ਗਰਮੀ ਤੋਂ ਕਿਵੇਂ ਕੀਤਾ ਜਾ ਸਕਦਾ ਹੈ ਬਚਾਅ, ਪੜ੍ਹੋ ਪੂਰੀ ਜਾਣਕਾਰੀ

ਗਰਮੀ ਇਸ ਸਮੇਂ ਪੂਰੇ ਸਿਖਰਾਂ ‘ਤੇ ਹੈ। ਜਿੱਥੇ ਜ਼ਿਆਦਾ ਗਰਮੀ ਕਾਰਨ ਘਰੋਂ ਬਾਹਰ ਨਿਕਲਣਾ ਮੁਸ਼ਕਲ ਹੋ ਜਾਂਦਾ ਹੈ ਉਥੇ ਹੀ ਹੀਟ ਸਟਰੋਕ ਦਾ ਡਰ ਵੀ ਹੁੰਦਾ ਹੈ। ਲੂ ਲੱਗਣ ‘ਤੇ ਉਲਟੀਆਂ ਹੋਣ ਲੱਗਦੀਆਂ ਹਨ ਜਿਸ ਨਾਲ ਸਰੀਰ ‘ਚ ਪਾਣੀ ਦੀ ਕਮੀ ਹੋ ਜਾਂਦੀ ਹੈ। ਜੇ ਸਮੇਂ ਸਿਰ ਇਲਾਜ ਨਾ ਕੀਤਾ ਜਾਵੇ ਤਾਂ ਇਹ ਜਾਨਲੇਵਾ ਵੀ ਸਾਬਤ ਹੋ ਸਕਦਾ ਹੈ। ਪਰ ਅੱਜ ਅਸੀਂ ਤੁਹਾਨੂੰ ਕੁਝ ਅਜਿਹੇ ਘਰੇਲੂ ਸੁਝਾਅ ਦੇਵਾਂਗੇ ਜੋ ਗਰਮੀ ਦੇ ਸਮੇਂ ਤੁਹਾਨੂੰ ਲੂ ਲੱਗਣ ਤੋਂ ਬਚਾਉਣ ਵਿੱਚ ਸਹਾਇਤਾ ਕਰਨਗੇ। ਜ਼ਿਆਦਾ ਗਰਮ ਅਤੇ ਖੁਸ਼ਕ ਹਵਾਵਾਂ ਨੂੰ ਲੂ ਕਿਹਾ ਜਾਂਦਾ ਹੈ। ਇਹ ਹਵਾਵਾਂ ਆਮ ਤਾਪਮਾਨ ਨਾਲੋਂ ਜ਼ਿਆਦਾ ਗਰਮ ਹੁੰਦੀਆਂ ਹਨ। ਜੋ ਮਾਰਚ ਅਤੇ ਜੁਲਾਈ ਦੇ ਵਿਚਕਾਰ ਚਲਦੀਆਂ ਹਨ। ਖੋਜ ਦੇ ਅਨੁਸਾਰ ਭਾਰਤ ਵਿੱਚ ਹਰ ਸਾਲ ਹੀਟ ਸਟਰੋਕ ਦੇ 40 ਲੱਖ ਤੋਂ ਵੱਧ ਮਾਮਲੇ ਸਾਹਮਣੇ ਆਉਂਦੇ ਹਨ।

ਜਾਣੋ ਹੀਟ ਸਟ੍ਰੋਕ ਦੇ ਲੱਛਣ

ਤੇਜ਼ ਬੁਖਾਰ ਅਤੇ ਬੇਹੋਸ਼ੀ
ਸਿਰ ਦਰਦ ਅਤੇ ਥਕਾਵਟ
ਉਲਟੀਆਂ ਅਤੇ ਚੱਕਰ ਆਉਣੇ
ਬਹੁਤ ਪਸੀਨਾ ਆਉਣਾ
ਸਕਿਨ ‘ਤੇ ਰੈਸ਼ੇਜ ਹੋਣਾ
ਮਾਸਪੇਸ਼ੀਆਂ ਅਤੇ ਪੇਡੂ ‘ਚ ਦਰਦ

ਕਿਸ-ਕਿਸ ਨੂੰ ਹੀਟ ਸਟ੍ਰੋਕ ਦਾ ਜ਼ਿਆਦਾ ਖਤਰਾ ਹੁੰਦਾ ਹੈ

ਜ਼ਿਆਦਾ ਮੋਟੇ ਲੋਕਾਂ ਨੂੰ
ਉਹ ਲੋਕ ਜੋ ਸਰੀਰਕ ਤੌਰ ‘ਤੇ ਕਮਜ਼ੋਰ ਹਨ
ਦਿਲ ਦੀ ਬਿਮਾਰੀ ਵਾਲੇ ਲੋਕ
ਛੋਟੇ ਬੱਚਿਆਂ ਨੂੰ

