ਆਧਾਰ ‘ਚ ਕਿਹੜੇ ਬਦਲਾਅ ਕਰਨ ਲਈ ਤੁਹਾਨੂੰ ਜਾਣਾ ਪਵੇਗਾ ਆਧਾਰ ਕੇਂਦਰ, ਪੜ੍ਹੋ ਤੇ ਆਪਣੀ ਉਲਝਣ ਕਰੋ ਦੂਰ…
ਆਧਾਰ ਕਾਰਡ ਹਰ ਭਾਰਤੀ ਨਾਗਰਿਕ ਲਈ ਇੱਕ ਮਹੱਤਵਪੂਰਨ ਦਸਤਾਵੇਜ਼ ਹੈ। ਭਾਵੇਂ ਤੁਹਾਨੂੰ ਨਵਾਂ ਸਿਮ ਕਾਰਡ ਲੈਣ ਦੀ ਲੋੜ ਹੈ, ਬੈਂਕ ਖਾਤਾ ਖੋਲ੍ਹਣ ਦੀ ਲੋੜ ਹੈ ਜਾਂ ਲੋਨ ਲਈ ਅਪਲਾਈ ਕਰਨਾ ਹੈ, ਇਹ ਸਭ ਲਈ ਆਧਾਰ ਕਾਰਡ ਇੱਕ ਜ਼ਰੂਰੀ ਪਛਾਣ ਪੱਤਰ ਵਜੋਂ ਕੰਮ ਕਰਦਾ ਹੈ। ਹੋਰ ਤਾਂ ਹੋਰ, ਬਿਨਾਂ ਆਧਾਰ ਕਾਰਡ ਦੇ ਸਰਕਾਰੀ ਯੋਜਨਾਵਾਂ ਦਾ ਲਾਭ ਪ੍ਰਾਪਤ ਕਰਨ ਵਿੱਚ ਵੀ ਸਮੱਸਿਆ ਹੋ ਸਕਦੀ ਹੈ। ਇਸ ਕਾਰਡ, ਜੋ ਕਿ ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ਼ ਇੰਡੀਆ (UIDAI) ਦੁਆਰਾ ਜਾਰੀ ਕੀਤਾ ਜਾਂਦਾ ਹੈ, ਵਿੱਚ ਧਾਰਕ ਦਾ ਨਾਮ, ਜਨਮ ਮਿਤੀ ਅਤੇ ਪਤੇ ਵਰਗੀ ਜਾਣਕਾਰੀ ਹੁੰਦੀ ਹੈ। ਆਧਾਰ ਕਾਰਡ ਵਿੱਚ ਕਈ ਤਰ੍ਹਾਂ ਦੀ ਜਾਣਕਾਰੀ, ਜਿਵੇਂ ਕਿ ਪਤਾ ਤੇ ਫੋਨ ਨੰਬਰ ਬਦਲੇ ਵੀ ਜਾ ਸਕਦੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਤੁਸੀਂ ਘਰ ਬੈਠੇ ਆਧਾਰ ਵਿੱਚ ਕੁਝ ਅਪਡੇਟਸ ਔਨਲਾਈਨ ਕਰ ਸਕਦੇ ਹੋ, ਜਦੋਂ ਕਿ ਕੁਝ ਬਦਲਾਅ ਹਨ ਜਿਨ੍ਹਾਂ ਲਈ ਤੁਹਾਨੂੰ ਆਧਾਰ ਕੇਂਦਰ ਜਾਣਾ ਪਵੇਗਾ। ਹੁਣ ਸਵਾਲ ਇਹ ਹੈ ਕਿ ਤੁਹਾਨੂੰ ਕਿਵੇਂ ਪਤਾ ਲੱਗੇਗਾ ਕਿ ਆਧਾਰ ਵਿੱਚ ਕਿਹੜੇ ਅਪਡੇਟ ਲਈ ਤੁਹਾਨੂੰ ਕੇਂਦਰ ਜਾਣਾ ਪਵੇਗਾ ਅਤੇ ਤੁਸੀਂ ਕਿਹੜੇ ਬਦਲਾਅ ਔਨਲਾਈਨ ਕਰ ਸਕਦੇ ਹੋ। ਜੇਕਰ ਤੁਸੀਂ ਵੀ ਇਸ ਬਾਰੇ ਉਲਝਣ ਵਿੱਚ ਹੋ, ਤਾਂ ਅੱਜ ਅਸੀਂ ਤੁਹਾਨੂੰ ਇਸ ਬਾਰੇ ਦੱਸਾਂਗੇ…
