ਲਾਈਵ ਮੈਚ ਦੌਰਾਨ ਅਸਮਾਨ ਤੋਂ ਡਿੱਗੀ ਬਿਜਲੀ, ਇੱਕ ਖਿਡਾਰੀ ਦੀ ਮੌਤ, ਕਈ ਝੁਲਸੇ, ਵੇਖੋ VIDEO
ਪੇਰੂ ‘ਚ ਫੁੱਟਬਾਲ ਮੈਚ ਦੌਰਾਨ ਇਕ ਦਰਦਨਾਕ ਹਾਦਸਾ ਦੇਖਣ ਨੂੰ ਮਿਲਿਆ ਹੈ, ਜਿਸ ‘ਚ ਲਾਈਵ ਮੈਚ ਦੌਰਾਨ ਬਿਜਲੀ ਡਿੱਗਣ ਕਾਰਨ ਇਕ ਖਿਡਾਰੀ ਦੀ ਮੌਤ ਹੋ ਗਈ ਜਦਕਿ 5 ਹੋਰ ਖਿਡਾਰੀ ਜ਼ਖਮੀ ਹੋ ਗਏ। 39 ਸਾਲਾ ਫੁੱਟਬਾਲਰ ਜੋਸ ਹਿਊਗੋ ਡੇ ਲਾ ਕਰੂਜ਼ ਮੇਜੀਆ ਉਤੇ ਅਸਮਾਨ ਤੋਂ ਆਫ਼ਤ ਡਿੱਗ ਪਈ, ਜਿਸ ਕਾਰਨ ਉਸ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਦੱਸ ਦੇਈਏ ਕਿ ਚਿਲਕਾ ‘ਚ ਸਥਾਨਕ ਕਲੱਬ ਜੁਵੇਟ ਬੇਲਾਵਿਸਟਾ ਅਤੇ ਫੈਮਿਲੀ ਚੋਕਾ ਵਿਚਾਲੇ ਮੈਚ ਦੌਰਾਨ ਇਹ ਹਾਦਸਾ ਵਾਪਰਿਆ।
ਬਿਜਲੀ ਡਿੱਗਣ ਤੋਂ ਪਹਿਲਾਂ, ਰੈਫਰੀ ਨੇ ਖੇਡ ਨੂੰ ਰੋਕ ਦਿੱਤਾ ਕਿਉਂਕਿ ਮੈਦਾਨ ਵਿੱਚ ਬੱਦਲਵਾਈ ਸੀ ਅਤੇ ਗਰਜ ਉੱਚੀ ਹੋ ਗਈ ਸੀ। ਇਸ ਦੌਰਾਨ ਸਿਰਫ 22 ਮਿੰਟ ਦਾ ਖੇਡ ਹੋਇਆ ਸੀ ਅਤੇ ਜੁਵੇਂਟੁਡ ਬੇਲਾਵਿਸਟਾ 2-0 ਨਾਲ ਅੱਗੇ ਸੀ। ਖੇਡ ਨੂੰ ਰੋਕਣ ਦੇ ਕੁਝ ਪਲਾਂ ਬਾਅਦ, ਜੁਵੇਂਟੁਡ ਬੇਲਾਵਿਸਟਾ ਦੇ ਡਿਫੈਂਡਰ ਜੋਸ ਬਿਜਲੀ ਦੀ ਲਪੇਟ ਵਿੱਚ ਆ ਗਿਆ, ਜਿਸ ਤੋਂ ਬਾਅਦ ਉਹ ਜ਼ਮੀਨ ‘ਤੇ ਡਿੱਗ ਗਿਆ। ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
BREAKING: ⚡️💥 At least one person killed in a lightning strike at a soccer field in Junín, Peru! ⚽️🌩️ The incident occurred last night, leaving many in shock. Stay tuned for updates! 📺 #LightningStrike #Peru #Junin #BreakingNews pic.twitter.com/Xm8NhgiQzS
