Vogue Reader Pole ‘ਚ Diljit Dosanjh ਨੇ ਹਾਸਲ ਕੀਤਾ ਪਹਿਲਾ ਸਥਾਨ, ਸ਼ਾਹਰੁਖ, ਰਿਹਾਨਾ ਨੂੰ ਵੀ ਛੱਡਿਆ ਪਿੱਛੇ
ਦਿਲਜੀਤ ਦੋਸਾਂਝ (Diljit Dosanjh) ਨੇ ਹਾਲ ਹੀ ਵਿੱਚ Met Gala ਵਿੱਚ ਆਪਣੇ ਲੁੱਕ ਨਾਲ ਸੋਸ਼ਲ ਮੀਡੀਆ ‘ਤੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। Diljit Dosanjh ਨੇ ਮਸ਼ਹੂਰ ਡਿਜ਼ਾਈਨਰ ਪ੍ਰਬਲ ਗੁਰੂੰਗ ਦੁਆਰਾ ਬਣਾਈ ਗਈ ਸ਼ਾਹੀ ਸ਼ੇਰਵਾਨੀ ਪਹਿਨ ਕੇ ਰੈੱਡ ਕਾਰਪੇਟ ‘ਤੇ ਆਪਣੇ ਪੰਜਾਬੀ ਸੱਭਿਆਚਾਰ ਨੂੰ ਇੱਕ ਖਾਸ ਤਰੀਕੇ ਨਾਲ ਪ੍ਰਦਰਸ਼ਿਤ ਕੀਤਾ। ਉਨ੍ਹਾਂ ਦਾ ਲੁੱਕ ਪਟਿਆਲਾ ਦੇ ਮਸ਼ਹੂਰ ਮਹਾਰਾਜਾ ਭੁਪਿੰਦਰ ਸਿੰਘ ਤੋਂ ਪ੍ਰੇਰਿਤ ਸੀ।
Vogue’s Best Dressed Poll ਵਿੱਚ ਪਹਿਲਾ ਸਥਾਨ
ਇਸ ਪਹਿਰਾਵੇ ਨੇ ਦਿਲਜੀਤ ਨੂੰ Vogue ਦੇ Reader Pole ਵਿੱਚ ਪਹਿਲਾ ਸਥਾਨ ਦਿਵਾਇਆ, ਜਿਸ ਵਿੱਚ 307 ਲੋਕਾਂ ਦੇ ਲੁੱਕ ਸ਼ਾਮਲ ਸਨ। ਉਸਨੇ ਸ਼ਾਹਰੁਖ ਖਾਨ, ਰਿਹਾਨਾ, ਪ੍ਰਿਯੰਕਾ ਚੋਪੜਾ ਅਤੇ ਜ਼ੇਂਡੇਆ ਵਰਗੇ ਵੱਡੇ ਸਿਤਾਰਿਆਂ ਨੂੰ ਪਿੱਛੇ ਛੱਡ ਦਿੱਤਾ।
ਦਿਲਜੀਤ ਦੋਸਾਂਝ (Diljit Dosanjh) ਦੇ ਪਹਿਰਾਵੇ ਦਾ ਸਭ ਤੋਂ ਵਿਲੱਖਣ ਹਿੱਸਾ ਇੱਕ ਖਾਸ ਕੇਪ ਸੀ, ਜਿਸ ਉੱਤੇ ਗੁਰਮੁਖੀ ਲਿਪੀ ਵਿੱਚ ਪੰਜਾਬ ਦਾ ਨਕਸ਼ਾ ਸੋਨੇ ਦੇ ਧਾਗਿਆਂ ਨਾਲ ਬਹੁਤ ਹੀ ਗੁੰਝਲਦਾਰ ਢੰਗ ਨਾਲ ਕਢਾਈ ਕੀਤਾ ਗਿਆ ਸੀ। ਇਸ ਨੂੰ 50 ਕਾਰੀਗਰਾਂ ਨੇ ਮਿਲ ਕੇ ਚਾਰ ਦਿਨਾਂ ਵਿੱਚ ਤਿਆਰ ਕੀਤਾ ਸੀ। ਇਹ ਕੇਪ ਪੰਜਾਬ ਦੇ ਸੱਭਿਆਚਾਰ ਅਤੇ ਪਛਾਣ ਨੂੰ ਸਮਰਪਿਤ ਸੀ। ਦਿਲਜੀਤ ਤੋਂ ਇਲਾਵਾ, ਵੋਗ ਦੀ ਸੂਚੀ ਵਿੱਚ ਕੁਝ ਹੋਰ ਸਿਤਾਰੇ ਵੀ ਸ਼ਾਮਲ ਸਨ ਜਿਨ੍ਹਾਂ ਦੇ ਫੈਸ਼ਨ ਨੂੰ ਬਹੁਤ ਪਸੰਦ ਕੀਤਾ ਗਿਆ ਸੀ ਜਿਵੇਂ ਕਿ ਬੌਸ ਬ੍ਰਾਂਡ ਤੋਂ ਏਸ ਕੂਪਸ, ਜ਼ੇਂਡੇਆ, ਤੇਯਾਨਾ ਟੇਲਰ, ਰਿਹਾਨਾ, ਨਿੱਕੀ ਮਿਨਾਜ, ਸ਼ਕੀਰਾ, ਲੀਸਾ ਅਤੇ ਸਬਰੀਨਾ ਕਾਰਪੇਂਟਰ।
ਦਿਲਜੀਤ ਕੰਮ ਦੇ ਮਾਮਲੇ ਵਿੱਚ ਵੀ ਬਹੁਤ ਵਧੀਆ ਕਰ ਰਹੇ ਹਨ। ਲੋਕ ਉਨ੍ਹਾਂ ਦਾ ਸੰਗੀਤ ‘Dil Luminati Tour’ ਬਹੁਤ ਪਸੰਦ ਕਰ ਰਹੇ ਹਨ। ਹੁਣ ਉਹ ਆਪਣੀ ਫਿਲਮ ‘ਪੰਜਾਬ 95’ ਦੀ ਰਿਲੀਜ਼ ਦੀ ਤਿਆਰੀ ਕਰ ਰਹੇ ਹਨ, ਜੋ ਕਿ ਸਿੱਖ ਮਨੁੱਖੀ ਅਧਿਕਾਰ ਕਾਰਕੁਨ ਜਸਵੰਤ ਸਿੰਘ ਖਾਲੜਾ ਦੇ ਜੀਵਨ ‘ਤੇ ਆਧਾਰਿਤ ਹੈ। ਉਨ੍ਹਾਂ ਨੂੰ 1995 ਵਿੱਚ ਰਹੱਸਮਈ ਢੰਗ ਨਾਲ ਅਗਵਾ ਕਰ ਲਿਆ ਗਿਆ ਸੀ। ਇਹ ਫਿਲਮ ਦਿਲਜੀਤ ਲਈ ਇੱਕ ਗੰਭੀਰ ਅਤੇ ਚੁਣੌਤੀਪੂਰਨ ਫਿਲਮ ਸੀ। ਇਸ ਤੋਂ ਇਲਾਵਾ ਦਿਲਜੀਤ ਦੀ ਇੱਕ ਹੋਰ ਫਿਲਮ ‘ਬਾਰਡਰ 2’ ਆ ਰਹੀ ਹੈ, ਜਿਸ ਵਿੱਚ ਉਹ ਅਹਾਨ ਸ਼ੈੱਟੀ, ਸੰਨੀ ਦਿਓਲ ਅਤੇ ਵਰੁਣ ਧਵਨ ਨਾਲ ਨਜ਼ਰ ਆਉਣਗੇ।
