ਗਰਮੀਆਂ ਵਿੱਚ, ਹਰ ਕਿਸੇ ਦਾ ਮਨ ਕੁਝ ਨਾ ਕੁਝ ਠੰਡਾ ਪੀਣ ਦਾ ਕਰਦਾ ਹੈ। ਅਜਿਹੀ ਸਥਿਤੀ ਵਿੱਚ, ਜੇਕਰ ਤੁਸੀਂ ਠੰਡੀ ਬੀਅਰ ਪੀਣਾ ਪਸੰਦ ਕਰਦੇ ਹੋ, ਤਾਂ ਅਸੀਂ ਤੁਹਾਨੂੰ ਦੱਸਦੇ ਹਾਂ, ਇਸਨੂੰ ਪੀਣ ਨਾਲ ਤਾਜ਼ਗੀ ਤਾਂ ਮਹਿਸੂਸ ਹੋ ਸਕਦੀ ਹੈ , ਪਰ ਇਹ ਤੁਹਾਡੇ ਸਰੀਰ ਨੂੰ ਠੰਡਾ ਕਰਨ ਜਾਂ ਡੀਹਾਈਡਰੇਸ਼ਨ ਨੂੰ ਰੋਕਣ ਦਾ ਕੰਮ ਨਹੀਂ ਕਰੇਗੀ। ਇਸ ਦੇ ਨਾਲ ਹੀ, ਤੁਹਾਨੂੰ ਇਹ ਜ਼ਰੂਰ ਪਤਾ ਹੋਣਾ ਚਾਹੀਦਾ ਹੈ ਕਿ ਬੀਅਰ ਵਿੱਚ ਅਲਕੋਹਲ ਹੁੰਦੀ ਹੈ, ਇਸ ਲਈ ਬੀਅਰ ਸਰੀਰ ਦਾ ਤਾਪਮਾਨ ਵਧਾ ਸਕਦੀ ਹੈ ਅਤੇ ਡੀਹਾਈਡਰੇਸ਼ਨ ਦਾ ਕਾਰਨ ਬਣ ਸਕਦੀ ਹੈ। ਆਓ ਮਾਹਿਰਾਂ ਤੋਂ ਵਿਸਥਾਰ ਵਿੱਚ ਜਾਣਦੇ ਹਾਂ ਕਿ ਗਰਮੀਆਂ ਵਿੱਚ ਠੰਡੀ ਬੀਅਰ ਕਿੰਨੀ ਲਾਭਦਾਇਕ ਹੈ ?
ਬੀਅਰ ਪੀਣ ਨਾਲ ਹੁੰਦੀ ਹੈ ਡੀਹਾਈਡਰੇਸ਼ਨ…
ਡੀਹਾਈਡਰੇਸ਼ਨ ਦਾ ਮਤਲਬ ਹੈ ਕਿ ਸਰੀਰ ਵਿੱਚ ਪਾਣੀ ਦੀ ਕਮੀ ਹੋਣਾ। ਅਜਿਹੀ ਸਥਿਤੀ ਵਿੱਚ, ਜੋ ਲੋਕ ਗਰਮੀਆਂ ਵਿੱਚ ਠੰਡੀ ਬੀਅਰ ਪੀਣਾ ਪਸੰਦ ਕਰਦੇ ਹਨ ਅਤੇ ਸੋਚਦੇ ਹਨ ਕਿ ਬੀਅਰ ਪੀਣ ਨਾਲ ਸਰੀਰ ਵਿੱਚ ਪਾਣੀ ਦੀ ਕਮੀ ਦੂਰ ਹੁੰਦੀ ਹੈ, ਤਾਂ ਇਹ ਇੱਕ ਗਲਤ ਧਾਰਨਾ ਹੈ। ਕਿਉਂਕਿ ਬੀਅਰ ਪੀਣ ਨਾਲ ਨਾ ਤਾਂ ਪਿਆਸ ਬੁਝਦੀ ਹੈ ਅਤੇ ਨਾ ਹੀ ਸਰੀਰ ਵਿੱਚ ਪਾਣੀ ਦੀ ਕਮੀ ਪੂਰੀ ਹੁੰਦੀ ਹੈ।
