ਕੀ ਰਾਤ ਨੂੰ ਸੌਂਦੇ ਸਮੇਂ WiFi ਚਾਲੂ ਰੱਖਣਾ ਚਾਹੀਦਾ ਹੈ ਜਾਂ ਬੰਦ? ਜਾਣੋ ਕਿੰਨੀ ਹੁੰਦੀ ਹੈ ਬਿਜਲੀ ਦੀ ਬੱਚਤ
ਜੇਕਰ ਤੁਹਾਨੂੰ ਦੇਰ ਤੱਕ ਜਾਗਣ ਅਤੇ ਘੰਟਿਆਂਬੱਧੀ ਆਪਣੇ ਡਿਵਾਈਸ ‘ਤੇ ਸਕ੍ਰੌਲ ਕਰਨ ਦੀ ਆਦਤ ਹੈ, ਤਾਂ ਸੰਭਾਵਨਾ ਹੈ ਕਿ ਤੁਸੀਂ ਆਪਣਾ ਵਾਈ-ਫਾਈ ਸਾਰੀ ਰਾਤ ਚਾਲੂ ਰੱਖਦੇ ਹੋਵੋਗੇ। ਇਸ ਦਾ ਤੁਹਾਡੇ ਬਿਜਲੀ ਬਿੱਲ ‘ਤੇ ਕੀ ਪ੍ਰਭਾਵ ਪੈਂਦਾ ਹੈ? ਕੀ ਤੁਸੀਂ ਕਦੇ ਸੋਚਿਆ ਹੈ? ਜ਼ਿਆਦਾਤਰ ਲੋਕਾਂ ਲਈ, ਆਪਣੇ ਵਾਈ-ਫਾਈ ਰਾਊਟਰ ਨੂੰ 24/7 ਚਾਲੂ ਰੱਖਣਾ ਸਭ ਤੋਂ ਵਧੀਆ ਵਿਕਲਪ ਹੈ। ਇਸ ਨਾਲ ਤੁਹਾਡੇ ਡਿਵਾਈਸ ਇੰਟਰਨੈੱਟ ਨਾਲ ਹਮੇਸ਼ਾ ਕਨੈਕਟ ਰਹਿੰਦੇ ਹਨ।
ਭਾਵੇਂ ਰਾਤ ਨੂੰ ਆਪਣੇ ਵਾਈ-ਫਾਈ ਰਾਊਟਰ ਨੂੰ ਬੰਦ ਕਰਨ ਨਾਲ ਥੋੜ੍ਹੀ ਜਿਹੀ ਬਿਜਲੀ ਦੀ ਬੱਚਤ ਹੋ ਸਕਦੀ ਹੈ, ਪਰ ਇਸ ਬੱਚਤ ਦੀ ਮਾਤਰਾ ਇੰਨੀ ਘੱਟ ਹੈ ਕਿ ਤੁਹਾਨੂੰ ਆਪਣੇ ਬਿਜਲੀ ਬਿੱਲ ਵਿੱਚ ਬਹੁਤਾ ਫ਼ਰਕ ਨਹੀਂ ਦਿਖਾਈ ਦੇਵੇਗਾ। ਲੋਕ ਆਮ ਤੌਰ ‘ਤੇ ਇਸ ਨੂੰ ਬੰਦ ਨਹੀਂ ਕਰਦੇ ਕਿਉਂਕਿ ਰਾਊਟਰ 24/7 ਚੱਲਣ ਲਈ ਤਿਆਰ ਕੀਤੇ ਗਏ ਹਨ ਅਤੇ ਵਾਰ-ਵਾਰ ਚਾਲੂ/ਬੰਦ ਕਰਨ ਨਾਲ ਉਹਨਾਂ ਦੀ ਉਮਰ ਘੱਟ ਸਕਦੀ ਹੈ।
ਇੱਕ Wi-Fi ਰਾਊਟਰ ਕਿੰਨੀ ਪਾਵਰ ਦੀ ਖਪਤ ਕਰਦਾ ਹੈ, ਆਓ ਜਾਣਦੇ ਹਾਂ
ਰਾਊਟਰ ਬਹੁਤ ਘੱਟ ਬਿਜਲੀ ਦੀ ਖਪਤ ਕਰਦੇ ਹਨ, ਆਮ ਤੌਰ ‘ਤੇ ਸਿਰਫ 5-20 ਵਾਟ ਤੱਕ। ਭਾਵੇਂ ਤੁਸੀਂ ਇਸ ਨੂੰ ਰਾਤ ਨੂੰ ਬੰਦ ਕਰ ਕੇ ਰੱਖੋ ਪਰ ਊਰਜਾ ਦੀ ਬੱਚਤ ਬਹੁਤ ਘੱਟ ਹੁੰਦੀ ਹੈ ਅਤੇ ਤੁਹਾਡੇ ਬਿਜਲੀ ਬਿੱਲ ‘ਤੇ ਕੋਈ ਖਾਸ ਪ੍ਰਭਾਵ ਪੈਣ ਦੀ ਸੰਭਾਵਨਾ ਨਹੀਂ ਹੁੰਦੀ।
