ਕੀ ਇਸ ਵਾਰ ਟੀਵੀ ‘ਤੇ ਨਹੀਂ ਆਉਣਗੇ Bigg Boss ਤੇ Khatron Ke Khiladi? ਜਾਣੋ ਕਿਸ OTT ‘ਤੇ ਹੋਣਗੇ ਸਟ੍ਰੀਮ
ਭਾਰਤ ਦੇ ਦੋ ਮਸ਼ਹੂਰ ਰਿਐਲਿਟੀ ਸ਼ੋਅ ‘Bigg Boss 19’ ਤੇ ਸਟੰਟ ਸ਼ੋਅ ‘ਖਤਰੋਂ ਕੇ ਖਿਲਾੜੀ 15’ ਦਾ ਲੋਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਦੋਵਾਂ ਸ਼ੋਅ ਨੂੰ ਕ੍ਰਮਵਾਰ ਸਲਮਾਨ ਖਾਨ ਅਤੇ ਰੋਹਿਤ ਸ਼ੈੱਟੀ ਹੋਸਟ ਕਰਦੇ ਹਨ। ਕਲਰਸ ਟੀਵੀ ਅਤੇ Banijay Asia (Endemol Shine) ਦੇ ਵੱਖ ਹੋਣ ਤੋਂ ਬਾਅਦ, ਦੋਵਾਂ ਸ਼ੋਅ ਦੇ ਬੰਦ ਹੋਣ ਦੀਆਂ ਖਬਰਾਂ ਆ ਰਹੀਆਂ ਹਨ। ਇੰਨਾ ਹੀ ਨਹੀਂ, ਪ੍ਰਸ਼ੰਸਕਾਂ ਦੇ ਮਨ ਵਿੱਚ Bigg Boss ਓਟੀਟੀ 4 ਬਾਰੇ ਇੱਕ ਸਵਾਲ ਵੀ ਹੈ ਕਿ ਉਹ ਇਸ ਸ਼ੋਅ ਨੂੰ ਕਦੋਂ ਅਤੇ ਕਿੱਥੇ ਦੇਖ ਸਕਣਗੇ? ਹਾਲ ਹੀ ਵਿੱਚ ਖ਼ਬਰ ਆਈ ਸੀ ਕਿ ਇਸ ਵਾਰ ਇਹ ਤਿੰਨੋਂ ਸ਼ੋਅ ਕਲਰਸ ਟੀਵੀ ਦੀ ਬਜਾਏ ਸੋਨੀ ਟੀਵੀ ‘ਤੇ ਆ ਸਕਦੇ ਹਨ। ਹੁਣ ਇਹ ਅਪਡੇਟ ਉਨ੍ਹਾਂ ਦੇ OTT ਪਲੇਟਫਾਰਮ ‘ਤੇ ਵੀ ਆ ਰਹੀ ਹੈ। ਆਓ ਜਾਣਦੇ ਹਾਂ ਇਸ ਬਾਰੇ ਸਭ ਕੁੱਝ…
Bigg Boss ਨਾਲ ਸਬੰਧਤ ਅਪਡੇਟਸ ਦੇਣ ਵਾਲੇ ਇੱਕ ਫੈਨ ਪੇਜ, “Bigg Boss ਤਕ” ਨੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ Banijay Asia (Endemol Shine) ਦੇ ਸੀਈਓ ਦੀਪਕ ਧਰ, ‘Bigg Boss 19’ ਅਤੇ ‘ਖਤਰੋਂ ਕੇ ਖਿਲਾੜੀ 15’ ਨੂੰ ਆਪਣੇ ਨੈੱਟਵਰਕ ‘ਤੇ ਸ਼ਿਫਟ ਕਰਨ ਲਈ ਸੋਨੀ ਟੀਵੀ ਨਾਲ ਗੱਲਬਾਤ ਕਰ ਰਹੇ ਹਨ। ਇਸ ਤੋਂ ਇਲਾਵਾ, ਉਹ ਜੀਓ ਹੌਟਸਟਾਰ ਨਾਲ ਵੀ ਗੱਲਬਾਤ ਕਰ ਰਹੇ ਹਨ ਤਾਂ ਜੋ ਦੋਵਾਂ ਵਿਚਕਾਰ ਚੱਲ ਰਹੇ ਮੁੱਦੇ ਨੂੰ ਸੁਲਝਾਇਆ ਜਾ ਸਕੇ ਅਤੇ ਕਲਰਸ ਟੀਵੀ ‘ਤੇ ਦੋਵਾਂ ਸ਼ੋਅ ਦੀ ਸਟ੍ਰੀਮਿੰਗ ਜਾਰੀ ਰੱਖਣ ਲਈ ਇੱਕ ਸਾਂਝਾ ਪਲੇਟਫਾਰਮ ਲੱਭਿਆ ਜਾ ਸਕੇ।
Banijay Asia (EndemolShine) CEO Deepak Dhar is engaged in discussions with SonyTv to shift the Khatron Ke Khiladi and Bigg Boss to their network.
