ਕੁਦਰਤ ਦਾ ਕਹਿਰ; ਤੂਫਾਨ, ਮੀਂਹ ਗੜੇਮਾਰੀ, 35 ਮਿੰਟਾਂ ਵਿਚ ਸਭ ਤਬਾਹ, ਕਿਸਾਨਾਂ ਦੀ ਚਿੰਤਾ ਵਧੀ, ਵੇਖੋ ਕੀ ਨੇ ਹਾਲਾਤ…
ਪਾਕਿਸਤਾਨ ਦੀ ਰਾਜਧਾਨੀ ਇਸਲਾਮਾਬਾਦ ਅਤੇ ਖੈਬਰ ਪਖਤੂਨਖਵਾ ਵਿੱਚ ਬੁੱਧਵਾਰ ਨੂੰ ਅਚਾਨਕ ਤੇਜ਼ ਗੜੇਮਾਰੀ ਨੇ ਭਾਰੀ ਤਬਾਹੀ ਮਚਾਈ। ਸਿਰਫ 35 ਮਿੰਟਾਂ ਵਿਚ ਤੂਫਾਨ ਅਤੇ ਗੜੇਮਾਰੀ ਨੇ ਸ਼ਹਿਰ ਨੂੰ ਤਬਾਹ ਕਰਕੇ ਰੱਖ ਦਿੱਤਾ। ਦਰੱਖਤ ਜੜ੍ਹੋਂ ਉਖੜ ਗਏ ਅਤੇ ਹੜ੍ਹਾਂ ਨੇ ਕਈ ਇਲਾਕਿਆਂ ਵਿੱਚ ਤਬਾਹੀ ਮਚਾ ਦਿੱਤੀ। ਇਹ ਕੋਈ ਆਮ ਮੀਂਹ ਨਹੀਂ, ਸਗੋਂ ਕੁਦਰਤ ਦਾ ਕਹਿਰ ਸੀ, ਜੋ ਕਿ ਜਲਵਾਯੂ ਪਰਿਵਰਤਨ ਦੀ ਚਿਤਾਵਨੀ ਹੈ। ਇਸਲਾਮਾਬਾਦ ਵਿੱਚ ਤੇਜ਼ ਹਵਾਵਾਂ ਦੇ ਨਾਲ ਅਚਾਨਕ ਮੀਂਹ ਪਿਆ। ਟੈਨਿਸ ਬਾਲ ਦੇ ਆਕਾਰ ਦੇ ਗੜੇ 35 ਮਿੰਟਾਂ ਤੱਕ ਅਸਮਾਨ ਤੋਂ ਡਿੱਗਦੇ ਰਹੇ। ਇਸ ਨੇ ਸਭ ਕੁਝ ਬਰਬਾਦ ਕਰ ਦਿੱਤਾ।
INSANE hailstorm In Islamabad in April. Coming down like pellets from the sky.
This is extreme weather volatility driven by #climatechange, where anomalies proliferate. Not a random natural event. And related entirely to human actions like emissions, which are growing because of… pic.twitter.com/PLj4PJIKbv— SenatorSherryRehman (@sherryrehman) April 16, 2025
ਗੜੇਮਾਰੀ ਕਾਰਨ ਵਾਹਨਾਂ ਅਤੇ ਘਰਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਟੁੱਟ ਗਏ। ਛੱਤਾਂ ਉਤੇ ਰੱਖੇ ਸੋਲਰ ਪੈਨਲ ਉਡ ਗਏ ਅਤੇ ਦਰਜਨਾਂ ਦਰੱਖਤ ਜੜ੍ਹੋਂ ਉਖੜ ਗਏ। ਅਚਾਨਕ ਹੋਈ ਬਾਰਿਸ਼ ਕਾਰਨ ਨੀਵੇਂ ਇਲਾਕਿਆਂ ਵਿੱਚ ਹੜ੍ਹ ਆ ਗਿਆ, ਜਿਸ ਕਾਰਨ ਸੜਕਾਂ ਅਤੇ ਘਰ ਡੁੱਬ ਗਏ। ਤਾਰਨੋਲ ਇਲਾਕਾ ਸਭ ਤੋਂ ਵੱਧ ਪ੍ਰਭਾਵਿਤ ਹੋਇਆ, ਜਿੱਥੇ ਦਰੱਖਤਾਂ ਦੇ ਉੱਖੜਨ ਕਾਰਨ ਸੜਕਾਂ ਬੰਦ ਹੋ ਗਈਆਂ। ਇਸ ਮੀਂਹ ਨਾਲ ਗਰਮੀ ਤੋਂ ਰਾਹਤ ਤਾਂ ਮਿਲੀ, ਪਰ ਕਈ ਇਲਾਕਿਆਂ ਵਿੱਚ ਬਿਜਲੀ ਗੁੱਲ ਹੋ ਗਈ। ਡਿਪਟੀ ਕਮਿਸ਼ਨਰ ਦਫ਼ਤਰ ਨੇ ਕਿਹਾ, ‘ਸਾਡੀਆਂ ਟੀਮਾਂ ਸੜਕਾਂ ‘ਤੇ ਹਨ, ਪਾਣੀ ਦੀ ਨਿਕਾਸੀ ਦਾ ਕੰਮ ਚੱਲ ਰਿਹਾ ਹੈ।’ ਨੁਕਸਾਨ ਦਾ ਮੁਲਾਂਕਣ ਕੀਤਾ ਜਾ ਰਿਹਾ ਹੈ। ਟ੍ਰੈਫਿਕ ਪੁਲਿਸ ਦੇ ਸਹਿਯੋਗ ਨਾਲ ਟ੍ਰੈਫਿਕ ਬਹਾਲ ਕੀਤਾ ਜਾ ਰਿਹਾ ਹੈ।
اسلام آباد میں قیامت صغری کے مناظر، شدید اور موٹی ژالہ باری سے ہر طرف تباہی کے مناظر #insane #hailstorm #thunderstorm #islamabad #Pakistan #weather pic.twitter.com/IpoASQFNaz
— عاتکہ جمیعتی🥀🇵🇰 (@dewani_jui) April 16, 2025
ਗੜੇਮਾਰੀ ਨਾਲ ਤਬਾਹ ਹੋਈਆਂ ਕਾਰਾਂ
ਸੋਸ਼ਲ ਮੀਡੀਆ ਉਤੇ ਕਈ ਵੀਡੀਓ ਸਾਹਮਣੇ ਆਏ ਹਨ ਜਿਨ੍ਹਾਂ ਵਿੱਚ ਗੜੇਮਾਰੀ ਕਾਰਨ ਦਰਜਨਾਂ ਵਾਹਨ ਤਬਾਹ ਹੁੰਦੇ ਦਿਖਾਈ ਦੇ ਰਹੇ ਹਨ। ਮੀਂਹ ਰੁਕਣ ਤੋਂ ਬਾਅਦ ਲੋਕਾਂ ਨੇ ਆਪਣੇ ਘਰਾਂ ਅਤੇ ਵਾਹਨਾਂ ਵੱਲ ਦੇਖਿਆ ਅਤੇ ਚਿੰਤਤ ਹੋ ਗਏ। ਹੜ੍ਹਾਂ ਨੇ ਖੈਬਰ ਪਖਤੂਨਖਵਾ ਵਿੱਚ ਵੀ ਸਥਿਤੀ ਨੂੰ ਹੋਰ ਵਿਗਾੜ ਦਿੱਤਾ ਹੈ। ਸੂਬਾਈ ਆਫ਼ਤ ਪ੍ਰਬੰਧਨ ਅਥਾਰਟੀ ਦਾ ਕਹਿਣਾ ਹੈ, ‘ਅਸੀਂ ਲੈਂਡੀਕੋਟਲ, ਮਰਦਾਨ ਅਤੇ ਹੋਰ ਜ਼ਿਲ੍ਹਿਆਂ ਵਿੱਚ ਹੜ੍ਹਾਂ ਨਾਲ ਨਜਿੱਠਣ ਲਈ ਤਿਆਰ ਹਾਂ।’ ਫਸਲਾਂ ਦੇ ਨੁਕਸਾਨ ਬਾਰੇ ਅਜੇ ਤੱਕ ਕੋਈ ਪੁਸ਼ਟੀ ਕੀਤੀ ਖ਼ਬਰ ਨਹੀਂ ਹੈ, ਪਰ ਕਿਸਾਨਾਂ ਦੀ ਚਿੰਤਾ ਵਧਦੀ ਜਾ ਰਹੀ ਹੈ।
ਪਾਕਿਸਤਾਨ ਪੀਪਲਜ਼ ਪਾਰਟੀ ਦੀ ਸੈਨੇਟਰ ਅਤੇ ਸਾਬਕਾ ਜਲਵਾਯੂ ਪਰਿਵਰਤਨ ਮੰਤਰੀ ਸ਼ੈਰੀ ਰਹਿਮਾਨ ਨੇ ਇਸ ਨੂੰ “ਭਿਆਨਕ” ਕਿਹਾ। ਉਸ ਨੇ X ‘ਤੇ ਲਿਖਿਆ, ‘ਗੜੇ ਗੋਲੀਆਂ ਵਾਂਗ ਵਰ੍ਹ ਰਹੇ ਸਨ।’ ਇਹ ਜਲਵਾਯੂ ਪਰਿਵਰਤਨ ਕਾਰਨ ਮੌਸਮ ਦੀ ਗੰਭੀਰਤਾ ਹੈ। ਇਹ ਕੋਈ ਆਮ ਵਰਤਾਰਾ ਨਹੀਂ ਹੈ; ਇਹ ਮਨੁੱਖੀ ਕਾਰਵਾਈਆਂ ਦਾ ਨਤੀਜਾ ਹੈ।”
