ਜਦੋਂ ਦਾਊਦ ਇਬਰਾਹੀਮ ਖਿਡਾਰੀਆਂ ਨਾਲ ਫਿਕਸ ਕਰਨਾ ਚਾਹੁੰਦਾ ਸੀ ਮੈਚ, ਕਪਿਲ ਦੇਵ ਗੁੱਸੇ ‘ਚ ਕੀਤਾ ਸੀ ਇਹ ਕੰਮ
ਤੁਸੀਂ ਭਾਰਤੀ ਕ੍ਰਿਕਟ ਟੀਮ (Indian Cricket Team) ਦੇ ਡ੍ਰੈਸਿੰਗ ਰੂਮ (Dressing Room) ਬਾਰੇ ਕਈ ਕਹਾਣੀਆਂ ਸੁਣੀਆਂ ਹੋਣਗੀਆਂ, ਪਰ ਕੀ ਤੁਸੀਂ ਕਦੇ ਸੁਣਿਆ ਹੈ ਕਿ ਅੰਡਰਵਰਲਡ ਡੌਨ (Underworld Don) ਦਾਊਦ ਇਬਰਾਹਿਮ (Dawood Ibrahim) ਵੀ ਭਾਰਤ ਦੇ ਡ੍ਰੈਸਿੰਗ ਰੂਮ ਵਿੱਚ ਪਹੁੰਚਿਆ ਹੈ? ਜੀ ਹਾਂ, ਅਸੀਂ ਗੱਲ ਕਰ ਰਹੇ ਹਾਂ ਉਸੇ ਦਾਊਦ ਇਬਰਾਹਿਮ ਦੀ ਜੋ ਭਾਰਤ ਲਈ ਸਭ ਤੋਂ ਵੱਡਾ ਅੱਤਵਾਦੀ ਹੈ।
ਅਜਿਹਾ 1986 ‘ਚ ਸ਼ਾਰਜਾਹ (Sharjah) ‘ਚ ਹੋਇਆ ਸੀ ਜਦੋਂ ਟੀਮ ਇੰਡੀਆ ਪਾਕਿਸਤਾਨ (Pakistan) ਖਿਲਾਫ ਐਸਟ੍ਰੋਲ ਏਸ਼ੀਆ ਕੱਪ (Astroal Asia Cup) ਫਾਈਨਲ ਖੇਡਣ ਲਈ ਉੱਥੇ ਮੌਜੂਦ ਸੀ। ਇਸ ਗੱਲ ਦਾ ਖੁਲਾਸਾ ਖੁਦ ਸਾਬਕਾ ਕਪਤਾਨ ਦਿਲੀਪ ਵੇਂਗਸਰਕਰ (Dilip Vengsarkar) ਨੇ ਕੁਝ ਸਾਲ ਪਹਿਲਾਂ ਕੀਤਾ ਸੀ। ਵੇਂਗਸਰਕਰ ਨੇ ਦੱਸਿਆ ਸੀ ਕਿ ਕਿਵੇਂ ਅਚਾਨਕ ਡੌਨ ਦਾਊਦ ਇਬਰਾਹਿਮ ਡ੍ਰੈਸਿੰਗ ਰੂਮ ਵਿੱਚ ਦਾਖਲ ਹੋਇਆ ਸੀ ਅਤੇ ਕਪਿਲ ਦੇਵ (Kapil Dev) ਨੇ ਉਸ ਨੂੰ ਦੇਖਦੇ ਹੀ ਬਾਹਰ ਕੱਢ ਦਿੱਤਾ।
ਟੀਮ ਇੰਡੀਆ ‘ਚ ‘ਕਰਨਲ’ ਦੇ ਨਾਂ ਨਾਲ ਮਸ਼ਹੂਰ ਦਿਲੀਪ ਵੇਂਗਸਰਕਰ ਨੇ ਦੱਸਿਆ ਸੀ ਕਿ ਦਾਊਦ ਇਬਰਾਹਿਮ ਡਰੈਸਿੰਗ ਰੂਮ ‘ਚ ਆ ਕੇ ਖਿਡਾਰੀਆਂ ਨਾਲ ਡੀਲ ਤੈਅ ਕਰਨਾ ਚਾਹੁੰਦਾ ਸੀ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਸ਼ਾਰਜਾਹ ‘ਚ ਖੇਡੇ ਜਾ ਰਹੇ ਟੂਰਨਾਮੈਂਟ ਦੇ ਫਾਈਨਲ ‘ਚ ਪਾਕਿਸਤਾਨ ਨੂੰ ਹਰਾ ਦਿੰਦੇ ਹਾਂ ਤਾਂ ਉਹ ਸਾਨੂੰ ਸਾਰਿਆਂ ਨੂੰ ਕਾਰ ਤੋਹਫੇ ਵਜੋਂ ਦੇਣਗੇ।
1 ਅਕਤੂਬਰ ਤੋਂ ਬਦਲਣਗੇ ਟੈਕਸ ਨਿਯਮ, ਬਜਟ ‘ਚ ਹੋਇਆ ਸੀ ਐਲਾਨ!
