ਹੋਟਲ ‘ਚੋਂ ਮਿਲੀ TV ਐਕਟਰ ਦੀ ਲਾਸ਼, 2 ਦਿਨ ਤੱਕ ਕਮਰੇ ‘ਚੋਂ ਨਹੀਂ ਆਇਆ ਸੀ ਬਾਹਰ, ਬਦਬੂ ਆਉਣ ‘ਤੇ ਸਟਾਫ ਨੇ ਬੁਲਾਈ ਪੁਲਿਸ
Actor Dileep Shankar death: ਮਲਿਆਲਮ ਫਿਲਮ ਅਤੇ ਟੀਵੀ ਅਦਾਕਾਰ ਦਿਲੀਪ ਸ਼ੰਕਰ ਅੱਜ ਸਵੇਰੇ ਇੱਕ ਹੋਟਲ ਵਿੱਚ ਮ੍ਰਿਤਕ ਪਾਏ ਗਏ। ਉਹ ਤਿਰੂਵਨੰਤਪੁਰਮ ਵਿੱਚ ਓਨੇਰੋਜ਼ ਜੰਕਸ਼ਨ ਨੇੜੇ ਇੱਕ ਹੋਟਲ ਵਿੱਚ ਠਹਿਰੇ ਹੋਏ ਸੀ। ਉਨ੍ਹਾਂ ਦੀ ਮੌਤ ਨਾਲ ਮਲਿਆਲਮ ਟੀਵੀ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਹੈ। ਇੰਡਸਟਰੀ ਨਾਲ ਜੁੜੇ ਉਨ੍ਹਾਂ ਦੇ ਦੋਸਤ ਅਤੇ ਪ੍ਰਸ਼ੰਸਕ ਉਨ੍ਹਾਂ ਦੀ ਮੌਤ ਤੋਂ ਸਦਮੇ ‘ਚ ਹਨ। ਰਿਪੋਰਟ ਮੁਤਾਬਕ ਹੋਟਲ ਦੇ ਇਕ ਕਰਮਚਾਰੀ ਨੇ ਉਸ ਨੂੰ ਹੋਟਲ ਦੇ ਕਮਰੇ ‘ਚ ਮ੍ਰਿਤਕ ਦੇਖਿਆ ਅਤੇ ਤੁਰੰਤ ਪੁਲਸ ਨੂੰ ਬੁਲਾਇਆ। ਪੁਲਿਸ ਨੇ ਕਥਿਤ ਤੌਰ ‘ਤੇ ਸ਼ਿਕਾਇਤ ਦਰਜ ਕਰਵਾਈ ਹੈ। ਕਈ ਰਿਪੋਰਟਾਂ ਵਿੱਚ ਕਿਹਾ ਗਿਆ ਹੈ ਕਿ ਦਿਲੀਪ ਚਾਰ ਦਿਨ ਪਹਿਲਾਂ ‘ਪੰਚਾਗਨੀ’ ਨਾਮ ਦੇ ਟੀਵੀ ਸ਼ੋਅ ਦੀ ਸ਼ੂਟਿੰਗ ਲਈ ਤਿਰੂਵਨੰਤਪੁਰਮ ਦੇ ਇੱਕ ਹੋਟਲ ਵਿੱਚ ਰੁਕੇ ਸਨ।
ਦਿਲੀਪ ਸ਼ੰਕਰ ਏਰਨਾਕੁਲਮ ਵਿੱਚ ਰਹਿੰਦੇ ਹਨ। ਹੋਟਲ ਸਟਾਫ ਨੇ ਦੱਸਿਆ ਕਿ ਉਹ ਦੋ ਦਿਨਾਂ ਤੋਂ ਆਪਣੇ ਕਮਰੇ ਤੋਂ ਬਾਹਰ ਨਹੀਂ ਆਇਆ ਸੀ। ਐਤਵਾਰ ਸਵੇਰੇ ਕਮਰੇ ‘ਚੋਂ ਬਦਬੂ ਆਉਣ ਕਾਰਨ ਹੋਟਲ ਸਟਾਫ ਨੇ ਕਮਰੇ ‘ਚ ਜਾ ਕੇ ਉਸ ਨੂੰ ਮ੍ਰਿਤਕ ਪਾਇਆ। ਉਸ ਨੇ ਪੁਲਸ ਨੂੰ ਸੂਚਨਾ ਦਿੱਤੀ, ਜੋ ਤੁਰੰਤ ਮੌਕੇ ‘ਤੇ ਪਹੁੰਚੀ। ਤਿਰੂਵਨੰਤਪੁਰਮ ਛਾਉਣੀ ਦੇ ਏਸੀਪੀ ਨੇ ਨਿਊਜ਼9 ਲਾਈਵ ਨੂੰ ਦੱਸਿਆ ਕਿ ਫੋਰੈਂਸਿਕ ਟੀਮ ਨੇ ਕਮਰੇ ਦੀ ਜਾਂਚ ਕੀਤੀ ਹੈ ਅਤੇ ਪੋਸਟਮਾਰਟਮ ਤੋਂ ਬਾਅਦ ਹੋਰ ਜਾਣਕਾਰੀ ਦਿੱਤੀ ਜਾਵੇਗੀ।
