ਫਰਿੱਜ ਸਾਡੇ ਘਰਾਂ ਦਾ ਜ਼ਰੂਰੀ ਅੰਗ ਬਣ ਗਿਆ ਹੈ। ਇਸ ਨੇ ਸਾਡੀ ਜ਼ਿੰਦਗੀ ਨੂੰ ਆਸਾਨ ਅਤੇ ਆਰਾਮਦਾਇਕ ਬਣਾਇਆ ਹੈ, ਪਰ ਜੇਕਰ ਇਸ ਦੀ ਸਹੀ ਦੇਖਭਾਲ ਨਾ ਕੀਤੀ ਜਾਵੇ, ਤਾਂ ਇਹ ਘਾਤਕ ਹੋ ਸਕਦਾ ਹੈ। ਹਾਲ ਹੀ ‘ਚ ਹੈਦਰਾਬਾਦ ‘ਚ ਫਰਿੱਜ ‘ਚੋਂ ਸਾਮਾਨ ਕੱਢਦੇ ਸਮੇਂ ਕੰਪ੍ਰੈਸਰ ‘ਚ ਧਮਾਕਾ ਹੋਣ ਕਾਰਨ ਇਕ ਲੜਕੇ ਦੀ ਮੌਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ।
ਅਜਿਹੀਆਂ ਘਟਨਾਵਾਂ ਪਹਿਲਾਂ ਵੀ ਵਾਪਰਦੀਆਂ ਰਹੀਆਂ ਹਨ। ਇਸ ਲਈ ਗਰਮੀਆਂ ਦੇ ਮੌਸਮ ‘ਚ ਫਰਿੱਜ ਦੀ ਵਰਤੋਂ ਕਰਦੇ ਸਮੇਂ ਕੁਝ ਸਾਵਧਾਨੀਆਂ ਵਰਤਣੀਆਂ ਜ਼ਰੂਰੀ ਹਨ। ਥੋੜੀ ਜਿਹੀ ਸਾਵਧਾਨੀ ਅਤੇ ਨਿਯਮਤ ਦੇਖਭਾਲ ਨਾਲ ਤੁਸੀਂ ਅਜਿਹੇ ਹਾਦਸਿਆਂ ਤੋਂ ਬਚ ਸਕਦੇ ਹੋ। ਕੁਝ ਆਸਾਨ ਟਿਪਸ ਦੀ ਮਦਦ ਨਾਲ ਅਜਿਹੀਆਂ ਘਟਨਾਵਾਂ ਨੂੰ ਰੋਕਿਆ ਜਾ ਸਕਦਾ ਹੈ।
ਕਿਉਂ ਫਟਦਾ ਹੈ ਕੰਪ੍ਰੈਸਰ?
ਫਰਿੱਜ ਦਾ ਕੰਪ੍ਰੈਸਰ ਇਸ ਦਾ ਦਿਲ ਹੁੰਦਾ ਹੈ ਜੋ ਗੈਸ ਨੂੰ ਦਬਾ ਕੇ ਫਰਿੱਜ ਨੂੰ ਠੰਡਾ ਰੱਖਦਾ ਹੈ। ਕੁਝ ਗਲਤੀਆਂ ਕਾਰਨ, ਇਹ ਜ਼ਿਆਦਾ ਗਰਮ ਹੋ ਸਕਦਾ ਹੈ ਅਤੇ ਫਟ ਸਕਦਾ ਹੈ, ਜਿਸ ਕਾਰਨ ਅੱਗ ਜਾਂ ਧਮਾਕੇ ਦਾ ਖ਼ਤਰਾ ਰਹਿੰਦਾ ਹੈ।
• ਜੇਕਰ ਫਰਿੱਜ ਦੀ ਗੈਸ ਲੀਕ ਹੋ ਰਹੀ ਹੈ ਅਤੇ ਕੰਪ੍ਰੈਸਰ ਗਰਮ ਹੋ ਜਾਂਦਾ ਹੈ, ਤਾਂ ਅੱਗ ਲੱਗ ਸਕਦੀ ਹੈ।
• ਫਰਿੱਜ ਨੂੰ ਕੰਧ ਦੇ ਨੇੜੇ ਰੱਖਣ ਜਾਂ ਹਵਾ ਦੀ ਨਿਕਾਸੀ ਨਾ ਹੋਣ ਕਾਰਨ ਕੰਪ੍ਰੈਸ਼ਰ ਜ਼ਿਆਦਾ ਗਰਮ ਹੋ ਜਾਂਦਾ ਹੈ।
• ਵੋਲਟੇਜ ਦਾ ਉਤਰਾਅ-ਚੜ੍ਹਾਅ ਜਾਂ ਸ਼ਾਰਟ ਸਰਕਟ ਕੰਪ੍ਰੈਸਰ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ।
• ਪੁਰਾਣੇ ਫਰਿੱਜ ਦੇ ਹਿੱਸੇ ਕਮਜ਼ੋਰ ਹੋ ਜਾਂਦੇ ਹਨ, ਜਿਸ ਨਾਲ ਧਮਾਕੇ ਦਾ ਖ਼ਤਰਾ ਵਧ ਜਾਂਦਾ ਹੈ।
ਦਿਨ ਵਿਚ ਵਰਦਾਨ ਹੈ ਅਤੇ ਰਾਤ ਨੂੰ ਨੁਕਸਾਨ ਕਰਦਾ ਹੈ ਇਹ ਹਰਾ ਫਲ!
ਇਹਨਾਂ ਤਰੀਕਿਆਂ ਨਾਲ ਬਚਾਓ
• ਫਰਿੱਜ ਨੂੰ ਕੰਧ ਤੋਂ ਦੂਰ ਰੱਖੋ, ਘੱਟੋ-ਘੱਟ 6 ਇੰਚ ਦੀ ਦੂਰੀ ਰੱਖੋ ਤਾਂ ਕਿ ਹਵਾ ਦਾ ਵਹਾਅ ਠੀਕ ਰਹੇ |
• ਜੇਕਰ ਫਰਿੱਜ ‘ਚੋਂ ਅਜੀਬ ਜਿਹੀ ਬਦਬੂ ਆਉਂਦੀ ਹੈ ਜਾਂ ਠੰਡ ਘੱਟ ਹੁੰਦੀ ਹੈ ਤਾਂ ਤੁਰੰਤ ਟੈਕਨੀਸ਼ੀਅਨ ਨੂੰ ਬੁਲਾਓ |
• ਕੰਪ੍ਰੈਸਰ ਨੂੰ ਪਾਵਰ ਦੇ ਉਤਰਾਅ-ਚੜ੍ਹਾਅ ਤੋਂ ਬਚਾਉਣ ਲਈ, ਇੱਕ ਸਟੈਬੀਲਾਈਜ਼ਰ ਸਥਾਪਤ ਕਰਨਾ ਲਾਜ਼ਮੀ ਹੈ।
• ਜੇਕਰ ਫਰਿੱਜ 10 ਸਾਲ ਤੋਂ ਵੱਧ ਪੁਰਾਣਾ ਹੈ, ਤਾਂ ਨਿਯਮਿਤ ਤੌਰ ‘ਤੇ ਇਸ ਦੀ ਜਾਂਚ ਕਰਵਾਓ। ਸਮੇਂ-ਸਮੇਂ ‘ਤੇ ਫਰਿੱਜ ਦੇ ਪਿਛਲੇ ਹਿੱਸੇ ਦੀ ਸਫਾਈ ਕਰਦੇ ਰਹੋ।