Meanwhile, at the same time, he is also in talks with JioStar in an attempt to resolve the ongoing issue and find common ground to…
— #BiggBoss_Tak👁 (@BiggBoss_Tak) April 27, 2025
ਸਟ੍ਰੀਮਿੰਗ ਜੀਓ ਹੌਟਸਟਾਰ ‘ਤੇ ਕੀਤੀ ਜਾ ਸਕਦੀ ਹੈ
ਇਸ ਪੋਸਟ ਤੋਂ ਬਾਅਦ, ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ‘Bigg Boss 19’ ਅਤੇ ‘ਖਤਰੋਂ ਕੇ ਖਿਲਾੜੀ 15’ ਦੋਵੇਂ ਸ਼ੋਅ OTT ਪਲੇਟਫਾਰਮ ਜੀਓ ਹੌਟਸਟਾਰ ‘ਤੇ ਸਟ੍ਰੀਮ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ, ਅਧਿਕਾਰਤ ਬਿਆਨ ਆਉਣ ਤੱਕ ਕੁਝ ਨਹੀਂ ਕਿਹਾ ਜਾ ਸਕਦਾ। ਤੁਹਾਨੂੰ ਦੱਸ ਦੇਈਏ ਕਿ ਨਿਰਮਾਤਾਵਾਂ ਵੱਲੋਂ ਅਧਿਕਾਰਤ ਤੌਰ ‘ਤੇ ਕੁਝ ਨਹੀਂ ਕਿਹਾ ਗਿਆ ਹੈ। ਨਾ ਹੀ ਸੋਨੀ ਟੀਵੀ ‘ਤੇ ਇਸ ਦੇ ਪ੍ਰਸਾਰਿਤ ਹੋਣ ਬਾਰੇ ਕੁਝ ਕਿਹਾ ਗਿਆ ਹੈ। ਇਹ ਸਾਰੀ ਜਾਣਕਾਰੀ ਸਿਰਫ ਫੈਨ ਪੇਜ ‘ਤੇ ਦਿੱਤੀ ਗਈ ਜਾਣਕਾਰੀ ‘ਤੇ ਅਧਾਰਤ ਹੈ। ਜ਼ਿਕਰਯੋਗ ਹੈ ਕਿ ‘ਖਤਰੋਂ ਕੇ ਖਿਲਾੜੀ’ ਦੀ ਸ਼ੂਟਿੰਗ ਹਰ ਸਾਲ ਅਪ੍ਰੈਲ ਮਹੀਨੇ ਤੋਂ ਸ਼ੁਰੂ ਹੁੰਦੀ ਹੈ। ਇਸ ਵਾਰ ਸ਼ੋਅ ਦੀ ਸਟ੍ਰੀਮਿੰਗ ਵਿੱਚ ਦੇਰੀ ਹੋ ਸਕਦੀ ਹੈ।
