Apple iPhone 16 ਸੀਰੀਜ਼ ਦੇ ਲਾਂਚ ਹੋਣ ਤੋਂ ਬਾਅਦ ਇਹ ਕਾਫੀ ਸੁਰਖੀਆਂ ਵਿਚ ਹੈ। ਇਸ ਸੀਰੀਜ਼ ਵਿਚ ਚਾਰ ਮਾਡਲ ਹਨ ਅਤੇ ਇਨ੍ਹਾਂ ਦੀ ਪ੍ਰੀ-ਬੁਕਿੰਗ 13 ਸਤੰਬਰ ਤੋਂ ਸ਼ੁਰੂ ਹੋਵੇਗੀ। ਸੀਰੀਜ਼ ਦੇ ਚਾਰ ਨਵੇਂ ਮਾਡਲਾਂ ਦੀ ਕੀਮਤ ਦੀ ਗੱਲ ਕਰੀਏ ਤਾਂ ਭਾਰਤ ‘ਚ iPhone 16 ਦੀ ਸ਼ੁਰੂਆਤੀ ਕੀਮਤ 79,900 ਰੁਪਏ ਹੈ, ਜਦਕਿ iPhone 16 Plus ਦੀ ਸ਼ੁਰੂਆਤੀ ਕੀਮਤ 89,900 ਰੁਪਏ ਹੈ।
ਜਦੋਂ ਕਿ ਇਸ ਦੇ iPhone 16 Pro ਦੀ ਸ਼ੁਰੂਆਤੀ ਕੀਮਤ 1,19,900 ਰੁਪਏ ਅਤੇ iPhone 16 Pro Max ਦੀ ਕੀਮਤ 1,44,900 ਰੁਪਏ ਹੈ। ਜੋ ਲੋਕ ਨਵੇਂ ਆਈਫੋਨ ਦਾ ਇੰਤਜ਼ਾਰ ਕਰ ਰਹੇ ਸਨ, ਉਹ ਇਸ ਨੂੰ ਖਰੀਦਣ ਲਈ ਕਾਫੀ ਉਤਸ਼ਾਹਿਤ ਹਨ।
ਖਾਸ ਗੱਲ ਇਹ ਹੈ ਕਿ ਐਪਲ ਆਪਣੇ ਪ੍ਰਸ਼ੰਸਕਾਂ ਲਈ ਕਈ ਆਕਰਸ਼ਕ ਡੀਲ ਅਤੇ ਡਿਸਕਾਊਂਟ ਆਫਰ ਦੇ ਰਿਹਾ ਹੈ, ਜਿਸ ਨਾਲ ਬਹੁਤ ਸਸਤੇ ਰੇਟਾਂ ਉਤੇ ਖਰੀਦਦਾਰੀ ਕੀਤੀ ਜਾ ਸਕਦੀ ਹੈ। ਐਪਲ ਆਪਣੀ ਵੈੱਬਸਾਈਟ ਉਤੇ ਟਰੇਡ-ਇਨ ਯਾਨੀ ਐਕਸਚੇਂਜ ਆਫਰ ਦਾ ਫਾਇਦਾ ਦੇ ਰਿਹਾ ਹੈ, ਜਿਸ ਰਾਹੀਂ ਤੁਸੀਂ ਨਵੇਂ ਮਾਡਲ ਉਤੇ ਲਗਭਗ 67,500 ਰੁਪਏ ਦਾ ਫਾਇਦਾ ਲੈ ਸਕਦੇ ਹੋ।
Apple iPhone 16 (128GB) ਦੀ ਕੀਮਤ 79,900 ਰੁਪਏ ਰੱਖੀ ਗਈ ਹੈ, ਪਰ ਗਾਹਕ ਐਕਸਚੇਂਜ ਆਫਰ ਦਾ ਫਾਇਦਾ ਲੈ ਸਕਦੇ ਹਨ। ਜੇਕਰ ਤੁਸੀਂ ਆਪਣੇ ਪੁਰਾਣੇ ਆਈਫੋਨ 14 ਦੇ ਬਦਲੇ ਨਵਾਂ ਆਈਫੋਨ 16 ਖਰੀਦਦੇ ਹੋ, ਤਾਂ ਇਸ ‘ਤੇ 25,000 ਰੁਪਏ ਦੀ ਛੋਟ ਮਿਲੇਗੀ। ਇਸ ਤੋਂ ਬਾਅਦ iPhone 16 ਦੀ ਕੀਮਤ ਘੱਟ ਕੇ 54,900 ਰੁਪਏ ਹੋ ਜਾਵੇਗੀ।
iPhone 16 ਦੇ ਬਹੁਤ ਹੀ ਖਾਸ ਫੀਚਰਸ
iPhone 16 ਵਿੱਚ 6.1 ਇੰਚ ਦੀ ਡਿਸਪਲੇ ਹੈ। ਇਸ ਵਿੱਚ ਡਾਇਨਾਮਿਕ ਆਈਲੈਂਡ ਅਤੇ 2000 nits ਤੱਕ ਦੀ ਪੀਕ ਬ੍ਰਾਇਟਨੈਸ ਦੇ ਨਾਲ ਸੁਪਰ ਰੈਟੀਨਾ XDR OLED ਡਿਸਪਲੇਅ ਮਿਲਦਾ ਹੈ।
Apple iPhone 16 ਨਵੀਂ A18 ਚਿੱਪ ਨਾਲ ਕੰਮ ਕਰਦਾ ਹੈ। ਐਪਲ ਦਾ ਕਹਿਣਾ ਹੈ ਕਿ ਨਵੀਂ ਚਿੱਪ A16 Bionic ਨਾਲੋਂ 30% ਫਾਸਟ ਹੈ, ਜਦਕਿ GPU 40% ਤੇਜ਼ੀ ਨਾਲ ਕੰਮ ਕਰਦਾ ਹੈ।
ਕੈਮਰੇ ਦੇ ਤੌਰ ਉਤੇ ਆਈਫੋਨ 16 ਵਿੱਚ 48-ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ ਅਤੇ 12-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਸੈਂਸਰ ਹੈ, ਜਿਸ ਦੀ ਵਰਤੋਂ ਮੈਕਰੋ ਸ਼ਾਟਸ ਲਈ ਵੀ ਕੀਤੀ ਜਾ ਸਕਦੀ ਹੈ। 48-ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ 2x ਜ਼ੂਮ ਦੇ ਨਾਲ 12-ਮੈਗਾਪਿਕਸਲ ਟੈਲੀਫੋਟੋ ਲੈਂਸ ਵਜੋਂ ਵੀ ਕੰਮ ਕਰਦਾ ਹੈ। ਫੋਨ ਦੇ ਫਰੰਟ ‘ਤੇ 12 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਹੈ। ਐਪਲ ਨੇ ਕਿਹਾ ਕਿ ਆਈਫੋਨ 16 ਸੀਰੀਜ਼ ਵੱਡੀ ਬੈਟਰੀ ਦੇ ਨਾਲ ਆਉਂਦੀ ਹੈ, ਹਾਲਾਂਕਿ ਇਸ ਦੇ ਵੇਰਵਿਆਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।