ਐਕਸਪਰਟ ਨੇ ਕਿਹਾ- ਬੀਅਰ ਵਿੱਚ ਅਲਕੋਹਲ ਚੰਗੀ ਮਾਤਰਾ ਵਿੱਚ ਹੁੰਦਾ ਹੈ, ਜਿਸ ਨੂੰ ਪੀਣ ਤੋਂ ਬਾਅਦ ਸਰੀਰ ਡੀਹਾਈਡਰੇਸ਼ਨ ਦਾ ਸ਼ਿਕਾਰ ਹੋ ਜਾਂਦਾ ਹੈ। ਡੀਹਾਈਡਰੇਸ਼ਨ ਦਾ ਮਤਲਬ ਹੈ ਕਿ ਸਰੀਰ ਵਿੱਚੋਂ ਜ਼ਿਆਦਾ ਪਾਣੀ ਬਾਹਰ ਆ ਰਿਹਾ ਹੈ ਅਤੇ ਇਸ ਨਾਲ ਸਰੀਰ ਦੇ ਅੰਦਰ ਪਾਣੀ ਦੀ ਬਹੁਤ ਕਮੀ ਹੋ ਜਾਂਦੀ ਹੈ।
ਅਜਿਹੇ ਵਿੱਚ ਜੇਕਰ ਤੁਸੀਂ ਆਪਣੇ ਆਪ ਨੂੰ ਡੀਹਾਈਡਰੇਸ਼ਨ ਤੋਂ ਦੂਰ ਰੱਖਣਾ ਚਾਹੁੰਦੇ ਹੋ, ਤਾਂ ਕਿਸੇ ਵੀ ਪਾਰਟੀ, ਘੁੰਮਣ- ਫਿਰਨ ਜਾਂ ਕਿਸੇ ਕਲੱਬ-ਪੱਬ ਵਿੱਚ ਬੀਅਰ ਜਾਂ ਸ਼ਰਾਬ ਪੀਣ ਤੋਂ ਬਚੋ, ਤਾਂ ਜੋ ਤੁਹਾਡੀ ਸਿਹਤ ਨਾ ਖ਼ਰਾਬ ਹੋਵੇ।
ਗਰਮੀਆਂ ਵਿੱਚ ਠੰਡਕ ਪਾਉਣ ਲਈ ਬੀਅਰ ਦੀ ਬਜਾਏ, ਤੁਸੀਂ ਇਹਨਾਂ ਵਿਕਲਪਾਂ ਨੂੰ ਅਪਣਾ ਸਕਦੇ ਹੋ…
ਬਹੁਤ ਸਾਰਾ ਪਾਣੀ ਪੀਓ। ਗਰਮੀਆਂ ਵਿੱਚ ਹਾਈਡਰੇਟਿਡ ਰਹਿਣ ਦਾ ਸਭ ਤੋਂ ਵਧੀਆ ਤਰੀਕਾ ਪਾਣੀ ਹੈ। ਇਸ ਲਈ ਨਿਯਮਿਤ ਤੌਰ ‘ਤੇ ਪਾਣੀ ਪੀਂਦੇ ਰਹੋ। ਇਸ ਦੇ ਨਾਲ, ਤੁਸੀਂ ਆਈਸਡ ਟੀ, ਨਿੰਬੂ ਪਾਣੀ ਜਾਂ ਹੋਰ ਨਾਨ-ਅਲਕੋਹਲ, ਹਾਈਡ੍ਰੇਟਿੰਗ ਡਰਿੰਕਸ ਪੀ ਸਕਦੇ ਹੋ। ਇਸ ਦੇ ਨਾਲ, ਗਰਮੀਆਂ ਵਿੱਚ ਚਾਹ, ਕੌਫੀ ਅਤੇ ਗਰਮ ਸੂਪ ਪੀਣ ਤੋਂ ਬਚਣ ਦੀ ਸਲਾਹ ਦਿੱਤੀ ਜਾਂਦੀ ਹੈ।
