RBI ਨੇ ਇਨ੍ਹਾਂ 3 ਬੈਂਕਾਂ ਨੂੰ ਭਾਰਤ ‘ਚ ਸਭ ਤੋਂ ਸੁਰੱਖਿਅਤ ਐਲਾਨਿਆ,ਡੁੱਬਣ ਦਾ ਖ਼ਤਰਾ ਨਾ ਦੇ ਬਰਾਬਰ…

ਭਾਰਤੀ ਸਟੇਟ ਬੈਂਕ (SBI), HDFC ਬੈਂਕ ਅਤੇ ICICI ਬੈਂਕ ਨੂੰ ਇੱਕ ਵਾਰ ਫਿਰ ਭਾਰਤੀ ਰਿਜ਼ਰਵ ਬੈਂਕ ਦੁਆਰਾ ਘਰੇਲੂ ਪ੍ਰਣਾਲੀਗਤ ਮਹੱਤਵਪੂਰਨ ਬੈਂਕਾਂ (D-SIBs) ਘੋਸ਼ਿਤ ਕੀਤਾ ਗਿਆ ਹੈ। RBI ਨੇ 13 ਨਵੰਬਰ ਨੂੰ D-SIBS ਬੈਂਕਾਂ ਦੀ ਸੂਚੀ ਜਾਰੀ ਕੀਤੀ ਸੀ। ਪਿਛਲੇ ਸਾਲ ਵੀ ਇਨ੍ਹਾਂ ਤਿੰਨਾਂ ਬੈਂਕਾਂ ਨੂੰ ਘਰੇਲੂ ਪ੍ਰਣਾਲੀਗਤ ਮਹੱਤਵਪੂਰਨ ਬੈਂਕ ਦਾ ਦਰਜਾ ਮਿਲਿਆ ਸੀ। ਡੀ SIBS ਸੂਚੀ ਵਿੱਚ ਸ਼ਾਮਲ ਬੈਂਕਾਂ ਨੂੰ ਘਰੇਲੂ ਪ੍ਰਣਾਲੀ ਲਈ ਬਹੁਤ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ। ਇਸ ਤੋਂ ਇਲਾਵਾ ਇਨ੍ਹਾਂ ਨੂੰ ਦੇਸ਼ ਦਾ ਸਭ ਤੋਂ ਸੁਰੱਖਿਅਤ ਬੈਂਕ ਵੀ ਮੰਨਿਆ ਜਾਂਦਾ ਹੈ। ਇਹ ਅਜਿਹੇ ਬੈਂਕ ਹਨ ਜੋ ਸਿਸਟਮ ਲਈ ਇੰਨੇ ਮਹੱਤਵਪੂਰਨ ਹਨ ਕਿ ਇਨ੍ਹਾਂ ਦੇ ਡੁੱਬਣ ‘ਤੇ ਪੂਰੀ ਆਰਥਿਕਤਾ ਨੂੰ ਝਟਕਾ ਲੱਗ ਸਕਦਾ ਹੈ। ਇਸ ਤਰ੍ਹਾਂ ਦੇ ਬੈਂਕ ਇੰਨੇ ਮਹੱਤਵਪੂਰਨ ਹਨ ਕਿ ਜੇਕਰ ਉਨ੍ਹਾਂ ਨੂੰ ਕੁਝ ਹੁੰਦਾ ਹੈ ਤਾਂ ਸਰਕਾਰ ਖੁਦ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰੇਗੀ।

