ਅੱਜ ਦੇ ਸਮੇਂ ਵਿੱਚ ਬ੍ਰਾਡਬੈਂਡ ਕੰਪਨੀਆਂ ਕਈ ਤਰ੍ਹਾਂ ਦੀ ਸਰਵਿਸ ਮੁਹੱਈਆ ਕਰਵਾ ਰਹੀਆਂ ਹਨ ਜਿਸ ਵਿੱਚ ਤੇਜ਼ ਇੰਟਰਨੈੱਟ ਦੇ ਨਾਲ ਕਈ ਓਟੀਟੀ ਦੀ ਸਬਸਕ੍ਰਿਪਸ਼ਨ ਸ਼ਾਮਲ ਹੁੰਦੀ ਹੈ। ਇਸ ਕਾਰਨ ਇਹ ਪਲਾਨ ਕਾਫ਼ੀ ਮਹਿੰਗੇ ਵੀ ਹੁੰਦੇ ਹਨ। ਪਰ ਜੇ ਤੁਸੀਂ ਬਿਨਾਂ ਓਟੀਟੀ ਲਾਭ ਦੇ ਸਿਰਫ਼ ਤੇਜ਼ ਇੰਟਰਨੈੱਟ ਦੀ ਸੁਵਿਧਾ ਚਾਹੁੰਦੇ ਹੋ ਤਾਂ ਇਸ ਵਿੱਚ Excitel ਤੁਹਾਡੀ ਮਦਦ ਕਰੇਗਾ।
ਤੁਹਾਨੂੰ ਦਸ ਦੇਈਏ ਕਿ ਅੱਜ ਦੇ ਤਕਨੀਕੀ ਯੁੱਗ ਵਿੱਚ ਇੰਟਰਨੈੱਟ ਸਾਡੇ ਸਾਰਿਆਂ ਦੇ ਜੀਵਨ ਵਿੱਚ ਇੱਕ ਮਹੱਤਵਪੂਰਨ ਲੋੜ ਬਣ ਗਿਆ ਹੈ। ਜੇਕਰ ਤੁਸੀਂ OTT ‘ਤੇ ਆਉਣ ਵਾਲੀਆਂ ਫ਼ਿਲਮਾਂ, ਸ਼ੋਅ ਅਤੇ ਸੀਰੀਜ਼ ਦੇਖਣ ਦੇ ਸ਼ੌਕੀਨ ਨਹੀਂ ਹੋ ਅਤੇ ਜੇਕਰ ਤੁਸੀਂ ਕਿਸੇ ਅਜਿਹੇ ਬ੍ਰਾਡਬੈਂਡ ਪਲਾਨ ਦੀ ਖੋਜ ਕਰ ਰਹੇ ਹੋ ਜੋ ਤੁਹਾਨੂੰ ਸਿਰਫ਼ ਤੇਜ਼ ਅਤੇ ਅਨਲਿਮਟਿਡ ਇੰਟਰਨੈੱਟ ਦੀ ਪੇਸ਼ਕਸ਼ ਕਰਦਾ ਹੈ, ਤਾਂ ਅਸੀਂ ਤੁਹਾਨੂੰ ਇੰਟਰਨੈੱਟ ਸਰਵਿਸ ਪ੍ਰਦਾਨ ਕਰਨ ਵਾਲੀ ਕੰਪਨੀ Excitel ਦੇ ਇੱਕ ਵਿਸ਼ੇਸ਼ ਬ੍ਰਾਡਬੈਂਡ ਪਲਾਨ ਬਾਰੇ ਦੱਸਣ ਜਾ ਰਹੇ ਹਾਂ। ਇਹ ਪਲਾਨ ਤੁਹਾਨੂੰ 222 ਰੁਪਏ ਵਿੱਚ 30 ਦਿਨਾਂ ਲਈ ਅਨਲਿਮਟਿਡ ਇੰਟਰਨੈੱਟ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਆਓ ਜਾਣਦੇ ਹਾਂ ਕਿ Excitel ਦੇ ਇਸ ਖ਼ਾਸ ਪਲਾਨ ਵਿੱਚ ਤੁਹਾਨੂੰ ਕੀ-ਕੀ ਮਿਲੇਗਾ।
