7.5 ਕਰੋੜ ਕਰਮਚਾਰੀਆਂ ਲਈ ਖੁਸ਼ਖਬਰੀ, PF ਖ਼ਾਤੇ ਤੋਂ ਬਿਨਾ ਕਾਗਜ਼ੀ ਕਾਰਵਾਈ ਨਿਕਲ ਜਾਣਗੇ 5 ਲੱਖ ਰੁਪਏ
ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਦੇ 7.5 ਕਰੋੜ ਮੈਂਬਰਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਹੈ। EPFO ਪ੍ਰੋਵੀਡੈਂਟ ਫੰਡ (ਪੀਐਫ) ਕਢਵਾਉਣ ਦੀ ਆਟੋ ਸੈਟਲਮੈਂਟ ਸੀਮਾ 1 ਲੱਖ ਰੁਪਏ ਤੋਂ ਵਧਾ ਕੇ 5 ਲੱਖ ਰੁਪਏ ਕਰਨ ਜਾ ਰਿਹਾ ਹੈ। Claim ਦਾ ਨਿਪਟਾਰਾ ਵੀ ਹੁਣ 10 ਦਿਨਾਂ ਦੀ ਬਜਾਏ 3-4 ਦਿਨਾਂ ਵਿੱਚ ਹੋਵੇਗਾ। ਹੁਣ, ਵਿਆਹ, ਸਿੱਖਿਆ ਅਤੇ ਘਰ ਖਰੀਦਣ ਲਈ ਵੀ ਪੀਐਫ ਆਟੋ-ਕਲੇਮ ਦੀ ਸਹੂਲਤ ਉਪਲਬਧ ਹੋਵੇਗੀ। ਪਹਿਲਾਂ, ਆਟੋ-ਕਲੇਮ ਸਿਰਫ਼ ਬਿਮਾਰੀ ਅਤੇ ਹਸਪਤਾਲ ਦੇ ਖਰਚਿਆਂ ਲਈ ਉਪਲਬਧ ਸੀ। ਨਿਊਜ਼ ਏਜੰਸੀ ਏਐਨਆਈ ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਇਹ ਫੈਸਲਾ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੀ ਸਕੱਤਰ ਸੁਮਿਤਾ ਡਾਵਰਾ ਦੀ ਪ੍ਰਧਾਨਗੀ ਹੇਠ ਹੋਈ ਸੈਂਟਰਲ ਬੋਰਡ ਆਫ਼ ਟਰੱਸਟੀਜ਼ (ਸੀਬੀਟੀ) ਦੀ 113ਵੀਂ ਮੀਟਿੰਗ ਵਿੱਚ ਲਿਆ ਗਿਆ। ਇਹ ਮੀਟਿੰਗ 28 ਮਾਰਚ ਨੂੰ ਸ਼੍ਰੀਨਗਰ ਵਿੱਚ ਹੋਈ ਸੀ।
ਇਹ ਸਹੂਲਤ ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ ਦੇ ਕੇਂਦਰੀ ਟਰੱਸਟੀ ਬੋਰਡ (ਸੀਬੀਟੀ) ਤੋਂ ਪ੍ਰਵਾਨਗੀ ਮਿਲਦੇ ਹੀ ਸ਼ੁਰੂ ਹੋ ਜਾਵੇਗੀ। ਜਿਸ ਤੋਂ ਬਾਅਦ ਕਰਮਚਾਰੀ ਆਸਾਨੀ ਨਾਲ ਆਪਣਾ ਪੀਐਫ ਕਢਵਾ ਸਕਣਗੇ। ਪਿਛਲੇ ਹਫ਼ਤੇ, ਕਿਰਤ ਅਤੇ ਰੁਜ਼ਗਾਰ ਸਕੱਤਰ ਸੁਮਿਤਾ ਡਾਵਰਾ ਨੇ ਕਿਹਾ ਸੀ ਕਿ ਮੰਤਰਾਲੇ ਨੇ NPCI ਦੀ ਸਿਫ਼ਾਰਸ਼ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ਅਤੇ ਮੈਂਬਰ ਇਸ ਸਾਲ ਮਈ ਜਾਂ ਜੂਨ ਦੇ ਅੰਤ ਤੱਕ UPI ਅਤੇ ATM ਰਾਹੀਂ PF ਕਢਵਾ ਸਕਦੇ ਹਨ।
Centre set to increase limit for auto settlement of PF withdrawal from Rs 1 lakh to Rs 5 lakh
Read @ANI Story | https://t.co/mD05bmi5hV#EPFO #ProvidentFund #India pic.twitter.com/kmbTnHg69l
— ANI Digital (@ani_digital) March 31, 2025
ਕੀ ਹੋਵੇਗਾ ਫਾਇਦਾ?