ਭਾਰਤੀ ਰਿਜ਼ਰਵ ਬੈਂਕ ਨੇ 31 ਮਾਰਚ, 2024 ਤੱਕ ਪ੍ਰਾਪਤ ਅੰਕੜਿਆਂ ਦੇ ਆਧਾਰ ‘ਤੇ ਡੀ-ਸਿਬਸ ਬੈਂਕਾਂ ਦੀ ਸੂਚੀ ਤਿਆਰ ਕੀਤੀ ਹੈ। ਘਰੇਲੂ ਪ੍ਰਣਾਲੀ ਲਈ ਮਹੱਤਵਪੂਰਨ ਘੋਸ਼ਿਤ ਕੀਤੇ ਗਏ ਬੈਂਕਾਂ ਨੂੰ ਵਾਧੂ ਆਮ ਇਕੁਇਟੀ ਟੀਅਰ-1 (CET1) ਮੈਂਟੇਨ ਕਰਨਾ ਹੁੰਦਾ ਹੈ। ਇਨ੍ਹਾਂ ਨੂੰ ਆਪਣੇ ਬਕੇਟ ਦੇ ਹਿਸਾਬ ਨਾਲ ਵਧੇਰੇ ਆਮ ਇਕੁਇਟੀ ਟੀਅਰ 1 ਨੂੰ ਕਾਇਮ ਰੱਖਣਾ ਹੁੰਦਾ ਹੈ। ਇਹ ਉਹ ਪੂੰਜੀ ਹੈ ਜਿਸ ਦੇ ਰਾਹੀਂ ਜੋਖਮਾਂ ਦਾ ਪ੍ਰਬੰਧਨ ਆਸਾਨੀ ਨਾਲ ਕੀਤਾ ਜਾ ਸਕਦਾ ਹੈ। D-SIBs ਦੀ ਸੂਚੀ ਵਿੱਚ ਸ਼ਾਮਲ ਬੈਂਕਾਂ ਨੂੰ ਇਸ ਨੂੰ ਉੱਚਾ ਰੱਖਣਾ ਪੈਂਦਾ ਹੈ।

2014 ਵਿੱਚ ਲਾਗੂ ਹੋਇਆ ਸੀ D-SIBs ਦਾ ਕਨਸੈਪਟ…
ਭਾਰਤੀ ਰਿਜ਼ਰਵ ਬੈਂਕ ਨੇ ਪਹਿਲੀ ਵਾਰ ਘਰੇਲੂ ਸਿਸਟਮ ਲਈ ਮਹੱਤਵਪੂਰਨ ਬੈਂਕਾਂ ਦੀ ਸੂਚੀ ਤਿਆਰ ਕਰਨ ਯਾਨੀ D-SIBS ਦੇ ਕਨਸੈਪਟ ਨੂੰ 10 ਸਾਲ ਪਹਿਲਾਂ 2024 ਵਿੱਚ ਅਪਣਾਇਆ ਸੀ। 2015 ‘ਚ ਭਾਰਤੀ ਸਟੇਟ ਬੈਂਕ ਅਤੇ ਫਿਰ ਅਗਲੇ ਸਾਲ ਯਾਨੀ 2016 ਵਿੱਚ ICICI ਬੈਂਕ ਨੂੰ ਇਸ ਸੂਚੀ ਵਿੱਚ ਰੱਖਿਆ ਗਿਆ ਸੀ। 2017 ਵਿੱਚ HDFC ਬੈਂਕ ਦੀ ਐਂਟਰੀ ਇਸ ਲਿਸਟ ‘ਚ ਹੋਈ ਸੀ।

ਕਿਸ ਬੈਂਕ ‘ਚ ਹੈ ਕਿਹੜੀ ਬੈਂਕ ?
ਇਸ ਵਾਰ ਆਰਬੀਆਈ ਨੇ ਭਾਰਤੀ ਸਟੇਟ ਬੈਂਕ ਨੂੰ ਬਕੇਟ-4 ਵਿੱਚ ਰੱਖਿਆ ਹੈ, ਜਿਸ ਦੇ ਤਹਿਤ ਇਸ ਨੂੰ 0.80 ਫੀਸਦੀ ਵਾਧੂ ਸੀਈਟੀ1 ਮੈਂਟੇਨ ਕਰਨਾ ਹੈ। ਇਸ ਦੇ ਨਾਲ ਹੀ HDFC ਬੈਂਕ ਵੀ ਬਕੇਟ 2 ‘ਚ ਬਣਿਆ ਹੋਇਆ ਹੈ ਅਤੇ ਇਸ ਨੂੰ 0.40 ਫੀਸਦੀ ਹਾਈ CET1 ਨੂੰ ਮੈਂਟੇਨ ਕਰਨਾ ਹੈ ICICI ਬੈਂਕ ਨੂੰ ਬਕੇਟ 1 ਵਿੱਚ ਰੱਖਿਆ ਗਿਆ ਹੈ ਅਤੇ ਸੀਈਟੀ1 ਬਫਰ ਵਿੱਚ ਇੱਕ ਵਾਧੂ 0.20 ਫੀਸਦੀ ਬਣਾਈ ਰੱਖਣਾ ਹੋਵੇਗਾ। ਨਵੇਂ ਨਿਯਮ 1 ਅਪ੍ਰੈਲ 2025 ਤੋਂ ਲਾਗੂ ਹੋਣਗੇ।