ਟੀਮ ਇੰਡੀਆ ਦਾ ਅਗਲਾ ਮਿਸ਼ਨ ਇੰਗਲੈਂਡ ODI ਸੀਰੀਜ਼, ਕਿਸ ਨੂੰ ਮਿਲੇਗਾ ਮੌਕਾ ਅਤੇ ਕੌਣ ਹੋਵੇਗਾ ਬਾਹਰ, ਪੜ੍ਹੋ ਡਿਟੇਲ

ਆਸਟ੍ਰੇਲੀਆ ਖਿਲਾਫ ਟੈਸਟ ਸੀਰੀਜ਼ ਖਤਮ ਹੋਣ ਤੋਂ ਬਾਅਦ ਟੀਮ ਇੰਡੀਆ ਦਾ ਅਗਲਾ ਮਿਸ਼ਨ ਇੰਗਲੈਂਡ ਸੀਰੀਜ਼ ਹੈ। ਭਾਰਤੀ ਟੀਮ ਲਗਭਗ 10 ਸਾਲ ਬਾਅਦ ਬਾਰਡਰ ਗਾਵਸਕਰ ਟਰਾਫੀ ਹਾਰੀ ਹੈ ਅਤੇ ਹੁਣ ਜਲਦੀ ਹੀ ਪੂਰੀ ਟੀਮ ਘਰ ਵਾਪਸੀ ਕਰੇਗੀ। ਇਸ ਮਹੀਨੇ ਦੇ ਅੰਤ ‘ਚ ਭਾਰਤੀ ਟੀਮ ਇੰਗਲੈਂਡ ਦੇ ਖਿਲਾਫ ਪੰਜ ਟੀ-20 ਮੈਚਾਂ ਦੀ ਸੀਰੀਜ਼ ਅਤੇ ਇਸ ਤੋਂ ਬਾਅਦ ਤਿੰਨ ਵਨਡੇਅ ਮੈਚਾਂ ਦੀ ਸੀਰੀਜ਼ ਖੇਡਦੀ ਨਜ਼ਰ ਆਵੇਗੀ। ਇਸ ਦੇ ਲਈ ਭਾਰਤੀ ਟੀਮ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ। ਇਸ ਦੌਰਾਨ ਸਭ ਤੋਂ ਵੱਡਾ ਸਵਾਲ ਇਹ ਉੱਠ ਰਿਹਾ ਹੈ ਕਿ ਕੀ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਇੰਗਲੈਂਡ ਖਿਲਾਫ ਸੀਰੀਜ਼ ‘ਚ ਖੇਡਦੇ ਨਜ਼ਰ ਆਉਣਗੇ। ਹੁਣ ਇਸ ਬਾਰੇ ਕੁਝ ਅਪਡੇਟਸ ਸਾਹਮਣੇ ਆ ਰਹੇ ਹਨ।

ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਇੰਗਲੈਂਡ ਖਿਲਾਫ ਖੇਡ ਸਕਦੇ ਹਨ ਵਨਡੇਅ ਸੀਰੀਜ਼ 
ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਟੀ-20 ਅੰਤਰਰਾਸ਼ਟਰੀ ਤੋਂ ਸੰਨਿਆਸ ਲੈ ਚੁੱਕੇ ਹਨ, ਪਰ ਵਨਡੇਅ ਖੇਡ ਰਹੇ ਹਨ। ਅਜਿਹੇ ‘ਚ ਟੀ-20 ਸੀਰੀਜ਼ ਨੂੰ ਲੈ ਕੇ ਕੋਈ ਸਵਾਲ ਨਹੀਂ ਹੈ ਪਰ ਇਸ ਗੱਲ ‘ਤੇ ਸਸਪੈਂਸ ਹੈ ਕਿ ਉਹ ਵਨਡੇਅ ਮੈਚਾਂ ‘ਚ ਖੇਡਦੇ ਨਜ਼ਰ ਆਉਣਗੇ ਜਾਂ ਨਹੀਂ। ਹੁਣ ਖਬਰ ਆ ਰਹੀ ਹੈ ਕਿ ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਇੰਗਲੈਂਡ ਖਿਲਾਫ ਵਨਡੇਅ ਸੀਰੀਜ਼ ‘ਚ ਖੇਡਦੇ ਨਜ਼ਰ ਆਉਣਗੇ। ਇਸ ਦਾ ਸਭ ਤੋਂ ਵੱਡਾ ਕਾਰਨ ਚੈਂਪੀਅਨਜ਼ ਟਰਾਫੀ ਹੈ। ਚੈਂਪੀਅਨਸ ਟਰਾਫੀ ਭਾਰਤ ਬਨਾਮ ਇੰਗਲੈਂਡ ਵਨਡੇਅ ਸੀਰੀਜ਼ ਦੇ ਤੁਰੰਤ ਬਾਅਦ ਆਯੋਜਿਤ ਕੀਤੀ ਜਾਣੀ ਹੈ। ਚੈਂਪੀਅਨਸ ਟਰਾਫੀ ਵਨਡੇਅ ਫਾਰਮੈਟ ‘ਤੇ ਖੇਡੀ ਜਾਵੇਗੀ। ਰੋਹਿਤ ਸ਼ਰਮਾ ਅਤੇ ਵਿਰਾਟ ਕੋਹਲੀ ਯਕੀਨੀ ਤੌਰ ‘ਤੇ ਚੈਂਪੀਅਨਸ ਟਰਾਫੀ ਖੇਡਣਗੇ, ਪਰ ਇਸ ਤੋਂ ਪਹਿਲਾਂ ਉਨ੍ਹਾਂ ਨੂੰ ਇਕ ਜਾਂ ਦੋ ਹੋਰ ਮੈਚਾਂ ਦੀ ਜ਼ਰੂਰਤ ਹੋਵੇਗੀ ਤਾਂ ਕਿ ਉਹ ਆਪਣੀ ਤਿਆਰੀ ਅਤੇ ਫਿਟਨੈੱਸ ਨੂੰ ਪਰਖ ਸਕਣ। ਇਸ ਦੇ ਲਈ ਇੰਗਲੈਂਡ ਸੀਰੀਜ਼ ਕਾਫੀ ਅਹਿਮ ਹੋਣ ਵਾਲੀ ਹੈ।