ਆਓ ਜਾਣਦੇ ਹਾਂ ਗਰਮੀਆਂ ਵਿੱਚ ਹੀਟ ਸਟ੍ਰੋਕ ਤੋਂ ਬਚਣ ਦੇ ਸੁਝਾਅ…

ਘਰ ਤੋਂ ਬਾਹਰ ਨਿਕਲਣ ਵੇਲੇ ਇਕ ਛਤਰੀ ਲੈ ਕੇ ਜਾਓ ਅਤੇ ਸਰੀਰ ਨੂੰ ਪੂਰੀ ਤਰ੍ਹਾਂ ਢੱਕੋ। ਨਾਲ ਹੀ ਸਿਰਫ ਹਲਕੇ, ਢਿੱਲੇ ਅਤੇ ਪੂਰੀ-ਬਾਂਹ ਵਾਲੇ ਕੱਪੜੇ ਪਹਿਨੋ ਅਤੇ ਆਪਣੇ ਸਿਰ ਨੂੰ ਢੱਕ ਕੇ ਰੱਖੋ।
ਠੰਡੀ ਜਗ੍ਹਾ ਤੇ ਰਹੋ ਅਤੇ ਦੁਪਹਿਰ 12-3 ਵਜੇ ਦੇ ਵਿਚਕਾਰ ਬਾਹਰੀ ਗਤੀਵਿਧੀਆਂ ਤੋਂ ਦੂਰ ਰਹੋ। ਕਮਰੇ ਦਾ ਤਾਪਮਾਨ ਘੱਟ ਕਰੋ ਅਤੇ ਖਿੜਕੀਆਂ ਨੂੰ ਖੁੱਲਾ ਰੱਖੋ।
ਗਰਮੀ ਦੇ ਪ੍ਰਭਾਵ ਤੋਂ ਬਚਣ ਲਈ ਰੋਜ਼ਾਨਾ ਘੱਟੋ-ਘੱਟ 2 ਤੋਂ 3 ਲੀਟਰ ਪਾਣੀ ਪੀਓ। ਇਸ ਤੋਂ ਇਲਾਵਾ ਤੁਸੀਂ ਮੱਖਣ, ਚਾਵਲ ਦਾ ਪਾਣੀ, ਨਿੰਬੂ ਜਾਂ ਅੰਬ ਦਾ ਰਸ ਅਤੇ ਦਾਲ ਦਾ ਸੂਪ ਵੀ ਪੀ ਸਕਦੇ ਹੋ।
ਹਰੀ ਧਨੀਏ ਦੇ ਪੱਤਿਆਂ ਨੂੰ ਪਾਣੀ ਵਿਚ ਭਿਓ ਕੇ ਰੱਖੋ ਅਤੇ ਫਿਰ ਇਸ ਨੂੰ ਬਲੈਂਡ ਕਰਕੇ ਥੋੜੀ ਜਿਹੀ ਚੀਨੀ ਮਿਲਾ ਕੇ ਪੀਓ।
ਅੰਬ ਪੰਨਾ ਨੂੰ ਗਰਮੀ ਦਾ ਸਿਹਤ ਟੌਨਿਕ ਵੀ ਕਿਹਾ ਜਾਂਦਾ ਹੈ। ਇਸ ਦਾ ਰੋਜ਼ਾਨਾ ਸੇਵਨ ਕਰਨਾ ਨਾ ਸਿਰਫ ਸਰੀਰ ਨੂੰ ਗਰਮੀ ਤੋਂ ਬਚਾਉਂਦਾ ਹੈ ਬਲਕਿ ਇਹ ਤੁਹਾਨੂੰ ਹੋਰ ਬਿਮਾਰੀਆਂ ਦੇ ਖਤਰੇ ਤੋਂ ਵੀ ਬਚਾਉਂਦਾ ਹੈ।
ਛਾਛ ਵਿਚ ਕਾਲਾ ਨਮਕ ਅਤੇ ਜੀਰਾ ਮਿਲਾਕੇ ਪੀਣ ਨਾਲ ਹੀਟਸਟ੍ਰੋਕ ਨਹੀਂ ਹੁੰਦਾ। ਇਸ ਦੇ ਨਾਲ ਹੀ ਇਹ ਸਰੀਰ ਵਿਚ ਪਾਣੀ ਦੀ ਕਮੀ ਵੀ ਨਹੀਂ ਹੋਣ ਦਿੰਦਾ।
ਗਰਮੀਆਂ ਵਿਚ ਨਾਰੀਅਲ ਦਾ ਪਾਣੀ ਪੀਣਾ ਕਿਸੇ ਦਵਾਈ ਤੋਂ ਘੱਟ ਨਹੀਂ ਹੁੰਦਾ। ਨਾਰੀਅਲ ਦੇ ਪਾਣੀ ਨਾਲ ਹਰ ਦਿਨ ਹੀਟ ਸਟ੍ਰੋਕ ਦਾ ਕੋਈ ਖ਼ਤਰਾ ਨਹੀਂ ਹੁੰਦਾ।
ਸਾਦੇ ਪਾਣੀ ਦੀ ਬਜਾਏ ਇੱਕ ਬੋਤਲ ਵਿੱਚ ਨਿੰਬੂ ਪਾਣੀ ਪਾਕੇ ਪੀਓ। ਇਹ ਸਰੀਰ ਵਿਚ ਪਾਣੀ ਦੀ ਕਮੀ ਨੂੰ ਵੀ ਪੂਰਾ ਕਰੇਗਾ ਅਤੇ ਇਹ ਤੁਹਾਨੂੰ ਲੂ ਤੋਂ ਵੀ ਬਚਾਏਗਾ।
ਪੁਦੀਨੇ ਦਾ ਸੇਵਨ ਗਰਮੀ ਤੋਂ ਛੁਟਕਾਰਾ ਪਾਉਣ ਲਈ ਬਹੁਤ ਫਾਇਦੇਮੰਦ ਹੈ। ਇਹ ਪੇਟ ਦੀ ਜਲਣ ਨੂੰ ਸ਼ਾਂਤ ਕਰਦਾ ਹੈ ਅਤੇ ਹੀਟਸਟ੍ਰੋਕ ਵੀ ਨਹੀਂ ਹੁੰਦਾ। ਇਸ ਦੇ ਨਾਲ ਪਾਚਨ ਪ੍ਰਣਾਲੀ ਵੀ ਤੰਦਰੁਸਤ ਰਹਿੰਦੀ ਹੈ।
ਇਮਲੀ ਦੀ ਤਾਸੀਰ ਠੰਡੀ ਹੁੰਦੀ ਹੈ। ਗਰਮੀਆਂ ਦੇ ਮੌਸਮ ਵਿਚ ਇਸ ਦਾ ਸੇਵਨ ਕਰਨ ਨਾਲ ਸਿਹਤ ਚੰਗੀ ਰਹਿੰਦੀ ਹੈ। ਇਮਲੀ ਦੇ ਪਾਣੀ ਵਿਚ ਚੀਨੀ ਮਿਲਾ ਕੇ ਪੀਣ ਨਾਲ ਲੂ ਤੋਂ ਬਚਾਅ ਹੁੰਦਾ ਹੈ।
ਲੂ ਤੋਂ ਬਚਣ ਲਈ ਬੇਲ ਦਾ ਸ਼ਰਬਤ ਪੀਓ। ਇਸ ਨੂੰ ਪੀਣ ਨਾਲ ਸਰੀਰ ‘ਚ ਪਾਣੀ ਦੀ ਕਮੀ ਪੂਰੀ ਹੋ ਜਾਂਦੀ ਹੈ ਅਤੇ ਗਰਮੀ ਤੋਂ ਵੀ ਬਚਾਅ ਹੁੰਦਾ ਹੈ।

