Instagram ‘ਤੇ ਆਪਣੇ ਦੋਸਤਾਂ ਦੀ ਸਟੋਰੀ ਮਿਸ ਕਰਨ ਵਾਲਿਆਂ ਲਈ ਆ ਰਿਹਾ ਨਵਾਂ ਫ਼ੀਚਰ, ਜਲਦੀ ਹੋਵੇਗਾ ਲਾਂਚ
ਇੰਸਟਾਗ੍ਰਾਮ ਆਪਣੇ ਪਲੇਟਫਾਰਮ ਨੂੰ ਬਿਹਤਰ ਬਣਾਉਣ ਲਈ ਨਵੇਂ-ਨਵੇਂ ਫੀਚਰਸ ਜੋੜਦਾ ਰਹਿੰਦਾ ਹੈ। ਹੁਣ ਕੰਪਨੀ ਇੱਕ ਅਜਿਹੇ ਫੀਚਰ ‘ਤੇ ਕੰਮ ਕਰ ਰਹੀ ਹੈ ਜਿਸ ‘ਚ ਦੋਸਤਾਂ ਦੀ ਸਟੋਰੀ ਹਾਈਲਾਈਟਸ ਨੂੰ ਯੂਜ਼ਰਸ ਲਈ ਫਿਰ ਤੋਂ ਲਿਆਂਦਾ ਜਾਵੇਗਾ। ਇਹ ਫੀਚਰ ਉਨ੍ਹਾਂ ਲੋਕਾਂ ਲਈ ਫਾਇਦੇਮੰਦ ਹੋਣ ਵਾਲਾ ਹੈ ਜੋ ਆਪਣੇ ਦੋਸਤਾਂ ਦੀ ਇੰਸਟਾਗ੍ਰਾਮ ਸਟੋਰੀ ਨੂੰ ਸਮੇਂ ‘ਤੇ ਨਹੀਂ ਦੇਖ ਪਾਉਂਦੇ ਹਨ। ਫਿਲਹਾਲ ਇੰਸਟਾਗ੍ਰਾਮ ਇਸ ਫੀਚਰ ਨੂੰ ਕੁਝ ਯੂਜ਼ਰਸ ਨਾਲ ਟੈਸਟ ਕਰ ਰਿਹਾ ਹੈ ਅਤੇ ਆਉਣ ਵਾਲੇ ਦਿਨਾਂ ‘ਚ ਇਸ ਨੂੰ ਰੋਲਆਊਟ ਕੀਤਾ ਜਾ ਸਕਦਾ ਹੈ।
ਯੂਜ਼ਰਸ ਇੰਸਟਾਗ੍ਰਾਮ ਸਟੋਰੀਜ਼ ‘ਚ ਕੋਈ ਵੀ ਫੋਟੋ ਜਾਂ ਛੋਟਾ ਵੀਡੀਓ ਐਡ ਕਰ ਸਕਦੇ ਹਨ। ਇਹ ਸਟੋਰੀ 24 ਘੰਟਿਆਂ ਬਾਅਦ ਆਪਣੇ ਆਪ ਗਾਇਬ ਹੋ ਜਾਂਦੀ ਹੈ। ਜੇਕਰ ਯੂਜ਼ਰਸ ਚਾਹੁਣ ਤਾਂ ਇਸ ਸਟੋਰੀ ਨੂੰ ਆਪਣੀ ਪ੍ਰੋਫਾਈਲ ‘ਤੇ ‘ਹਾਈਲਾਈਟ’ ਦੇ ਤੌਰ ‘ਤੇ ਸੇਵ ਕਰ ਸਕਦੇ ਹਨ। ਇੱਕ ਵਾਰ ਹਾਈਲਾਈਟਸ ਵਿੱਚ ਸੇਵ ਹੋਣ ਤੋਂ ਬਾਅਦ, ਇਹ ਸਟੋਰੀਜ਼ ਮਿਟਾਈਆਂ ਨਹੀਂ ਜਾਂਦੀਆਂ ਹਨ ਅਤੇ ਜਦੋਂ ਵੀ ਤੁਸੀਂ ਚਾਹੋ ਇਨ੍ਹਾਂ ਨੂੰ ਦੇਖ ਸਕਦੇ ਹੋ। ਇੰਸਟਾਗ੍ਰਾਮ ਹੁਣ ਨਵੇਂ ਫੀਚਰ ‘ਚ ਸਟੋਰੀਜ਼ ਟ੍ਰੇ ਦੇ ਅੰਤ ‘ਚ ਇਨ੍ਹਾਂ ਸਟੋਰੀਜ਼ ਹਾਈਲਾਈਟਸ ਨੂੰ ਦਿਖਾਏਗਾ।
ਚਾਹ ਪੀਣ ਦੇ ਸ਼ੌਕੀਨ ਹੋ ਤਾਂ ਜਾਣ ਲਓ ਚਾਹ ਪੀਣ ਦਾ ਸਹੀ ਤਰੀਕਾ!
