ਭਾਰ ਘਟਾਉਣ ਲਈ ਹਰ ਕੋਈ ਕਰ ਰਿਹਾ Intermittent Fasting, ਇਹ ਡਾਈਟ ਸ਼ੁਰੂ ਕਰਨ ਤੋਂ ਪਹਿਲਾਂ ਜਾਣ ਲਓ ਇਸ ਦੇ 5 ਵੱਡੇ ਨੁਕਸਾਨ

ਇੰਟਰਮੀਟੈਂਟ ਫਾਸਟਿੰਗ (Intermittent Fasting) ਦੇ ਨੁਕਸਾਨ
1. ਊਰਜਾ ਦੀ ਘਾਟ ਅਤੇ ਥਕਾਵਟ: ਜੇਕਰ ਸਰੀਰ ਨੂੰ ਲੋੜੀਂਦਾ ਪੋਸ਼ਣ ਨਹੀਂ ਮਿਲਦਾ, ਤਾਂ ਊਰਜਾ ਦਾ ਪੱਧਰ ਘੱਟ ਸਕਦਾ ਹੈ। ਇਸ ਨਾਲ ਰੋਜ਼ਾਨਾ ਦੀਆਂ ਗਤੀਵਿਧੀਆਂ ਪ੍ਰਭਾਵਿਤ ਹੋ ਸਕਦੀਆਂ ਹਨ ਅਤੇ ਵਿਅਕਤੀ ਕਮਜ਼ੋਰੀ ਮਹਿਸੂਸ ਕਰ ਸਕਦਾ ਹੈ।

2. ਬਹੁਤ ਜ਼ਿਆਦਾ ਭੁੱਖ ਅਤੇ ਚਿੜਚਿੜਾਪਨ: ਇੰਟਰਮੀਟੈਂਟ ਫਾਸਟਿੰਗ (Intermittent Fasting) ਦੌਰਾਨ ਲੰਬੇ ਸਮੇਂ ਤੱਕ ਨਾ ਖਾਣਾ ਭੁੱਖ ਵਧਾ ਸਕਦਾ ਹੈ, ਜਿਸ ਨਾਲ ਚਿੜਚਿੜਾਪਨ ਅਤੇ ਮੂਡ ਸਵਿੰਗ ਹੋ ਸਕਦੇ ਹਨ। ਕੁਝ ਲੋਕ ਇਸ ਕਾਰਨ ਥਕਾਵਟ ਅਤੇ ਕਮਜ਼ੋਰੀ ਵੀ ਮਹਿਸੂਸ ਕਰ ਸਕਦੇ ਹਨ।

3. ਪੋਸ਼ਣ ਦੀ ਘਾਟ: ਜੇਕਰ ਇੰਟਰਮੀਟੈਂਟ ਫਾਸਟਿੰਗ (Intermittent Fasting) ਦੌਰਾਨ ਸੰਤੁਲਿਤ ਖੁਰਾਕ ਨਹੀਂ ਲਈ ਜਾਂਦੀ, ਤਾਂ ਸਰੀਰ ਵਿੱਚ ਵਿਟਾਮਿਨ ਅਤੇ ਖਣਿਜਾਂ ਦੀ ਕਮੀ ਹੋ ਸਕਦੀ ਹੈ। ਇਸ ਨਾਲ ਵਾਲ ਝੜਨ, ਸਕਿਨਦੀਆਂ ਸਮੱਸਿਆਵਾਂ ਅਤੇ ਕਮਜ਼ੋਰੀ ਵਰਗੀਆਂ ਹੋਰ ਸਮੱਸਿਆਵਾਂ ਹੋ ਸਕਦੀਆਂ ਹਨ।

4. ਪਾਚਨ ਸੰਬੰਧੀ ਸਮੱਸਿਆਵਾਂ: ਕੁਝ ਲੋਕਾਂ ਨੂੰ ਇੰਟਰਮੀਟੈਂਟ ਫਾਸਟਿੰਗ (Intermittent Fasting) ਕਾਰਨ ਐਸਿਡਿਟੀ, ਗੈਸ, ਕਬਜ਼ ਜਾਂ ਬਦਹਜ਼ਮੀ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਲੰਬੇ ਸਮੇਂ ਤੱਕ ਕੁੱਝ ਵੀ ਨਾ ਖਾਣ ਨਾਲ ਪਾਚਨ ਪ੍ਰਣਾਲੀ ਪ੍ਰਭਾਵਿਤ ਹੋ ਸਕਦੀ ਹੈ।

5. ਹਾਰਮੋਨਲ ਇਨਬੈਲੇਂਸ: ਔਰਤਾਂ ਵਿੱਚ ਖਾਸ ਕਰਕੇ ਇੰਟਰਮੀਟੈਂਟ ਫਾਸਟਿੰਗ (Intermittent Fasting) ਨਾਲ ਹਾਰਮੋਨਲ ਇਨਬੈਲੇਂਸ ਹੋ ਸਕਦਾ ਹੈ, ਜਿਸ ਨਾਲ ਮਾਹਵਾਰੀ ਦੀਆਂ ਅਨਿਯਮਿਤਤਾਵਾਂ ਅਤੇ ਹੋਰ ਸਿਹਤ ਸਮੱਸਿਆਵਾਂ ਹੋ ਸਕਦੀਆਂ ਹਨ।

(Disclaimer: ਉੱਪਰ ਦਿੱਤੇ ਤੱਥ-ਜਾਣਕਾਰੀ ਆਮ ਜਾਣਕਾਰੀ ‘ਤੇ ਅਧਾਰਿਤ ਹਨ। ਨਿਊਜ਼ 18 ਇਨ੍ਹਾਂ ਦੀ ਪੁਸ਼ਟੀ ਨਹੀਂ ਕਰਦਾ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲਵੋ।)