ਹੀਟ ਸਟ੍ਰੋਕ ਹੋਣ ‘ਤੇ ਕੀ ਕਰਨਾ ਚਾਹੀਦਾ…

ਹੀਟ ਸਟ੍ਰੋਕ ਹੋਣ ‘ਤੇ ਤੁਰੰਤ ਹਸਪਤਾਲ ਲੈ ਜਾਓ।
ਜਦੋਂ ਤਕ ਡਾਕਟਰ ਨਹੀਂ ਆਉਂਦਾ ਉਦੋਂ ਤੱਕ ਕਿਸੀ ਠੰਡੀ ਜਗ੍ਹਾ ‘ਤੇ ਰਹੋ ਅਤੇ ਪੈਰਾਂ ਨੂੰ ਉੱਪਰ ਰੱਖੋ।
ਜੇ ਵਿਅਕਤੀ ਹੋਸ਼ ‘ਚ ਹੈ ਤਾਂ ਬਹੁਤ ਸਾਰਾ ਪਾਣੀ ਪਿਲਾਓ।
ਹੌਲੀ-ਹੌਲੀ ਸਰੀਰ ਨੂੰ ਬਰਫ਼ ਦੇ ਪੈਕ ਨਾਲ ਠੰਡਾ ਕਰੋ। ਠੰਡੇ ਪਾਣੀ ਨਾਲ ਸਪਰੇਅ ਕਰੋ ਜਾਂ ਸਪੰਜ ਕਰੋ।
ਜ਼ਿਆਦਾ ਦੇਰ ਤਕ ਬਾਹਰ ਰਹਿਣ ‘ਤੇ ਸਰੀਰ ਅਤੇ ਕੱਪੜਿਆਂ ‘ਤੇ ਪਾਣੀ ਛਿੜਕੋ।