ਐਪਲ-ਗੂਗਲ ਦੀ ਵਧੇਗੀ ਮੁਸੀਬਤ! Samsung ਨੇ ਦਿੱਤੇ ਵੱਡੇ ਸੰਕੇਤ, ਜਨਵਰੀ ‘ਚ ਹੋਣ ਵਾਲਾ ਹੈ ਕੁਝ ਧਮਾਕੇਦਾਰ
Samsung Galaxy S25 ਸੀਰੀਜ਼ ਨੂੰ ਲੈ ਕੇ ਕੁਝ ਸਮੇਂ ਤੋਂ ਕਈ ਲੀਕ ਅਤੇ ਅਫਵਾਹਾਂ ਸਾਹਮਣੇ ਆ ਰਹੀਆਂ ਹਨ, ਪਰ ਹੁਣ ਲੱਗ ਰਿਹਾ ਹੈ ਕਿ Samsung ਜਲਦ ਹੀ ਆਪਣਾ ਨਵਾਂ ਫੋਨ ਲਾਂਚ ਕਰਨ ਜਾ ਰਹੀ ਹੈ। ਹਾਲਾਂਕਿ, ਦੱਖਣ ਕੋਰੀਆ ਦੀ ਕੰਪਨੀ Samsung ਨੇ ਅਜੇ ਤੱਕ ਅਧਿਕਾਰਤ ਲਾਂਚ ਦੀ ਮਿਤੀ ਦਾ ਖੁਲਾਸਾ ਨਹੀਂ ਕੀਤਾ ਹੈ। ਪਰ ਨਵੀਆਂ ਰਿਪੋਰਟਾਂ ਮੁਤਾਬਕ ਇਹ ਸੀਰੀਜ਼ ਜਨਵਰੀ 2025 ‘ਚ ਲਾਂਚ ਹੋ ਸਕਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਗਲੈਕਸੀ ਅਨਪੈਕਡ ਈਵੈਂਟ ਅਮਰੀਕਾ ‘ਚ ਆਯੋਜਿਤ ਕੀਤਾ ਜਾਵੇਗਾ। ਇਸ ਵਾਰ ਲਾਈਨਅੱਪ ‘ਚ Galaxy S25, Galaxy S25+, Galaxy S25 Ultra ਦੇ ਨਾਲ Galaxy S25 Slim ਨਾਂ ਦਾ ਨਵਾਂ ਮਾਡਲ ਵੀ ਪੇਸ਼ ਕੀਤਾ ਜਾ ਸਕਦਾ ਹੈ।
ਕੋਰੀਆਈ ਮੀਡੀਆ ਦੀ ਰਿਪੋਰਟ The Financial News ਦੇ ਮੁਤਾਬਕ Samsung ਦੀ Galaxy S25 ਸੀਰੀਜ਼ ਨੂੰ 23 ਜਨਵਰੀ 2025 ਨੂੰ ਲਾਂਚ ਕੀਤਾ ਜਾਵੇਗਾ। ਇਹ ਸਮਾਗਮ ਸੈਨ ਫਰਾਂਸਿਸਕੋ, ਅਮਰੀਕਾ ਵਿੱਚ ਆਯੋਜਿਤ ਕੀਤਾ ਜਾਵੇਗਾ। S25, S25+ ਅਤੇ S25 ਅਲਟਰਾ ਮਾਡਲਾਂ ਦੇ ਨਾਲ, ਇਸ ਈਵੈਂਟ ‘ਤੇ ਲੰਬੇ ਸਮੇਂ ਤੋਂ ਅਫਵਾਹਾਂ ਵਿੱਚ ਰਹੇ Galaxy S25 Slim ਨੂੰ ਵੀ ਲਾਂਚ ਕੀਤਾ ਜਾ ਸਕਦਾ ਹੈ। ਪਹਿਲਾਂ ਖਬਰਾਂ ਸਨ ਕਿ ਸਲਿਮ ਮਾਡਲ ਨੂੰ ਬਾਅਦ ‘ਚ ਲਾਂਚ ਕੀਤਾ ਜਾਵੇਗਾ।
