Whatsapp ਜਲਦੀ ਹੀ ਇੱਕ ਵੱਡਾ ਅਪਡੇਟ ਜਾਰੀ ਕਰਨ ਜਾ ਰਿਹਾ ਹੈ, ਜਿਸ ਵਿੱਚ ਇੱਕ ਨਵਾਂ ਫੀਚਰ ਸ਼ਾਮਲ ਹੋਵੇਗਾ ਜੋ ਯੂਜ਼ਰਵਾਂ ਨੂੰ ਆਪਣੇ ਸਟੇਟਸ ਅਪਡੇਟਸ ਵਿੱਚ Music ਜੋੜਨ ਦੀ ਆਗਿਆ ਦੇਵੇਗਾ। ਇਹ ਅੱਪਡੇਟ ਪਲੇਟਫਾਰਮ ਨੂੰ ਹੋਰ ਵੀ ਇੰਟਰਐਕਟਿਵ ਅਤੇ ਆਕਰਸ਼ਕ ਬਣਾ ਦੇਵੇਗਾ। The Verge ਦੀ ਰਿਪੋਰਟ ਦੇ ਅਨੁਸਾਰ, ਇਹ ਫੀਚਰ ਸ਼ੁਰੂਆਤੀ ਇੰਟਰਨੈਟ ਰੁਝਾਨਾਂ ਅਤੇ ਇੰਸਟਾਗ੍ਰਾਮ ਵਰਗੇ ਹੋਰ ਮੈਟਾ-ਮਾਲਕੀਅਤ ਵਾਲੇ ਪਲੇਟਫਾਰਮਾਂ ‘ਤੇ ਪਾਏ ਜਾਣ ਵਾਲੇ ਫੀਚਰਸ ਤੋਂ ਪ੍ਰੇਰਿਤ ਹੈ ਅਤੇ ਆਉਣ ਵਾਲੇ ਹਫ਼ਤਿਆਂ ਵਿੱਚ ਇਸ ਨੂੰ ਵਿਸ਼ਵ ਪੱਧਰ ‘ਤੇ ਰੋਲ ਆਊਟ ਕੀਤਾ ਜਾਵੇਗਾ।
ਇਸ ਨਵੇਂ ਫੀਚਰ ਨਾਲ, WhatsApp ਯੂਜ਼ਰ ਜਲਦੀ ਹੀ ਆਪਣੇ ਸਟੇਟਸ ਅਪਡੇਟਸ ਵਿੱਚ ਮਸ਼ਹੂਰ ਗੀਤਾਂ ਦੇ ਸਨਿੱਪਿਟ ਸ਼ਾਮਲ ਕਰ ਸਕਣਗੇ, ਜੋ 24 ਘੰਟਿਆਂ ਬਾਅਦ ਗਾਇਬ ਹੋ ਜਾਣਗੇ। ਮੇਟਾ ਦੇ ਅਨੁਸਾਰ ਪਲੇਟਫਾਰਮ ਦੀ ਮਿਊਜ਼ਿਕ ਲਾਇਬ੍ਰੇਰੀ ਵਿੱਚ ਲੱਖਾਂ ਗਾਣੇ ਹੋਣਗੇ, ਜਿਨ੍ਹਾਂ ਵਿੱਚੋਂ ਤੁਸੀਂ ਆਪਣੀ ਪਸੰਦ ਅਨੁਸਾਰ ਸਟੇਟਸ ਉੱਤੇ ਲਗਾ ਸਕਦੇ ਹੋ। ਇਹ ਫੀਚਰ ਮੌਜੂਦਾ ਸਟੇਟਸ ਅਪਡੇਟ ਇੰਟਰਫੇਸ ਵਿੱਚ ਸ਼ਾਮਲ ਕੀਤਾ ਜਾਵੇਗਾ, ਜਿੱਥੇ ਯੂਜ਼ਰ ਪਹਿਲਾਂ ਹੀ ਟੈਕਸਟ, ਫੋਟੋਆਂ ਅਤੇ ਵੀਡੀਓਜ਼ ਨੂੰ ਸ਼ੇਅਰ ਕਰ ਸਕਦੇ ਹਨ।