**ਕਿਹੜੇ ਆਧਾਰ ਅੱਪਡੇਟ ਘਰ ਬੈਠੇ ਔਨਲਾਈਨ ਕੀਤੇ ਜਾ ਸਕਦੇ ਹਨ:**ਜੇਕਰ ਤੁਹਾਡੇ ਆਧਾਰ ਵਿੱਚ ਰਜਿਸਟਰਡ ਨਾਮ ਵਿੱਚ ਕੋਈ ਛੋਟੀ ਜਿਹੀ ਸਪੈਲਿੰਗ ਗਲਤੀ ਹੈ, ਤਾਂ ਤੁਸੀਂ ਇਸ ਨੂੰ ਔਨਲਾਈਨ ਠੀਕ ਕਰਵਾ ਸਕਦੇ ਹੋ। ਇਸੇ ਤਰ੍ਹਾਂ, ਆਧਾਰ ਧਾਰਕ ਲਿੰਗ, ਪਤਾ, ਮੋਬਾਈਲ ਨੰਬਰ ਅਤੇ ਈਮੇਲ ਆਈਡੀ ਨੂੰ ਔਨਲਾਈਨ ਅਪਡੇਟ ਕਰ ਸਕਦੇ ਹਨ।
ਕਿਹੜੇ ਅੱਪਡੇਟ ਸਿਰਫ਼ ਆਧਾਰ ਸੇਵਾ ਕੇਂਦਰ ‘ਤੇ ਹੀ ਕੀਤੇ ਜਾਣਗੇ: ਜੇਕਰ ਤੁਹਾਡੇ ਨਾਮ ਜਾਂ ਉਪਨਾਮ ਵਿੱਚ ਕੋਈ ਵੱਡਾ ਬਦਲਾਅ ਆਉਂਦਾ ਹੈ, ਤਾਂ ਤੁਹਾਨੂੰ ਆਧਾਰ ਸੇਵਾ ਕੇਂਦਰ ਜਾਣਾ ਪਵੇਗਾ। ਇੰਨਾ ਹੀ ਨਹੀਂ, ਜਨਮ ਮਿਤੀ ਨੂੰ ਔਫਲਾਈਨ ਠੀਕ ਕੀਤਾ ਜਾ ਸਕਦਾ ਹੈ, ਪਰ ਯਾਦ ਰੱਖੋ ਕਿ UIDAI ਆਧਾਰ ‘ਤੇ ਜਨਮ ਮਿਤੀ ਨੂੰ ਸਿਰਫ਼ ਇੱਕ ਵਾਰ ਬਦਲਣ ਦੀ ਆਗਿਆ ਦਿੰਦਾ ਹੈ। ਇਸ ਤੋਂ ਇਲਾਵਾ, ਫੋਟੋ ਅਪਡੇਟ ਅਤੇ ਬਾਇਓਮੈਟ੍ਰਿਕ ਅਪਡੇਟ ਵੀ ਸਿਰਫ਼ ਆਧਾਰ ਸੇਵਾ ਕੇਂਦਰ ਤੋਂ ਹੀ ਕੀਤਾ ਜਾ ਸਕਦਾ ਹੈ। ਹੁਣ ਸਵਾਲ ਇਹ ਆਉਂਦਾ ਹੈ ਕਿ ਆਧਾਰ ਨੂੰ ਅੱਪਡੇਟ ਕਰਨ ਵਿੱਚ ਕਿੰਨਾ ਸਮਾਂ ਲੱਗਦਾ ਹੈ? ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੁਸੀਂ ਔਨਲਾਈਨ ਅੱਪਡੇਟ ਕੀਤਾ ਹੈ, ਤਾਂ ਤੁਹਾਡਾ ਆਧਾਰ 5 ਤੋਂ 7 ਦਿਨਾਂ ਦੇ ਅੰਦਰ ਠੀਕ ਹੋ ਜਾਵੇਗਾ, ਜਦੋਂ ਕਿ ਔਫਲਾਈਨ ਅੱਪਡੇਟ ਵਿੱਚ 10 ਤੋਂ 15 ਦਿਨ ਲੱਗਦੇ ਹਨ।