ਇਹ ਘਟਨਾ ਸਾਲ 1986 ਦੀ ਹੈ ਜਦੋਂ ਭਾਰਤੀ ਟੀਮ ਸ਼ਾਰਜਾਹ ‘ਚ ਐਸਟ੍ਰੇਲ-ਏਸ਼ੀਆ ਕੱਪ ਫਾਈਨਲ ‘ਚ ਪਾਕਿਸਤਾਨ ਨਾਲ ਭਿੜਨ ਜਾ ਰਹੀ ਸੀ। ਵੇਂਗਸਰਕਰ ਨੇ ਕਿਹਾ ਕਿ ਦਾਊਦ ਇਬਰਾਹਿਮ ਦੇ ਨਾਲ ਮਸ਼ਹੂਰ ਅਭਿਨੇਤਾ ਮਹਿਮੂਦ (Mehmood) ਵੀ ਸਨ, ਜਿਨ੍ਹਾਂ ਨੇ ਦਾਊਦ ਨੂੰ ਵੱਡਾ ਕਾਰੋਬਾਰੀ ਕਹਿ ਕੇ ਟੀਮ ਇੰਡੀਆ ਦੇ ਖਿਡਾਰੀਆਂ ਨਾਲ ਜਾਣ-ਪਛਾਣ ਕਰਵਾਈ ਸੀ।
ਹਾਲਾਂਕਿ ਜਦੋਂ ਕਪਿਲ ਦੇਵ ਨੇ ਦਾਊਦ ਨੂੰ ਦੇਖਿਆ ਤਾਂ ਉਨ੍ਹਾਂ ਨੇ ਉਸ ਨੂੰ ਫਟਾਫਟ ਬਾਹਰ ਕੱਢ ਦਿੱਤਾ। ਵੇਂਗਸਰਕਰ ਨੇ ਦੱਸਿਆ ਸੀ ਕਿ ਅਭਿਨੇਤਾ ਮਹਿਮੂਦ ਸਾਡੇ ਡਰੈਸਿੰਗ ਰੂਮ ਵਿੱਚ ਸਨ। ਦਾਊਦ ਜਦੋਂ ਮਹਿਮੂਦ ਨਾਲ ਭਾਰਤੀ ਟੀਮ ਦੇ ਡਰੈਸਿੰਗ ਰੂਮ ਵਿੱਚ ਆਇਆ ਤਾਂ ਕਪਤਾਨ ਕਪਿਲ ਦੇਵ ਬਾਹਰ ਪ੍ਰੈਸ ਕਾਨਫਰੰਸ ਵਿੱਚ ਰੁੱਝੇ ਹੋਏ ਸਨ। ਇਹ ਘਟਨਾ ਫਾਈਨਲ ਮੈਚ ਤੋਂ ਇਕ ਦਿਨ ਪਹਿਲਾਂ ਵਾਪਰੀ।
ਦਿਲੀਪ ਵੇਂਗਸਰਕਰ ਨੇ 2013 ਵਿੱਚ ਇੱਕ ਸਮਾਗਮ ਵਿੱਚ ਸੁਣਾਈ ਸੀ ਇਹ ਕਹਾਣੀ। 2013 ਵਿੱਚ, ਦਿਲੀਪ ਵੇਂਗਸਰਕਰ ਨੇ ਜਲਗਾਓਂ (Jalgaon) ਵਿੱਚ ਇੱਕ ਮੀਟਿੰਗ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਅਦਾਕਾਰ ਮਹਿਮੂਦ ਨੇ ਦਾਊਦ ਨੂੰ ਸਾਡੇ ਨਾਲ ਮਿਲਾਇਆ। ਸਾਡੇ ਵਿੱਚੋਂ ਕਿਸੇ ਨੇ ਵੀ ਉਸਨੂੰ ਪਛਾਣਿਆ ਨਹੀਂ। ਪਰ ਮੈਂ ਉਸ ਦੀਆਂ ਕੁਝ ਤਸਵੀਰਾਂ ਦੇਖੀਆਂ ਸਨ। ਮਹਿਮੂਦ ਨੇ ਕਿਹਾ ਕਿ ਉਹ ਇੱਕ ਵੱਡਾ ਕਾਰੋਬਾਰੀ ਹੈ। ਮਹਿਮੂਦ ਨੇ ਕਿਹਾ ਕਿ ਉਹ ਸਾਡੇ ਲਈ ਇਨਾਮ ਦਾ ਐਲਾਨ ਕਰਨਾ ਚਾਹੁੰਦੇ ਹਨ। ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਕੱਲ੍ਹ ਪਾਕਿਸਤਾਨ ਨੂੰ ਹਰਾਉਂਦੇ ਹਾਂ ਤਾਂ ਉਹ ਸਾਨੂੰ ਹਰੇਕ ਨੂੰ ਕਾਰ ਦੇਵੇਗਾ। ਉਸ ਸਮੇਂ ਸਾਡੇ ਮੈਨੇਜਰ ਜਯੰਤ ਲੇਲੇ (Jayant Lele) ਸਨ।
ਦਾਊਦ ਹਮੇਸ਼ਾ ਤੋਂ ਹੀ ਰੱਖਦਾ ਰਿਹਾ ਹੈ ਕ੍ਰਿਕਟ ‘ਚ ਦਿਲਚਸਪੀ। ਦਿਲੀਪ ਵੇਂਗਸਰਕਰ ਨੇ ਦੱਸਿਆ ਕਿ ਜਦੋਂ ਕਪਿਲ ਦੇਵ ਪ੍ਰੈੱਸ ਕਾਨਫਰੰਸ (Press Conference) ਤੋਂ ਬਾਅਦ ਵਾਪਸ ਆਏ ਤਾਂ ਉਨ੍ਹਾਂ ਨੇ ਦਾਊਦ ਨੂੰ ਡਰੈਸਿੰਗ ਰੂਮ ਤੋਂ ਭਜਾ ਦਿੱਤਾ। ਜਯੰਤ ਲੇਲੇ ਨੇ ਆਪਣੀ ਕਿਤਾਬ ‘‘I was there – Memories of a Cricket Administrator’’ ਵਿੱਚ ਵੀ ਇਸਦਾ ਜ਼ਿਕਰ ਕੀਤਾ ਹੈ। ਫਾਈਨਲ ‘ਚ ਜਾਵੇਦ ਮਿਆਂਦਾਦ ਨੇ ਚੇਤਨ ਸ਼ਰਮਾ ਦੀ ਆਖਰੀ ਗੇਂਦ ‘ਤੇ ਛੱਕਾ ਜੜ ਕੇ ਪਾਕਿਸਤਾਨ ਨੂੰ ਯਾਦਗਾਰ ਜਿੱਤ ਦਿਵਾਈ। ਇਸ ਤੋਂ ਬਾਅਦ ਚੇਤਨ ਸ਼ਰਮਾ ਭਾਰਤ ਲਈ ਖਲਨਾਇਕ ਬਣ ਗਏ। ਦਾਊਦ ਹਮੇਸ਼ਾ ਤੋਂ ਹੀ ਕ੍ਰਿਕਟ ‘ਚ ਦਿਲਚਸਪੀ ਰੱਖਦਾ ਰਿਹਾ ਹੈ।
