Pakistan squad announced for South Africa tour, Babar returns, Shaheen Afridi rested – News18 ਪੰਜਾਬੀ
PAK vs SA Test: ਦੱਖਣੀ ਅਫਰੀਕਾ ਖਿਲਾਫ ਖੇਡੀ ਜਾਣ ਵਾਲੀ ਟੀ-20, ਵਨਡੇਅ ਅਤੇ ਟੈਸਟ ਸੀਰੀਜ਼ ਲਈ ਪਾਕਿਸਤਾਨ ਕ੍ਰਿਕਟ ਬੋਰਡ (PCB) ਨੇ ਟੀਮ ਦਾ ਐਲਾਨ ਕਰ ਦਿੱਤਾ ਹੈ। ਬਾਬਰ ਆਜ਼ਮ ਅਤੇ ਨਸੀਮ ਸ਼ਾਹ ਦੀ ਇੰਗਲੈਂਡ ਖਿਲਾਫ ਦੋ ਟੈਸਟ ਮੈਚਾਂ ਲਈ ਆਰਾਮ ਦੇਣ ਤੋਂ ਬਾਅਦ ਟੈਸਟ ਟੀਮ ‘ਚ ਵਾਪਸੀ ਹੋਈ ਹੈ। ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਸ਼ਾਹੀਨ ਅਫਰੀਦੀ ਅਤੇ ਸਪਿਨਰ ਸਾਜਿਦ ਖਾਨ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ। ਤੇਜ਼ ਗੇਂਦਬਾਜ਼ ਮੁਹੰਮਦ ਅੱਬਾਸ ਨੇ ਟੀਮ ‘ਚ ਵਾਪਸੀ ਕੀਤੀ ਹੈ।
ਤੁਹਾਨੂੰ ਦੱਸ ਦਈਏ ਕਿ ਪਾਕਿਸਤਾਨ ਦੀ ਟੀਮ ਦੱਖਣੀ ਅਫਰੀਕਾ ਦੇ ਖਿਲਾਫ ਸਾਰੇ ਫਾਰਮੈਟ ਦੀ ਸੀਰੀਜ਼ ਖੇਡੇਗੀ, ਜੋ 7 ਦਸੰਬਰ ਤੋਂ ਸ਼ੁਰੂ ਹੋਣ ਵਾਲੀ ਹੈ। ਬਾਬਰ ਆਜ਼ਮ ਅਤੇ ਮੁਹੰਮਦ ਰਿਜ਼ਵਾਨ ਨੇ ਤਿੰਨੋਂ ਟੀਮ ਵਿੱਚ ਜਗ੍ਹਾ ਬਣਾਈ ਹੈ। ਸ਼ਾਹੀਨ ਅਫਰੀਦੀ ਨੂੰ ਟੈਸਟ ਟੀਮ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਸੀ। ਅਫਰੀਦੀ ਨੂੰ ਕੰਮ ਦੇ ਬੋਝ ਨੂੰ ਸੰਭਾਲਣ ਅਤੇ ਚੈਂਪੀਅਨਸ ਟਰਾਫੀ ਲਈ ਤਾਜ਼ਾ ਰੱਖਣ ਲਈ ਆਰਾਮ ਦਿੱਤਾ ਗਿਆ ਹੈ।
ਇਸ ਦੇ ਨਾਲ ਹੀ ਸੈਮ ਅਯੂਬ ਅਤੇ ਸਲਮਾਨ ਅਲੀ ਆਗਾ ਨੂੰ ਤਿੰਨੋਂ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ, ਜਦਕਿ ਨਸੀਮ ਸ਼ਾਹ ਨੂੰ ਟੈਸਟ ਅਤੇ ਵਨਡੇ ਲਈ ਚੁਣਿਆ ਗਿਆ ਹੈ। ਖੁਰਰਮ ਸ਼ਹਿਜ਼ਾਦ ਅਤੇ ਮੁਹੰਮਦ ਅੱਬਾਸ ਨੂੰ ਪਹਿਲੀ ਸ਼੍ਰੇਣੀ ਕ੍ਰਿਕਟ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਦੌਲਤ ਟੈਸਟ ਟੀਮ ‘ਚ ਜਗ੍ਹਾ ਮਿਲੀ ਹੈ। ਪਾਕਿਸਤਾਨ ਟੈਸਟ ਸੀਰੀਜ਼ ‘ਚ ਇੰਗਲੈਂਡ ਖਿਲਾਫ ਟੀਮ ਦੀ ਜਿੱਤ ਦੇ ਅਸਲੀ ਹੀਰੋ ਰਹੇ ਸਾਜਿਦ ਖਾਨ ਨੂੰ ਪਾਕਿਸਤਾਨ ਨੇ ਬਾਹਰ ਕਰ ਦਿੱਤਾ ਸੀ। ਉਨ੍ਹਾਂ ਦੀ ਜਗ੍ਹਾ ਉਨ੍ਹਾਂ ਨੇ ਸਿਰਫ ਇਕ ਸਪਿਨਰ ਨੋਮਾਨ ਅਲੀ ਨੂੰ ਮੌਕਾ ਦਿੱਤਾ।