Excitel 667 ਰੁਪਏ ਦਾ ਪਲਾਨ: ਮਸ਼ਹੂਰ ਕੰਪਨੀ Excitel ਦਾ ਇਹ Wi-Fi ਓਨਲੀ ਪਲਾਨ ਬ੍ਰਾਡਬੈਂਡ ਦੀ ਵਰਤੋਂ ਕਰਨ ਵਾਲੇ ਗਾਹਕਾਂ ਨੂੰ ਬਹੁਤ ਪਸੰਦ ਆਵੇਗਾ। ਗਾਹਕਾਂ ਦੀ ਸਹੂਲਤ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, Excitel ਆਪਣੇ ਨਵੇਂ ਉਪਭੋਗਤਾਵਾਂ ਨੂੰ ਇਹ ਅਨਲਿਮਟਿਡ ਇੰਟਰਨੈਟ ਪਲਾਨ ਪੇਸ਼ ਕਰਦਾ ਹੈ। ਇਸ ਪਲਾਨ ਵਿੱਚ ਕੋਈ OTT ਸਰਵਿਸ ਸ਼ਾਮਲ ਨਹੀਂ ਹੈ। Excitel ਇਸ ਪਲਾਨ ‘ਚ 100mbps ਦੀ ਸਪੀਡ ‘ਤੇ ਅਨਲਿਮਟਿਡ ਇੰਟਰਨੈੱਟ ਦੀ ਪੇਸ਼ਕਸ਼ ਕਰਦਾ ਹੈ। ਇਹ ਪਲਾਨ ਤਿੰਨ ਮਹੀਨਿਆਂ ਲਈ 667 ਰੁਪਏ ਦਾ ਆਉਂਦਾ ਹੈ, ਜਿਸ ਕਾਰਨ ਇਸ ਪਲਾਨ ਦੀ ਕੀਮਤ ਹਰ ਮਹੀਨੇ 222 ਰੁਪਏ ਹੈ। ਧਿਆਨ ਦਿਓ ਕਿ ਸਿਰਫ ਉਹ ਲੋਕ ਹੀ ਇਸ ਪਲਾਨ ਦਾ ਫਾਇਦਾ ਉਠਾ ਸਕਣਗੇ ਜੋ ਪਹਿਲੀ ਵਾਰ Excitel ਨਾਲ ਜੁੜਣਗੇ।
Excitel ਦਾ 734 ਰੁਪਏ ਦਾ ਪਲਾਨ
ਇਸ ਪਲਾਨ ਵਿੱਚ ਹਾਈ-ਸਪੀਡ ਇੰਟਰਨੈੱਟ, OTT ਪਲੇਟਫਾਰਮ ਅਤੇ ਲਾਈਵ ਟੀਵੀ ਚੈਨਲਾਂ ਦੀ ਸਬਸਕ੍ਰਿਪਸ਼ਨ ਉਪਲਬਧ ਹੈ। ਕੰਪਨੀ ਦੇ ਇਸ ਪਲਾਨ ਵਿੱਚ 400 Mbps ਇੰਟਰਨੈੱਟ ਸਪੀਡ, 21 OTT ਪਲੇਟਫਾਰਮ ਜਿਨ੍ਹਾਂ ਵਿੱਚ Disney+ Hotstar ਅਤੇ Sony Liv ਆਦਿ ਸ਼ਾਮਲ ਹਨ, ਅਤੇ 550+ ਲਾਈਵ ਟੀਵੀ ਚੈਨਲ (ਜਿਵੇਂ ਕਿ ਕਲਰ, ਸਟਾਰ, ਡਿਸਕਵਰੀ) ਸ਼ਾਮਲ ਹਨ। ਤੁਹਾਨੂੰ ਦੱਸ ਦੇਈਏ ਕਿ Excitel ਇਸ ਸਮੇਂ ਸਿਰਫ ਦਿੱਲੀ ਐਨਸੀਆਰ ਅਤੇ ਹੈਦਰਾਬਾਦ ਵਿੱਚ ਆਪਣੀ ਸੇਵਾ ਪ੍ਰਦਾਨ ਕਰ ਰਿਹਾ ਹੈ।