ਹੁਣ ਸਵਾਲ ਇਹ ਆਉਂਦਾ ਹੈ ਕਿ ਕੀ ਤੁਹਾਨੂੰ ਰਾਤ ਨੂੰ ਆਪਣਾ ਵਾਈ-ਫਾਈ ਬੰਦ ਕਰ ਦੇਣਾ ਚਾਹੀਦਾ ਹੈ? ਇਹ ਇੱਕ ਆਮ ਸਵਾਲ ਹੈ ਅਤੇ ਬਹੁਤ ਸਾਰੇ ਲੋਕ ਬਿਜਲੀ ਬਚਾਉਣ ਲਈ ਇਸ ਦੀ ਵਰਤੋਂ ਕਰਦੇ ਹਨ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਇੰਟਰਨੈੱਟ ਸਰਵਿਸ ਪ੍ਰੋਵਾਈਡਰ (ISP) ਅਕਸਰ ਅਜਿਹਾ ਕਰਨ ਤੋਂ ਇਨਕਾਰ ਕਰਦੇ ਹਨ। ਇਹ ਇਸ ਲਈ ਹੈ ਕਿਉਂਕਿ ਰਾਊਟਰ ਆਮ ਤੌਰ ‘ਤੇ ਰਾਤ ਨੂੰ ਮਹੱਤਵਪੂਰਨ ਫਰਮਵੇਅਰ ਅਪਡੇਟਸ ਪ੍ਰਾਪਤ ਕਰਦੇ ਹਨ, ਜੋ ਉਹਨਾਂ ਦੀ ਸੁਰੱਖਿਆ ਅਤੇ ਪ੍ਰਫਾਰਮੈਂਸ ਨੂੰ ਵਧਾਉਂਦੇ ਹਨ। ਇਸ ਤੋਂ ਇਲਾਵਾ, ਰਾਊਟਰ ਨੂੰ ਨਿਯਮਿਤ ਤੌਰ ‘ਤੇ ਚਾਲੂ ਅਤੇ ਬੰਦ ਕਰਨ ਨਾਲ ਇਸ ਦੀ ਕੁੱਲ ਨੈੱਟਵਰਕ ਹੈਲਥ ਵਿੱਚ ਵਿਘਨ ਪੈਂਦਾ ਹੈ ਅਤੇ ਇਹ ਵੀ ਮੁਮਕਿਨ ਹੈ ਕਿ ਘਰ ਵਿੱਚ ਇੰਟਰਨੈੱਟ ਸਹੀ ਢੰਗ ਨਾਲ ਕੰਮ ਨਾ ਕਰੇ ਅਤੇ ਨੈੱਟਵਰਕ ਸੰਬੰਧੀ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ।
ਰੋਟੀ ਜਾਂ ਚੌਲ? ਕਿਸ ਨਾਲ ਤੇਜ਼ੀ ਨਾਲ ਘਟੇਗਾ ਭਾਰ
ਤੀਜੀ ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਥਰਮੋਸਟੈਟਸ, ਕੈਮਰੇ ਅਤੇ ਵੌਇਸ ਅਸਿਸਟੈਂਟ ਵਰਗੇ ਸਮਾਰਟ ਡਿਵਾਈਸ ਤੁਹਾਡੇ ਰਾਊਟਰ ਨਾਲ ਜੁੜੇ ਹੁੰਦੇ ਹਨ ਅਤੇ ਉਸ ‘ਤੇ ਨਿਰਭਰ ਕਰਦੇ ਹਨ। ਰਾਤ ਨੂੰ ਆਪਣਾ ਰਾਊਟਰ ਬੰਦ ਕਰਨ ਨਾਲ ਤੁਹਾਡੇ ਸਮਾਰਟ ਥਰਮੋਸਟੈਟ ਦਾ ਟਾਈਮ ਟੇਬਲ ਵਿਗੜ ਸਕਦਾ ਹੈ, ਸਕਿਓਰਿਟੀ ਜਾਂ ਡੋਰ ਬੈੱਲ ਕੈਮਰੇ ਬੇਕਾਰ ਹੋ ਸਕਦੇ ਹਨ, ਅਤੇ ਵੌਇਸ ਅਸਿਸਟੈਂਟ ਜਵਾਬ ਦੇਣਾ ਬੰਦ ਕਰ ਸਕਦੇ ਹਨ। ਇਸ ਲਈ, ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਕਦੇ ਵੀ ਆਪਣੇ ਵਾਈ-ਫਾਈ ਰਾਊਟਰ ਨੂੰ ਬੰਦ ਨਾ ਕਰੋ, ਭਾਵੇਂ ਦਿਨ ਹੋਵੇ ਜਾਂ ਰਾਤ।