ਨਵਾਂ ਅਪਡੇਟ ਕਿਹੋ ਜਿਹਾ ਹੋਵੇਗਾ, ਆਓ ਜਾਣਦੇ ਹਾਂ: ਜਦੋਂ ਯੂਜ਼ਰ ਸਟੇਟਸ ਐਡ ਕਰਨ ਲਈ ਟੈਪ ਕਰਦੇ ਹਨ, ਤਾਂ ਸਕ੍ਰੀਨ ਦੇ ਸਿਖਰ ‘ਤੇ ਇੱਕ ਸੰਗੀਤ ਨੋਟ ਆਈਕਨ ਦਿਖਾਈ ਦੇਵੇਗਾ, ਜਿਸ ਨਾਲ ਉਹ ਆਪਣੀ ਪੋਸਟ ਵਿੱਚ ਸੰਗੀਤ ਜੋੜ ਸਕਣਗੇ। ਯੂਜ਼ਰ ਫੋਟੋ ਦੇ ਨਾਲ 15 ਸਕਿੰਟਾਂ ਤੱਕ ਲੰਬਾ ਗੀਤ ਜਾਂ ਵੀਡੀਓ ਦੇ ਨਾਲ 60 ਸਕਿੰਟਾਂ ਤੱਕ ਲੰਬਾ ਗੀਤ ਚੁਣ ਸਕਦੇ ਹਨ, ਜਿਸ ਨਾਲ ਉਨ੍ਹਾਂ ਦੇ ਸਟੇਟਸ ਅਪਡੇਟਸ ਵਿੱਚ ਹੋਰ ਡੈਪਥ ਸ਼ਾਮਲ ਹੁੰਦੀ ਹੈ। ਇਹ ਫੀਚਰ ਇੰਸਟਾਗ੍ਰਾਮ ਦੇ ਮਸ਼ਹੂਰ ਸਟੋਰੀਜ਼ ਮਿਊਜ਼ਿਕ ਫੀਚਰ ਵਰਗਾ ਹੈ, ਜੋ Whatsapp ਯੂਜ਼ਰਸ ਨੂੰ ਸੰਗੀਤ ਨਾਲ ਆਪਣੇ ਵਿਚਾਰਾਂ ਨੂੰ ਥੋੜਾ ਨਿੱਜੀ ਬਣਾਉਣ ਦਾ ਮੌਕਾ ਦੇਵੇਗਾ।
ਇਸ ਨਵੇਂ ਫੀਚਰ ਦੀ ਖਾਸ ਗੱਲ ਇਹ ਹੈ ਕਿ ਯੂਜ਼ਰ ਗਾਣੇ ਦੇ ਕਿਸੇ ਵੀ ਖਾਸ ਹਿੱਸੇ ਨੂੰ ਚੁਣ ਸਕਦੇ ਹਨ। Whatsapp ਨੇ ਤੁਹਾਡੇ ਸਟੇਟਸ ਵਿੱਚ ਸੰਗੀਤ ਜੋੜਨ ਦਾ ਫੀਚਰ ਪੇਸ਼ ਕੀਤਾ ਹੈ, ਜੋ ਇੰਟਰਨੈੱਟ ਦੀਆਂ ਪੁਰਾਣੀਆਂ ਯਾਦਾਂ ਨੂੰ ਤਾਜ਼ਾ ਕਰਦਾ ਹੈ। ਇਹ ਵਿਸ਼ੇਸ਼ਤਾ ਮਾਈਸਪੇਸ ਅਤੇ ਏਆਈਐਮ ਵਰਗੇ ਪੁਰਾਣੇ ਪਲੇਟਫਾਰਮਾਂ ਦੀ ਯਾਦ ਦਿਵਾਉਂਦੀ ਹੈ, ਜਿੱਥੇ ਯੂਜ਼ਰ ਆਪਣੇ ਪ੍ਰੋਫਾਈਲਾਂ ਵਿੱਚ ਸੰਗੀਤ ਜੋੜ ਕੇ ਆਪਣੇ ਆਪ ਨੂੰ ਐਕਸਪ੍ਰੈਸ ਕਰਦੇ ਸਨ। ਇਸ ਰੁਝਾਨ ਨੂੰ ਮੁੜ ਸੁਰਜੀਤ ਕਰਕੇ, WhatsApp ਯੂਜ਼ਰਵਾਂ ਨੂੰ ਆਪਣੇ ਪਲਾਂ ਨੂੰ ਸਾਂਝਾ ਕਰਨ ਅਤੇ ਆਪਣੇ ਆਪ ਨੂੰ ਐਕਸਪ੍ਰੈਸ ਕਰਨ ਦਾ ਇੱਕ ਨਵਾਂ ਤਰੀਕਾ ਦੇਣਾ ਚਾਹੁੰਦਾ ਹੈ।
