ਭਾਰਤ ਦੇ ਕਿਹੜੇ ਸੂਬੇ ਵਿਚ ਸਭ ਤੋਂ ਵੱਧ ਹੈ ਕੰਡੋਮ ਦੀ ਖਪਤ? Punjab ਦਾ ਕਿੰਨਵਾਂ ਨੰਬਰ? ਜਾਣੋ WHO ਦੀ ਰਿਪੋਰਟ
World Health Organization (WHO) Report: ਆਮ ਤੌਰ ‘ਤੇ ਸੰਭੋਗ ਦਾ ਵੱਧ ਆਨੰਦ ਮਾਨਣ ਲਈ ਲੋਕ ਕੰਡੋਮ ਦੀ ਵਰਤੋਂ ਕਰਨ ਤੋਂ ਬੱਚਦੇ ਹਨ, ਪਰ ਇਸ ਰਾਹੀਂ ਇਨਫੈਕਸ਼ਨ, ਗੰਭੀਰ ਬਿਮਾਰੀ ਅਤੇ ਅਣਚਾਹੇ ਗਰਭ ਅਵਸਥਾ ਦਾ ਖ਼ਤਰਾ ਰਹਿੰਦਾ ਹੈ। ਇਸੇ ਲਈ ਡਾਕਟਰ ਵੀ ਕੰਡੋਮ ਦੀ ਵਰਤੋਂ ਕਰਕੇ ਸੁਰੱਖਿਅਤ ਸੈਕਸ ਕਰਨ ਦੀ ਸਿਫਾਰਸ਼ ਕਰਦੇ ਹਨ, ਤਾਂ ਜੋ ਮਰਦ ਦੇ ਸ਼ੁਕਰਾਣੂ ਔਰਤ ਦੇ ਬੱਚੇਦਾਨੀ ਵਿੱਚ ਨਾ ਜਾਣ ਅਤੇ ਅਣਚਾਹੇ ਗਰਭ ਤੋਂ ਬਚਿਆ ਜਾ ਸਕੇ। ਕੁਝ ਮਹੀਨੇ ਪਹਿਲਾਂ, ਵਿਸ਼ਵ ਸਿਹਤ ਸੰਗਠਨ (WHO) ਨੇ ਇੱਕ ਰਿਪੋਰਟ ਜਾਰੀ ਕਰਕੇ ਚਿੰਤਾ ਪ੍ਰਗਟ ਕੀਤੀ ਸੀ। ਇਸ ਰਿਪੋਰਟ ਵਿੱਚ ਕਿਹਾ ਗਿਆ ਸੀ ਕਿ ਭਾਰਤ ਵਿਚ ਸਰੀਰਕ ਸੰਬੰਧਾਂ ਦੌਰਾਨ ਕੰਡੋਮ ਦੀ ਵਰਤੋਂ ਵਿੱਚ ਕਮੀ ਆਈ ਹੈ।
ਭਾਵੇਂ ਸਿਹਤ ਵਿਭਾਗ ਇਸ ਬਾਰੇ ਲੋਕਾਂ ਨੂੰ ਲਗਾਤਾਰ ਅਪਡੇਟ ਕਰ ਰਿਹਾ ਹੈ, ਪਰ ਲੋਕ ਸ਼ਰਮ ਕਾਰਨ ਇਸਦੀ ਵਰਤੋਂ ਨਹੀਂ ਕਰਦੇ। ਇਸ ਰਿਪੋਰਟ ਵਿਚ ਇਹ ਵੀ ਦੱਸਿਆ ਗਿਆ ਸੀ ਕਿ ਕਿਸ ਰਾਜ ਦੇ ਲੋਕ ਸਭ ਤੋਂ ਵੱਧ ਕੰਡੋਮ ਦੀ ਵਰਤੋਂ ਕਰਦੇ ਹਨ।
ਕੰਡੋਮ ਦੀ ਸਭ ਤੋਂ ਵੱਧ ਵਰਤੋਂ ਕਿੱਥੇ ਹੁੰਦੀ ਹੈ?
ਰਾਸ਼ਟਰੀ ਪਰਿਵਾਰ ਸਿਹਤ ਵਿਭਾਗ ਦੁਆਰਾ ਸਾਲ 2021-22 ਵਿੱਚ ਇਕ ਸਰਵੇਖਣ ਕੀਤਾ ਗਿਆ ਸੀ। ਇਸ ਸਰਵੇਖਣ ਵਿੱਚ ਪਾਇਆ ਗਿਆ ਕਿ ਭਾਰਤ ਵਿੱਚ ਸਭ ਤੋਂ ਵੱਧ ਕੰਡੋਮ ਦਾਦਰਾ ਨਗਰ ਹਵੇਲੀ ਵਿੱਚ ਵਰਤਿਆ ਜਾਂਦਾ ਹੈ। ਇੱਥੋਂ ਦੇ ਲੋਕ ਕੰਡੋਮ ਦੀ ਮਹੱਤਤਾ ਨੂੰ ਸਮਝਦੇ ਹਨ ਅਤੇ ਭਾਰਤ ਦੇ ਕਿਸੇ ਵੀ ਹੋਰ ਰਾਜ ਨਾਲੋਂ ਇੱਥੇ ਜ਼ਿਆਦਾ ਕੰਡੋਮ ਖਰੀਦੇ ਅਤੇ ਵਰਤੇ ਜਾਂਦੇ ਹਨ। ਇਸ ਤੋਂ ਬਾਅਦ ਆਂਧਰਾ ਪ੍ਰਦੇਸ਼ ਸ਼ਾਮਲ ਹੈ, ਜਿੱਥੇ ਸਭ ਤੋਂ ਵੱਧ ਕੰਡੋਮ ਖਰੀਦੇ ਜਾਂਦੇ ਹਨ। ਰਿਪੋਰਟ ਦੇ ਅਨੁਸਾਰ, ਦਾਦਰਾ ਨਗਰ ਹਵੇਲੀ ਵਿੱਚ 10,000 ਜੋੜਿਆਂ ਵਿੱਚੋਂ 993 ਜੋੜੇ ਕੰਡੋਮ ਦੀ ਵਰਤੋਂ ਕਰਦੇ ਹਨ।
ਕਿੰਨੇ ਲੋਕ ਕਰਦੇ ਹਨ ਕੰਡੋਮ ਦੀ ਵਰਤੋਂ?