ਇਸ ਤੋਂ ਇਲਾਵਾ ਟਿਪਸਟਰ ਮੈਕਸਜੈਂਬਰ ਨੇ ਇਕ ਪੋਸਟ ‘ਚ ਇਸ ਲਾਂਚ ਟਾਈਮਲਾਈਨ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ Samsung ਦਾ ਗਲੈਕਸੀ ਅਨਪੈਕਡ ਈਵੈਂਟ 22 ਜਨਵਰੀ ਨੂੰ ਹੋ ਸਕਦਾ ਹੈ। ਦੋ ਤਾਰੀਖਾਂ ਵਿੱਚ ਅੰਤਰ ਟਾਈਮ ਜ਼ੋਨ ਕਾਰਨ ਹੈ। Samsung ਇਲੈਕਟ੍ਰੋਨਿਕਸ ਨੇ ਆਪਣੀ Q3 ਅਰਨਿੰਗ ਕਾਲ ਵਿੱਚ ਕਿਹਾ ਸੀ ਕਿ ਗਲੈਕਸੀ S25 ਸੀਰੀਜ਼ ਅਗਲੇ ਸਾਲ ਦੇ ਪਹਿਲੇ ਅੱਧ ਵਿੱਚ ਲਾਂਚ ਕੀਤੀ ਜਾਵੇਗੀ। ਹਾਲਾਂਕਿ ਕੰਪਨੀ ਨੇ ਸਹੀ ਤਾਰੀਖ ਦਾ ਖੁਲਾਸਾ ਨਹੀਂ ਕੀਤਾ ਹੈ।
ਇਸ ਹਫਤੇ ਦੀ ਸ਼ੁਰੂਆਤ ‘ਚ ਕੁਝ ਰਿਪੋਰਟਾਂ ‘ਚ ਦਾਅਵਾ ਕੀਤਾ ਗਿਆ ਸੀ ਕਿ S25 ਸੀਰੀਜ਼ ਨੂੰ 5 ਜਨਵਰੀ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਪਹਿਲਾਂ, ਇਸ ਸਾਲ Galaxy S24 ਸੀਰੀਜ਼ ਨੂੰ 17 ਜਨਵਰੀ ਨੂੰ ਸੈਨ ਹੋਜ਼ੇ, ਕੈਲੀਫੋਰਨੀਆ ‘ਚ ਲਾਂਚ ਕੀਤਾ ਗਿਆ ਸੀ, ਜਦਕਿ Galaxy S23 ਸੀਰੀਜ਼ ਨੂੰ ਪਿਛਲੇ ਸਾਲ 1 ਫਰਵਰੀ ਨੂੰ ਲਾਂਚ ਕੀਤਾ ਗਿਆ ਸੀ।
Galaxy S25 ਸੀਰੀਜ਼ ਦੀਆਂ ਸੰਭਾਵਿਤ ਵਿਸ਼ੇਸ਼ਤਾਵਾਂ ਦੀ ਗੱਲ ਕਰੀਏ ਤਾਂ Galaxy S25 ਸੀਰੀਜ਼ ਦੇ ਸਾਰੇ ਫੋਨਾਂ ‘ਚ Snapdragon 8 Elite ਚਿੱਪਸੈੱਟ ਹੋਣ ਦੀ ਸੰਭਾਵਨਾ ਹੈ। ਇਨ੍ਹਾਂ ਡਿਵਾਈਸਾਂ ‘ਚ ਨਵੇਂ Galaxy AI ਫੀਚਰਸ ਵੀ ਦਿੱਤੇ ਜਾ ਸਕਦੇ ਹਨ। Galaxy S25 ਅਤੇ S25 Ultra ਨੂੰ ਸੱਤ ਰੰਗਾਂ ਵਿੱਚ ਉਪਲਬਧ ਕਰਵਾਇਆ ਜਾ ਸਕਦਾ ਹੈ। Galaxy S25+ ਨੂੰ ਅੱਠ ਰੰਗਾਂ ਦੇ ਵਿਕਲਪਾਂ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਤਿੰਨ ਔਨਲਾਈਨ-ਐਕਸਕਲੂਸਿਵ ਸ਼ੇਡ ਵੀ ਉਪਲਬਧ ਹੋਣਗੇ।
