Google Maps ਕਾਰਨ ਗਈ ਤਿੰਨ ਲੋਕਾਂ ਦੀ ਜਾਨ, ਪੁਲਿਸ ਨੇ ਦਰਜ ਕੀਤਾ ਕੇਸ, ਹੁਣ ਕਿਸ ਨੂੰ ਹੋਵੇਗੀ ਜੇਲ੍ਹ ?
ਗੂਗਲ ਮੈਪ ਵੱਲੋਂ ਗਲਤ ਦਿਸ਼ਾ ਦਿਖਾਏ ਜਾਣ ਕਾਰਨ ਫਲਾਈਓਵਰ ਤੋਂ ਕਾਰ ਡਿੱਗਣ ਕਾਰਨ 3 ਲੋਕਾਂ ਦੀ ਮੌਤ ਦੇ ਮਾਮਲੇ ‘ਚ ਪ੍ਰਸ਼ਾਸਨ ਨੇ ਕਾਰਵਾਈ ਕੀਤੀ ਹੈ। ਡੀਐਮ ਬਦਾਉਂ ਦੇ ਹੁਕਮਾਂ ‘ਤੇ 4 ਇੰਜਨੀਅਰਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਵੱਡੀ ਗੱਲ ਇਹ ਹੈ ਕਿ ਇਸ ਮਾਮਲੇ ਵਿੱਚ ਗੂਗਲ ਦੇ ਖਿਲਾਫ ਵੀ ਐਫਆਈਆਰ ਦਰਜ ਕੀਤੀ ਗਈ ਹੈ। ਉਸ ਦਾ ਨਾਂ ਵੀ ਐਫਆਈਆਰ ਵਿੱਚ ਸ਼ਾਮਲ ਹੈ ਅਤੇ ਗੂਗਲ ਮੈਪਸ ਖ਼ਿਲਾਫ਼ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇੱਕ ਅਧੂਰੇ ਪੁਲ ਤੋਂ ਇੱਕ ਕਾਰ ਡਿੱਗਣ ਅਤੇ ਤਿੰਨ ਯਾਤਰੀਆਂ ਦੀ ਮੌਤ ਹੋਣ ਤੋਂ ਬਾਅਦ ਬਦਾਉਂ ਜ਼ਿਲ੍ਹੇ ਦੇ ਦਾਤਾਗੰਜ ਥਾਣੇ ਵਿੱਚ 4 ਲੋਕ ਨਿਰਮਾਣ ਵਿਭਾਗ ਦੇ ਇੰਜਨੀਅਰਾਂ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ। ਦਾਤਾਗੰਜ ਦੇ ਤਹਿਸੀਲਦਾਰ ਛਵੀਰਾਮ ਨੇ ਇਹ ਮਾਮਲਾ ਦਰਜ ਕਰਵਾਇਆ ਹੈ।
ਤਹਿਸੀਲਦਾਰ ਵੱਲੋਂ ਲਿਖਵਾਈ ਗਈ ਇਸ ਐਫਆਈਆਰ ਵਿੱਚ ਲਿਖਿਆ ਗਿਆ ਹੈ ਕਿ ਮਿਤੀ 24.11.2024 ਨੂੰ ਦਾਤਾਗੰਜ ਇਲਾਕੇ ਵਿੱਚ ਪਿੰਡ ਸਮੇਰ ਤੋਂ ਫਰੀਦਪੁਰ, ਬਰੇਲੀ ਨੂੰ ਜਾਣ ਵਾਲੀ ਸੜਕ ’ਤੇ ਰਾਮਗੰਗਾ ਨਦੀ ’ਤੇ ਬਣੇ ਪੁਲ ’ਤੇ ਸੜਕ/ਪਹੁੰਚ ਰਸਤਾ ਪੂਈਂ ਤਰ੍ਹਾਂ ਨਾਲ ਕੱਟਿਆ ਹੋਇਆ ਸੀ। ਇਹ ਸੜਕ ਪਿਛਲੇ ਲੰਮੇ ਸਮੇਂ ਤੋਂ ਇਸੇ ਤਰ੍ਹਾਂ ਦੀ ਹੈ।
