ਯੋਗਾ ਦਿਲ ਦੀ ਸਿਹਤ ਨੂੰ ਸਮਰਥਨ ਦੇਣ ਦਾ ਇੱਕ ਕੋਮਲ ਪਰ ਪ੍ਰਭਾਵਸ਼ਾਲੀ ਤਰੀਕਾ ਹੋ ਸਕਦਾ ਹੈ, ਖਾਸ ਕਰਕੇ ਕਮਜ਼ੋਰ ਦਿਲ ਵਾਲੇ ਲੋਕਾਂ ਲਈ ਯੋਗ ਲਾਈਫ ਸੇਵਰ ਹੋ ਸਕਦਾ ਹੈ। ਡਾਕਟਰੀ ਮਾਰਗਦਰਸ਼ਨ ਅਤੇ ਮਾਹਰ ਨਿਗਰਾਨੀ ਹੇਠ, ਯੋਗਾ ਬਲੱਡ ਸਰਕੂਲੇਸ਼ਨ ਨੂੰ ਬਿਹਤਰ ਬਣਾਉਣ, ਬਲੱਡ ਪ੍ਰੈਸ਼ਰ ਨੂੰ ਘੱਟ ਕਰਨ, ਤਣਾਅ ਘਟਾਉਣ ਅਤੇ ਭਾਵਨਾਤਮਕ ਤੰਦਰੁਸਤੀ ਨੂੰ ਵਧਾਉਣ ਵਿੱਚ ਮਦਦ ਕਰਦਾ ਹੈ। ਅੱਜ ਅਸੀਂ ਤੁਹਾਨੂੰ ਚਾਰ ਆਸਾਨ ਯੋਗ ਆਸਣ ਦੱਸਾਂਗੇ ਜੋ ਹਾਰਟ ਫੇਲ ਵਾਲੇ ਮਰੀਜ਼ਾਂ ਲਈ ਸੁਰੱਖਿਅਤ ਅਤੇ ਲਾਭਦਾਇਕ ਹਨ।
1. ਤਾੜ ਆਸਨ
ਸਿੱਧੇ ਖੜ੍ਹੇ ਹੋਵੋ ਤੇ ਆਪਣੇ ਦੋਵਾਂ ਹੱਥਾਂ ਦੀਆਂ ਤਲੀਆਂ ਨੂੰ ਮਿਲਾ ਕੇ ਉੱਪਰ ਵੱਲ ਕਰ।
ਸਾਹ ਲਓ ਅਤੇ ਆਪਣੀਆਂ ਬਾਹਾਂ ਨੂੰ ਉੱਪਰ ਚੁੱਕੋ, ਹਥੇਲੀਆਂ ਇੱਕ ਦੂਜੇ ਦੇ ਸਾਹਮਣੇ ਰੱਖੋ।
ਆਪਣੇ ਸਰੀਰ ਨੂੰ ਪੈਰਾਂ ਤੋਂ ਸਿਰ ਤੱਕ ਉੱਪਰ ਵੱਲ ਖਿੱਚੋ।
20-30 ਸਕਿੰਟਾਂ ਲਈ ਹੋਲਡ ਕਰਨ ਦੀ ਕੋਸ਼ਿਸ਼ ਕਰੋ, ਡੂੰਘਾ ਸਾਹ ਲਓ।
ਸਾਹ ਛੱਡੋ ਅਤੇ ਸ਼ੁਰੂਆਤੀ ਸਥਿਤੀ ‘ਤੇ ਵਾਪਸ ਆਓ।
2-3 ਵਾਰ ਇਸ ਨੂੰ ਦੁਹਰਾਓ।
2. ਵ੍ਰਿਕਸ਼ ਆਸਨ
ਸਿੱਧੇ ਖੜ੍ਹੇ ਹੋਵੋ ਅਤੇ ਆਪਣਾ ਭਾਰ ਖੱਬੀ ਲੱਤ ‘ਤੇ ਲੈ ਜਾਓ।
ਆਪਣੇ ਸੱਜੇ ਪੈਰ ਨੂੰ ਖੱਬੇ ਪੱਟ ਤੱਕ ਰੱਖੋ ।
