1 ਓਵਰ ‘ਚ 23 ਦੌੜਾਂ, Mohammed Siraj ਲਈ ਕਿਸੇ ਬੁਰੇ ਸੁਪਨੇ ਤੋਂ ਘੱਟ ਨਹੀਂ, ਅਜੇ ਤੱਕ ਨਹੀਂ ਕਰ ਪਾ ਰਹੇ ਵਾਪਸੀ
ਆਈਪੀਐਲ ਨਵੇਂ ਖਿਡਾਰੀਆਂ ਨੂੰ ਮੌਕਾ ਦਿੰਦਾ ਹੈ ਅਤੇ ਬਹੁਤ ਸਾਰੇ ਕ੍ਰਿਕਟਰਾਂ ਦੇ ਕਰੀਅਰ ਨੂੰ ਵੀ ਬਚਾਉਂਦਾ ਹੈ। ਮੌਜੂਦਾ ਸੀਜ਼ਨ ਦੀ ਗੱਲ ਕਰੀਏ ਤਾਂ ਸ਼੍ਰੇਅਸ ਅਈਅਰ ਅਤੇ ਈਸ਼ਾਨ ਕਿਸ਼ਨ ਨੇ ਇਤਿਹਾਸਕ ਵਾਪਸੀ ਕੀਤੀ ਹੈ। ਪਰ ਉਸ ਦੇ ਸਾਥੀ ਭਾਰਤੀ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ (Mohammed Siraj) ਆਪਣੇ ਮਾੜੇ ਦੌਰ ਤੋਂ ਉਭਰ ਨਹੀਂ ਪਾ ਰਹੇ ਹਨ। ਮੁਹੰਮਦ ਸਿਰਾਜ (Mohammed Siraj), ਜੋ ਕਈ ਸਾਲਾਂ ਤੋਂ ਰਾਇਲ ਚੈਲੇਂਜਰਜ਼ ਬੈਂਗਲੁਰੂ ਨਾਲ ਸੀ, ਇਸ ਸੀਜ਼ਨ ਵਿੱਚ ਗੁਜਰਾਤ ਟਾਈਟਨਸ ਦਾ ਹਿੱਸਾ ਹੈ। ਪਰ ਜੀਟੀ ਲਈ ਉਸ ਦਾ ਪਹਿਲਾ ਮੈਚ ਕਿਸੇ ਬੁਰੇ ਸੁਪਨੇ ਤੋਂ ਘੱਟ ਨਹੀਂ ਸੀ। ਮੁਹੰਮਦ ਸਿਰਾਜ (Mohammed Siraj) ਨੇ ਆਪਣੇ ਚਾਰ ਓਵਰਾਂ ਦੇ ਕੋਟੇ ਵਿੱਚ 54 ਦੌੜਾਂ ਦਿੱਤੀਆਂ, ਜਿਨ੍ਹਾਂ ਵਿੱਚੋਂ 23 ਦੌੜਾਂ ਇੱਕ ਹੀ ਓਵਰ ਵਿੱਚ ਦਿੱਤੀਆਂ।
2024 ਵਿੱਚ ਭਾਰਤ ਲਈ ਆਪਣਾ ਆਖਰੀ ਵਾਈਟ-ਬਾਲ ਮੈਚ ਖੇਡਣ ਵਾਲੇ ਸਿਰਾਜ ਲਈ ਕਿਹਾ ਜਾਂਦਾ ਹੈ ਕਿ ਉਹ ਟੀ-20 ਗੇਂਦਬਾਜ਼ ਨਹੀਂ ਹੈ। ਮੁਹੰਮਦ ਸਿਰਾਜ (Mohammed Siraj) ਅਜੇ ਤੱਕ ਆਪਣੇ ਆਪ ਨੂੰ ਇਸ ਫਾਰਮੈਟ ਦੇ ਅਨੁਕੂਲ ਢਾਲ ਨਹੀਂ ਪਾਏ ਹਨ। ਪੰਜਾਬ ਦੇ ਬੱਲੇਬਾਜ਼ ਸ਼ਸ਼ਾਂਕ ਸਿੰਘ ਨੇ ਮੁਹੰਮਦ ਸਿਰਾਜ (Mohammed Siraj) ਦੇ ਓਵਰ ਵਿੱਚ ਇੰਝ ਦੌੜਾਂ ਬਣਾਈਆਂ ਜਿਵੇਂ ਉਹ ਕਿਸੇ ਨਵੇਂ ਗੇਂਦਬਾਜ਼ ਨੂੰ ਖੇਡ ਰਹੇ ਹਨ। ਜਦੋਂ ਮੁਹੰਮਦ ਸਿਰਾਜ (Mohammed Siraj) ਪੰਜਾਬ ਦੀ ਪਾਰੀ ਦੇ ਆਖਰੀ ਓਵਰ ਵਿੱਚ ਗੇਂਦਬਾਜ਼ੀ ਕਰਨ ਆਏ ਤਾਂ ਸ਼ਸ਼ਾਂਕ ਸਿੰਘ ਨੇ ਉਸ ਓਵਰ ਵਿੱਚ ਪੰਜ ਚੌਕੇ ਮਾਰੇ। ਸਿਰਾਜ ਦੇ ਇਸ ਓਵਰ ਤੋਂ ਕੁੱਲ 23 ਦੌੜਾਂ ਆਈਆਂ, ਜਿਸ ਵਿੱਚ ਇੱਕ ਡਬਲ ਅਤੇ ਇੱਕ ਵਾਈਡ ਸ਼ਾਮਲ ਸੀ।
ਮੈਚ ਦੀ ਗੱਲ ਕਰੀਏ ਤਾਂ ਪੰਜਾਬ ਕਿੰਗਜ਼ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ ਕਪਤਾਨ ਸ਼੍ਰੇਅਸ ਅਈਅਰ (42 ਗੇਂਦਾਂ ‘ਤੇ ਨਾਬਾਦ 97) ਅਤੇ ਸ਼ਸ਼ਾਂਕ ਸਿੰਘ (16 ਗੇਂਦਾਂ ‘ਤੇ ਨਾਬਾਦ 44) ਦੀਆਂ ਸ਼ਾਨਦਾਰ ਪਾਰੀਆਂ ਦੇ ਆਧਾਰ ‘ਤੇ ਸਕੋਰਬੋਰਡ ‘ਤੇ 243/5 ਦਾ ਵੱਡਾ ਸਕੋਰ ਖੜ੍ਹਾ ਕੀਤਾ। ਜਵਾਬ ਵਿੱਚ, ਗੁਜਰਾਤ ਟਾਈਟਨਜ਼ ਆਖਰੀ ਓਵਰ ਤੱਕ ਲੜਿਆ। ਪਰ 243 ਦੌੜਾਂ ਦੇ ਜਵਾਬ ਵਿੱਚ ਉਨ੍ਹਾਂ ਦੀ ਪਾਰੀ 232 ਦੌੜਾਂ ‘ਤੇ ਹੀ ਖਤਮ ਹੋ ਗਈ। ਪੰਜਾਬ ਨੇ ਇਹ ਮੈਚ 11 ਦੌੜਾਂ ਨਾਲ ਜਿੱਤ ਲਿਆ। ਮੁਹੰਮਦ ਸਿਰਾਜ (Mohammed Siraj) ਇਸ ਮੈਚ ਨੂੰ ਇੱਕ ਬੁਰੇ ਸੁਪਨੇ ਵਾਂਗ ਭੁੱਲਣਾ ਚਾਹੇਗਾ।
