Eng vs Nz: ਜੋ ਰੂਟ ਨੇ ਤੋੜਿਆ ਰਾਹੁਲ ਦ੍ਰਾਵਿੜ ਦਾ ਰਿਕਾਰਡ, ਸਚਿਨ ਤੇਂਦੁਲਕਰ, ਰਿਕੀ ਪੋਂਟਿੰਗ ਵੀ ਨਿਸ਼ਾਨੇ ‘ਤੇ

ਨਵੀਂ ਦਿੱਲੀ- ਇੰਗਲੈਂਡ ਅਤੇ ਨਿਊਜ਼ੀਲੈਂਡ (England vs New Zealand) ਵਿਚਾਲੇ ਦੂਜਾ ਟੈਸਟ ਮੈਚ ਖੇਡਿਆ ਜਾ ਰਿਹਾ ਹੈ। ਇਸ ਮੌਕੇ ਇੰਗਲੈਂਡ ਦੇ ਮਹਾਨ ਬੱਲੇਬਾਜ਼ ਜੋਅ ਰੂਟ (Joe Root) ਨੇ ਸ਼ਾਨਦਾਰ ਅਰਧ ਸੈਂਕੜਾ ਲਗਾਇਆ। ਇਸੇ ਪਾਰੀ ਵਿੱਚ ਇੰਗਲੈਂਡ ਲਈ ਬੇਨ ਡਕੇਟ ਅਤੇ ਜੈਕਬ ਬੈਥਲ ਨੇ ਵੀ 92 ਅਤੇ 96 ਦੌੜਾਂ ਦੀ ਸ਼ਾਨਦਾਰ ਪਾਰੀ ਖੇਡੀ। ਪਰ ਜੋ ਰੂਟ ਦੀ ਇਸ ਪਾਰੀ ਨੇ ਸਾਬਕਾ ਭਾਰਤੀ ਕ੍ਰਿਕਟਰ ਰਾਹੁਲ ਦ੍ਰਾਵਿੜ (Rahul Dravid) ਦਾ ਰਿਕਾਰਡ ਤੋੜ ਦਿੱਤਾ ਹੈ।

ਅਸਲ ‘ਚ ਜੋਅ ਰੂਟ ਨੇ ਨਿਊਜ਼ੀਲੈਂਡ ਖਿਲਾਫ ਦੂਜੀ ਪਾਰੀ ‘ਚ ਅਰਧ ਸੈਂਕੜਾ ਜੜਿਆ ਤਾਂ ਟੈਸਟ ‘ਚ ਉਨ੍ਹਾਂ 100 ਅਰਧ ਸੈਂਕੜੇ ਹੋ ਗਏ। ਉਹ ਰਾਹੁਲ ਦ੍ਰਾਵਿੜ ਤੋਂ ਵੀ ਅੱਗੇ ਨਿਕਲ ਗਏ। ਕਿਉਂਕਿ ਰਾਹੁਲ ਦ੍ਰਾਵਿੜ ਦੇ ਨਾਂ ਟੈਸਟ ‘ਚ 99 ਅਰਧ ਸੈਂਕੜੇ ਹਨ। ਪਰ ਹੁਣ ਜੋ ਰੂਟ ਨੇ 100 ਅਰਧ ਸੈਂਕੜੇ ਬਣਾ ਲਏ ਹਨ। ਭਾਵ ਉਹ ਉਨ੍ਹਾਂ ਤੋਂ ਅੱਗੇ ਨਿਕਲ ਗਏ ਹਨ। ਕ੍ਰਿਕਟ ‘ਚ ਸਭ ਤੋਂ ਜ਼ਿਆਦਾ ਅਰਧ ਸੈਂਕੜੇ ਲਗਾਉਣ ਦੀ ਸੂਚੀ ‘ਚ ਜੋ ਰੂਟ ਟੈਸਟ ਚੌਥੇ ਸਥਾਨ ‘ਤੇ ਆ ਗਏ ਹਨ।

ਜੇਕਰ ਅਸੀਂ ਟੈਸਟ ‘ਚ ਸਭ ਤੋਂ ਜ਼ਿਆਦਾ ਅਰਧ ਸੈਂਕੜੇ ਲਗਾਉਣ ਦੀ ਗੱਲ ਕਰੀਏ ਤਾਂ ਇਹ ਸਚਿਨ ਤੇਂਦੁਲਕਰ ਦੇ ਨਾਂ ‘ਤੇ ਹੈ। ਸਚਿਨ ਨੇ ਆਪਣੇ ਟੈਸਟ ਕਰੀਅਰ ਵਿੱਚ ਕੁੱਲ 119 ਅਰਧ ਸੈਂਕੜੇ ਲਗਾਏ ਹਨ। ਇਸ ਦੇ ਨਾਲ ਹੀ ਦੂਜੇ ਸਥਾਨ ‘ਤੇ ਜੈਕ ਕੈਲਿਸ ਹਨ ਜਿਨ੍ਹਾਂ ਨੇ 103 ਅਰਧ ਸੈਂਕੜੇ ਲਗਾਏ ਹਨ। ਤੀਜੇ ਸਥਾਨ ‘ਤੇ ਰਿਕੀ ਪੋਂਟਿੰਗ ਹੈ, ਉਨ੍ਹਾਂ ਦੇ ਨਾਂ 103 ਅਰਧ ਸੈਂਕੜੇ ਵੀ ਹਨ।

ਜੇਕਰ ਜੋ ਰੂਟ ਇਸ ਸੂਚੀ ‘ਚ ਸਿਖਰ ‘ਤੇ ਜਾਣਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਮਹਾਨ ਸਚਿਨ ਤੇਂਦੁਲਕਰ ਦਾ ਰਿਕਾਰਡ ਤੋੜਨ ਲਈ 20 ਹੋਰ ਅਰਧ ਸੈਂਕੜੇ ਲਗਾਉਣੇ ਪੈਣਗੇ। ਇਸ ਦੇ ਨਾਲ ਹੀ ਪੌਂਟਿੰਗ ਅਤੇ ਜੈਕ ਕੈਲਿਸ ਨੂੰ ਪਿੱਛੇ ਛੱਡਣ ਲਈ ਉਨ੍ਹਾਂ ਨੂੰ 4 ਹੋਰ ਅਰਧ ਸੈਂਕੜੇ ਲਗਾਉਣੇ ਹੋਣਗੇ। ਉਨ੍ਹਾਂ ਲਈ ਸਚਿਨ ਤੱਕ ਪਹੁੰਚਣਾ ਥੋੜ੍ਹਾ ਮੁਸ਼ਕਲ ਹੋ ਸਕਦਾ ਹੈ। ਇਹ ਦੇਖਣਾ ਬਾਕੀ ਹੈ ਕਿ ਉਹ ਸੰਨਿਆਸ ਦੇ ਐਲਾਨ ਤੱਕ ਕਿੰਨੇ ਹੋਰ ਅਰਧ ਸੈਂਕੜੇ ਲਗਾ ਸਕਦੇ ਹਨ।