ਇਸ ਭਾਰਤੀ ਖਿਡਾਰੀ ਨੇ ਦੋਹਰਾ ਸੈਂਕੜਾ ਨਾਲ ਅੰਗਰੇਜ਼ਾਂ ਨੂੰ ਦਿਨੇ ਦਿਖਾਏ ਸਨ ਤਾਰੇ, ਹੁਣ ਜੀ ਰਿਹਾ ਗੁਮਨਾਮੀ ਦੀ ਜ਼ਿੰਦਗੀ
ਭਾਰਤ ਅਤੇ ਇੰਗਲੈਂਡ ਵਿਚਕਾਰ ਟੈਸਟ ਸੀਰੀਜ਼ ਇੱਕ ਵਾਰ ਫਿਰ ਸ਼ੁਰੂ ਹੋਣ ਜਾ ਰਹੀ ਹੈ। ਦੋਵਾਂ ਦੇਸ਼ਾਂ ਵਿਚਕਾਰ ਟੈਸਟ ਸੀਰੀਜ਼ ਦੌਰਾਨ ਕਈ ਅਜਿਹੇ ਮੌਕੇ ਆਏ ਜਦੋਂ ਕਈ ਸੀਰੀਜ਼ ਯਾਦਗਾਰ ਬਣ ਗਈਆਂ। ਸਾਲ 1993 ਵਿੱਚ ਵੀ ਕੁਝ ਅਜਿਹਾ ਹੀ ਹੋਇਆ ਸੀ। ਇਸ ਸੀਰੀਜ਼ ਦੌਰਾਨ ਭਾਰਤ ਨੂੰ ਇੱਕ ਉੱਭਰਦਾ ਕ੍ਰਿਕਟਰ ਮਿਲਿਆ, ਜੋ ਸਚਿਨ ਤੇਂਦੁਲਕਰ ਤੋਂ ਅੱਗੇ ਜਾ ਸਕਦਾ ਸੀ, ਪਰ ਅਚਾਨਕ ਉਸ ਦਾ ਕ੍ਰਿਕਟ ਕਰੀਅਰ ਖਤਮ ਹੋ ਗਿਆ। ਅਸੀਂ ਵਿਨੋਦ ਕਾਂਬਲੀ ਬਾਰੇ ਗੱਲ ਕਰ ਰਹੇ ਹਾਂ।
ਵਿਨੋਦ ਕਾਂਬਲੀ ਨੇ ਇੰਗਲੈਂਡ ਵਿਰੁੱਧ ਟੈਸਟ ਵਿੱਚ ਦੋਹਰਾ ਸੈਂਕੜਾ ਲਗਾਇਆ ਸੀ…
ਵਿਨੋਦ ਕਾਂਬਲੀ ਨੇ ਸਾਲ 1993 ਵਿੱਚ ਟੈਸਟ ਕ੍ਰਿਕਟ ਵਿੱਚ ਆਪਣਾ ਡੈਬਿਊ ਕੀਤਾ ਸੀ। ਉਸ ਸਮੇਂ ਉਹ ਸਚਿਨ ਤੇਂਦੁਲਕਰ ਦੇ ਸਕੂਲ ਦੇ ਦੋਸਤ ਵਜੋਂ ਜਾਣੇ ਜਾਂਦੇ ਸਨ। ਪਰ ਕੁਝ ਮੈਚਾਂ ਤੋਂ ਬਾਅਦ ਵਿਨੋਦ ਨੇ ਆਪਣੀ ਵੱਖਰੀ ਪਛਾਣ ਬਣਾਈ। ਦਰਅਸਲ ਵਿਨੋਦ ਕਾਂਬਲੀ ਨੇ 29 ਜਨਵਰੀ 1993 ਨੂੰ ਇੰਗਲੈਂਡ ਵਿਰੁੱਧ ਆਪਣਾ ਪਹਿਲਾ ਟੈਸਟ ਖੇਡਿਆ ਸੀ। ਪਹਿਲੇ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ ਉਸ ਦੇ ਬੱਲੇ ਤੋਂ 34 ਦੌੜਾਂ ਆਈਆਂ। ਇਸ ਤੋਂ ਬਾਅਦ, ਉਸ ਨੇ ਦੂਜੇ ਮੈਚ ਵਿੱਚ 59 ਦੌੜਾਂ ਬਣਾਈਆਂ। ਪਰ ਤੀਜੇ ਮੈਚ ਤੋਂ ਸਭ ਕੁਝ ਬਦਲ ਗਿਆ। ਮੁੰਬਈ ਦੇ ਵਾਨਖੇੜੇ ਸਟੇਡੀਅਮ ਵਿੱਚ ਖੇਡੇ ਗਏ ਇਸ ਮੈਚ ਵਿੱਚ ਵਿਨੋਦ ਕਾਂਬਲੀ ਨੇ 224 ਦੌੜਾਂ ਬਣਾਈਆਂ। ਉਸ ਸਮੇਂ ਦੋਹਰਾ ਸੈਂਕੜਾ ਲਗਾਉਣਾ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਸੀ।
ਵਿਨੋਦ ਕਾਂਬਲੀ ਨੇ ਲਗਾਤਾਰ ਦੋਹਰੇ ਸੈਂਕੜੇ ਲਗਾਏ…
ਮਾਮਲਾ ਇੱਥੇ ਹੀ ਨਹੀਂ ਰੁਕਿਆ। ਅਗਲੇ ਮੈਚ ਵਿੱਚ ਜਦੋਂ ਵਿਨੋਦ ਕਾਂਬਲੀ ਜ਼ਿੰਬਾਬਵੇ ਵਿਰੁੱਧ ਖੇਡਣ ਆਏ, ਤਾਂ ਉਨ੍ਹਾਂ ਨੇ ਫਿਰ 227 ਦੌੜਾਂ ਬਣਾਈਆਂ। ਲਗਾਤਾਰ ਦੋ ਦੋਹਰੇ ਸੈਂਕੜੇ ਲਗਾ ਕੇ, ਵਿਨੋਦ ਕਾਂਬਲੀ ਇੱਕ ਨਵਾਂ ਸਟਾਰ ਬਣ ਗਏ। ਦੁਨੀਆ ਦਾ ਕੋਈ ਵੀ ਕ੍ਰਿਕਟਰ ਉਸ ਦੇ ਬਰਾਬਰ ਨਹੀਂ ਸੀ। ਪਰ ਇਹ ਚਮਕ ਅਤੇ ਗਲੈਮਰ ਕੁਝ ਦਿਨਾਂ ਲਈ ਹੀ ਸੀ। ਇਨ੍ਹਾਂ ਦੋ ਦੋਹਰੇ ਸੈਂਕੜਿਆਂ ਤੋਂ ਬਾਅਦ, ਵਿਨੋਦ ਕਾਂਬਲੀ ਨੇ ਦੋ ਸੈਂਕੜੇ ਲਗਾਏ, ਪਰ ਦੁਬਾਰਾ ਕਦੇ ਵੀ ਇਸ ਤਰ੍ਹਾਂ ਦੀ ਪਾਰੀ ਨਹੀਂ ਖੇਡ ਸਕੇ।
ਇਹ ਵਿਨੋਦ ਕਾਂਬਲੀ ਦਾ ਟੈਸਟ ਕਰੀਅਰ ਰਿਹਾ…
1993 ਵਿੱਚ ਆਪਣਾ ਡੈਬਿਊ ਕਰਨ ਵਾਲੇ ਵਿਨੋਦ ਕਾਂਬਲੀ ਨੇ 1995 ਵਿੱਚ ਆਪਣਾ ਆਖਰੀ ਟੈਸਟ ਖੇਡਿਆ। ਹੌਲੀ-ਹੌਲੀ ਵਿਨੋਦ ਗੁਮਨਾਮੀ ਦੇ ਹਨੇਰੇ ਵਿੱਚ ਗੁਆਚਣ ਲੱਗੇ ਤੇ ਲੋਕ ਉਸ ਨੂੰ ਭੁੱਲ ਗਏ। ਵਿਨੋਦ ਕਾਂਬਲੀ ਨੇ 17 ਟੈਸਟ ਖੇਡੇ ਅਤੇ 54.20 ਦੀ ਔਸਤ ਨਾਲ 1084 ਦੌੜਾਂ ਬਣਾਈਆਂ। ਉਸ ਨੇ ਚਾਰ ਸੈਂਕੜੇ ਅਤੇ ਤਿੰਨ ਅਰਧ ਸੈਂਕੜੇ ਲਗਾਏ ਸਨ।
