ਬੈਂਕ ਹੁਣ ਸੁਪਰ ਸੀਨੀਅਰ ਸਿਟੀਜ਼ਨਜ਼ ਲਈ ਵਿਸ਼ੇਸ਼ ਫਿਕਸਡ ਡਿਪਾਜ਼ਿਟ (FD) ਸਕੀਮਾਂ ਲੈ ਕੇ ਆਏ ਹਨ, ਜੋ 8.05% ਤੱਕ ਦੀ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰ ਰਹੇ ਹਨ। ਇਹ ਸੀਮਤ ਮਿਆਦ ਦੀਆਂ FD ਸਕੀਮਾਂ ਨਿਯਮਤ FD ਨਾਲੋਂ ਬਿਹਤਰ ਰਿਟਰਨ ਪੇਸ਼ ਕਰਦੀਆਂ ਹਨ। ਇਸ ਵਿੱਚ ਨਿਵੇਸ਼ਕਾਂ ਨੂੰ ਆਪਣੀ ਬੱਚਤ ਵਧਾਉਣ ਦਾ ਸੁਨਹਿਰੀ ਮੌਕਾ ਮਿਲ ਰਿਹਾ ਹੈ। ਜੇਕਰ ਤੁਸੀਂ ਆਪਣੀ ਬੱਚਤ ‘ਤੇ ਵੱਧ ਰਿਟਰਨ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਇਹ ਇਹਨਾਂ ਵਿਸ਼ੇਸ਼ FD ਸਕੀਮਾਂ ਵਿੱਚ ਨਿਵੇਸ਼ ਕਰਨ ਦਾ ਸਹੀ ਸਮਾਂ ਹੈ। ਤੁਸੀਂ 31 ਮਾਰਚ, 2025 ਤੋਂ ਪਹਿਲਾਂ ਨਿਵੇਸ਼ ਕਰਕੇ ਇਹਨਾਂ ਆਕਰਸ਼ਕ ਵਿਆਜ ਦਰਾਂ ਦਾ ਲਾਭ ਲੈ ਸਕਦੇ ਹੋ। ਹਾਈ ਐਫਡੀ ਰੇਟ ਦਾ ਲਾਭ ਲੈਣ ਲਈ, ਨਿਵੇਸ਼ਕਾਂ ਨੂੰ 31 ਮਾਰਚ, 2025 ਤੋਂ ਪਹਿਲਾਂ ਨਿਵੇਸ਼ ਕਰਨਾ ਹੋਵੇਗਾ।
ਐਸਬੀਆਈ ਅੰਮ੍ਰਿਤ ਵ੍ਰਿਸ਼ਟੀ…
ਸਟੇਟ ਬੈਂਕ ਆਫ਼ ਇੰਡੀਆ (SBI) ਦੀ ਅੰਮ੍ਰਿਤ ਵ੍ਰਿਸ਼ਟੀ ਯੋਜਨਾ 444 ਦਿਨਾਂ ਦੀ ਮਿਆਦ ਲਈ ਆਮ ਨਾਗਰਿਕਾਂ ਲਈ 7.25% ਵਿਆਜ ਦਰ ਅਤੇ ਸੀਨੀਅਰ ਸਿਟੀਜ਼ਨ ਲਈ 7.75% ਵਿਆਜ ਦਰ ਦੀ ਪੇਸ਼ਕਸ਼ ਕਰ ਰਹੀ ਹੈ। ਇਹ ਸਕੀਮ 31 ਮਾਰਚ 2025 ਤੱਕ ਉਪਲਬਧ ਹੈ।
ਐਸਬੀਆਈ ਅੰਮ੍ਰਿਤ ਕਲਸ਼..
ਇਹ ਐਫਡੀ ਸਕੀਮ 400 ਦਿਨਾਂ ਦੀ ਮਿਆਦ ਲਈ ਆਮ ਸਿਟੀਜ਼ਨ ਲਈ 7.10% ਵਿਆਜ ਦਰ ਅਤੇ ਬਜ਼ੁਰਗ ਸਿਟੀਜ਼ਨ ਲਈ 7.60% ਵਿਆਜ ਦਰ ਦੀ ਪੇਸ਼ਕਸ਼ ਕਰ ਰਹੀ ਹੈ। ਇਹ ਵੀ 31 ਮਾਰਚ 2025 ਤੱਕ ਵੀ ਵੈਧ ਹੈ।
ਆਈਡੀਬੀਆਈ ਬੈਂਕ ਉਤਸਵ ਕਾਲ ਕਾਲੇਬਲ ਐਫਡੀ…
IDBI ਬੈਂਕ ਉਤਸਵ ਕਾਲੇਬਲ FD ਮਿਆਦ ਪੂਰੀ ਹੋਣ ਦੀ ਮਿਆਦ ਦੇ ਆਧਾਰ ‘ਤੇ ਵੱਖ-ਵੱਖ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰ ਰਹੀ ਹੈ। ਇਹ ਸਕੀਮ 31 ਮਾਰਚ 2025 ਤੱਕ ਉਪਲਬਧ ਹੈ।
ਇੰਡੀਅਨ ਬੈਂਕ ਦੀਆਂ ਵਿਸ਼ੇਸ਼ ਐਫਡੀ ਸਕੀਮਾਂ…
ਇੰਡੀਅਨ ਬੈਂਕ ਦੀਆਂ IND ਸੁਪਰੀਮ 300 ਡੇਜ਼ ਅਤੇ IND ਸੁਪਰ 400 ਡੇਜ਼ ਐਫਡੀ ਸਕੀਮਾਂ ਸੁਪਰ ਸੀਨੀਅਰ ਸਿਟੀਜ਼ਨਜ਼ ਲਈ 8.05% ਤੱਕ ਵਿਆਜ ਦੀ ਪੇਸ਼ਕਸ਼ ਕਰ ਰਹੀਆਂ ਹਨ। ਇਨ੍ਹਾਂ ਸਕੀਮਾਂ ਵਿੱਚ ਨਿਵੇਸ਼ ਦੀ ਆਖਰੀ ਮਿਤੀ 31 ਮਾਰਚ, 2025 ਹੈ।
ਪੰਜਾਬ ਐਂਡ ਸਿੰਧ ਬੈਂਕ ਆਕਰਸ਼ਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰ ਰਿਹਾ ਹੈ।
333 ਦਿਨਾਂ ਲਈ – 7.20%
444 ਦਿਨਾਂ ਲਈ – 7.30%
555 ਦਿਨਾਂ ਲਈ – 7.45%
777 ਦਿਨਾਂ ਲਈ – 7.20%
999 ਦਿਨਾਂ ਲਈ – 6.65%
ਬਜ਼ੁਰਗ ਸਿਟੀਜ਼ਨ ਨੂੰ ਇਨ੍ਹਾਂ ਦਰਾਂ ‘ਤੇ 0.50% ਵਾਧੂ ਵਿਆਜ ਦਿੱਤਾ ਜਾਵੇਗਾ। ਇਹ ਸਕੀਮ ਵੀ 31 ਮਾਰਚ 2025 ਤੱਕ ਵੈਧ ਹੈ।
