ਵਾਟਰ ਮੈਟਰੋ ਸਿਰਫ਼ ਯਾਤਰੀਆਂ ਦੀ ਆਵਾਜਾਈ ਦਾ ਸਾਧਨ ਨਹੀਂ ਹੈ, ਇਹ ਹੋਰ ਵੀ ਕੰਮ ਕਰ ਰਹੀ ਹੈ। ਮਨੋਹਰ ਲਾਲ ਨੇ ਕਿਹਾ ਕਿ ਅਸੀਂ ਸਮੁੰਦਰੀ ਤੱਟ ਦੇ ਨੇੜੇ ਸਥਿਤ ਸ਼ਹਿਰਾਂ ਵਿੱਚ ਵਾਟਰ ਮੈਟਰੋ ਚਲਾਉਣ ਦੀਆਂ ਸੰਭਾਵਨਾਵਾਂ ਦਾ ਪਤਾ ਲਗਾਵਾਂਗੇ ਅਤੇ ਇਸ ਨੂੰ ਅੱਗੇ ਵਧਾਵਾਂਗੇ। ਉਨ੍ਹਾਂ ਨੇ ਆਪਣੇ ਐਕਸ ਅਕਾਊਂਟ ‘ਤੇ ਪੋਸਟ ਕੀਤਾ ਕਿ ਕੇਰਲਾ ਦਾ ਇਹ ਅਨੋਖਾ ਪ੍ਰਯੋਗ ਯਕੀਨੀ ਤੌਰ ‘ਤੇ ਦੇਸ਼ ਦੇ ਹੋਰ ਰਾਜਾਂ ਲਈ ਇਕ ਸ਼ਾਨਦਾਰ ਮਾਡਲ ਸਾਬਤ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਮੈਨੂੰ ਕੋਚੀ ਵਾਟਰ ਮੈਟਰੋ ਵਿੱਚ ਸਫ਼ਰ ਕਰਨ ਦਾ ਸੁਖਦ ਅਨੁਭਵ ਹੋਇਆ। ਵਾਟਰ ਮੈਟਰੋ ਸਿਰਫ਼ ਯਾਤਰੀਆਂ ਦੀ ਆਵਾਜਾਈ ਦਾ ਸਾਧਨ ਨਹੀਂ ਹੈ, ਸਗੋਂ ਇਹ ਸੁਵਿਧਾ, ਵਾਤਾਵਰਨ ਸੁਰੱਖਿਆ ਅਤੇ ਆਧੁਨਿਕ ਤਕਨਾਲੋਜੀ ਦਾ ਵਿਲੱਖਣ ਸੁਮੇਲ ਹੈ।
