ਨਵੇਂ ਮਹੀਨੇ ਦੀ ਸ਼ੁਰੂਆਤ ਦੇ ਨਾਲ ਹੀ ਲੈਣ-ਦੇਣ ਨਾਲ ਜੁੜੇ ਕਈ ਮਹੱਤਵਪੂਰਨ ਨਿਯਮ ਬਦਲ ਜਾਂਦੇ ਹਨ, ਜੋ ਤੁਹਾਡੀ ਜੇਬ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ। ਇਨ੍ਹਾਂ ਵਿਚ ਐਲਪੀਜੀ ਸਿਲੰਡਰ ਦੀ ਕੀਮਤ, ਡੀਮੈਟ ਅਕਾਊਂਟ ਨਾਮੀਨੇਸ਼ਨ, ਫਿਕਸਡ ਡਿਪਾਜ਼ਿਟ (ਐਫਡੀ) ਵਿਆਜ ਦਰਾਂ, ਯੂਪੀਆਈ ਭੁਗਤਾਨ, ਟੈਕਸ ਨਿਯਮ ਅਤੇ ਜੀਐਸਟੀ ਪੋਰਟਲ ਦੀ ਸੁਰੱਖਿਆ ਨਾਲ ਸਬੰਧਤ ਨਿਯਮ ਸ਼ਾਮਲ ਹਨ। ਅਜਿਹੀ ਸਥਿਤੀ ਵਿੱਚ ਇਹ ਜ਼ਰੂਰੀ ਹੈ ਕਿ ਤੁਸੀਂ ਇਨ੍ਹਾਂ ਨਿਯਮਾਂ ਬਾਰੇ ਪਹਿਲਾਂ ਤੋਂ ਜਾਣੂ ਹੋਵੋ ਅਤੇ ਉਸ ਅਨੁਸਾਰ ਆਪਣੀ ਵਿੱਤੀ ਯੋਜਨਾ ਨੂੰ ਅਨੁਕੂਲ ਬਣਾਓ।
ਭਾਰਤੀ ਪ੍ਰਤੀਭੂਤੀਆਂ (Indian Securities) ਅਤੇ ਐਕਸਚੇਂਜ ਬੋਰਡ (ਸੇਬੀ) ਨੇ ਡੀਮੈਟ ਅਤੇ ਮਿਉਚੁਅਲ ਫੰਡ ਖਾਤਿਆਂ ਦੀ ਨਾਮੀਨੇਸ਼ਨ ਪ੍ਰਕਿਰਿਆ ਵਿਚ ਬਦਲਾਅ ਕੀਤੇ ਹਨ। ਹੁਣ ਨਿਵੇਸ਼ਕ 10 ਤੱਕ ਨਾਮਜ਼ਦ ਵਿਅਕਤੀਆਂ (Nominee) ਨੂੰ ਸ਼ਾਮਲ ਕਰ ਸਕਦੇ ਹਨ। ਇਹ ਨਿਯਮ ਅੱਜ ਯਾਨੀ 1 ਮਾਰਚ ਤੋਂ ਲਾਗੂ ਹੋ ਗਿਆ ਹੈ। ਸਿੰਗਲ ਖਾਤਾ ਧਾਰਕਾਂ ਲਈ ਨਾਮਜ਼ਦ (Nominee) ਸ਼ਾਮਲ ਕਰਨਾ ਲਾਜ਼ਮੀ ਹੋਵੇਗਾ, ਜਿਸ ਨਾਲ ਭਵਿੱਖ ਵਿਚ ਪੈਸਿਆਂ ਦਾ ਦਾਅਵਾ ਕਰਨਾ ਆਸਾਨ ਹੋ ਜਾਵੇਗਾ। ਨਾਮਜ਼ਦ ਵਿਅਕਤੀ ਲਈ ਪੈਨ, ਆਧਾਰ (ਆਖਰੀ ਚਾਰ ਅੰਕ) ਜਾਂ ਡਰਾਈਵਿੰਗ ਲਾਇਸੈਂਸ ਨੰਬਰ ਦੇਣਾ ਜ਼ਰੂਰੀ ਹੋਵੇਗਾ। ਇੱਕ ਸੰਯੁਕਤ ਖਾਤੇ ਵਿੱਚ ਜੇਕਰ ਇੱਕ ਖਾਤਾ ਧਾਰਕ ਦੀ ਮੌਤ ਹੋ ਜਾਂਦੀ ਹੈ, ਤਾਂ ਪੈਸੇ ਆਪਣੇ ਆਪ ਦੂਜੇ ਖਾਤਾ ਧਾਰਕ ਨੂੰ ਟ੍ਰਾਂਸਫਰ ਕਰ ਦਿੱਤੀ ਜਾਵੇਗੀ।