ਚੈਂਪੀਅਨਸ ਟਰਾਫੀ ਤੋਂ ਪਹਿਲਾਂ ਭਾਰਤ ਕੋਲ ਸਿਰਫ ਤਿੰਨ ਵਨਡੇਅ ਮੈਚ 
ਭਾਰਤੀ ਟੀਮ ਨੇ ਪਿਛਲੇ ਸਾਲ ਯਾਨੀ 2024 ‘ਚ ਸਿਰਫ ਤਿੰਨ ਵਨਡੇਅ ਮੈਚ ਖੇਡੇ ਸਨ। ਜਿਸ ਵਿੱਚ ਉਸ ਨੂੰ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਪੂਰੇ ਸਾਲ ‘ਚ ਟੀਮ ਦੇ ਖਾਤੇ ‘ਚ ਸਿਰਫ ਤਿੰਨ ਵਨਡੇਅ ਆਏ ਅਤੇ ਇਸ ਤੋਂ ਬਾਅਦ ਹੁਣ ਟੀਮ ਦੁਬਾਰਾ ਵਨਡੇਅ ਖੇਡੇਗੀ। ਭਾਵ 50 ਓਵਰਾਂ ਦੇ ਮੈਚ ਲਈ ਭਾਰਤੀ ਟੀਮ ਦੀ ਤਿਆਰੀ ਪੂਰੀ ਨਹੀਂ ਹੈ। ਹਰ ਕਿਸੇ ਨੂੰ 12 ਜਨਵਰੀ ਤੱਕ ਚੈਂਪੀਅਨਸ ਟਰਾਫੀ ਲਈ ਆਪਣੀ ਟੀਮ ਦਾ ਐਲਾਨ ਕਰਨਾ ਹੋਵੇਗਾ। ਮੰਨਿਆ ਜਾ ਰਿਹਾ ਹੈ ਕਿ ਇੰਗਲੈਂਡ ਖਿਲਾਫ ਵਨਡੇਅ ਸੀਰੀਜ਼ ਅਤੇ ਚੈਂਪੀਅਨਸ ਟਰਾਫੀ ਲਈ ਲਗਭਗ ਇੱਕੋ ਜਿਹੀ ਟੀਮ ਹੋਵੇਗੀ। ਇੱਕ ਜਾਂ ਦੋ ਬਦਲਾਅ ਹੋ ਸਕਦੇ ਹਨ। ਭਾਵ ਅਗਲੇ ਕੁਝ ਦਿਨ ਬਹੁਤ ਅਹਿਮ ਹੋਣਗੇ। ਜੋ ਭਾਰਤੀ ਕ੍ਰਿਕਟ ਦੀ ਦਸ਼ਾ ਅਤੇ ਦਿਸ਼ਾ ਤੈਅ ਕਰਦੇ ਨਜ਼ਰ ਆਉਣਗੇ।