‘Expiry Date ਤੇ ‘Best Before Date’ ਨੂੰ ਸਮਝਦੇ ਹੋ ਇੱਕ ? ਤਾਂ ਇੱਥੇ ਸਮਝ ਲਓ ਦੋਵਾਂ ਵਿੱਚ ਅੰਤਰ…90% ਲੋਕਾਂ ਨੂੰ ਨਹੀਂ ਪਤਾ…
ਬਾਜ਼ਾਰ ਤੋਂ ਕੋਈ ਵੀ ਖਾਣ-ਪੀਣ ਦੀ ਚੀਜ਼ ਖਰੀਦਦੇ ਸਮੇਂ, ਤੁਸੀਂ ਦੇਖਿਆ ਹੋਵੇਗਾ ਕਿ ਉਸ ਦੇ ਪਿੱਛੇ ਐਕਸਪਾਇਰੀ ਡੇਟ ਜਾਂ ਬੈਸਟ ਬਿਫੋਰ ਡੇਟ ਲਿਖੀ ਹੁੰਦੀ ਹੈ। ਕੀ ਤੁਸੀਂ ਇਨ੍ਹਾਂ ਦਾ ਅਰਥ ਜਾਣਦੇ ਹੋ ? ਬਹੁਤ ਸਾਰੇ ਲੋਕ ਇਨ੍ਹਾਂ ਦੋ ਤਰੀਕਾਂ ਨੂੰ ਇੱਕੋ ਜਿਹਾ ਮੰਨਦੇ ਹਨ। ਜੇਕਰ ਤੁਸੀਂ ਵੀ ਇਨ੍ਹਾਂ ਨੂੰ ਇੱਕੋ ਜਿਹਾ ਮੰਨਦੇ ਹੋ, ਤਾਂ ਆਓ ਤੁਹਾਨੂੰ ਦੱਸ ਦੇਈਏ ਕਿ ਇਹ ਦੋਵੇਂ ਬਿਲਕੁਲ ਵੱਖਰੀਆਂ ਹਨ ਅਤੇ ਇਨ੍ਹਾਂ ਦਾ ਅਰਥ ਵੀ ਵੱਖਰਾ ਹੈ। ਆਓ ਜਾਣਦੇ ਹਾਂ ‘Expiry Date ਅਤੇ Best Before Date’ ਵਿੱਚ ਕੀ ਅੰਤਰ ਹੈ।
Expiry Date ਕੀ ਹੁੰਦਾ ਹੈ ?
Expiry Date ਉਹ ਤਰੀਕ ਹੁੰਦੀ ਹੈ ਜਿਸ ਤੋਂ ਬਾਅਦ ਉਤਪਾਦ ਨੂੰ ਵਰਤਣ ਲਈ ਸੁਰੱਖਿਅਤ ਨਹੀਂ ਮੰਨਿਆ ਜਾਂਦਾ। ਇਹ ਤਰੀਕ ਮੁੱਖ ਤੌਰ ‘ਤੇ ਦਵਾਈਆਂ ਅਤੇ ਖਾਣ-ਪੀਣ ਦੀਆਂ ਚੀਜ਼ਾਂ ‘ਤੇ ਲਿਖੀ ਹੁੰਦੀ ਹੈ। ਇਸਦਾ ਮਤਲਬ ਹੈ ਕਿ ਇਸ ਤਰੀਕ ਤੋਂ ਬਾਅਦ ਇਸ ਉਤਪਾਦ ਦੀ ਵਰਤੋਂ ਸਿਹਤ ਲਈ ਨੁਕਸਾਨਦੇਹ ਹੋ ਸਕਦੀ ਹੈ। Expiry Date ਤੋਂ ਬਾਅਦ, ਬਰੈੱਡ ਆਦਿ ਵਰਗੀਆਂ ਖਾਣ-ਪੀਣ ਦੀਆਂ ਚੀਜ਼ਾਂ ਵਿੱਚ ਉੱਲੀ ਵਧ ਸਕਦੀ ਹੈ, ਜੋ ਫ਼ੂਡ ਪੋਇਜ਼ਨਿੰਗ ਦਾ ਕਾਰਨ ਬਣ ਸਕਦੀ ਹੈ।
Best Before Date ਕੀ ਹੁੰਦਾ ਹੈ ?