ਸਟੋਰੀਜ਼ ਦੀ ਟ੍ਰੇ, ਭਾਵ ਉਹ ਥਾਂ ਜਿੱਥੇ ਤੁਸੀਂ ਆਪਣੇ ਦੋਸਤਾਂ ਦੀਆਂ ਸਟੋਰੀਜ਼ ਦੇਖਦੇ ਹੋ। ਇੱਥੇ ਇਹ ਦੱਸਣਾ ਵੀ ਜ਼ਰੂਰੀ ਹੈ ਕਿ ਤੁਸੀਂ ਸਟੋਰੀਜ਼ ਨੂੰ ਉਦੋਂ ਹੀ ਹਾਈਲਾਈਟ ਦੇਖੋਗੇ ਜਦੋਂ ਤੁਸੀਂ ਆਪਣੇ ਸਾਰੇ ਦੋਸਤਾਂ ਦੀਆਂ ਸਾਰੀਆਂ ਸਟੋਰੀਜ਼ ਦੇਖੀਆਂ ਹੋਣਗੀਆਂ। ਜਦੋਂ ਇੰਸਟਾਗ੍ਰਾਮ ਕੋਲ ਤੁਹਾਨੂੰ ਦਿਖਾਉਣ ਲਈ ਕੋਈ ਸਟੋਰੀਜ਼ ਨਹੀਂ ਬਚੀਆਂ ਹਨ, ਤਾਂ ਇਹ ਤੁਹਾਨੂੰ ਸਟੋਰੀਜ਼ ਦੀਆਂ ਹਾਈਲਾਈਟਸ ਦਿਖਾਏਗਾ।
ਇਸ ਫੀਚਰ ਦਾ ਇਹ ਹੋਵੇਗਾ ਲਾਭ: ਇਹ ਫੀਚਰ ਇੰਸਟਾਗ੍ਰਾਮ ਦੀ ਇੱਕ ਵੱਡੀ ਪਹਿਲ ਦਾ ਹਿੱਸਾ ਹੈ, ਜਿਸ ਵਿੱਚ ਇਹ ਉਪਭੋਗਤਾਵਾਂ ਨੂੰ ਆਪਣੇ ਦੋਸਤਾਂ ਅਤੇ ਪਰਿਵਾਰ ਦੇ ਕੰਟੈਂਟ ਨੂੰ ਪਹਿਲਾਂ ਦਿਖਾਉਣਾ ਚਾਹੁੰਦਾ ਹੈ। ਵਰਤਮਾਨ ਵਿੱਚ ਪਲੇਟਫਾਰਮ ਦਾ ਫੋਕਸ ਰੀਲਾਂ ਅਤੇ ਐਲਗੋਰਿਦਮ ਆਧਾਰਿਤ ਸਿਫ਼ਾਰਸ਼ਾਂ ‘ਤੇ ਹੈ। ਅਜਿਹੇ ਹਾਲਾਤਾਂ ਵਿੱਚ ਕਈ ਵਾਰ ਦੋਸਤਾਂ ਦੀ ਸਟੋਰੀ ਖੁੰਝ ਜਾਂਦੀ ਹੈ। ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ, ਇੱਕ ਨਵੇਂ ਫੀਚਰ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਟੈਸਟਿੰਗ ਤੋਂ ਲੈ ਕੇ ਰੋਲ ਆਊਟ ਤੱਕ ਕੁੱਝ ਸਮਾਂ ਲੱਗ ਸਕਦਾ ਹੈ।
- First Published :
