ਬਰਾਕ ਓਬਾਮਾ ਨਾਲ ਅਫੇਅਰ ਤੋਂ ਲੈ ਕੇ ਹੋਰ ਵੀ ਬਹੁਤ ਕੁੱਝ, ਆਪਣੇ ਬਾਰੇ ਫੈਲੀਆਂ ਅਫ਼ਵਾਹਾਂ ਨੂੰ ਲੈ ਕੇ ਤੰਗ ਆਈ ਇਹ ਅਦਾਕਾਰਾ

ਮੇਜ਼ਬਾਨ ਜਿੰਮੀ ਕਿਮਲ ਨਾਲ ‘ਟਰੂ ਔਰ ਫਾਲਸ’ ਗੇਮ ਖੇਡਦੇ ਹੋਏ, ਐਨੀਸਟਨ ਨੇ ਇਸ ਅਜੀਬੋ-ਗਰੀਬ ਦਾਅਵੇ ‘ਤੇ ਹਾਸੋਹੀਣੀ ਪ੍ਰਤੀਕਿਰਿਆ ਦਿੱਤੀ। ਇਸ ਸ਼ੋਅ ਦੌਰਾਨ, ਜਿੰਮੀ ਕਿਮਲ ਨੇ InTouch ਮੈਗਜ਼ੀਨ ਦਾ ਅਗਸਤ ਐਡੀਸ਼ਨ ਪੇਸ਼ ਕੀਤਾ। ਇਸ ਮੈਗਜ਼ੀਨ ਦੀ ਕਵਰ ਸਟੋਰੀ ਦਾ ਸਿਰਲੇਖ ਸੀ- ‘The Truth About Jen and Barack’। ਇਸ ਤੋਂ ਬਾਅਦ ਸ਼ੁਰੂ ‘ਚ ਦਰਸ਼ਕ ਹੱਸ ਪਏ ਪਰ ਫਿਰ ਐਨੀਸਟਨ ਨੇ ਇਸ ਦਾਅਵੇ ਨੂੰ ਝੂਠਾ ਦੱਸਿਆ। ਜੈਨੀਫਰ ਐਨੀਸਟਨ ਨੇ ਕਿਹਾ ਕਿ ਮੈਂ ਇਸ ਤੋਂ ਗੁੱਸੇ ਨਹੀਂ ਹਾਂ ਪਰ ਇਹ ਅਫਵਾਹ ਬਿਲਕੁਲ ਝੂਠ ਹੈ।

ਜੈਨੀਫਰ ਐਨੀਸਟਨ ਨਾਲ ਸਬੰਧਤ ਹੋਰ ਅਜੀਬ ਅਫਵਾਹਾਂ ਬਾਰੇ ਵੀ ਸ਼ੋਅ ਵਿੱਚ ਚਰਚਾ ਹੋਈ। ਇਸ ਤੋਂ ਬਾਅਦ ਕਿਮਲ ਨੇ ਉਨ੍ਹਾਂ ਬਾਰੇ ਫੈਲੇ ਕਈ ਹੋਰ ਅਜੀਬ ਤੱਥਾਂ ਬਾਰੇ ਗੱਲ ਕੀਤੀ। ਇਸ ਦੇ ਜਵਾਬ ਵਿੱਚ ਐਨੀਸਟਨ ਨੇ ਕਿਹਾ ਕਿ ਓਹ, ਹੁਣ ਅਸੀਂ ਇਨ੍ਹਾਂ ਅਫਵਾਹਾਂ ਨੂੰ ਗਲਤ ਸਾਬਤ ਕਰਨ ਜਾ ਰਹੇ ਹਾਂ। ਮੈਨੂੰ ਇਹ ਪਸੰਦ ਹੈ।

ਜੈਨੀਫਰ ਐਨੀਸਟਨ (Jennifer Aniston) ਨੇ ਉਨ੍ਹਾਂ ਰਿਪੋਰਟਾਂ ਨੂੰ ਵੀ ਖਾਰਜ ਕਰ ਦਿੱਤਾ ਕਿ ਉਨ੍ਹਾਂ ਨੇ ਆਪਣੇ ਕੁੱਤਿਆਂ ਲਈ “$4,000 ਐਂਟੀ-ਏਜਿੰਗ ਵਾਟਰ ਫਿਲਟਰ” ਇੰਸਟਾਲ ਕਰਵਾਏ ਹਨ। ਇਸ ਤੋਂ ਇਲਾਵਾ ਉਸਨੇ ਇਸ ਦਾਅਵੇ ਦਾ ਵੀ ਖੰਡਨ ਕੀਤਾ ਕਿ ਉਸਦੇ ਕੋਲ “ਜੁਜੀਤਸੂ ਵਿੱਚ ਬਲੈਕ ਬੈਲਟ” ਹੈ। ਹਾਲਾਂਕਿ ਇਸ ਦੌਰਾਨ ਉਨ੍ਹਾਂ ਨੇ ਇਕ ਬਹੁਤ ਹੀ ਅਜੀਬ ਗੱਲ ਨੂੰ ਸੱਚ ਦੱਸਿਆ।

ਜੈਨੀਫਰ ਐਨੀਸਟਨ ਨੇ ਸਵੀਕਾਰ ਕੀਤਾ ਕਿ ਉਸਨੇ ਸਾਲਮਨ ਮੱਛੀ ਦੇ ਸ਼ੁਕਰਾਣੂਆਂ ਨਾਲ ਫੇਸ਼ੀਅਲ ਕਰਵਾਇਆ ਸੀ। ਇਸ ਤੋਂ ਇਲਾਵਾ ਉਸ ਨੇ ਇਕ ਹੋਰ ਗੱਲ ਵੀ ਸੱਚ ਮੰਨੀ। ਉਸ ਬਾਰੇ ਰਿਪੋਰਟਾਂ ਆਈਆਂ ਸਨ ਕਿ ਜੈਨੀਫਰ ਐਨੀਸਟਨ “ਇੱਕ ਮ੍ਰਿਤਕ ਡਾਕਟਰ ਦੀਆਂ ਅਸਥੀਆਂ” ਦਾ “ਜ਼ਿਪਲਾਕ ਬੈਗ” ਰੱਖਦੀ ਹੈ। ਉਸਨੇ ਕਿਹਾ ਕਿ ਮੈਂ ਇਸ ਉੱਤੇ ਕੀ ਬਹਿਸ ਕਰਾਂ, ਇਹ ਕੁਝ ਹੱਦ ਤੱਕ ਸੱਚ ਹੈ।