ਅਡਲਟ ਵੈੱਬਸਾਈਟ ਪੋ ਰ ਨ ਹ ਬ ਨੇ ਘੋਸ਼ਣਾ ਕੀਤੀ ਹੈ ਕਿ 1 ਜਨਵਰੀ 2025 ਤੋਂ ਇਹ ਫਲੋਰੀਡਾ ਰਾਜ ਵਿੱਚ ਉਪਲਬਧ ਨਹੀਂ ਰਹੇਗੀ। ਇਸ ਦੇ ਨਾਲ, ਇਹ ਅਮਰੀਕਾ ਦਾ 13ਵਾਂ ਰਾਜ ਬਣ ਜਾਵੇਗਾ ਜਿੱਥੇ ਪਲੇਟਫਾਰਮ ਨੇ ਸਖ਼ਤ ਵੈਰੀਫਿਕੇਸ਼ਨ ਸ਼ਰਤਾਂ ਕਾਰਨ ਸੇਵਾਵਾਂ ਵਾਪਸ ਲੈ ਲਈਆਂ ਹਨ।
ਦਰਅਸਲ, ਫਲੋਰੀਡਾ ਵਿੱਚ HB3 ਕਾਨੂੰਨ ਲਾਗੂ ਹੈ। ਇਸ ਮੁਤਾਬਕ ਨਾਬਾਲਗਾਂ ਲਈ ਹਾਨੀਕਾਰਕ ਸਮੱਗਰੀ ਵਾਲੀਆਂ ਵੈੱਬਸਾਈਟਾਂ ਨੂੰ ਸਰਕਾਰੀ ਪਛਾਣ ਰਾਹੀਂ ਉਮਰ ਦੀ ਤਸਦੀਕ ਕਰਨੀ ਪਵੇਗੀ। ਪਰ ਵੈਬਸਾਈਟ ਨੇ ਰਾਜ ਦੇ ਉਮਰ ਤਸਦੀਕ ਕਾਨੂੰਨਾਂ ਦੀ ਪਾਲਣਾ ਨਾ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਇਸ ਤਰ੍ਹਾਂ ਰਾਜ ਵਿੱਚ ਆਪਣੇ ਉਪਭੋਗਤਾਵਾਂ ਲਈ ਪੋ ਰ ਨ ਹ ਬ ਦੇ ਦਰਵਾਜ਼ੇ ਬੰਦ ਕਰ ਰਹੀ ਹੈ। ਪਲੇਟਫਾਰਮ ‘ਤੇ ਆਉਣ ਵਾਲੇ ਫਲੋਰੀਡਾ ਉਪਭੋਗਤਾਵਾਂ ਨੂੰ ਹੁਣ ਵੈਬਸਾਈਟ ‘ਤੇ ਇੱਕ ਸੁਨੇਹਾ ਲਿਖਿਆ ਹੋਇਆ ਦਿਖਾਈ ਦੇ ਰਿਹਾ ਹੈ ਜਿਸ ਵਿੱਚ ਲਿਖਿਆ ਹੈ ਕਿ “ਤੁਸੀਂ 14 ਦਿਨਾਂ ਦੇ ਅੰਦਰ ਪੋਰਨਹਬ ਤੱਕ ਪਹੁੰਚ ਗੁਆ ਦੇਵੋਗੇ।
ਪੋ ਰ ਨ ਹਬ ਦੀ ਮੂਲ ਕੰਪਨੀ ਆਇਲੋ ਦਾ ਤਰਕ ਹੈ ਕਿ ਡਿਵਾਈਸ-ਪੱਧਰ ‘ਤੇ ਹੋਣ ਵਾਲੀ ਤਸਦੀਕ ਵਧੇਰੇ ਪ੍ਰਭਾਵਸ਼ਾਲੀ ਹੈ। ਕੰਪਨੀ ਨੇ ਆਪਣੇ ਫੈਸਲੇ ਦੇ ਪੱਖ ‘ਚ ਕਿਹਾ ਕਿ ਇੰਟਰਨੈੱਟ ਨੂੰ ਸੁਰੱਖਿਅਤ ਬਣਾਉਣ, ਉਪਭੋਗਤਾਵਾਂ ਦੀ ਗੋਪਨੀਯਤਾ ਨੂੰ ਬਣਾਈ ਰੱਖਣ ਅਤੇ ਬੱਚਿਆਂ ਨੂੰ ਬਾਲਗ ਸਮੱਗਰੀ ਤੱਕ ਪਹੁੰਚਣ ਤੋਂ ਰੋਕਣ ਦਾ ਸਭ ਤੋਂ ਵਧੀਆ ਤਰੀਕਾ ਡਿਵਾਈਸ ‘ਤੇ ਉਮਰ ਦੀ ਵੈਰੀਫਿਕੇਸ਼ਨ ਕਰਨਾ ਹੈ।
ਪੋ ਰ ਨ ਹ ਬ ਦੀ ਮੂਲ ਕੰਪਨੀ ਆਇਲੋ ਨੇ ਕਿਹਾ ਕਿ ਦੂਜੇ ਰਾਜਾਂ ਵਿੱਚ ਸਮਾਨ ਕਾਨੂੰਨਾਂ ਨੇ ਉਪਭੋਗਤਾਵਾਂ ਨੂੰ ਜੋਖਮ ਭਰੇ ਵਿਕਲਪਾਂ ਵੱਲ ਧੱਕਿਆ ਹੈ। ਲੁਈਸਿਆਨਾ ਵਿੱਚ ਆਈਡੀ ਵੈਰੀਫਿਕੇਸ਼ਨ ਲਾਗੂ ਕਰਨ ਤੋਂ ਬਾਅਦ, ਪੋ ਰ ਨ ਹ ਬ ਦੇ ਟ੍ਰੈਫਿਕ ਵਿੱਚ 80 ਪ੍ਰਤੀਸ਼ਤ ਦੀ ਗਿਰਾਵਟ ਦਰਜ ਕੀਤੀ ਗਈ। ਆਇਲੋ ਨੇ ਕਿਹਾ ਕਿ ਇਨ੍ਹਾਂ ਲੋਕਾਂ ਨੇ ਪੋ ਰ ਨ ਦੇਖਣਾ ਬੰਦ ਨਹੀਂ ਕੀਤਾ। ਉਹ ਸਿਰਫ਼ ਇੰਟਰਨੈੱਟ ਦੇ ਹਨੇਰੇ ਕੋਨਿਆਂ ਵਿੱਚ ਚਲੇ ਗਏ, ਜਿੱਥੇ ਉਪਭੋਗਤਾਵਾਂ ਨੂੰ ਉਮਰ ਦੀ ਤਸਦੀਕ ਕਰਨ ਲਈ ਨਹੀਂ ਕਿਹਾ ਜਾਂਦਾ, ਜੋ ਕਾਨੂੰਨ ਦੀ ਪਾਲਣਾ ਨਹੀਂ ਕਰਦੇ, ਜੋ ਉਪਭੋਗਤਾ ਸੁਰੱਖਿਆ ਨੂੰ ਗੰਭੀਰਤਾ ਨਾਲ ਨਹੀਂ ਲੈਂਦੇ, ਅਤੇ ਜੋ ਅਕਸਰ ਸਮੱਗਰੀ ਨੂੰ ਸੰਚਾਲਿਤ ਵੀ ਨਹੀਂ ਕਰਦੇ ਹਨ।
