ਚੈਂਪੀਅਨਸ ਟਰਾਫੀ 2025 ਮੇਜ਼ਬਾਨ ਪਾਕਿਸਤਾਨ ਵਿੱਚ ਮੀਂਹ ਕਾਰਨ ਕੁਝ ਮੈਚਾਂ ਦੇ ਨਤੀਜੇ ਨਹੀਂ ਐਲਾਨੇ ਗਏ ਪਰ ਸ਼ੁਕਰ ਹੈ ਕਿ ਦੁਬਈ ਇਸ ਤੋਂ ਅਛੂਤਾ ਰਿਹਾ। ਭਾਰਤ-ਆਸਟ੍ਰੇਲੀਆ ਦਾ ਸੈਮੀਫਾਈਨਲ ਵੀ ਦੁਬਈ ‘ਚ ਹੋਣਾ ਹੈ ਜਿੱਥੇ ਮੀਂਹ ਦੀ ਕੋਈ ਸੰਭਾਵਨਾ ਨਹੀਂ ਹੈ ਪਰ ਜੇਕਰ ਮੀਂਹ ਪਿਆ ਤਾਂ ਕੀ ਹੋਵੇਗਾ, ਇਹ ਵੱਡਾ ਸਵਾਲ ਹੈ। ਖੈਰ, ਮੀਂਹ ਅਤੇ ਆਸਟ੍ਰੇਲੀਆ ਦਾ ਵੱਖਰਾ ਰਿਸ਼ਤਾ ਹੈ। ਪਿਛਲੇ ਦੋ ਟੂਰਨਾਮੈਂਟਾਂ ਵਿੱਚ ਆਸਟਰੇਲੀਆ ਦੇ 3 ਮੈਚ ਮੀਂਹ ਕਾਰਨ ਧੋਤੇ ਗਏ ਸਨ। ਇਸ ਦੇ ਨਾਲ ਹੀ ਇਸ ਵਾਰ ਵੀ ਆਸਟ੍ਰੇਲੀਆ ਦਾ ਇੱਕ ਵੀ ਮੈਚ ਮੀਂਹ ਕਾਰਨ ਨਹੀਂ ਖੇਡਿਆ ਜਾ ਸਕਿਆ ਹੈ। ਅਜਿਹੇ ‘ਚ ਪ੍ਰਸ਼ੰਸਕਾਂ ਦੇ ਮਨਾਂ ‘ਚ ਡਰ ਬਣਿਆ ਹੋਇਆ ਹੈ ਕਿ ਜੇਕਰ ਸੈਮੀਫਾਈਨਲ ‘ਚ ਵੀ ਅਜਿਹਾ ਕੁਝ ਹੋਇਆ ਤਾਂ ਕਿਸ ਟੀਮ ਨੂੰ ਨੁਕਸਾਨ ਹੋਵੇਗਾ।