— Asaf Givoli (@AsafGivoli) November 4, 2024
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਵੀਡੀਓ ‘ਚ ਦੇਖਿਆ ਜਾ ਰਿਹਾ ਹੈ ਕਿ ਖੇਡ ਬੰਦ ਹੋਣ ਤੋਂ ਬਾਅਦ ਖਿਡਾਰੀ ਡਗਆਊਟ ਵੱਲ ਜਾ ਰਹੇ ਸਨ ਕਿ ਬਿਜਲੀ ਡਿੱਗੀ ਅਤੇ ਕਈ ਖਿਡਾਰੀ ਇਕਦਮ ਹੇਠਾਂ ਡਿੱਗ ਗਏ। ਇਸ ਦੌਰਾਨ ਕੁਝ ਖਿਡਾਰੀ ਉੱਠਣ ਦੀ ਕੋਸ਼ਿਸ਼ ਕਰ ਰਹੇ ਸਨ।
ਦਿ ਮਿਰਰ ਮੁਤਾਬਕ ਗੋਲਕੀਪਰ ਜੁਆਨ ਚੋਕਾ ਲੈਕਟਾ ਵੀ ਹਾਦਸੇ ਵਿੱਚ ਸ਼ਾਮਲ ਸੀ। ਉਹ ਬੁਰੀ ਤਰ੍ਹਾਂ ਸੜ ਗਿਆ ਸੀ। ਮੌਕੇ ‘ਤੇ ਐਂਬੂਲੈਂਸ ਨਾ ਹੋਣ ਕਾਰਨ ਚੋਕਾ ਨੂੰ ਟੈਕਸੀ ਰਾਹੀਂ ਹਸਪਤਾਲ ਲਿਜਾਇਆ ਗਿਆ ਅਤੇ ਉਸ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਇਸ ਤੋਂ ਇਲਾਵਾ, ਤਿੰਨ ਹੋਰ ਖਿਡਾਰੀ – 24 ਸਾਲਾ ਕ੍ਰਿਸਟੀਅਨ ਸੀਜ਼ਰ ਪਿਟੂਏ ਕਾਹੂਆਨਾ, ਇੱਕ 16 ਸਾਲਾ ਅਤੇ ਇੱਕ 19 ਸਾਲਾ – ਵੀ ਜ਼ਖਮੀ ਹੋ ਗਏ। ਦੱਸਿਆ ਗਿਆ ਹੈ ਕਿ ਉਸ ਦੀ ਹਾਲਤ ਸਥਿਰ ਹੈ।
ਇਸ ਘਟਨਾ ਤੋਂ ਬਾਅਦ ਮੈਚ ਰੱਦ ਕਰ ਦਿੱਤਾ ਗਿਆ। ਇਹ ਪਹਿਲੀ ਵਾਰ ਨਹੀਂ ਹੈ ਕਿ ਫੁੱਟਬਾਲ ਦੇ ਮੈਦਾਨ ‘ਤੇ ਅਜਿਹੀ ਘਟਨਾ ਵਾਪਰੀ ਹੈ। ਇਹ ਦੁਖਾਂਤ ਇਸ ਸਾਲ ਦੇ ਸ਼ੁਰੂ ਵਿੱਚ ਇੰਡੋਨੇਸ਼ੀਆ ਵਿੱਚ ਇੱਕ ਅਜਿਹੀ ਹੀ ਘਟਨਾ ਤੋਂ ਬਾਅਦ ਵਾਪਰਿਆ ਹੈ, ਜਿੱਥੇ ਇੱਕ ਦੋਸਤਾਨਾ ਮੈਚ ਦੌਰਾਨ 35 ਸਾਲਾ ਸੇਪਟੀਅਨ ਰਹਿਰਾਜਾ ਦੀ ਬਿਜਲੀ ਡਿੱਗਣ ਨਾਲ ਮੌਤ ਹੋ ਗਈ ਸੀ।