Best Before Date ਉਹ ਤਰੀਕ ਹੁੰਦੀ ਹੈ ਜਿਸ ਤੋਂ ਬਾਅਦ ਉਤਪਾਦ ਆਪਣਾ ਬੈਸਟ ਫਲੇਵਰ ਜਾਂ ਗੁਣਵੱਤਾ ਗੁਆ ਸਕਦਾ ਹੈ, ਪਰ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਇਹ ਖਰਾਬ ਹੋ ਗਿਆ ਹੈ। ਇਹ ਤਰੀਕ ਜ਼ਿਆਦਾਤਰ ਡ੍ਰਾਈ ਫ਼ੂਡ , ਪੈਕ ਕੀਤੀਆਂ ਚੀਜ਼ਾਂ ਅਤੇ ਸ਼ਿੰਗਾਰ ਸਮੱਗਰੀ ‘ਤੇ ਲਿਖੀ ਜਾਂਦੀ ਹੈ। ਇਸ ਤਰੀਕ ਤੋਂ ਇਹੀ ਸਮਝਿਆ ਜਾਂਦਾ ਹੈ ਕਿ ਇਸ ਤਰੀਕ ਤੋਂ ਬਾਅਦ ਇਸ ਉਤਪਾਦ ਦੇ ਸੁਆਦ, ਬਣਤਰ, ਰੰਗ ਜਾਂ ਗੰਧ ਵਿੱਚ ਕੁਝ ਬਦਲਾਅ ਹੋ ਸਕਦਾ ਹੈ, ਪਰ ਜੇਕਰ ਉਤਪਾਦ ਵਿੱਚ ਅਜਿਹਾ ਕੋਈ ਬਦਲਾਅ ਨਹੀਂ ਹੁੰਦਾ ਹੈ, ਤਾਂ ਇਸਨੂੰ ਵਰਤਿਆ ਜਾ ਸਕਦਾ ਹੈ।
ਕੀ ਬੈਸਟ ਡੇਟ ਬਿਫ਼ੋਰ ਤੋਂ ਬਾਅਦ ਬਾਅਦ ਪ੍ਰੋਡਕਟ ਵਰਤਿਆ ਜਾ ਸਕਦਾ ਹੈ ?
ਹਾਂ, ਬੈਸਟ ਬਿਫੋਰ ਡੇਟ ਤੋਂ ਬਾਅਦ ਵੀ ਉਤਪਾਦ ਨੂੰ ਵਰਤਿਆ ਜਾ ਸਕਦਾ ਹੈ, ਪਰ ਕੁਝ ਗੱਲਾਂ ਦਾ ਧਿਆਨ ਰੱਖਣਾ ਪੈਂਦਾ, ਜੇਕਰ ਪੈਕੇਟ ਫੁੱਲਿਆ ਹੋਇਆ ਹੈ ਜਾਂ ਇਸ ਵਿੱਚੋਂ ਕੋਈ ਅਜੀਬ ਬਦਬੂ ਆ ਰਹੀ ਹੈ, ਤਾਂ ਇਸਨੂੰ ਨਾ ਖਾਓ। ਜੇਕਰ ਉਤਪਾਦ ਦਾ ਸੁਆਦ ਜਾਂ ਰੰਗ ਬਦਲ ਗਿਆ ਹੈ, ਤਾਂ ਇਸਨੂੰ ਸੁੱਟ ਦੇਣਾ ਚਾਹੀਦਾ ਹੈ। ਜੇਕਰ ਉਤਪਾਦ ਨੂੰ ਸਹੀ ਢੰਗ ਨਾਲ ਸਟੋਰ ਕੀਤਾ ਗਿਆ ਹੈ (ਜਿਵੇਂ ਕਿ ਏਅਰਟਾਈਟ ਕੰਟੇਨਰ ਵਿੱਚ), ਅਤੇ ਇਹ ਲੰਬੇ ਸਮੇਂ ਤੱਕ ਰਹਿ ਸਕਦਾ ਹੈ, ਤਾਂ ਇਸਨੂੰ ਵਰਤਿਆ ਜਾ ਸਕਦਾ ਹੈ। ਹਾਲਾਂਕਿ, ਜੇਕਰ ਤੁਹਾਨੂੰ ਕਿਸੇ ਉਤਪਾਦ ਦੀ ਐਕਸਪਾਇਰੀ ਡੇਟ ਜਾਂ ਬੈਸਟ ਬਿਫੋਰ ਡੇਟ ਬਾਰੇ ਕਿਸੇ ਤਰ੍ਹਾਂ ਦਾ ਕੋਈ ਸ਼ੱਕ ਹੈ, ਤਾਂ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਉਸ ਚੀਜ਼ ਦੀ ਵਰਤੋਂ ਨਾ ਕਰੋ।