ਵਪਾਰਕ ਰਸੋਈ ਗੈਸ ਸਿਲੰਡਰ ਮਹਿੰਗਾ
ਹਰ ਮਹੀਨੇ ਦੀ ਸ਼ੁਰੂਆਤ ਵਿਚ ਤੇਲ ਕੰਪਨੀਆਂ LPG ਸਿਲੰਡਰ ਦੀਆਂ ਕੀਮਤਾਂ ਨੂੰ ਅਪਡੇਟ ਕਰਦੀਆਂ ਹਨ। ਸਰਕਾਰ ਨੇ 1 ਮਾਰਚ ਤੋਂ 19 ਕਿੱਲੋ ਦੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀ ਕੀਮਤ 6 ਰੁਪਏ ਵਧਾ ਦਿੱਤੀ ਹੈ। ਇਸ ਵਾਧੇ ਤੋਂ ਬਾਅਦ ਦਿੱਲੀ ਵਿਚ ਵਪਾਰਕ ਸਿਲੰਡਰ ਦੀ ਕੀਮਤ 1,803 ਰੁਪਏ, ਕੋਲਕਾਤਾ ਵਿਚ 1,913 ਰੁਪਏ ਅਤੇ ਮੁੰਬਈ ਵਿਚ 1,755.50 ਰੁਪਏ ਹੋ ਗਈ ਹੈ। ਹਾਲਾਂਕਿ ਘਰੇਲੂ ਗੈਸ ਸਿਲੰਡਰ ਦੀਆਂ ਕੀਮਤਾਂ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
UPI ਭੁਗਤਾਨ ਦੇ ਨਵੇਂ ਨਿਯਮ ਲਾਗੂ
UPI ਰਾਹੀਂ ਬੀਮਾ ਪ੍ਰੀਮੀਅਮ ਦਾ ਭੁਗਤਾਨ ਕਰਨ ਦਾ ਨਵਾਂ ਨਿਯਮ ਮਾਰਚ ਤੋਂ ਲਾਗੂ ਹੋ ਗਿਆ ਹੈ। ਬੀਮਾ-ASBA ਸਹੂਲਤ ਦੇ ਤਹਿਤ, ਪਾਲਿਸੀਧਾਰਕ ਆਪਣੇ ਬੈਂਕ ਖਾਤੇ ਵਿਚ ਬੀਮਾ ਪ੍ਰੀਮੀਅਮ ਦੀ ਰਕਮ ਨੂੰ ਰੋਕ ਸਕਦੇ ਹਨ। ਜੇਕਰ ਬੀਮਾ ਕੰਪਨੀ ਪ੍ਰਸਤਾਵ ਨੂੰ ਸਵੀਕਾਰ ਕਰਦੀ ਹੈ, ਤਾਂ ਰਕਮ ਆਪਣੇ ਆਪ ਕੱਟ ਜਾਵੇਗੀ। ਜੇਕਰ ਪੇਸ਼ਕਸ਼ ਨੂੰ ਅਸਵੀਕਾਰ ਕੀਤਾ ਜਾਂਦਾ ਹੈ, ਤਾਂ ਇਸ ਰਕਮ ਨੂੰ ਖਾਤੇ ਵਿੱਚ ਦੁਬਾਰਾ ਅਨਬਲੌਕ ਕਰ ਦਿੱਤਾ ਜਾਵੇਗਾ। ਇਹ ਬਦਲਾਅ UPI ਭੁਗਤਾਨ ਨੂੰ ਹੋਰ ਸੁਰੱਖਿਅਤ ਬਣਾਉਣ ਲਈ ਕੀਤਾ ਗਿਆ ਹੈ।
ਜੀਐਸਟੀ ਪੋਰਟਲ ਦੀ ਸੁਰੱਖਿਆ ਨੂੰ ਮਜ਼ਬੂਤ ਕੀਤਾ ਜਾਵੇਗਾ