ਪੁਲਿਸ ਮੁਤਾਬਕ ਕਿਸੇ ਵੀ ਤਰ੍ਹਾਂ ਦੀ ਗੜਬੜੀ ਦਾ ਪਤਾ ਨਹੀਂ ਲੱਗਾ ਹੈ। ਸ਼ੋਅ ‘ਚ ਦਿਲੀਪ ਨਾਲ ਕੰਮ ਕਰ ਰਹੇ ਨਿਰਦੇਸ਼ਕ ਮਨੋਜ ਨੇ ਮਨੋਰਮਾ ਨੂੰ ਦੱਸਿਆ ਕਿ ਸ਼ੂਟਿੰਗ ‘ਚ ਦੋ ਦਿਨ ਦਾ ਬ੍ਰੇਕ ਸੀ ਅਤੇ ਇਸ ਦੌਰਾਨ ਦਿਲੀਪ ਨੇ ਉਨ੍ਹਾਂ ਦੇ ਜਾਂ ਉਨ੍ਹਾਂ ਦੇ ਕਿਸੇ ਵੀ ਸਹਿ-ਅਦਾਕਾਰ ਦੀ ਕਾਲ ਦਾ ਜਵਾਬ ਨਹੀਂ ਦਿੱਤਾ। ਨਿਰਦੇਸ਼ਕ ਨੇ ਉਨ੍ਹਾਂ ਨੂੰ ਇਹ ਵੀ ਦੱਸਿਆ ਕਿ ਦਿਲੀਪ ਸਿਹਤ ਸੰਬੰਧੀ ਸਮੱਸਿਆਵਾਂ ਤੋਂ ਪੀੜਤ ਸਨ।
ਅਦਾਕਾਰਾ ਸੀਮਾਜੀ ਨਾਇਰ ਨੇ ਇੱਕ ਭਾਵੁਕ ਪੋਸਟ ਲਿਖੀ
ਦਿਲੀਪ ਸ਼ੰਕਰ ਦੀ ਮੌਤ ਦੀ ਸੂਚਨਾ ਮਿਲਣ ਤੋਂ ਬਾਅਦ ਅਭਿਨੇਤਰੀ ਸੀਮਾ ਜੀ ਨਾਇਰ ਨੇ ਫੇਸਬੁੱਕ ‘ਤੇ ਮਲਿਆਲਮ ‘ਚ ਇਕ ਭਾਵੁਕ ਪੋਸਟ ਲਿਖੀ, ਜਿਸ ਦਾ ਅਨੁਵਾਦ ਇਹ ਹੈ, ‘‘ਤੁਸੀਂ ਮੈਨੂੰ ਪੰਜ ਦਿਨ ਪਹਿਲਾਂ ਬੁਲਾਇਆ ਸੀ, ਪਰ ਮੈਂ ਉਸ ਦਿਨ ਸਿਰ ਦਰਦ ਹੋਣ ਕਾਰਨ ਗੱਲ ਨਹੀਂ ਕਰ ਸਕੀ। ਖ਼ਬਰਾਂ ਬਾਰੇ ਜਦੋਂ ਇੱਕ ਪੱਤਰਕਾਰ ਨੇ ਮੈਨੂੰ ਦੱਸਿਆ ਤਾਂ ਮੈਨੂੰ ਇਸ ਖ਼ਬਰ ਬਾਰੇ ਪਤਾ ਲੱਗਿਆ, ਰੱਬਾ, ਮੈਨੂੰ ਇਹ ਵੀ ਨਹੀਂ ਪਤਾ ਕਿ ਮੈਂ ਕੀ ਲਿਖਾਂ… ਤੁਹਾਨੂੰ ਮੇਰੀ ਸ਼ਰਧਾਂਜਲੀ।
ਰੂਮ ਹੀਟਰ ਲਗਾਉਣ ਤੋਂ ਪਹਿਲਾਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ!
ਦਿਲੀਪ ਸ਼ੰਕਰ ਕੌਣ ਸੀ?
ਦਿਲੀਪ ਮਲਿਆਲਮ ਫਿਲਮ ਅਤੇ ਟੀਵੀ ਜਗਤ ਵਿੱਚ ਇੱਕ ਜਾਣਿਆ ਪਛਾਣਿਆ ਚਿਹਰਾ ਸੀ। ਉਸਨੇ ‘ਅਮਰਿਆਤੇ’, ‘ਸੁੰਦਰੀ’ ਅਤੇ ‘ਪੰਚਾਗਨੀ’ ਵਰਗੇ ਹਿੱਟ ਟੀਵੀ ਸ਼ੋਅਜ਼ ਨਾਲ ਬਹੁਤ ਪ੍ਰਸਿੱਧੀ ਹਾਸਲ ਕੀਤੀ। ਉਹ 2011 ‘ਚ ‘ਚੱਪਾ ਕੁਰਿਸ਼’ ਅਤੇ 2013 ‘ਚ ‘ਨਾਰਥ 24’ ਵਰਗੀਆਂ ਫਿਲਮਾਂ ‘ਚ ਵੀ ਕੰਮ ਕਰ ਚੁਕਿਆ ਹੈ।
