ਇਸ ਮਹੀਨੇ ਵਿਚ BSNL ਲਾਂਚ ਕਰੇਗਾ 5G ਸੇਵਾ, ਟੈਸਟਿੰਗ ਹੋਈ ਸ਼ੁਰੂ… BSNL 5G Launch Date BSNL will launch 5G service in this month of 2025 testing has begun – News18 ਪੰਜਾਬੀ
BSNL 5G Launch Date: Jio, ਏਅਰਟੈੱਲ ਅਤੇ ਵੋਡਾਫੋਨ-ਆਈਡੀਆ ਤੋਂ ਬਾਅਦ ਹੁਣ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਵੀ 4G ਅਤੇ 5G ਸੇਵਾ ਸ਼ੁਰੂ ਕਰਨ ਜਾ ਰਿਹਾ ਹੈ। BSNL ਨੇ ਅਧਿਕਾਰਤ ਤੌਰ ‘ਤੇ ਆਪਣੀਆਂ 5G ਸੇਵਾਵਾਂ ਦੇ ਰੋਲਆਊਟ ਦੀ ਪੁਸ਼ਟੀ ਕੀਤੀ ਹੈ। ਇਸ ਦਾ ਮਤਲਬ ਹੈ ਕਿ ਸਾਨੂੰ ਬਹੁਤ ਜਲਦ ਸਸਤੇ 4ਜੀ ਤੇ 5ਜੀ ਪਲਾਨ ਵੀ ਦੇਖਣ ਨੂੰ ਮਿਲਣਗੇ।
ਕੇਂਦਰੀ ਸੰਚਾਰ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਦੇ ਅਨੁਸਾਰ, BSNL ਦਾ 5G ਰੋਲਆਊਟ ਸ਼ਾਇਦ 2025 ਵਿੱਚ ਸ਼ੁਰੂ ਹੋਵੇਗਾ। ਜੋਤੀਰਾਦਿੱਤਿਆ ਸਿੰਧੀਆ ਨੇ ਕਿਹਾ ਕਿ BSNL ਨੇ 3.6 GHz ਅਤੇ 700 MHz ਫ੍ਰੀਕੁਐਂਸੀ ਬੈਂਡਾਂ ‘ਤੇ ਆਪਣੇ 5G ਰੇਡੀਓ ਐਕਸੈਸ ਨੈੱਟਵਰਕ (RAN) ਅਤੇ ਕੋਰ ਨੈੱਟਵਰਕ ਦੀ ਸਫਲਤਾਪੂਰਵਕ ਜਾਂਚ ਪੂਰੀ ਕਰ ਲਈ ਹੈ। ਭਾਰਤ ਵਿੱਚ ਜਲਦੀ ਹੀ 5ਜੀ ਸੇਵਾਵਾਂ ਸ਼ੁਰੂ ਹੋਣਗੀਆਂ।
BSNL 5G ਸੇਵਾ ਕਦੋਂ ਸ਼ੁਰੂ ਹੋਵੇਗੀ, ਆਓ ਜਾਣਦੇ ਹਾਂ: ‘ਦਿ ਹਿੰਦੂ’ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਬੀਐਸਐਨਐਲ ਦੇ ਆਂਧਰਾ ਪ੍ਰਦੇਸ਼ ਦੇ ਪ੍ਰਿੰਸੀਪਲ ਜਨਰਲ ਮੈਨੇਜਰ ਐਲ. ਸ਼੍ਰੀਨੂ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਘੋਸ਼ਣਾ ਕੀਤੀ ਕਿ ਬੀਐਸਐਨਐਲ ਸੰਕ੍ਰਾਂਤੀ 2025 ਤੱਕ ਆਪਣੀਆਂ 5ਜੀ ਸੇਵਾਵਾਂ ਸ਼ੁਰੂ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਫਿਲਹਾਲ ਕੰਪਨੀ ਕੁਝ ਬੁਨਿਆਦੀ ਚੀਜ਼ਾਂ ‘ਤੇ ਕੰਮ ਕਰ ਰਹੀ ਹੈ। ਜਿਵੇਂ ਕਿ ਟਾਵਰਾਂ ਅਤੇ ਹੋਰ ਜ਼ਰੂਰੀ ਉਪਕਰਨਾਂ ਨੂੰ ਅਪਗ੍ਰੇਡ ਕਰਨਾ, ਤਾਂ ਜੋ ਜਲਦੀ ਤੋਂ ਜਲਦੀ 5ਜੀ ਨੂੰ ਰੋਲ ਆਊਟ ਕੀਤਾ ਜਾ ਸਕੇ।
ਬੀਐਸਐਨਐਲ ਮਿਸ਼ਨ 2025: ਵਰਤਮਾਨ ਵਿੱਚ, BSNL ਦੇਸ਼ ਭਰ ਵਿੱਚ 4G ਸਾਈਟਾਂ ਨੂੰ ਇੰਸਟਾਲ ਕਰ ਰਿਹਾ ਹੈ, ਜਿਨ੍ਹਾਂ ਨੂੰ ਸਾਲ 2025 ਤੱਕ 5G ਵਿੱਚ ਅਪਗ੍ਰੇਡ ਕੀਤਾ ਜਾਵੇਗਾ। BSNL ਦਾ ਟੀਚਾ 2025 ਦੇ ਮੱਧ ਤੱਕ 100,000 ਸਾਈਟਾਂ ਨੂੰ ਇੰਸਟਾਲ ਕਰਨਾ ਹੈ। ਇਸ ਵਿੱਚ ਹੁਣ ਤੱਕ 39,000 ਸਾਈਟਾਂ ਇੰਸਟਾਲ ਕੀਤੀਆਂ ਜਾ ਚੁੱਕੀਆਂ ਹਨ।
BSNL ਸਵਦੇਸ਼ੀ 4G ਅਤੇ 5G ਦੋਵਾਂ ਨੂੰ ਲਾਗੂ ਕਰਨ ਵਾਲਾ ਦੇਸ਼ ਦਾ ਪਹਿਲਾ ਆਪਰੇਟਰ ਹੋਵੇਗਾ। BSNL ਦੀ ਇਹ ਸੇਵਾ ਫਿਲਹਾਲ ਟੈਸਟਿੰਗ ਦੌਰ ‘ਚੋਂ ਗੁਜ਼ਰ ਰਹੀ ਹੈ। ਰਿਲਾਇੰਸ ਜੀਓ ਦੇ ਨਾਲ, BSNL ਇਕਲੌਤੀ ਦੂਰਸੰਚਾਰ ਕੰਪਨੀ ਹੈ ਜਿਸ ਕੋਲ 700 MHz ਪ੍ਰੀਮੀਅਮ ਬੈਂਡ ਤੱਕ ਪਹੁੰਚ ਹੈ। ਇਹ ਬੈਂਡ ਬਿਹਤਰ ਕਵਰੇਜ ਪ੍ਰਦਾਨ ਕਰਦਾ ਹੈ, ਜਦੋਂ ਕਿ ਏਅਰਟੈੱਲ ਅਤੇ ਵੋਡਾਫੋਨ ਆਈਡੀਆ ਨੇ ਕੀਮਤ ਜ਼ਿਆਦਾ ਹੋਣ ਦੇ ਕਾਰਨ ਇਸ ਨੂੰ ਅਪਣਾਉਣ ਦਾ ਫੈਸਲਾ ਨਹੀਂ ਕੀਤਾ ਹੈ।
