤੇ 12 ਅਕਤੂਬਰ ਦਿਨ ਸ਼ਨੀਵਾਰ ਨੂੰ ਸਕੂਲ, ਕਾਲਜ, ਦਫਤਰ ਅਤੇ ਬੈਂਕ ਬੰਦ ਰਹਿਣਗੇ।
13 ਅਕਤੂਬਰ ਦਿਨ ਐਤਵਾਰ ਨੂੰ ਹਫ਼ਤਾਵਾਰੀ ਛੁੱਟੀ ਹੋਣ ਕਾਰਨ ਦੇਸ਼ ਭਰ ਦੇ ਸਕੂਲ, ਕਾਲਜ, ਦਫ਼ਤਰ ਅਤੇ ਬੈਂਕ ਬੰਦ ਰਹਿਣਗੇ।
10 ਅਕਤੂਬਰ, 11 ਅਕਤੂਬਰ, 12 ਅਕਤੂਬਰ, 13 ਅਕਤੂਬਰ ਅਤੇ 14 ਅਕਤੂਬਰ ਨੂੰ ਛੁੱਟੀ ਰਹੇਗੀ, ਹਾਲਾਂਕਿ 14 ਅਕਤੂਬਰ ਨੂੰ ਗੰਗਟੋਕ (ਸਿੱਕਮ) ਵਿੱਚ ਹੀ ਦੁਰਗਾ ਪੂਜਾ ਜਾਂ ਦਸਵੀਂ ਕਾਰਨ ਸਕੂਲਾਂ, ਕਾਲਜਾਂ, ਦਫ਼ਤਰਾਂ ਅਤੇ ਬੈਂਕਾਂ ਵਿੱਚ ਛੁੱਟੀ ਰਹੇਗੀ।
17 ਅਕਤੂਬਰ ਅਤੇ 20 ਅਕਤੂਬਰ ਨੂੰ ਛੁੱਟੀ
14 ਅਕਤੂਬਰ ਤੋਂ ਬਾਅਦ 17 ਅਕਤੂਬਰ ਦਿਨ ਵੀਰਵਾਰ ਨੂੰ ਕਟੀ ਬਿਹੂ ਅਤੇ ਵਾਲਮੀਕਿ ਜੈਅੰਤੀ ਕਾਰਨ ਛੁੱਟੀ ਰਹੇਗੀ। 20 ਅਕਤੂਬਰ ਦਿਨ ਐਤਵਾਰ ਨੂੰ ਹਫਤਾਵਾਰੀ ਛੁੱਟੀ ਹੋਣ ਕਾਰਨ ਜਨਤਕ ਛੁੱਟੀ ਹੋਵੇਗੀ।
29 ਤੋਂ 31 ਅਕਤੂਬਰ ਤੱਕ ਵੀ ਛੁੱਟੀ ਰਹੇਗੀ
ਦੀਵਾਲੀ ਨਾਲ ਸਬੰਧਤ ਤਿਉਹਾਰਾਂ ਕਾਰਨ ਕੁਝ ਰਾਜਾਂ ਵਿੱਚ 29 ਅਤੇ 31 ਅਕਤੂਬਰ ਨੂੰ ਛੁੱਟੀ ਰਹੇਗੀ।