ਇਸ ਤੋਂ ਬਾਅਦ, ਇਸ ਸੰਬੰਧੀ ਦੂਜੇ ਰਾਜਾਂ ਵਿੱਚ ਇੱਕ ਸਰਵੇਖਣ ਕੀਤਾ ਗਿਆ। ਜਿਸ ਵਿੱਚ ਹਰ ਉਮਰ ਦੇ 10,000 ਜੋੜਿਆਂ ਨਾਲ ਗੱਲ ਕੀਤੀ ਗਈ। ਇਸ ਅਨੁਸਾਰ, ਆਂਧਰਾ ਪ੍ਰਦੇਸ਼ ਦੂਜੇ ਨੰਬਰ ‘ਤੇ ਆਉਂਦਾ ਹੈ। ਇੱਥੇ, 10,000 ਵਿੱਚੋਂ 978 ਜੋੜੇ ਕੰਡੋਮ ਦੀ ਵਰਤੋਂ ਕਰਦੇ ਹਨ। ਇਸ ਸੂਚੀ ਵਿੱਚ ਕਰਨਾਟਕ ਸਭ ਤੋਂ ਭੈੜਾ ਹੈ। ਕਰਨਾਟਕ ਵਿੱਚ, 10,000 ਵਿੱਚੋਂ ਸਿਰਫ਼ 307 ਜੋੜੇ ਇਸਦੀ ਵਰਤੋਂ ਕਰਦੇ ਹਨ। ਜਦੋਂ ਕਿ ਪੁਡੂਚੇਰੀ ਵਿੱਚ, 10,000 ਵਿੱਚੋਂ 960, ਗੁਜਰਾਤ ਵਿੱਚ 430, ਪੰਜਾਬ ਵਿੱਚ 895, ਹਿਮਾਚਲ ਪ੍ਰਦੇਸ਼ ਵਿੱਚ 567, ਰਾਜਸਥਾਨ ਵਿੱਚ 514, ਚੰਡੀਗੜ੍ਹ ਵਿੱਚ 822 ਅਤੇ ਹਰਿਆਣਾ ਵਿੱਚ 685 ਜੋੜੇ ਕੰਡੋਮ ਦੀ ਵਰਤੋਂ ਕਰਦੇ ਹਨ।
ਰਾਜਾਂ ਵਿੱਚ HIV ਦੇ ਅੰਕੜੇ
ਇਸ ਰਿਪੋਰਟ ਦੇ ਅਨੁਸਾਰ, ਦੇਸ਼ ਵਿੱਚ ਹਰ ਸਾਲ ਔਸਤਨ 33.07 ਕਰੋੜ ਲੋਕ ਕੰਡੋਮ ਖਰੀਦਦੇ ਹਨ, ਜਿਸ ਵਿੱਚੋਂ ਯੂਪੀ ਵਿੱਚ ਹਰ ਸਾਲ 5.3 ਕਰੋੜ ਕੰਡੋਮ ਖਰੀਦੇ ਜਾਂਦੇ ਹਨ। ਹੁਣ ਗੱਲ ਕਰੀਏ HIV ਦੇ ਅੰਕੜਿਆਂ ਦੀ ਤਾਂ ਸਰਕਾਰੀ ਅੰਕੜਿਆਂ ਦੇ ਅਨੁਸਾਰ, 2019 ਵਿੱਚ ਭਾਰਤ ਵਿੱਚ HIV ਰਿਪੋਰਟ ਦੇ ਅਨੁਸਾਰ, ਆਂਧਰਾ ਪ੍ਰਦੇਸ਼ ਵਿੱਚ 0.69%, ਤੇਲੰਗਾਨਾ ਵਿੱਚ 0.49%, ਕਰਨਾਟਕ ਵਿੱਚ 0.47%, ਦਿੱਲੀ ਵਿੱਚ 0.41%, ਮਹਾਰਾਸ਼ਟਰ ਵਿੱਚ 0.36%, ਪੁਡੂਚੇਰੀ ਵਿੱਚ 0.35%, ਪੰਜਾਬ ਵਿੱਚ 0.27%, ਦਾਦਰਾ ਅਤੇ ਨਗਰ ਹਵੇਲੀ ਵਿੱਚ 0.23%, ਤਾਮਿਲਨਾਡੂ ਵਿੱਚ 0.23 ਕੇਸ ਸਨ।