🚨 Pakistan squads announced for South Africa tour 🚨
🗓️ 3️⃣ T20Is, 3️⃣ ODIs and 2️⃣ Tests from 10 December to 7 January 🏏
Read more ➡️ https://t.co/7wp7q1U7Yb#SAvPAK pic.twitter.com/3PYbvFfSpz
— Pakistan Cricket (@TheRealPCB) December 4, 2024
WI vs PAK: ਦੱਖਣੀ ਅਫਰੀਕਾ ਦੌਰੇ ਲਈ ਪਾਕਿਸਤਾਨੀ ਟੀਮ
ਟੈਸਟ : ਸ਼ਾਨ ਮਸੂਦ (ਕਪਤਾਨ), ਸਾਊਦ ਸ਼ਕੀਲ (ਉਪ ਕਪਤਾਨ), ਆਮਿਰ ਜਮਾਲ, ਅਬਦੁੱਲਾ ਸ਼ਫੀਕ, ਬਾਬਰ ਆਜ਼ਮ, ਹਸੀਬੁੱਲਾ (ਵਿਕੇਟੀਆ), ਕਾਮਰਾਨ ਗੁਲਾਮ, ਖੁਰਰਮ ਸ਼ਹਿਜ਼ਾਦ, ਮੀਰ ਹਮਜ਼ਾ, ਮੁਹੰਮਦ ਅੱਬਾਸ, ਮੁਹੰਮਦ ਰਿਜ਼ਵਾਨ (ਵਿਕੇਟ), ਨਸੀਮ ਸ਼ਾਹ , ਨੋਮਾਨ ਅਲੀ, ਸਾਈਮ ਅਯੂਬ ਅਤੇ ਸਲਮਾਨ ਅਲੀ
ਵਨਡੇਅ: ਮੁਹੰਮਦ ਰਿਜ਼ਵਾਨ (ਕਪਤਾਨ ਅਤੇ ਵਿਕਟਕੀਪਰ), ਅਬਦੁੱਲਾ ਸ਼ਫੀਕ, ਅਬਰਾਰ ਅਹਿਮਦ, ਬਾਬਰ ਆਜ਼ਮ, ਹਰਿਸ ਰਊਫ, ਕਾਮਰਾਨ ਗੁਲਾਮ, ਮੁਹੰਮਦ ਹਸਨੈਨ, ਮੁਹੰਮਦ ਇਰਫਾਨ ਖਾਨ, ਨਸੀਮ ਸ਼ਾਹ, ਸੈਮ ਅਯੂਬ, ਸਲਮਾਨ ਅਲੀ ਆਗਾ, ਸ਼ਾਹੀਨ ਸ਼ਾਹ ਅਫਰੀਦੀ, ਸੂਫੀਆਨ ਮੋਕੀਮ, ਤੈਯਬ ਤਾਹਿਰ ਅਤੇ ਉਸਮਾਨ ਖਾਨ (ਵਿਕਟਕੀਪਰ)
T20I: ਮੁਹੰਮਦ ਰਿਜ਼ਵਾਨ (ਕਪਤਾਨ ਅਤੇ ਵਿਕਟਕੀਪਰ), ਅਬਰਾਰ ਅਹਿਮਦ, ਬਾਬਰ ਆਜ਼ਮ, ਹਰਿਸ ਰਊਫ, ਜਹਾਂਦਾਦ ਖਾਨ, ਮੁਹੰਮਦ ਅੱਬਾਸ ਅਫਰੀਦੀ, ਮੁਹੰਮਦ ਹਸਨੈਨ, ਮੁਹੰਮਦ ਇਰਫਾਨ ਖਾਨ, ਓਮੈਰ ਬਿਨ ਯੂਸਫ, ਸਈਮ ਅਯੂਬ, ਸਲਮਾਨ ਅਲੀ ਆਗਾ, ਸ਼ਾਹੀਨ ਸ਼ਾਹ ਅਫਰੀਦੀ, ਸੂਫਯਾਨ ਮੋਕਿਮ , ਤੈਯਬ ਤਾਹਿਰ ਅਤੇ ਉਸਮਾਨ ਖਾਨ (ਵਿਕਟਕੀਪਰ)