EPFO ਦੇ ਅਨੁਸਾਰ, 95 ਪ੍ਰਤੀਸ਼ਤ ਦਾਅਵਿਆਂ ਦੀ ਪ੍ਰਕਿਰਿਆ ਹੁਣ ਆਟੋ-ਪ੍ਰੋਸੈਸਿੰਗ ਹੋਵੇਗੀ। ਇਸ ਨਾਲ ਕਰਮਚਾਰੀਆਂ ਨੂੰ ਉਨ੍ਹਾਂ ਦੇ ਪੀਐਫ ਦੇ ਪੈਸੇ ਤੁਰੰਤ ਮਿਲ ਜਾਣਗੇ। ਕਾਗਜ਼ੀ ਕਾਰਵਾਈ ਘੱਟ ਹੋਵੇਗੀ। ਪਹਿਲਾਂ ਪੀਐਫ ਕਲੇਮ ਪ੍ਰਾਪਤ ਕਰਨ ਲਈ 27 ਕਦਮ ਸਨ, ਹੁਣ ਸਿਰਫ਼ 18 ਹਨ ਅਤੇ ਜਲਦੀ ਹੀ ਸਿਰਫ਼ ਛੇ ਕਦਮ ਬਾਕੀ ਰਹਿਣਗੇ।
UPI ਅਤੇ ATM ਰਾਹੀਂ ਕਢਵਾਉਣਾ
ਕਰਮਚਾਰੀ ਭਵਿੱਖ ਨਿਧੀ ਸੰਗਠਨ (EPFO) ਮਈ ਦੇ ਅੰਤ ਜਾਂ ਜੂਨ 2025 ਦੇ ਸ਼ੁਰੂ ਤੱਕ ਇੱਕ ਵੱਡਾ ਬਦਲਾਅ ਕਰਨ ਜਾ ਰਿਹਾ ਹੈ। ਇਸ ਨਵੇਂ ਬਦਲਾਅ ਨਾਲ, EPFO ਮੈਂਬਰ UPI ਅਤੇ ATM ਰਾਹੀਂ ਤੁਰੰਤ ਆਪਣਾ ਭਵਿੱਖ ਨਿਧੀ (PF) ਕਢਵਾ ਸਕਣਗੇ। ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੀ ਸਕੱਤਰ ਸੁਮਿਤਾ ਡਾਵਰਾ ਨੇ ਕੁਝ ਦਿਨ ਪਹਿਲਾਂ ਇਹ ਜਾਣਕਾਰੀ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਮੈਂਬਰ ਯੂਪੀਆਈ ਪਲੇਟਫਾਰਮ ‘ਤੇ ਸਿੱਧੇ ਆਪਣੇ ਪੀਐਫ ਬੈਲੇਂਸ ਦੀ ਜਾਂਚ ਕਰ ਸਕਣਗੇ ਅਤੇ ਬਿਨਾਂ ਕਿਸੇ ਦੇਰੀ ਦੇ ਆਪਣੇ ਪਸੰਦੀਦਾ ਬੈਂਕ ਖਾਤਿਆਂ ਵਿੱਚ ਫੰਡ ਟ੍ਰਾਂਸਫਰ ਕਰ ਸਕਣਗੇ। ਇਸ ਨਾਲ ਕਰਮਚਾਰੀਆਂ ਲਈ ਲੋੜ ਦੇ ਸਮੇਂ ਆਪਣੇ ਪੈਸੇ ਤੱਕ ਪਹੁੰਚ ਕਰਨਾ ਆਸਾਨ ਹੋ ਜਾਵੇਗਾ।