ਵਪਾਰੀਆਂ ਲਈ ਜੀਐਸਟੀ ਪੋਰਟਲ ਨੂੰ ਹੋਰ ਸੁਰੱਖਿਅਤ ਬਣਾਇਆ ਜਾ ਰਿਹਾ ਹੈ। ਹੁਣ ਮਲਟੀ-ਫੈਕਟਰ ਪ੍ਰਮਾਣੀਕਰਨ (MFA) ਲਾਜ਼ਮੀ ਹੋਵੇਗਾ। ਕਾਰੋਬਾਰੀ ਮਾਲਕਾਂ ਨੂੰ ਆਪਣੇ IT ਸਿਸਟਮ ਨੂੰ ਅੱਪਡੇਟ ਕਰਨ ਦੀ ਲੋੜ ਹੋਵੇਗੀ। ਇਸ ਨਾਲ GST ਪੋਰਟਲ ਉਤੇ ਆਨਲਾਈਨ ਲੈਣ-ਦੇਣ ਪਹਿਲਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ ਹੋ ਜਾਵੇਗਾ।
ਬੈਂਕ 14 ਦਿਨਾਂ ਲਈ ਬੰਦ ਰਹਿਣਗੇ
ਤਿਉਹਾਰਾਂ ਅਤੇ ਵੀਕੈਂਡ ਕਾਰਨ ਇਸ ਮਹੀਨੇ ਬੈਂਕ 14 ਦਿਨ ਬੰਦ ਰਹਿਣਗੇ। ਇਸ ਮਹੀਨੇ 5 ਐਤਵਾਰ ਅਤੇ 2 ਸ਼ਨੀਵਾਰ ਛੁੱਟੀਆਂ ਹੋਣਗੀਆਂ। ਹੋਲੀ ਕਾਰਨ ਬੈਂਕ 2 ਦਿਨ ਬੰਦ ਰਹਿਣਗੇ। ਹੋਰ ਸਥਾਨਕ ਤਿਉਹਾਰਾਂ ਅਤੇ ਸਰਕਾਰੀ ਛੁੱਟੀਆਂ ਕਾਰਨ ਬੈਂਕਾਂ ਵਿੱਚ ਕੰਮਕਾਜ ਵੀ ਪ੍ਰਭਾਵਿਤ ਹੋਵੇਗਾ। ਇਸ ਲਈ ਜੇਕਰ ਤੁਹਾਨੂੰ ਬੈਂਕਿੰਗ ਨਾਲ ਜੁੜੇ ਜ਼ਰੂਰੀ ਕੰਮ ਲਈ ਬ੍ਰਾਂਚ ‘ਚ ਜਾਣਾ ਹੈ ਤਾਂ ਪਹਿਲਾਂ ਛੁੱਟੀਆਂ ਦੀ ਲਿਸਟ ਦੇਖੋ।
ਟੈਕਸ ਨਿਯਮਾਂ ਵਿੱਚ ਬਦਲਾਅ
ਟੈਕਸ ਸਲੈਬ ਅਤੇ ਟੀਡੀਐਸ ਦੀ ਨਵੀਂ ਸੀਮਾ ਮਾਰਚ 2025 ਤੋਂ ਲਾਗੂ ਹੋ ਸਕਦੀ ਹੈ। ਸਰਕਾਰ ਨੇ ਸੰਕੇਤ ਦਿੱਤਾ ਹੈ ਕਿ ਮੱਧ ਵਰਗ ਅਤੇ ਤਨਖਾਹ ਵਰਗ ਲਈ ਕੁਝ ਟੈਕਸ ਛੋਟ ਦਿੱਤੀ ਜਾ ਸਕਦੀ ਹੈ। ਟੈਕਸ ਸਲੈਬ ‘ਚ ਬਦਲਾਅ ਨਾਲ ਲੱਖਾਂ ਟੈਕਸਦਾਤਾਵਾਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਆਰਬੀਆਈ ਦੇ ਰੈਪੋ ਰੇਟ ਨੂੰ ਘਟਾਉਣ ਤੋਂ ਬਾਅਦ ਬੈਂਕ ਇਸ ਮਹੀਨੇ ਹੋਮ ਲੋਨ ਦੀਆਂ ਵਿਆਜ ਦਰਾਂ ਨੂੰ ਵੀ ਸੋਧ ਸਕਦੇ ਹਨ।