ਆਪਣੀਆਂ ਹਥੇਲੀਆਂ ਨੂੰ ਆਪਣੀ ਛਾਤੀ ਦੇ ਸਾਹਮਣੇ ਇਕੱਠੇ ਲਿਆਓ ਜਾਂ ਉਨ੍ਹਾਂ ਨੂੰ ਉੱਪਰ ਚੁੱਕੋ।
ਸੰਤੁਲਨ ਲਈ ਅੱਗੇ ਵਾਲੇ ਬਿੰਦੂ ‘ਤੇ ਧਿਆਨ ਕੇਂਦਰਿਤ ਕਰੋ।
15-30 ਸਕਿੰਟਾਂ ਲਈ ਹੋਲਡ ਕਰੋ, ਫਿਰ ਲੱਤਾਂ ਬਦਲੋ।
ਹਰੇਕ ਪਾਸੇ 2 ਚੱਕਰ ਪੂਰੇ ਕਰੋ।
3. ਭੁਜੰਗ ਆਸਨ
ਮੂੰਹ ਹੇਠਾਂ ਕਰਕੇ ਲੇਟ ਜਾਓ।
ਹੱਥ ਦੀਆਂ ਤਲੀਆਂ ਨੂੰ ਜ਼ਮੀਨ ਵੱਲ ਰੱਖ ਕੇ ਮੋਢਿਆਂ ਦੀ ਸੇਧ ਉੱਤੇ ਰੱਖੋ
ਸਾਹ ਅੰਦਰ ਲਓ ਅਤੇ ਆਪਣੀ ਛਾਤੀ ਨੂੰ ਉੱਪਰ ਚੁੱਕੋ।
ਆਪਣੇ ਪੇਡੂ ਨੂੰ ਫਰਸ਼ ‘ਤੇ ਰੱਖੋ ਅਤੇ ਮੋਢਿਆਂ ਨੂੰ ਰਿਲੈਕਸ ਕਰੋ।
ਹੌਲੀ-ਹੌਲੀ ਸਾਹ ਲੈਂਦੇ ਹੋਏ 15-20 ਸਕਿੰਟਾਂ ਲਈ ਹੋਲਡ ਕਰੋ।
ਸਾਹ ਛੱਡੋ ਤੇ ਇਸ ਨੂੰ 2 ਵਾਰ ਦੋਹਰਾਓ।
4. ਪ੍ਰਾਣਾਯਾਮ ਨਾਲ ਸੁਖਾਸਨ
ਸਿੱਧੀ ਰੀੜ੍ਹ ਦੀ ਹੱਡੀ ਨਾਲ ਪੈਰਾਂ ‘ਤੇ ਬੈਠੋ।
ਆਪਣੀ ਨੱਕ ਰਾਹੀਂ ਹੌਲੀ-ਹੌਲੀ ਸਾਹ ਲਓ, ਆਪਣੀ ਛਾਤੀ ਨੂੰ ਫੈਲਾਓ।
ਹੌਲੀ-ਹੌਲੀ ਅਤੇ ਪੂਰੀ ਤਰ੍ਹਾਂ ਸਾਹ ਛੱਡੋ।
ਰੋਜ਼ਾਨਾ 5-10 ਮਿੰਟ ਲਈ ਆਪਣੇ ਸਾਹ ‘ਤੇ ਧਿਆਨ ਕੇਂਦਰਿਤ ਕਰੋ।
ਇਹ ਆਸਾਨ ਯੋਗਾ ਅਭਿਆਸ ਹਾਰਟ ਫੇਲ ਦੇ ਮਰੀਜ਼ਾਂ ਨੂੰ ਵਧੇਰੇ ਊਰਜਾਵਾਨ, ਸ਼ਾਂਤ ਅਤੇ ਸਿਹਤਮੰਦ ਮਹਿਸੂਸ ਕਰਨ ਵਿੱਚ ਮਦਦ ਕਰ ਸਕਦੇ ਹਨ।