ਇਸ ਤੋਂ ਬਾਅਦ ਵੀ ਲੋਕ ਨਿਰਮਾਣ ਵਿਭਾਗ ਬਦਾਯੂੰ ਦੇ ਸਹਾਇਕ ਇੰਜਨੀਅਰ ਮੁਹੰਮਦ. ਆਰਿਫ਼, ਅਭਿਸ਼ੇਕ ਕੁਮਾਰ ਅਤੇ ਜੂਨੀਅਰ ਇੰਜਨੀਅਰ ਅਜੇ ਗੰਗਵਾਰ ਅਤੇ ਮਹਾਰਾਜ ਸਿੰਘ ਨੂੰ ਪਤਾ ਸੀ ਕਿ ਜੇਕਰ ਕੋਈ ਵਾਹਨ ਇਸ ਪੁਲ ਤੋਂ ਲੰਘੇਗਾ ਤਾਂ ਕੋਈ ਵੱਡੀ ਘਟਨਾ ਵਾਪਰ ਸਕਦੀ ਹੈ।
ਇਸ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਲੋਕ ਨਿਰਮਾਣ ਵਿਭਾਗ ਦੇ ਇਨ੍ਹਾਂ ਅਧਿਕਾਰੀਆਂ ਨੇ ਜਾਣਬੁੱਝ ਕੇ ਪੁੱਲ ਦੇ ਦੋਵੇਂ ਕਿਨਾਰਿਆਂ ‘ਤੇ ਮਜ਼ਬੂਤ ਬੈਰੀਕੇਡਿੰਗ/ਬਲਾਕਿੰਗ/ਰਿਫਲੈਕਟਰ ਬੋਰਡ ਅਤੇ ਰੋਡ ਦੇ ਕੱਟੇ ਹੋਣ ਦੇ ਸਮੇਂ ਤੋਂ ਕੋਈ ਬੋਰਡ ਨਹੀਂ ਲਗਾਏ ਸਨ। ਇਸ ਨਾਲ ਪਤਾ ਲੱਗ ਜਾਂਦਾ ਕਿ ਇਹ ਰਸਤਾ ਪੂਰੀ ਤਰ੍ਹਾਂ ਬੰਦ ਹੈ। ਇਸ ਪੁੱਲ ‘ਤੇ ਸ਼ੁਰੂਆਤ ਵਿੱਚ ਪਤਲੀ ਕੰਧ ਬਣੀ ਸੀ। ਇਸ ਨੂੰ ਅਣਪਛਾਤੇ ਵਿਅਕਤੀਆਂ ਵੱਲੋਂ ਪਹਿਲਾਂ ਹੀ ਤੋੜ ਦਿੱਤਾ ਗਿਆ ਸੀ।
ਐਫਆਈਆਰ ਵਿੱਚ ਕਿਹਾ ਗਿਆ ਹੈ ਕਿ ਗੂਗਲ ਮੈਪਸ ਵਿੱਚ ਇਸ ਰੂਟ ਨੂੰ ਸਰਚ ਕਰਨ ‘ਤੇ ਕੋਈ ਕੋਈ ਰੁਕਾਵਟ ਨਾ ਦਿਖਾਉਂਦੇ ਹੋਏ ਇਸ ਨੂੰ ਸਹੀ ਰਸਤਾ ਦਿਖਾਇਆ ਗਿਆ। ਇਨ੍ਹਾਂ ਵਿਅਕਤੀਆਂ ਦੀ ਘੋਰ ਲਾਪਰਵਾਹੀ ਕਾਰਨ ਪੁੱਲ ਤੋਂ ਹੇਠਾਂ ਡਿੱਗ ਕੇ ਵੈਗਨ ਆਰ ਕਾਰ ਨੰਬਰ UP14 HT 3094 ਵਿੱਚ ਸਵਾਰ ਤਿੰਨ ਵਿਅਕਤੀਆਂ ਦੀ ਪੁਲ ਤੋਂ ਡਿੱਗ ਕੇ ਮੌਤ ਹੋ ਗਈ। ਇਹ ਘਟਨਾ ਇਨ੍ਹਾਂ ਸਾਰੇ ਇੰਜੀਨੀਅਰਾਂ ਅਤੇ ਗੂਗਲ ਦੀ ਘੋਰ ਲਾਪਰਵਾਹੀ ਕਾਰਨ ਵਾਪਰੀ ਹੈ।
ਤਹਿਸੀਲਦਾਰ ਨੇਲਿਖਵਾਇਆ ਹੈ ਕਿ ਲੋਕ ਨਿਰਮਾਣ ਵਿਭਾਗ ਦੇ ਸੂਬਾਈ ਬਲਾਕ ਬਦਾਉਂ ਦੇ ਇਨ੍ਹਾਂ ਅਧਿਕਾਰੀਆਂ, ਗੂਗਲ ਮੈਪ ਦੇ ਰੀਜ਼ਨਲ ਮੈਨੇਜਰ ਅਤੇ ਅਣਪਛਾਤੇ ਪਿੰਡ ਵਾਸੀਆਂ ਖ਼ਿਲਾਫ਼ ਕੇਸ ਦਰਜ ਕਰਕੇ ਲੋੜੀਂਦੀ ਕਾਰਵਾਈ ਕੀਤੀ ਜਾਵੇ।
